Jeremías 15:6 - Li Santil hu

⁶ La̱ex xine̱canab, chan li Ka̱cuaꞌ. Ut junelic nequeba̱nu li incꞌaꞌ us. Joꞌcan nak la̱in texinqꞌue chixtojbal e̱ma̱c. Incꞌaꞌ chic tincuil xtokꞌoba̱l e̱ru.

Q'eqchi Bible

⁶ Laa'at xattz'eqtaanank we ut xkohat -chan li Qaawa'-. Jo'kan naq laa'in xintitz'k chi xkuyb'al laamaak: xintaqsi li wuq' sa' aab'een charahob'tesinkil ut xinsach aawu.

Jeremías 15:6 ပူးပေါင်းရင်းမြစ်များ

Jeremías 7:24

Abanan eb aꞌan incꞌaꞌ queꞌraj xba̱nunquil li cꞌaꞌru quinye. Queꞌxcacuubresi ban lix chꞌo̱leb. Queꞌxba̱nu li ma̱usilal li queꞌraj xba̱nunquil xjuneseb. Incꞌaꞌ queꞌabin chicuu. Kꞌaxal cuiꞌchic nabal li ma̱usilal queꞌxba̱nu.

Sofonías 1:4

Ut quixye ajcuiꞌ li Ka̱cuaꞌ: —Tinrakok a̱tin saꞌ xbe̱neb laj Judá joꞌqueb ajcuiꞌ li cuanqueb aran Jerusalén. Tinsacheb ru chi junaj cua laj Baal lix dioseb, joꞌqueb ajcuiꞌ chixjunileb laj tij li nequeꞌcꞌanjelac chiru ut chixjunileb li nequeꞌlokꞌonin re.

Zacarías 7:11

Le̱ xeꞌto̱nil yucuaꞌ incꞌaꞌ queꞌraj xba̱nunquil li cꞌaꞌru quinye reheb. Queꞌxkꞌetkꞌeti ban ribeb. Incꞌaꞌ queꞌraj rabinquil li cua̱tin.—

Oseas 11:7

Lin tenamit niquineꞌxtzꞌekta̱na. Junes kꞌetkꞌetil chic cuan saꞌ xchꞌo̱leb. Usta nequeꞌxye nak la̱in li kꞌaxal nim incuanquil, abanan ma̱ jun reheb naqꞌuehoc incuanquil.

Isaías 1:4

Ex tenamit, la̱ex aj ma̱c. Numtajenak le̱ ma̱usilal. La̱ex ralal xcꞌajolex li incꞌaꞌ useb xnaꞌleb. Kꞌaxal numtajenak le̱ joꞌ ma̱joꞌil naꞌleb. Xecanab inpa̱banquil. Xechikꞌ injoskꞌil la̱in li Dios Santo, le̱ Dios la̱ex aj Israel ut xine̱tzꞌekta̱na.

Oseas 13:14

¿Ma tebincol ta biꞌ chiru li ca̱mc saꞌ e̱chꞌo̱l? ¿Ma ta̱ru̱k ta biꞌ tebincol chiru xcuanquil li ca̱mc cui incꞌaꞌ nequeꞌraj eb aꞌan? Lix cuanquil li ca̱mc tenebanbil saꞌ xbe̱neb. La̱in tinqꞌuehok li ca̱mc saꞌ xbe̱neb. Incꞌaꞌ chic teꞌcuil xtokꞌoba̱l ruheb.

Ezequiel 25:7

Joꞌcan nak la̱in tintakla li raylal saꞌ e̱be̱n ut texincanab saꞌ rukꞌeb li xicꞌ nequeꞌiloc e̱re. Eb aꞌan teꞌxmakꞌ che̱ru li cꞌaꞌru e̱re. La̱in tinsach e̱cuanquil re nak incꞌaꞌ chic ta̱ru̱k texcua̱nk joꞌ tenamit. Ut riqꞌuin aꞌan la̱ex te̱qꞌue retal nak la̱in li Ka̱cuaꞌ Dios.

