Jeremías 16:11 - Li Santil hu

¹¹ Ut la̱at ta̱ye reheb, “Li Ka̱cuaꞌ tixba̱nu e̱re chi joꞌcan xban nak eb le̱ xeꞌto̱nil yucuaꞌ queꞌxcanab xlokꞌoninquil li Ka̱cuaꞌ ut queꞌxlokꞌoniheb li jalanil dios ut queꞌcꞌanjelac chiruheb. Queꞌxtzꞌekta̱na li Ka̱cuaꞌ ut incꞌaꞌ queꞌxba̱nu li cꞌaꞌru naxye saꞌ lix chakꞌrab.

Q'eqchi Bible

¹¹ Toja' naq taaye reheb': «Xb'aan naq kine'xtz'eqtaana eb' leena' leeyuwa' -chan li Qaawa'- ut koheb' xch'ool chirixeb' li jalanil yos; ke'xloq'oni ruheb' ut ke'k'anjelak chiruheb'. Kine'xtz'eqtaana laa'in ut ink'a' ke'xpaab' linchaq'rab' ink'ehom reheb'.

Jeremías 16:11 ပူးပေါင်းရင်းမြစ်များ

1 Pedro 4:3

Tzꞌakal taxak li ma̱c li xeba̱nu chak. Xeba̱nu joꞌ nequeꞌxba̱nu li incꞌaꞌ nequeꞌpa̱ban chiru li Dios. Junxil nasemsot le̱ chꞌo̱l riqꞌuin li joꞌ ma̱joꞌil naꞌleb. Xeba̱nu chak li cala̱c ut li ninkꞌei̱c. Xeba̱nu chak li numcuaꞌac num ucꞌac. Ut xeba̱nu ajcuiꞌ li tzꞌekbe̱talil aj naꞌleb. Xuta̱nal xeba̱nu chak junxil nak xenima chak ruheb li yi̱banbil dios.

Ezequiel 11:21

Abanan eb li nequeꞌxic xchꞌo̱l chixba̱nunquil li yibru naꞌleb re xlokꞌoninquil li jalanil dios, la̱in tinqꞌueheb chixtojbal lix ma̱queb. La̱in li Ka̱cuaꞌ ninyehoc re aꞌin.—

Jeremías 22:9

Ut teꞌchakꞌok li tenamit ut teꞌxye, “Quixsach ru xban nak queꞌxkꞌet li contrato li quixba̱nu li Dios riqꞌuineb, ut queꞌxlokꞌoni li yi̱banbil dios ut queꞌcꞌanjelac chiruheb,” chaꞌakeb.

Jeremías 8:2

Nequeꞌtꞌanaxin teꞌcana̱k saꞌ chꞌochꞌ chiru li sakꞌe ut li po joꞌ ajcuiꞌ chiru li chahim li queꞌxra ut queꞌxlokꞌoniheb. Teꞌcanaba̱k lix bakeleb chiruheb li queꞌxsicꞌ cuiꞌ xnaꞌlebeb. Ut ma̱ ani ta̱xocok reheb, chi moco teꞌmukekꞌ. Chanchanakeb chic li cꞌot tzꞌektzꞌo saꞌ chꞌochꞌ.

1 Reyes 9:9

Ut eb li jun chꞌol chic teꞌxye, “Joꞌcaꞌin xeꞌxcꞌul xban nak xeꞌxtzꞌekta̱na li Ka̱cuaꞌ Dios li qui-isin chak reheb lix xeꞌto̱nil xyucuaꞌeb aran Egipto. Ut xeꞌoc chixlokꞌoninquil li jalanil dios ut chi cꞌanjelac chiruheb. Joꞌcan nak li Ka̱cuaꞌ xqꞌue li raylal aꞌin saꞌ xbe̱neb,” chaꞌkeb.—

Jeremías 9:14

Queꞌxba̱nu ban li cꞌaꞌru nequeꞌraj eb aꞌan xban xcacuilal xchꞌo̱leb. Ut queꞌxlokꞌoniheb li yi̱banbil dios Baal joꞌ quicꞌuteꞌ chiruheb xban lix xeꞌto̱nil yucuaꞌeb.

