Jeremías 16:13 - Li Santil hu

¹³ Joꞌcan nak li Dios texrisi saꞌ li naꞌajej aꞌin. Texqꞌue chi cꞌamecꞌ saꞌ jalan chic naꞌajej li incꞌaꞌ xenau chi moco le̱ xeꞌto̱nil yucuaꞌ queꞌxnau. Nak cua̱nkex aran, la̱ex texcꞌanjelak chiruheb li jalanil dios chi kꞌek chi cutan ut li Dios incꞌaꞌ ta̱ril xtokꞌoba̱l e̱ru.”

Q'eqchi Bible

¹³ Jo'kan naq texwisi sa' li na'ajej a'in ut texxik sa' jun tenamit li ink'a' eenawom ru chi moko rilomeb' leena' leeyuwa', ut aran texk'anjelaq chiruheb' li jalanil yos, xb'aan naq ink'a' chik nawil xtoq'ob'aal eeru».

Jeremías 16:13 ပူးပေါင်းရင်းမြစ်များ

Deuteronomio 28:36

Li Ka̱cuaꞌ texqꞌue chi cꞌamecꞌ la̱ex joꞌ ajcuiꞌ le̱ rey saꞌ jalan tenamit li incꞌaꞌ nequenau ru, chi moco le̱ xeꞌto̱nil yucuaꞌ queꞌxnau ru. Ut aran te̱lokꞌoni li jalanil dios li yi̱banbileb riqꞌuin cheꞌ ut riqꞌuin pec.

Jeremías 15:14

La̱in texinqꞌue chi cꞌanjelac chiruheb li xicꞌ nequeꞌiloc e̱re saꞌ jalan tenamit li incꞌaꞌ quenau. La̱in yo̱ injoskꞌil saꞌ e̱be̱n. Chanchan jun li xam li incꞌaꞌ ta̱chupk, chan li Dios.

Jeremías 17:4

Te̱sach le̱ naꞌaj li quinqꞌue e̱re xban li ma̱c li xeba̱nu. Texinqꞌue chi cꞌanjelac chiruheb li xicꞌ nequeꞌiloc e̱re saꞌ li naꞌajej li incꞌaꞌ nequenau xban nak xechikꞌ injoskꞌil. Anakcuan junelic yo̱k injoskꞌil saꞌ e̱be̱n, chan li Dios.

2 Crónicas 7:20

la̱in texcuisi saꞌ li chꞌochꞌ li xinqꞌue e̱re. Ut tintzꞌekta̱na li templo aꞌin li xinsantobresi chokꞌ re inlokꞌoninquil ut tinqꞌue chi hobecꞌ ut chi seꞌe̱c xbaneb chixjunileb li tenamit.

Jeremías 22:28

Laj Jeremías quixye: —Laj Jeconías chanchan jun li cuc jorol, li ma̱cꞌaꞌ na-oc cuiꞌ ut ma̱ ani na-ajoc re. Joꞌcan nak queꞌcꞌameꞌ aꞌan rochbeneb li ralal xcꞌajol saꞌ jalan naꞌajej li incꞌaꞌ queꞌxnau.

Jeremías 15:4

Chixjunileb li tenamit saꞌ ruchichꞌochꞌ ta̱sachk xchꞌo̱leb xban li cꞌaꞌru quixba̱nu aran Jerusalén laj Manasés li ralal laj Ezequías nak quicuan chokꞌ xreyeb laj Judá.

Jeremías 14:8

At Ka̱cuaꞌ, la̱at li kayoꞌon la̱o aj Israel. La̱at li nacatcoloc ke chiru li raylal. ¿Cꞌaꞌut nak chanchanat jun li jalan xtenamit? ¿Cꞌaꞌut nak chanchanat jun li yal numecꞌ yo̱?

Jeremías 6:15

¿Ma nequeꞌxuta̱na̱c ta biꞌ xban li ma̱usilal li nequeꞌxba̱nu? Incꞌaꞌ. Incꞌaꞌ nequeꞌxnau xuta̱nac. Joꞌcan nak la̱in tinqꞌueheb chixtojbal lix ma̱queb joꞌ nak quinqꞌueheb chixtojbal xma̱queb li jun chꞌol chic, chan li Ka̱cuaꞌ.

Jeremías 5:19

At Jeremías, nak eb li tenamit teꞌxpatzꞌ cꞌaꞌut nak la̱in li Ka̱cuaꞌ xinba̱nu chi joꞌcaꞌin, la̱at ta̱ye reheb chi joꞌcaꞌin, “Joꞌ nak la̱ex xetzꞌekta̱na li Ka̱cuaꞌ ut xelokꞌoniheb li jalanil dios saꞌ le̱ naꞌaj, joꞌcan ajcuiꞌ nak li Ka̱cuaꞌ texqꞌue chi cꞌanjelac chiruheb li jalaneb xtenamit saꞌ jun li naꞌajej li moco e̱re ta.”

Salmos 81:12

Joꞌcan nak quincanabeb xba̱nunquil li cꞌaꞌru queꞌraj eb aꞌan. Xban nak cauheb xchꞌo̱l, queꞌxba̱nu li cꞌaꞌru queꞌraj xjuneseb.

Deuteronomio 29:28

Xban nak quinumta xjoskꞌil li Ka̱cuaꞌ saꞌ xbe̱neb, joꞌcan nak li Ka̱cuaꞌ quirisiheb saꞌ li naꞌajej aꞌin. Xban xjoskꞌil quixtaklaheb saꞌ jalan naꞌajej li cuanqueb cuiꞌ toj chalen anakcuan,” chuꞌuxk reheb.

Jeremías 15:1

Tojoꞌnak li Ka̱cuaꞌ quixye cue: —Usta laj Moisés ut laj Samuel teꞌcha̱lk chi a̱tinac cuiqꞌuin chirix li tenamit aꞌin, abanan la̱in incꞌaꞌ tincuil xtokꞌoba̱l ruheb. Xicakeb. Isiheb chicuu.

Jeremías 22:26

Tatincanab chi cꞌamecꞌ a̱cuochben la̱ naꞌ saꞌ jalan tenamit li incꞌaꞌ catyoꞌla cuiꞌ ut aran tatca̱mk.

2 Reyes 25:21

Aran saꞌ li tenamit Ribla li rey quixtakla xcamsinquileb. Joꞌcaꞌin nak queꞌchapeꞌ ut queꞌisi̱c laj Judá saꞌ lix tenamiteb.

Jeremías 10:18

Li Ka̱cuaꞌ ta̱isi̱nk e̱re saꞌ li naꞌajej aꞌin. Tixtakla li raylal saꞌ e̱be̱n nak textakla saꞌ jalan tenamit. Texrahobtesi re nak te̱recꞌa li raylal.

Jeremías 16:5

Mat-oc saꞌ li cab li yo̱keb cuiꞌ chi yoꞌle̱nc camenak, chi moco chi rahocꞌ a̱chꞌo̱l chirixeb, chi moco chacꞌojobeb xchꞌo̱l xban nak la̱in li Ka̱cuaꞌ xcuisi li tuktu̱quil usilal saꞌ xya̱nkeb li tenamit aꞌin. Incꞌaꞌ chic tincuuxta̱na ruheb chi moco tincuil xtokꞌoba̱l ruheb.