Jeremías 15:5 - Li Santil hu

⁵ Li Ka̱cuaꞌ quixye ajcuiꞌ: —¿Ani ta biꞌ ta̱ilok xtokꞌoba̱l e̱ru la̱ex aj Jerusalén? ¿Ani ta biꞌ ta̱rahokꞌ xchꞌo̱l xban li raylal li yo̱quex chixcꞌulbal? ¿Ani ta biꞌ ta̱patzꞌok e̱re ma sa saꞌ e̱chꞌo̱l?

Q'eqchi Bible

⁵ “Ani tawi' taa'iloq xtoq'ob'aal aawu, a Jerusalén? Ani tawi' taaraho'q xch'ool chawix malaj ani taaxaqliiq chi xk'eeb'al xsahil laach'ool?

Jeremías 15:5 ပူးပေါင်းရင်းမြစ်များ

Isaías 51:19

Cuib li raylal xecꞌul. Xsacheꞌ ru le̱ tenamit. Ma̱cꞌaꞌ chic xeꞌcana. Cuan li xeꞌcamsi̱c ut cuan li teꞌtzꞌoca̱k. ¿Ma cuan ta biꞌ junak li ra ta̱recꞌa li cꞌaꞌru xecꞌul? Ut, ¿ma cuan ta biꞌ junak ta̱cꞌojoba̱nk e̱chꞌo̱l?

Nahum 3:7

Chixjunileb li jalan tenamit incꞌaꞌ chic teꞌraj e̱rilbal. Teꞌxye: Eb laj Nínive queꞌsacheꞌ ruheb. ¿Ani ta cuiꞌ ta̱tokꞌoba̱nk ruheb? Ut, ¿ani ta cuiꞌ ta̱cꞌojoba̱nk xchꞌo̱leb? chaꞌkeb.

Jeremías 21:7

Abanan la̱at, at rey, ut eb li nequeꞌtenkꞌan a̱cue, texinkꞌaxtesi saꞌ rukꞌ laj Nabucodonosor. Joꞌ qꞌuial chic li tenamit li incꞌaꞌ teꞌca̱mk xban li ple̱t malaj xban li caki yajel malaj xban li cueꞌej, tebinkꞌaxtesi ajcuiꞌ saꞌ rukꞌeb li xicꞌ nequeꞌiloc e̱re li teꞌraj e̱camsinquil. Eb aꞌan incꞌaꞌ teꞌril xtokꞌoba̱l e̱ru, chi moco teꞌxcuy e̱ma̱c. Texcamsi̱k ban chi chꞌi̱chꞌ.”

Salmos 69:20

Cꞌajoꞌ nak nayotꞌeꞌ inchꞌo̱l xban nak niquineꞌxhob. Yo̱ chi chꞌina̱nc inchꞌo̱l ut incꞌaꞌ chic nincuy. Xcuoybeni nak teꞌril xtokꞌoba̱l cuu, abanan ma̱ jun x-iloc xtokꞌoba̱l cuu. Xcuoybeni nak ta̱cꞌojoba̱k inchꞌo̱l, abanan ma̱ jun xcꞌojoban inchꞌo̱l.

Jeremías 16:5

Mat-oc saꞌ li cab li yo̱keb cuiꞌ chi yoꞌle̱nc camenak, chi moco chi rahocꞌ a̱chꞌo̱l chirixeb, chi moco chacꞌojobeb xchꞌo̱l xban nak la̱in li Ka̱cuaꞌ xcuisi li tuktu̱quil usilal saꞌ xya̱nkeb li tenamit aꞌin. Incꞌaꞌ chic tincuuxta̱na ruheb chi moco tincuil xtokꞌoba̱l ruheb.

Jeremías 13:14

Ut chirix aꞌan la̱in tinqꞌueheb chi camsi̱c, joꞌ li yucuaꞌbej joꞌ eb ajcuiꞌ li alalbej. Incꞌaꞌ tincuil xtokꞌoba̱l ruheb chi moco tincuuxta̱na ruheb. Jun xiqueb nak teꞌosokꞌ,” chan li Ka̱cuaꞌ.

Li xHu LAJ JOB 19:21

La̱ex li tzꞌakal cuami̱g, ¿ma incꞌaꞌ naru te̱ril xtokꞌoba̱l cuu? Li Dios xqꞌuehoc re li raylal saꞌ inbe̱n.

1 Samuel 25:5

Quixbok riqꞌuin laje̱b li sa̱j cui̱nk ut quixye reheb: —Texxic riqꞌuin laj Nabal aran Carmel. Te̱qꞌue xsahil xchꞌo̱l saꞌ incꞌabaꞌ la̱in.

1 Samuel 17:22

Laj David quixcanab li ri̱k riqꞌuin laj ilol re li cꞌaꞌak re ru reheb li soldados. Co̱ saꞌ a̱nil bar chꞌutchꞌu̱queb cuiꞌ li soldados re ta̱ril chanruheb li ras.

1 Samuel 10:4

Teꞌxqꞌue xsahil a̱chꞌo̱l ut teꞌxqꞌue a̱cue cuib li caxlan cua. Chacꞌulak li caxlan cua chiruheb.

Jueces 18:15

Joꞌcan nak queꞌoc saꞌ li rochoch laj Micaía chi a̱tinac riqꞌuin li sa̱j cui̱nk aj levita. Ut queꞌxpatzꞌ re chanru cuan.

Éxodo 18:7

Laj Moisés co̱ chixcꞌulbaleb. Quixcuikꞌib rib chiru lix yucuaꞌ li rixakil. Quixkꞌalu. Quirutzꞌ ru. Queꞌxpatzꞌ chi ribileb rib chanru cuanqueb ut queꞌoc saꞌ lix muheba̱l.

Lamentaciones 1:17

Eb li cuanqueb Sión yo̱queb chixtzꞌa̱manquil xtenkꞌanquil. Abanan ma̱ ani natenkꞌan reheb. Li Ka̱cuaꞌ quixye nak eb li cuanqueb chi nachꞌ xicꞌ chic teꞌrileb li ralal xcꞌajol laj Jacob. Eb li cuanqueb Jerusalén tzꞌekta̱nanbileb xbaneb li xicꞌ nequeꞌiloc reheb.