Jeremías 15:19 - Li Santil hu

¹⁹ Ut li Ka̱cuaꞌ quixye cue: —Cui ta̱yotꞌekꞌ a̱chꞌo̱l ut ta̱jal a̱cꞌaꞌux, la̱in tatincꞌul cuiꞌchic ut la̱at tatcꞌanjelak chicuu. Mat-a̱tinac yal chi ma̱cꞌaꞌ rajbal. Cui la̱at tat-a̱tinak saꞌ incꞌabaꞌ, la̱atak lin profeta. Ut eb li tenamit aꞌin teꞌsukꞌi̱k a̱cuiqꞌuin. Incꞌaꞌ tento nak la̱at ta̱ba̱nu li cꞌaꞌru teꞌraj eb aꞌan.

Q'eqchi Bible

¹⁹ Toja' naq li Qaawa' kixye we chi jo'ka'in: “Wi tatsutq'iiq chaq wik'in, laa'in tatink'ul wi' chik ut tat-ok wi' chik chi k'anjelak chiwu. Wi taakanab' xyeeb'al memil aj aatin ut taatikib' xyeeb'al li jwal aajel ru, laa'at li tat-aatinaq sa' ink'ab'a'. A'eb' li poyanam tento te'sutq'iiq aawik'in, moko laa'at ta li tatsutq'iiq rik'ineb'.

Jeremías 15:19 ပူးပေါင်းရင်းမြစ်များ

Zacarías 3:7

—Joꞌcaꞌin xye li Ka̱cuaꞌ li nimajcual Dios: Cui tatcua̱nk joꞌ nacuaj ut cui ta̱ba̱nu li cꞌaꞌru ninye, la̱at tat-ilok re li cuochoch ut la̱at ajcuiꞌ tat-ilok re chixjunil li neba̱l li cuan chire li cuochoch. Cui ta̱ba̱nu aꞌin tinqꞌue a̱naꞌaj saꞌ xya̱nkeb li cuanqueb arin.

San Lucas 21:15

xban nak la̱in tinqꞌue e̱naꞌleb ut tincꞌut che̱ru cꞌaꞌru te̱ye. Ut eb li xicꞌ nequeꞌiloc e̱re incꞌaꞌ teꞌru̱k chixcuechꞌbal rix li cꞌaꞌru te̱ye, chi moco teꞌxnau xsumenquil.

Levítico 10:10

Tento nak te̱qꞌue retal chi us cꞌaꞌru li santobresinbil ut cꞌaꞌru li muxbil ru. Te̱nau xsicꞌbal ru cꞌaꞌru li us ut cꞌaꞌru li incꞌaꞌ us.

Ezequiel 44:23

Eb laj tij teꞌxcꞌut chiruheb lin tenamit cꞌaꞌru li santobresinbil ut cꞌaꞌru li incꞌaꞌ santobresinbil. Teꞌxcꞌut chiruheb cꞌaꞌru li muxbil ut cꞌaꞌru li incꞌaꞌ muxbil.

Ezequiel 22:26

Eb laj tij queꞌxkꞌet lin chakꞌrab ut queꞌxmux ru lin santil naꞌaj. Incꞌaꞌ nequeꞌxqꞌue retal bar cuan li santobresinbil ut bar cuan li muxbil ru, chi moco nequeꞌxcꞌut chiru li tenamit li cꞌaꞌru santobresinbil ut li cꞌaꞌru muxbil ru, chi moco nequeꞌxqꞌue xlokꞌal li hiloba̱l cutan. Ut la̱in tzꞌekta̱nanbilin xbaneb.

San Judas 1:24

Ut anakcuan lokꞌoninbil taxak li nimajcual Dios. Aꞌan kꞌaxal nim xcuanquil che̱colbal re nak incꞌaꞌ texma̱cobk. Nim ajcuiꞌ xcuanquil che̱kꞌaxtesinquil saꞌ xnimal xlokꞌal li Dios chi ma̱cꞌaꞌak e̱ma̱c ut chi sa saꞌ e̱chꞌo̱l.