Jeremías 2:8

Eb laj tij incꞌaꞌ queꞌxcꞌoxla insicꞌbal. Eb li nequeꞌxcꞌut li chakꞌrab chiruheb li tenamit incꞌaꞌ queꞌxqꞌue inlokꞌal. Eb li nequeꞌtaklan saꞌ xbe̱neb laj Israel queꞌxkꞌet li cua̱tin. Ut eb li profetas queꞌa̱tinac saꞌ xcꞌabaꞌ li yi̱banbil dios Baal, ut queꞌxlokꞌoniheb li jalanil dios li ma̱cꞌaꞌ nequeꞌoc cuiꞌ.

2 Crónicas 7:22

Cuanqueb li teꞌxye, “Xeꞌxcꞌul chi joꞌcan xban nak queꞌxtzꞌekta̱na li Dios li queꞌxlokꞌoni chak lix xeꞌto̱nil yucuaꞌeb. Li Dios, aꞌan li qui-isin chak reheb saꞌ li tenamit Egipto. Eb aꞌan queꞌxlokꞌoni li jalanil dios ut queꞌcꞌanjelac chiruheb. Joꞌcan nak li Dios xqꞌue li raylal aꞌin saꞌ xbe̱neb,” chaꞌkeb.—

Amós 2:4

Ut quixye cuiꞌchic li Ka̱cuaꞌ: —Nabal sut ac xincuy xma̱queb laj Judá. Anakcuan incꞌaꞌ chic tincuyeb xma̱c xban nak numtajenak cuiꞌchic li ma̱usilal yo̱queb chixba̱nunquil. Queꞌxtzꞌekta̱na lin chakꞌrab ut incꞌaꞌ nequeꞌxba̱nu li cꞌaꞌru ninye reheb. Queꞌxlokꞌoni li yi̱banbil dios joꞌ queꞌxba̱nu lix naꞌ xyucuaꞌeb.

Malaquías 3:7

Chalen nak toj cua̱nkeb chak le̱ naꞌ e̱yucuaꞌ, la̱ex quetzꞌekta̱na li chakꞌrab li quinqꞌue e̱re ut incꞌaꞌ queba̱nu li cꞌaꞌru quinye. Sukꞌinkex cuiqꞌuin ut la̱in texincꞌul cuiꞌchic chokꞌ cualal incꞌajol, chan li nimajcual Dios. Abanan la̱ex nequeye, “¿Cꞌaꞌru xopaltoꞌ cuiꞌ nak tosukꞌi̱k a̱cuiqꞌuin?” chanquex.

Jueces 2:11

Ut queꞌxba̱nu li incꞌaꞌ us chiru li Ka̱cuaꞌ. Queꞌoc chixlokꞌoninquileb li yi̱banbil dios Baal.

Jeremías 13:22

Ma̱re te̱ye saꞌ e̱chꞌo̱l, “¿Cꞌaꞌut nak yo̱co chixcꞌulbal li raylal aꞌin?” La̱ex yo̱quex chi rahobtesi̱c xban nak numtajenak le̱ ma̱c. E̱ma̱c ajcuiꞌ la̱ex nak yo̱ chi cꞌutecꞌ e̱xuta̱n.

Jeremías 44:3

Xinba̱nu chi joꞌcan reheb xban li ma̱usilal queꞌxba̱nu. Queꞌxqꞌue injoskꞌil nak queꞌxcꞌat xpomeb ut queꞌxlokꞌoni li jalanil dios li incꞌaꞌ xeꞌxnau ru eb aꞌan, chi moco la̱ex, chi moco le̱ naꞌ e̱yucuaꞌ.

Lamentaciones 5:7

Queꞌma̱cob li kaxeꞌto̱nil yucuaꞌ ut anakcuan camenakeb chic. Abanan la̱o yo̱co chixcꞌulbal li raylal xban li ma̱c queꞌxba̱nu eb aꞌan.