Jeremías 15:21 - Li Santil hu

²¹ La̱in tincolok a̱cue saꞌ rukꞌeb li incꞌaꞌ useb xnaꞌleb ut la̱in tincolok a̱cue saꞌ rukꞌeb li nequeꞌrahobtesin, chan li Dios.

Q'eqchi Bible

²¹ Tatinkol sa' ruq'eb' li ink'a' useb' xna'leb' ut tatwisi rub'el xwankileb' li josq' aj winq”, chan li Nimajwal Yos.

Jeremías 15:21 ပူးပေါင်းရင်းမြစ်များ

2 Corintios 1:10

Li Dios, aꞌan li quicoloc chak ke chiru li ca̱mc nak corahobtesi̱c. Ut nakanau chi tzꞌakal nak aꞌan ta̱colok ke chi junelic.

Jeremías 50:34

Abanan li ani ta̱colok reheb, aꞌan cau rib. “Nimajcual Dios” xcꞌabaꞌ. Relic chi ya̱l aꞌan ta̱oque̱nk chirixeb re nak naru teꞌcua̱nk saꞌ tuktu̱quil usilal saꞌ lix naꞌajeb. Abanan eb laj Babilonia ta̱cha̱lk raylal saꞌ xbe̱neb.

Isaías 54:17

Ma̱ jun li chꞌi̱chꞌ li quiyi̱ba̱c re e̱pletinquil tixcuy. La̱ex te̱cꞌut nak aj ticꞌtiꞌeb li nequeꞌkꞌaban e̱re. Aꞌan aꞌin li ma̱tan li tinqꞌue e̱re la̱ex li nequexcꞌanjelac chicuu nak texinqꞌue chi numta̱c saꞌ xbe̱neb li xicꞌ nequeꞌiloc e̱re, chan li Ka̱cuaꞌ.

Isaías 29:20

Eb li nequeꞌrahobtesin teꞌsachekꞌ ruheb. Ut eb li nequeꞌhoboc teꞌosokꞌ. Chixjunileb li nequeꞌxba̱nu ma̱usilal telajeꞌosokꞌ.

Salmos 37:40

Aꞌan natenkꞌan reheb ut aꞌan nacoloc reheb. Naxcoleb chiruheb li incꞌaꞌ useb xnaꞌleb xban nak riqꞌuin aꞌan cauheb xchꞌo̱l.

Salmos 27:2

Li incꞌaꞌ useb xnaꞌleb ut eb li xicꞌ nequeꞌiloc cue nequeꞌxchꞌutub rib re incamsinquil. Abanan aꞌaneb ajcuiꞌ li nequeꞌcꞌuluc re li raylal.

Génesis 48:16

Ut aꞌ taxak lix ángel li Dios li na-iloc cue junelic, aꞌan taxak chi-osobtesi̱nk reheb li al aꞌin. Ut cheꞌta̱mk taxak eb li ralal xcꞌajol saꞌ incꞌabaꞌ la̱in joꞌ ajcuiꞌ saꞌ xcꞌabaꞌeb lin xeꞌto̱nil yucuaꞌ laj Abraham ut laj Isaac. Ut chi joꞌcan ta̱nima̱nk ru jun nimla tenamit saꞌ ruchichꞌochꞌ xbaneb, chan.

Romanos 16:20

Ut li Ka̱cuaꞌ Dios, li naqꞌuehoc li tuktu̱quil usilal, aꞌan tixsach xcuanquil laj tza ut textenkꞌa re nak la̱ex chic texnumta̱k saꞌ xbe̱n. Li rusilal li Ka̱cuaꞌ Jesucristo chicua̱nk e̱riqꞌuin.

San Mateo 6:13

Ut moa̱qꞌue taxak chi a̱le̱c. Choa̱col ban chiru li incꞌaꞌ us. A̱cue li nimajcual cuanquil, li lokꞌoni̱c ut li lokꞌal chi junelic kꞌe cutan. Joꞌcan taxak.

