Jeremías 16:15 - Li Santil hu

¹⁵ Teꞌxpatzꞌ ban li naꞌajej li cuan saꞌ li norte ut eb li naꞌajej li queꞌjeqꞌui̱c cuiꞌ ruheb nak teꞌxba̱nu li juramento saꞌ incꞌabaꞌ la̱in. Relic chi ya̱l la̱in tinqꞌueheb cuiꞌchic chi sukꞌi̱c saꞌ li naꞌajej li quinqꞌue reheb lix xeꞌto̱nil yucuaꞌ.

Q'eqchi Bible

¹⁵ te'xye b'an chik: «Loq'oninb'ilaq li Qaawa' li xk'amok re laj Israel sa' li tenamit wan chaq sa' xjayal releb'l iq' ut sa' chixjunileb' li na'ajej b'arwi' kixcha'cha'iheb'». Laa'in teb'ink'am chaq wi' chik sa' li ch'och' ink'ehom reheb' li xxe'toonil yuwa'eb'.

Jeremías 16:15 ပူးပေါင်းရင်းမြစ်များ

Jeremías 32:37

Relic chi ya̱l la̱in tinchꞌutubeb lin tenamit saꞌ chixjunil li naꞌajej li xinjeqꞌuiheb cuiꞌ nak yo̱ injoskꞌil saꞌ xbe̱neb. Quinjeqꞌuiheb xban nak kꞌaxal quinumta lin joskꞌil saꞌ xbe̱neb. La̱in tincꞌameb cuiꞌchic saꞌ li naꞌajej aꞌin ut tinqꞌueheb chi cua̱nc saꞌ tuktu̱quil usilal.

Jeremías 24:6

La̱in tin-ilok reheb ut tincꞌameb cuiꞌchic chak arin saꞌ lix naꞌajeb. Tintenkꞌaheb ut incꞌaꞌ tinsacheb. Tebinqꞌue cuiꞌchic saꞌ lix naꞌajeb ut incꞌaꞌ chic tincuisiheb.

Jeremías 3:18

Saꞌ eb li cutan aꞌan, eb laj Judá teꞌxjunaji ribeb riqꞌuineb laj Israel saꞌ li naꞌajej li cuan saꞌ li norte. Ut cuotz teꞌxic saꞌ li naꞌajej li quinqꞌue reheb le̱ xeꞌto̱nil yucuaꞌ.

Amós 9:14

Ut tincꞌameb cuiꞌchic lin tenamit Israel saꞌ lix naꞌajeb. Ut teꞌxyi̱b cuiꞌchic lix tenamiteb li qui-osoꞌ ut aran teꞌcua̱nk. Teꞌa̱uk cuiꞌchic uvas ut teꞌrucꞌ lix yaꞌal. Teꞌrau cuiꞌchic li racui̱mk ut teꞌxtzaca li ru li naxqꞌue.

Ezequiel 39:28

Ut eb lin tenamit teꞌxqꞌue retal nak la̱in li Ka̱cuaꞌ lix Dioseb. Teꞌxqꞌue retal xban nak la̱in quincanaban reheb chi cꞌamecꞌ chi pre̱xil saꞌ jalan tenamit. Abanan anakcuan tebinchꞌutub cuiꞌchic ruheb ut tebinqꞌue cuiꞌchic chi cua̱nc saꞌ lix tenamiteb. Ma̱ jun reheb ta̱cana̱k saꞌ li naꞌajej li cuanqueb cuiꞌ chi pre̱xil.

Ezequiel 36:24

La̱in texcuisi saꞌ li xni̱nkal tenamit li cuanquex cuiꞌ. Texcuisi saꞌ chixjunileb li tenamit ut texincꞌam cuiꞌchic saꞌ le̱ naꞌaj.

Salmos 106:47

At Ka̱cuaꞌ, at nimajcual Dios, choa̱col taxak. Ut choa̱cuisi taxak saꞌ xya̱nkeb li jalaneb xtenamit. Choa̱cꞌam taxak saꞌ li kanaꞌaj re nak naru tobantioxi̱nk cha̱cuu. Chikalokꞌoni taxak a̱cuu chi sa saꞌ kachꞌo̱l.

Jeremías 31:8

La̱in tincꞌameb chak lin tenamit saꞌ eb li naꞌajej li cuanqueb cuiꞌ saꞌ li norte. Tinchꞌutub ruheb chixjunileb yalak bar cua̱nkeb saꞌ ruchichꞌochꞌ. Eb li mutzꞌ ruheb ut eb li ye̱k rok teꞌcha̱lk rochbeneb, joꞌ eb ajcuiꞌ li yaj aj ixk ut li ac xeꞌqꞌuira. Kꞌaxal nabaleb li qꞌuila tenamit li teꞌcha̱lk.

