Jeremías 15:7 - Li Santil hu

⁷ La̱in tinjeqꞌui ruheb laj Judá saꞌ chixjunil li tenamit joꞌ nak nacꞌameꞌ li qꞌuim xban ikꞌ, ut tebincanab chi ma̱cꞌaꞌ chic ralal xcꞌajoleb, ut tinpoꞌ lix tenamit, abanan incꞌaꞌ ajcuiꞌ teꞌxcanab xba̱nunquil li ma̱usilal.

Q'eqchi Bible

⁷ Xinchiileheb' laawalal aak'ajol rik'in li rahilal naq xwisiheb' sa' li xna'ajeb'; maajun chik li ralal xk'ajol lintenamit xinkanab' sa' li xmuheb'aal: xinsacheb' ru xb'aan naq ink'a' xe'xkanab' li ink'a' usil b'e.

Jeremías 15:7 ပူးပေါင်းရင်းမြစ်များ

San Mateo 3:12

Ac cuan chak saꞌ rukꞌ lix cꞌanjeleba̱l. Ut ta̱rapu ru chi us li riyajil li trigo ut tixchꞌutub lix trigo saꞌ lix cꞌu̱leba̱l ut li rix tixcꞌat saꞌ li xam li ma̱ jaruj nachup, chan laj Juan.

Jeremías 51:2

La̱in tintaklaheb li jalan xtenamiteb chirisinquileb laj Babilonia saꞌ lix naꞌajeb. Teꞌisi̱k joꞌ nak na-isi̱c rix li trigo xban ikꞌ. Ut teꞌxcanab chi ma̱cꞌaꞌ chic cuan chi saꞌ lix tenamiteb xban nak yalak bar teꞌcha̱lk chak li ta̱sachok reheb.—

Jeremías 5:3

At Ka̱cuaꞌ, la̱at nacara li ti̱quilal. La̱at xaqꞌue li raylal saꞌ xbe̱neb, abanan incꞌaꞌ xyotꞌeꞌ xchꞌo̱leb. Xaqꞌueheb chixtojbal xma̱queb, abanan incꞌaꞌ xeꞌraj xcꞌulbal lix kꞌusbaleb. Xeꞌxcacuubresi ban xchꞌo̱leb joꞌ li pec ut incꞌaꞌ xeꞌraj xpatzꞌbal xcuybal xma̱queb.

Isaías 41:16

Te̱ra̱linaheb chi najt. Chanchan nak te̱cuteb saꞌ li ikꞌ ut teꞌcꞌamekꞌ ut telajeꞌjeqꞌui̱k yalak bar. Ut la̱ex ta̱sahokꞌ saꞌ e̱chꞌo̱l riqꞌuin li Ka̱cuaꞌ. Ta̱sahokꞌ saꞌ e̱chꞌo̱l riqꞌuin li Dios santo li nequelokꞌoni la̱ex aj Israel.

Isaías 9:13

Abanan li tenamit incꞌaꞌ queꞌxsicꞌ li Ka̱cuaꞌ li nimajcual Dios li yo̱ chi qꞌuehoc reheb saꞌ raylal chi moco queꞌsukꞌi riqꞌuin.

Jeremías 18:21

Anakcuan ta̱takla taxak li cueꞌej saꞌ xbe̱neb li ralal xcꞌajoleb. Cheꞌcamsi̱k ta riqꞌuin chꞌi̱chꞌ. Eb li ixakilbej cheꞌcana̱k chi ma̱cꞌaꞌak chic lix cocꞌaleb ut chi ma̱cꞌaꞌak chic lix be̱lomeb. Eb li be̱lomej cheꞌca̱mk ut eb li toj sa̱jeb cheꞌcamsi̱k saꞌ li ple̱t.

Salmos 1:4

Moco joꞌcaneb ta li incꞌaꞌ useb xnaꞌleb. Eb aꞌan chanchaneb lix mokoj ixim li nacꞌameꞌ xban ikꞌ.