Gálatas 1:10

¿Ma yal re ta biꞌ nak teꞌsahokꞌ xchꞌo̱l li cui̱nk cuiqꞌuin nak yo̱quin chixyebal chi joꞌcaꞌin? ¿Ma incꞌaꞌ ta biꞌ yo̱quin chixyebal chi joꞌcaꞌin re nak sahak xchꞌo̱l li Dios cuiqꞌuin? ¿Ma tincuaj ta biꞌ tincꞌojob xchꞌo̱leb li cui̱nk? Ma̱ jokꞌe xban nak cui ta toj nacuaj xcꞌojobanquil xchꞌo̱leb li cui̱nk ma̱cuaꞌin raj aj cꞌanjel chiru li Jesucristo.

Hebreos 5:14

Eb li che̱quel cristian jalan xtzacae̱mkeb. Moco sicꞌbil ta ru li nequeꞌxtzaca. Aꞌan retalil nak ac xeꞌqꞌui saꞌ xpa̱ba̱leb ut nequeꞌxnau chic bar cuan li us ut bar cuan li incꞌaꞌ us.

Hechos 20:27

xban nak ac xinchꞌolob chi tzꞌakal re ru li naꞌleb li taklanbilin cuiꞌ xban li Dios.

San Lucas 10:16

Li ani ta̱abi̱nk re le̱ ra̱tin la̱ex, ta̱rabi ajcuiꞌ li cua̱tin la̱in. Ut li ani ta̱tzꞌekta̱na̱nk e̱re la̱ex, tinixtzꞌekta̱na ajcuiꞌ la̱in. Ut li ani natzꞌekta̱nan cue la̱in, naxtzꞌekta̱na ajcuiꞌ li quitaklan chak cue, chan li Jesús.

Jeremías 15:1

Tojoꞌnak li Ka̱cuaꞌ quixye cue: —Usta laj Moisés ut laj Samuel teꞌcha̱lk chi a̱tinac cuiqꞌuin chirix li tenamit aꞌin, abanan la̱in incꞌaꞌ tincuil xtokꞌoba̱l ruheb. Xicakeb. Isiheb chicuu.

Éxodo 4:12

Anakcuan tatxic ut la̱in tintenkꞌa̱nk a̱cue riqꞌuin la̱ cua̱tin. La̱in tincꞌut cha̱cuu li cꞌaꞌru ta̱ye, chan li Ka̱cuaꞌ Dios.

Ezequiel 2:7

Ta̱ye li cua̱tin reheb, usta teꞌrabi usta incꞌaꞌ, xban nak li tenamit aꞌan aj kꞌetoleb a̱tin.

San Lucas 12:12

xban nak li Santil Musikꞌej tixcꞌutbesi che̱ru saꞌ li ho̱nal aꞌan chanru texsume̱nk cuiꞌ, chan li Jesús.

San Lucas 1:19

Ut li ángel quixye: —La̱in li ángel Gabriel li nincꞌanjelac chiru li Dios. Ut aꞌan xtaklan chak cue xyebal a̱cue li cha̱bil esilal aꞌin.

Jeremías 20:9

Abanan nak ninye nak incꞌaꞌ chic tatincꞌoxla, at inDios, ut incꞌaꞌ chic tina̱tinak saꞌ a̱cꞌabaꞌ, junelic cuan saꞌ cua̱m la̱ cua̱tin. Chanchan jun li xam nacꞌatoc chak toj saꞌ inbakel. Nacuaj raj incꞌaꞌ tinye, abanan incꞌaꞌ nincuy.

Gálatas 2:5

Abanan la̱o ma̱ jokꞌe kaba̱nu li cꞌaꞌru queꞌxye ke xban nak la̱o incꞌaꞌ quikaj nak teꞌxpoꞌ ru li evangelio, li tzꞌakal ya̱l li ac xerabi.

San Lucas 21:36

Joꞌcan ut yoꞌon cua̱nkex ut junelic chextijok re nak cauhak e̱chꞌo̱l chixcuybal xnumsinquil li raylal li ta̱cha̱lk saꞌ e̱be̱n, ut re nak ta̱ru̱k texcuulak cuiqꞌuin la̱in li Cꞌajolbej, chan li Jesús.

