Jeremías 16:10 - Li Santil hu

¹⁰ Nak ta̱ye reheb li tenamit li cꞌaꞌru xinye, eb aꞌan teꞌxye a̱cue, “¿Cꞌaꞌut nak li Ka̱cuaꞌ tixqꞌue chak li nimla raylal aꞌin saꞌ kabe̱n? ¿Cꞌaꞌru li incꞌaꞌ us xkaba̱nu la̱o? ¿Ma cuan ta biꞌ kama̱c chiru li Ka̱cuaꞌ li kaDios?” chaꞌakeb.

Q'eqchi Bible

¹⁰ “Naq taaseeraq'i chixjunil a'in reheb' li tenamit, te'xpatz' aawe: «K'a'ut naq li Qaawa' xtaqla chaq sa' qab'een li nimla rahilal a'in? K'aru li ink'a' us xqab'aanu? K'aru xqamaakon chiru li Qaawa' li qaYos?».

Jeremías 16:10 ပူးပေါင်းရင်းမြစ်များ

Jeremías 5:19

At Jeremías, nak eb li tenamit teꞌxpatzꞌ cꞌaꞌut nak la̱in li Ka̱cuaꞌ xinba̱nu chi joꞌcaꞌin, la̱at ta̱ye reheb chi joꞌcaꞌin, “Joꞌ nak la̱ex xetzꞌekta̱na li Ka̱cuaꞌ ut xelokꞌoniheb li jalanil dios saꞌ le̱ naꞌaj, joꞌcan ajcuiꞌ nak li Ka̱cuaꞌ texqꞌue chi cꞌanjelac chiruheb li jalaneb xtenamit saꞌ jun li naꞌajej li moco e̱re ta.”

Jeremías 13:22

Ma̱re te̱ye saꞌ e̱chꞌo̱l, “¿Cꞌaꞌut nak yo̱co chixcꞌulbal li raylal aꞌin?” La̱ex yo̱quex chi rahobtesi̱c xban nak numtajenak le̱ ma̱c. E̱ma̱c ajcuiꞌ la̱ex nak yo̱ chi cꞌutecꞌ e̱xuta̱n.

Oseas 12:8

Eb li ralal xcꞌajol laj Efraín nequeꞌxye: —Chi ya̱l nak xobiomoꞌ. Xkatau kabiomal chokꞌ ke. Ma̱ ani ta̱yehok ke nak incꞌaꞌ us xkaba̱nu. Ma̱ ani ta̱yehok ke nak ma̱c xkaba̱nu riqꞌuin li kacꞌanjel, chanqueb.

Jeremías 2:35

Usta ac xeba̱nu chixjunil aꞌin, aban la̱ex nequeye nak ma̱cꞌaꞌ e̱ma̱c. “Moco yo̱ ta xjoskꞌil li Dios saꞌ kabe̱n”, chanquex. Xban nak nequeye chi joꞌcan, la̱in tinrakok a̱tin saꞌ e̱be̱n.

Jeremías 11:17

La̱in li nimajcual Dios. La̱in quinsicꞌoc ruheb ut la̱in ajcuiꞌ xinyehoc reheb nak teꞌxcꞌul li raylal aꞌin xban nak eb laj Judá ut eb laj Israel xeꞌxchikꞌ injoskꞌil riqꞌuin xcꞌatbal li pom chiru li yi̱banbil dios Baal, chan li Dios.

Jeremías 2:23

¿Cꞌaꞌut nak nequeye nak incꞌaꞌ xemux e̱rib? ¿Cꞌaꞌut nak nequeye nak incꞌaꞌ xelokꞌoniheb li jalanil dios? Qꞌuehomak retal cꞌaꞌru xeba̱nu saꞌ li ru takꞌa. Cꞌoxlahomak li ma̱usilal xeba̱nu. Chanchanex li camello li yo̱queb chi a̱linac yalak bar chixsicꞌbal lix sum.

Jeremías 9:11

Li Ka̱cuaꞌ quixye: —La̱in tinsach ru li tenamit Jerusalén. Jucꞌbil chic ta̱cana̱k chixjunil. Ta̱cana̱k chokꞌ xnaꞌajeb laj xoj. Chanchan chaki chꞌochꞌ teꞌcana̱k eb li tenamit li cuanqueb Judá. Ma̱ ani chic ta̱ru̱k ta̱cua̱nk saꞌ li naꞌajej aꞌan, chan li Ka̱cuaꞌ.

Jeremías 44:3

Xinba̱nu chi joꞌcan reheb xban li ma̱usilal queꞌxba̱nu. Queꞌxqꞌue injoskꞌil nak queꞌxcꞌat xpomeb ut queꞌxlokꞌoni li jalanil dios li incꞌaꞌ xeꞌxnau ru eb aꞌan, chi moco la̱ex, chi moco le̱ naꞌ e̱yucuaꞌ.