Jeremías 15:2 - Li Santil hu

² Cui teꞌxpatzꞌ a̱cue bar teꞌxic, ta̱ye reheb chi joꞌcaꞌin: Li ac tenebanbil ca̱mc saꞌ xbe̱n xban yajel, teꞌca̱mk; li ac tenebanbil saꞌ xbe̱n nak teꞌca̱mk saꞌ li ple̱t, aran teꞌca̱mk. Ut li ac tenebanbil ca̱mc saꞌ xbe̱n xban cueꞌej, xban cueꞌej ajcuiꞌ teꞌca̱mk; ut eb li ac tenebanbil saꞌ xbe̱n cꞌamecꞌ chi pre̱xil, teꞌcꞌamekꞌ ajcuiꞌ chi pre̱xil saꞌ jalan tenamit.

Q'eqchi Bible

² Ut wi te'xpatz' aawe: «B'ar tooxik?», taaye reheb': «Li Qaawa' xye chi jo'ka'in: Li teneb'anb'ileb' kamk sa' xb'eeneb' xb'aan li yajel, li yajel taakamsinq reheb'; li teneb'anb'ileb' kamk sa' xb'eeneb' xb'aan li yalok, sa' li yalok te'kamq; eb' li tento te'kamq xb'aan li we'ej, a' li we'ej taakamsinq reheb'; eb' li tento te'isiiq sa' li xna'ajeb', te'k'ame'q sa' jalanil tenamit».

Jeremías 15:2 ပူးပေါင်းရင်းမြစ်များ

Jeremías 43:11

Laj Nabucodonosor ta̱cha̱lk chi pletic riqꞌuineb laj Egipto. Ut li ac tenebanbil ca̱mc saꞌ xbe̱neb teꞌca̱mk. Li ac tenebanbil saꞌ xbe̱neb cꞌamecꞌ chi pre̱xil, teꞌcꞌamekꞌ. Li ac tenebanbil ca̱mc saꞌ xbe̱neb saꞌ li ple̱t, saꞌ li ple̱t ajcuiꞌ teꞌca̱mk.

Zacarías 11:9

Ut la̱in quinye reheb li carner: —La̱in incꞌaꞌ chic texcuil. Cui cuan ani ta̱ca̱mk e̱re, chica̱mk. Cui cuan ani ta̱sachk e̱re, chisachk. Ut li joꞌ qꞌuial chic teꞌcana̱k, cheꞌxtiuhak ribeb chi ribileb rib.

Apocalipsis 13:10

Li ani tento ta̱xic chi pre̱xil, xicak chi pre̱xil. Ut li ani tento ta̱camsi̱k riqꞌuin chꞌi̱chꞌ, chicamsi̱k riqꞌuin chꞌi̱chꞌ. Joꞌcan nak cauhakeb taxak xchꞌo̱leb li ralal xcꞌajol li Dios. Teꞌxcuy taxak xnumsinquil li raylal ut incꞌaꞌ ta chichꞌina̱nk xchꞌo̱leb.

Ezequiel 5:2

Jun jachal la̱ cuismal ta̱cꞌat saꞌ xyi li tenamit nak ac xrakeꞌ li ple̱t. Ut li jun jachal chic ta̱seti chi chꞌi̱chꞌ chixjun sutam li tenamit. Ut li jun jachal chic ta̱cut saꞌ ikꞌ ut ta̱cꞌamekꞌ yalak bar. Ut la̱in tincua̱linaheb li tenamit riqꞌuin chꞌi̱chꞌ.

Ezequiel 5:12

Jun jachal le̱ tenamit teꞌca̱mk xban caki yajel ut cueꞌej. Ut li jun jachal chic teꞌcamsi̱k chi chꞌi̱chꞌ chirix le̱ tenamit. Ut li jun jachal chic tebinjeqꞌui ru saꞌ jalan tenamit. Chanchan cutbileb saꞌ ikꞌ tinba̱nu reheb nak tincua̱linaheb chi chꞌi̱chꞌ.

Jeremías 14:12

Usta nequeꞌxba̱nu lix ayu̱n, la̱in incꞌaꞌ tinsumeheb nak teꞌxya̱ba lin cꞌabaꞌ. Usta nequeꞌxmayeja li ru li racui̱mkeb ut nequeꞌxcꞌat li xul chokꞌ xmayejeb chicuu, la̱in incꞌaꞌ tincꞌul. Tinqꞌueheb ban chi camsi̱c saꞌ li ple̱t, malaj ut teꞌca̱mk xban cueꞌej ut xban caki yajel, chan li Dios.