Jeremías 6:19

Abihomak la̱ex li cuanquex saꞌ ruchichꞌochꞌ. La̱in tinqꞌue li raylal saꞌ xbe̱neb lin tenamit xban li ma̱usilal queꞌxba̱nu. Incꞌaꞌ queꞌabin chicuu, ut queꞌxkꞌet li chakꞌrab quinqꞌue reheb.

Jeremías 6:11

Cꞌajoꞌ lin joskꞌil saꞌ xbe̱neb joꞌ la̱ joskꞌil la̱at, at Ka̱cuaꞌ. Incꞌaꞌ chic nincuy, chanquin re. Ut li Ka̱cuaꞌ quixye cue: —Isi la̱ joskꞌil saꞌ xbe̱neb li cocꞌal li cuanqueb saꞌ be ut saꞌ xbe̱neb li sa̱j al li nequeꞌxchꞌutub ribeb. Eb li be̱lomej teꞌcꞌamekꞌ chi pre̱xil rochbeneb li rixakil joꞌ eb ajcuiꞌ li ti̱xeb.

Jeremías 2:17

La̱in li Ka̱cuaꞌ le̱ Dios li quincꞌamoc chak be che̱ru. ¿Ma ma̱cuaꞌ ta biꞌ xban nak quine̱tzꞌekta̱na nak yo̱quex chixcꞌulbal li raylal aꞌin?

Jeremías 1:16

Aꞌan aꞌin li tojba ma̱c li tinqꞌue saꞌ xbe̱neb lin tenamit xban li ma̱usilal queꞌxba̱nu. Quineꞌxtzꞌekta̱na ut queꞌxcꞌat lix pomeb re xlokꞌoninquileb li jalanil dios ut queꞌxlokꞌoniheb li jalam u̱ch li queꞌxyi̱b riqꞌuin rukꞌeb.

Oseas 4:16

La̱ex laj Israel, kꞌaxal cau e̱chꞌo̱l. Chanchanex li joskꞌ aj cuacax. ¿Chan ta cuiꞌ ru nak texinberesi saꞌ cha̱bilal joꞌ nak naxberesi lix carner li cha̱bil pastor?

Ezequiel 14:9

Junak profeta li ta̱balakꞌi̱k tixye li moco ya̱l ta. Aꞌan xban nak la̱in xincanab chi balakꞌi̱c. Ut la̱in tincuisi saꞌ xya̱nkeb laj Israel.

Jeremías 20:9

Abanan nak ninye nak incꞌaꞌ chic tatincꞌoxla, at inDios, ut incꞌaꞌ chic tina̱tinak saꞌ a̱cꞌabaꞌ, junelic cuan saꞌ cua̱m la̱ cua̱tin. Chanchan jun li xam nacꞌatoc chak toj saꞌ inbakel. Nacuaj raj incꞌaꞌ tinye, abanan incꞌaꞌ nincuy.

Jeremías 8:5

¿Cꞌaꞌut nak eb laj Jerusalén queꞌxjal xcꞌaꞌux? ¿Cꞌaꞌut nak incꞌaꞌ nequeꞌsukꞌi cuiqꞌuin? ¿Cꞌaꞌut nak nequeꞌxkꞌetkꞌeti ribeb ut incꞌaꞌ nequeꞌraj cha̱lc cuiqꞌuin?

Jeremías 2:19

Xebok raylal saꞌ e̱be̱n xban li ma̱usilal queba̱nu. Li incꞌaꞌ us li queba̱nu texqꞌue chixtojbal le̱ ma̱c. Anakcuan te̱qꞌue retal li raylal quebok saꞌ e̱be̱n nak quine̱tzꞌekta̱na, ut quecanab xxucuanquil cuu, la̱in li Ka̱cuaꞌ le̱ Dios, chan li Ka̱cuaꞌ li nimajcual Dios.