Isaías 29:5

Abanan li Ka̱cuaꞌ saꞌ junpa̱t tixqꞌue chixtojbal lix ma̱queb li xicꞌ nequeꞌiloc reheb laj Jerusalén. Chanchanakeb li poks malaj ut lix mokoj ixim li nacꞌameꞌ chi junpa̱t xban li ikꞌ.

Salmos 97:10

Che̱junilex la̱ex li nequexrahoc re li Ka̱cuaꞌ, chetzꞌekta̱na chi junaj cua li ma̱usilal xban nak li Ka̱cuaꞌ ta̱ilok e̱re la̱ex li ti̱c e̱chꞌo̱l. Aꞌan ta̱colok e̱re chiruheb li incꞌaꞌ useb xnaꞌleb.

Isaías 49:26

La̱in tinqꞌueheb chixcamsinquil ribeb chi ribileb rib li queꞌrahobtesin a̱cue. Chanchan nak teꞌcala̱k xban li camsi̱nc xeꞌxba̱nu. Ut chixjunileb li tenamit teꞌxnau nak la̱in li Ka̱cuaꞌ, li nacoloc a̱cue. Teꞌxnau nak la̱in lix Dios laj Jacob ut cau cuib.—

Isaías 60:16

Eb lix ni̱nkal tenamit teꞌxqꞌue le̱ cha̱bil tzacae̱mk ut eb li rey teꞌxcꞌam chak lix biomaleb ut teꞌxqꞌue e̱re. Riqꞌuin aꞌin te̱qꞌue retal nak la̱in li Ka̱cuaꞌ xincoloc e̱re. La̱in lix Dios laj Jacob. Nim incuanquil. La̱in xintenkꞌan e̱re.

Jeremías 16:1

Li Ka̱cuaꞌ quixye cue:

Jeremías 20:13

Bichahomak xlokꞌal li Ka̱cuaꞌ ut chelokꞌoni xban nak aꞌan li natenkꞌan reheb li tenkꞌa̱c nequeꞌraj ut aꞌan li nacoloc reheb saꞌ rukꞌeb li incꞌaꞌ useb xnaꞌleb.

Jeremías 31:11

Li Ka̱cuaꞌ ta̱colok reheb li ralal xcꞌajol laj Jacob. Aꞌan ta̱colok reheb saꞌ rukꞌeb li kꞌaxal cauheb rib chiruheb aꞌan.

Jeremías 38:28

Ut laj Jeremías quicana chi pre̱xil saꞌ li neba̱l re li tzꞌalam toj quicuulac xkꞌehil nak li tenamit Jerusalén quichapeꞌ xbaneb laj Babilonia.

Jeremías 39:11

Li rey Nabucodonosor quixye re laj Nabuzaradán cꞌaꞌru tixba̱nu riqꞌuin laj Jeremías. Quixye re:

Jeremías 39:12

—Cꞌam li profeta Jeremías ut ta̱cuil chi us. Ma̱ba̱nu raylal re. Ba̱nu ban li cꞌaꞌru naxye a̱cue, chan.

Daniel 3:17

Li kaDios li nakalokꞌoni naru toxcol chiru li xam li kꞌaxal tik ut naru ajcuiꞌ nocoxcol saꞌ a̱cuukꞌ la̱at.

Daniel 3:25

Ut li rey Nabucodonosor quixye: —¿Cꞌaꞌut nak yo̱quin chirilbal ca̱hib chi cui̱nk yo̱queb chi be̱c saꞌ li xam? Moco bacꞌbo̱queb ta. Ut ma̱cꞌaꞌ xeꞌxcꞌul saꞌ li xam. Ut li xca̱ cui̱nk chanchan ralal junak dios.

Jeremías 26:24

Laj Ahicam li ralal laj Safán qui-oquen chirix laj Jeremías. Joꞌcan nak incꞌaꞌ quikꞌaxtesi̱c saꞌ rukꞌeb li tenamit re teꞌxcamsi.