Isaías 24:18

Nabal li raylal ta̱cha̱lk saꞌ e̱be̱n. Chanchan nak nachal li cacuil hab ut li ruchichꞌochꞌ ta̱ecꞌa̱nk saꞌ xnaꞌaj. Li ani nae̱lelic chiru li raꞌal ta̱chapekꞌ xban jun chic li raꞌal. Li ani tixcol rib chiru li raylal ta̱tꞌanekꞌ saꞌ jun chic li raylal.

Amós 5:19

Chanchanakex li nae̱lelic chiru li cakcoj ut nak yo̱ chi e̱lelic naxcꞌul li joskꞌ aj xul oso xcꞌabaꞌ. Chanchanakex li cui̱nk li nasukꞌi saꞌ rochoch ut nak naxqꞌue li rukꞌ chiru li tzꞌac natiꞌeꞌ xban cꞌantiꞌ.

Daniel 9:12

La̱at xaba̱nu joꞌ caye chak chikix ut chirixeb li nequeꞌtaklan saꞌ kabe̱n. Xoa̱qꞌue chixtojbal li kama̱c ut xaqꞌueheb ajcuiꞌ chixtojbal lix ma̱queb li nequeꞌtaklan saꞌ kabe̱n. Numtajenak li raylal xkacꞌul. Ma̱ jun sut quicꞌulman saꞌ ruchichꞌochꞌ joꞌ xcꞌul li tenamit Jerusalén.

Ezequiel 14:21

Aꞌan aꞌin li naxye li nimajcual Dios: Kꞌaxal ra cuiꞌchic chokꞌ reheb laj Jerusalén nak la̱in tinrakok a̱tin saꞌ xbe̱neb riqꞌuin li ca̱hib chi raylal. La̱in tintakla li ple̱t, li cueꞌej, li joskꞌ aj xul, ut li caki yajel re nak teꞌcamsi̱k li cristian ut eb li xul.

Jeremías 14:16

Ut eb li tenamit li yo̱queb chi abi̱nc re li cꞌaꞌru nequeꞌxye li profeta aꞌin, teꞌcutekꞌ saꞌ eb li be re Jerusalén xban li ple̱t ut xban cueꞌej. Ut ma̱ ani ta̱ru̱k ta̱mukuk reheb. Incꞌaꞌ teꞌmukekꞌ li rixakileb chi moco li ralal xcꞌajoleb. La̱in tintakla li raylal saꞌ xbe̱neb joꞌ xcꞌulubeb xcꞌulbal.

Jeremías 16:4

Jun li yajel kꞌaxal ra ta̱camsi̱nk reheb. Ma̱ ani ta̱ya̱bak chirixeb chi moco teꞌmukekꞌ. Nequeꞌtꞌanaxin saꞌ chꞌochꞌ teꞌcana̱k. Chanchanakeb li cꞌot. Teꞌcamsi̱k saꞌ li ple̱t, malaj ut xban li cueꞌej. Ut eb li xul li nequeꞌrupupic ut eb li joskꞌ aj xul teꞌxtiu lix tibeleb.

Jeremías 19:7

Saꞌ li naꞌajej aꞌin la̱in tinpoꞌ ru li nequeꞌxcꞌu̱b ru xba̱nunquil eb laj Judá ut eb laj Jerusalén. Tincanabeb chi camsi̱c xbaneb li xicꞌ nequeꞌiloc reheb li yo̱queb chi sicꞌoc reheb. Ut la̱in tinqꞌue lix tibeleb chixtiuheb li xul li nequeꞌrupupic ut eb li joskꞌ aj xul li cuanqueb saꞌ qꞌuicheꞌ.

Ezequiel 12:11

Ta̱ye reheb nak la̱at jun li retalil chokꞌ reheb. Joꞌ caba̱nu la̱at, joꞌcan teꞌxcꞌul eb aꞌan. Teꞌchapekꞌ ut teꞌcꞌamekꞌ chi pre̱xil saꞌ jalan naꞌajej.

Ezequiel 33:27

Ta̱ye reheb nak la̱in li yoꞌyo̱quil Dios ninye nak relic chi ya̱l telajeꞌcamsi̱k li cuanqueb saꞌ eb li tenamit li poꞌbileb. Ut eb li cuanqueb saꞌ li cꞌaleba̱l teꞌlajeꞌcamsi̱k xbaneb li joskꞌ aj xul. Ut eb li cuanqueb saꞌ eb li ochoch pec ut saꞌ eb li cab li nequeꞌxcol cuiꞌ ribeb telajeꞌca̱mk xban caki yajel.

Isaías 10:4

Cui incꞌaꞌ te̱cubsi e̱rib la̱ex texcamsi̱k saꞌ li ple̱t, malaj ut texchapekꞌ ut texcꞌamekꞌ chi pre̱xil saꞌ jalan tenamit. Abanan chi moco riqꞌuin aꞌan ta̱numekꞌ xjoskꞌil li Dios. Toj texqꞌue chixtojbal e̱ma̱c.