Jeremías 2:13

Cuib li ma̱c queꞌxba̱nu lin tenamit. Quineꞌxtzꞌekta̱na la̱in li Dios, li chanchanin li yuꞌam haꞌ li incꞌaꞌ na-osoꞌ xban nak ninqꞌue xyuꞌameb. Chanchan nak queꞌxbec xjulel li haꞌ, li incꞌaꞌ natꞌil haꞌ chi saꞌ, nak queꞌxlokꞌoni li jalanil dios.

Isaías 28:13

Joꞌcan nak li ra̱tin li Ka̱cuaꞌ ta̱cꞌutekꞌ chiruheb joꞌ nak nacꞌuteꞌ chiruheb li cocꞌal. Joꞌcan nak junes takla̱c teꞌxcꞌul ut nabal li chakꞌrab ta̱qꞌuehekꞌ saꞌ xbe̱neb xba̱nunquil. Kꞌaxal ra teꞌxcꞌul nak teꞌchapekꞌ ut teꞌcꞌamekꞌ saꞌ jalan tenamit.

Isaías 31:3

Eb laj Egipto yal cui̱nkeb. Moco dioseb ta. Ut lix cacua̱yeb yal xuleb. Moco musikꞌejeb ta. Nak li Ka̱cuaꞌ tixyeꞌ li rukꞌ chixqꞌuebaleb chixtojbal lix ma̱c, jun xxiquic nak teꞌosokꞌ. Ta̱osokꞌ laj tenkꞌanel ut ta̱osokꞌ ajcuiꞌ li natenkꞌa̱c.

Jeremías 6:12

Eb li rochoch ta̱cana̱k chokꞌ reheb jalan chic, joꞌ ajcuiꞌ lix chꞌochꞌeb ut eb li rixakil. Joꞌcaꞌin teꞌxcꞌul xban nak la̱in tinqꞌueheb chixtojbal lix ma̱queb li cuanqueb saꞌ li naꞌajej aꞌin.

Jeremías 7:16

Li Ka̱cuaꞌ quixye re laj Jeremías: —Mattijoc chirixeb li tenamit aꞌin chi moco tat-oque̱nk chirixeb chicuu. Ma̱tzꞌa̱ma chicuu nak tintenkꞌaheb xban nak la̱in incꞌaꞌ tincuabi la̱ tij.

Jeremías 8:9

Teꞌcꞌutekꞌ xxuta̱neb li cuanqueb xnaꞌleb. Teꞌsachk xnaꞌlebeb ut incꞌaꞌ chic teꞌxnau cꞌaꞌru teꞌxba̱nu. Queꞌxtzꞌekta̱na li cua̱tin. ¿Ma cuan ta biꞌ chic xnaꞌlebeb anakcuan eb aꞌan?

Ezequiel 35:3

Ye reheb: Joꞌcaꞌin xye li Ka̱cuaꞌ li nimajcual Dios. La̱in yo̱ injoskꞌil saꞌ e̱be̱n. La̱in tinrakok a̱tin saꞌ e̱be̱n ut tinsukꞌisi chaki chꞌochꞌ le̱ naꞌaj. Ma̱cꞌaꞌ chic cua̱nk chi saꞌ.

Jeremías 13:14

Ut chirix aꞌan la̱in tinqꞌueheb chi camsi̱c, joꞌ li yucuaꞌbej joꞌ eb ajcuiꞌ li alalbej. Incꞌaꞌ tincuil xtokꞌoba̱l ruheb chi moco tincuuxta̱na ruheb. Jun xiqueb nak teꞌosokꞌ,” chan li Ka̱cuaꞌ.

Jeremías 44:22

Li Dios incꞌaꞌ chic quixcuy rilbal li ma̱c ut li ma̱usilal xeba̱nu. Incꞌaꞌ chic quixcuy rilbal lix yibal ru le̱ naꞌleb. Joꞌcan nak quixsach ru le̱ naꞌaj. Ma̱cꞌaꞌ chic cuan chi saꞌ anakcuan ut majecuanbil chic.