Proverbios 22:29

Li roꞌ li naꞌleb, aꞌan aꞌin: Li ani naxnau cꞌanjelac chi cha̱bil, aꞌan ta̱cꞌanjelak riqꞌuineb li rey. Moco riqꞌuin ta yalak ani ta̱trabajik.

1 Reyes 17:1

Quicuan jun li profeta aj Elías xcꞌabaꞌ. Lix tenamit, aꞌan Tisbe li cuan saꞌ xcue̱nt Galaad. Laj Elías quixye re li rey Acab: —Saꞌ xcꞌabaꞌ li Ka̱cuaꞌ, lix Dioseb laj Israel li nincꞌanjelac chiru, la̱in ninye a̱cue nak chiru cuib oxib chihab incꞌaꞌ chic tixqꞌue li hab toj tinye la̱in, chan.

2 Corintios 5:16

Incꞌaꞌ chic nakaqꞌue retal chanru nak cuanqueb li junju̱nk saꞌ ruchichꞌochꞌ. Anakcuan la̱o chic aj pa̱banel ut jalan chic li kanaꞌleb. Junxil nak toj ma̱jiꞌ nocopa̱ban incꞌaꞌ xkaqꞌue xcuanquil li Cristo xban nak xkacꞌoxla nak yal cui̱nk. Abanan anakcuan nakanau chic lix ya̱lal.

Jonás 3:2

—Ayu aran saꞌ li nimla tenamit Nínive ut toxa̱jultica chiruheb li tinye a̱cue.

Jeremías 4:1

Li Ka̱cuaꞌ quixye reheb: —La̱ex aj Israel, cui te̱raj sukꞌi̱c cuiqꞌuin tento te̱canab xlokꞌoninquil li yi̱banbil dios li cꞌajoꞌ xyibal ru. Ut incꞌaꞌ chic te̱cꞌoxla incanabanquil.

Jeremías 6:29

Usta kꞌaxal ra xeꞌxcꞌul, abanan incꞌaꞌ nequeꞌraj xcanabanquil li ma̱usilal. Chanchaneb li chꞌi̱chꞌ. Usta kꞌaxal tik li xam re risinquil lix tzꞌajnil li chꞌi̱chꞌ, abanan ma̱cꞌaꞌ rajbal li xam cui lix tzꞌajnil li chꞌi̱chꞌ incꞌaꞌ na-el.

Jeremías 35:19

Joꞌcan nak la̱in li Ka̱cuaꞌ, lix Dioseb laj Israel, ninye e̱re nak junelic ta̱cua̱nk junak li cui̱nk saꞌ xya̱nkeb li ralal xcꞌajol laj Jonadab, li ralal laj Recab, li ta̱cꞌanjelak chicuu, chan.

Lamentaciones 1:11

Chixjunileb laj Israel yo̱queb chi ya̱bac xban li raylal yo̱queb chixcꞌulbal ut yo̱queb chixsicꞌbal xtzacae̱mkeb. Nequeꞌxcꞌayi li kꞌaxal lokꞌ chiruheb re xlokꞌbal xtzacae̱mkeb re nak incꞌaꞌ teꞌca̱mk xban xtzꞌocajiqueb. Nequeꞌtijoc ut nequeꞌxye: —At Ka̱cuaꞌ, ta̱cuil taxak xtokꞌoba̱l ku xban nak kꞌaxal ra cuanco, chanqueb.

Levítico 14:57

Yo̱quin chixqꞌuebal e̱re li chakꞌrab aꞌin re nak te̱qꞌue retal bar cuan li muxbil ru ut bar cuan li incꞌaꞌ. Toj arin xcuulac le̱ chakꞌrabinquil li xinqꞌue chirixeb li cꞌaꞌak re ru aꞌin.

Jeremías 1:9

Ut li Ka̱cuaꞌ Dios quixqꞌue li rukꞌ saꞌ xtzꞌu̱mal cue ut quixye cue: —Anakcuan ac xinqꞌue li cua̱tin saꞌ xtzꞌu̱mal a̱cue.