Jeremías 30:10

Li Ka̱cuaꞌ quixye: —Mexxucuac la̱ex li ralal xcꞌajol laj Jacob laj cꞌanjel chicuu. Mexxucuac la̱ex aj Israel. La̱in tincolok e̱re saꞌ li najtil tenamit. La̱in tincolok reheb le̱ ralal e̱cꞌajol saꞌ li naꞌajej li queꞌcꞌameꞌ cuiꞌ. Eb li ralal xcꞌajol laj Jacob teꞌcua̱nk cuiꞌchic saꞌ tuktu̱quil usilal ut incꞌaꞌ chic teꞌxucuak.

Jeremías 30:3

Ta̱cuulak xkꞌehil nak la̱in tinqꞌueheb cuiꞌchic chi sukꞌi̱c saꞌ lix naꞌajeb lin tenamit li cuanqueb chi pre̱xil. Tinqꞌueheb chi sukꞌi̱c saꞌ li naꞌajej li quinqꞌue reheb lix xeꞌto̱nil yucuaꞌeb re nak teꞌcua̱nk aran, chan li Dios.

Isaías 14:1

Li Ka̱cuaꞌ ta̱ril xtokꞌoba̱l ruheb laj Israel, li ralal xcꞌajol laj Jacob. Tixsicꞌ cuiꞌchic ruheb ut tixcꞌameb cuiꞌchic saꞌ lix naꞌajeb. Ut eb li jalaneb xtenamiteb teꞌcha̱lk chi cua̱nc aran rochbeneb.

Jeremías 50:19

La̱in tinqꞌueheb cuiꞌchic laj Israel saꞌ lix naꞌajeb. Chanchanakeb li carner li nequeꞌichajib aran Carmelo ut Basán. Ut teꞌxtzaca ajcuiꞌ li ru li acui̱mk li na-el saꞌ lix naꞌajeb li ralal xcꞌajol laj Efraín ut Galaad toj retal ta̱cꞌojla̱k xchꞌo̱leb.

Jeremías 23:8

Teꞌxpatzꞌ ban li naꞌajej li cuan saꞌ li norte ut eb li naꞌajej li queꞌjeqꞌui̱c cuiꞌ ruheb nak teꞌxba̱nu li juramento saꞌ incꞌabaꞌ la̱in. Ut eb laj Israel teꞌcua̱nk cuiꞌchic saꞌ lix naꞌajeb, chan li Dios.

Jeremías 23:7

Li Ka̱cuaꞌ quixye: —Ta̱cuulak xkꞌehil nak eb laj Israel teꞌxba̱nu li juramento saꞌ incꞌabaꞌ la̱in li yoꞌyo̱quil Dios, abanan incꞌaꞌ chic teꞌxpatzꞌ li naꞌajej Egipto, li queꞌisi̱c cuiꞌ.

Jeremías 29:14

Nak tine̱sicꞌ tine̱tau. La̱in texinqꞌue chi sukꞌi̱c saꞌ le̱ naꞌaj. La̱in texinchꞌutub saꞌ chixjunileb li naꞌajej li xinjeqꞌui cuiꞌ e̱ru. Texcuisi chak saꞌ li naꞌajej li xexcꞌameꞌ cuiꞌ, chan li Ka̱cuaꞌ.

Joel 3:1

Nak ta̱cuulak xkꞌehil, la̱in tinqꞌue cuiꞌchic li cꞌaꞌru reheb laj Judá ut eb laj Jerusalén.

Génesis 28:15

La̱in junelic cua̱nkin a̱cuiqꞌuin. Yalak bar tatxic, la̱in tin-ilok a̱cue. Nak la̱at cua̱nkat chak saꞌ jalan chic naꞌajej, la̱in tatincꞌam cuiꞌchic chak saꞌ li chꞌochꞌ aꞌin. Incꞌaꞌ tatintzꞌekta̱na. Tinqꞌue a̱cue chixjunil li cꞌaꞌru xinyechiꞌi a̱cue, chan li Ka̱cuaꞌ Dios re laj Jacob.

Jeremías 12:15

Abanan nak ac xcuisiheb saꞌ lin naꞌaj, la̱in tincuil cuiꞌchic xtokꞌoba̱l ruheb. Tintaklaheb cuiꞌchic chi cua̱nc chi xjunju̱nkaleb saꞌ lix tenamiteb.

Jeremías 23:3

Ut la̱in tinchꞌutubeb cuiꞌchic ruheb lin tenamit li joꞌ qꞌuial xeꞌcoleꞌ saꞌ eb li naꞌajej li xinjeqꞌui cuiꞌ ruheb. Tebincꞌam cuiꞌchic saꞌ lix naꞌajeb ut ta̱cua̱nk ralal xcꞌajoleb ut teꞌqꞌuia̱nk cuiꞌchic.

Amós 9:15

La̱in tinqꞌueheb cuiꞌchic chi cua̱nc saꞌ li naꞌajej li quinqꞌue reheb junxil ut ma̱ ani chic ta̱isi̱nk reheb saꞌ lix naꞌajeb, chan li Ka̱cuaꞌ Dios.