Zacarías 1:4

Me̱ba̱nu joꞌ queꞌxba̱nu le̱ xeꞌto̱nil yucuaꞌ. Eb li profeta li queꞌcꞌanjelac chak junxil queꞌa̱tinac chak riqꞌuineb ut queꞌxye reheb, “Joꞌcaꞌin xye li Ka̱cuaꞌ Dios. Jalomak e̱cꞌaꞌux ut canabomak xba̱nunquil li ma̱usilal,” chanqueb. Abanan eb aꞌan incꞌaꞌ queꞌraj rabinquil li cꞌaꞌru quinye reheb, chan li Ka̱cuaꞌ.

Ezequiel 24:25

Ut li Ka̱cuaꞌ quixye cue: —At ralal cui̱nk, la̱in tinmakꞌ chiruheb lin templo li cꞌojcꞌo̱queb cuiꞌ xchꞌo̱leb ut nacuulac chiruheb rilbal. Tinmakꞌ chiruheb li templo li nequeꞌxcacuubresi cuiꞌ xchꞌo̱leb ut nasahoꞌ cuiꞌ xchꞌo̱leb. Kꞌaxal raro xbaneb. Ut tinmakꞌ chiruheb li ralal xcꞌajoleb.

Deuteronomio 28:41

Teꞌcua̱nk le̱ ralal e̱cꞌajol, abanan incꞌaꞌ teꞌcua̱nk e̱riqꞌuin xban nak teꞌchapekꞌ ut teꞌcꞌamekꞌ saꞌ jalan tenamit.

Ezequiel 24:21

Joꞌcaꞌin naxye li Ka̱cuaꞌ li nimajcual Dios e̱re la̱ex aj Israel: La̱in li Ka̱cuaꞌ tincanab chi muxecꞌ ru lin templo li kꞌaxal nequera, li cꞌojcꞌo cuiꞌ e̱chꞌo̱l ut nacuulac che̱ru rilbal. Ut eb le̱ ralal e̱cꞌajol li toj cuanqueb Jerusalén teꞌcamsi̱k saꞌ li ple̱t, chan li Ka̱cuaꞌ e̱re.

Jeremías 9:21

Li ca̱mc xchal saꞌ kabe̱n. Chanchan nak x-oc saꞌ li kaventana. Chanchan nak x-oc saꞌ eb li cab li cauresinbil chi us re takacol cuiꞌ kib. Queꞌcamsi̱c li cocꞌal saꞌ be ut queꞌcamsi̱c li cui̱nk li toj sa̱jeb saꞌ eb li cꞌayiba̱l.

Deuteronomio 28:32

Eb le̱ ralal e̱cꞌajol teꞌcꞌamekꞌ chokꞌ rahobtesinbil mo̱seb saꞌ jalan tenamit. Cuulaj cuulaj te̱siqꞌuiheb le̱ ralal e̱cꞌajol, abanan incꞌaꞌ chic te̱tauheb.

Deuteronomio 28:18

Incꞌaꞌ chic ta̱cua̱nk le̱ ralal e̱cꞌajol ut incꞌaꞌ chic ta̱e̱lk le̱ racui̱mk chi moco teꞌcua̱nk chic raleb le̱ queto̱mk.

Ezequiel 36:12

La̱in tincꞌameb cuiꞌchic laj Israel saꞌ lix naꞌajeb. Aꞌaneb li teꞌe̱chani̱nk re li chꞌochꞌ. Ut eb li ralal xcꞌajol junelic teꞌxtzaca ru li acui̱mk li ta̱e̱lk saꞌ li chꞌochꞌ aꞌin. Ut incꞌaꞌ chic teꞌca̱mk xban cueꞌej.

Isaías 9:12

Eb laj Siria queꞌchal saꞌ li este ut eb laj filisteo queꞌchal saꞌ li oeste chixsachbaleb laj Israel. Abanan incꞌaꞌ quinumeꞌ xjoskꞌil li Ka̱cuaꞌ. Toj tixqꞌue chixtojbal xma̱queb li tenamit.