Jeremías 15:16 - Li Santil hu

¹⁶ Nak xaqꞌue la̱ cua̱tin cue, la̱in xincꞌul joꞌ nak naxcꞌul lix tzacae̱mk li natzꞌoca. La̱ cua̱tin naxcꞌojob inchꞌo̱l ut naxqꞌue xsahil inchꞌo̱l. La̱in chic la̱ cualal, at nimajcual Dios.

Q'eqchi Bible

¹⁶ Naq xak'e we laawaatin, xink'uleb' chi anchal linch'ool ut xintzeka; a'an tz'aqal nak'ehok xsahil li waanm, xb'aan naq sik'b'il wu aab'aan, at Qaawa', at Nimajwal Yos.

Jeremías 15:16 ပူးပေါင်းရင်းမြစ်များ

Li xHu LAJ JOB 23:12

La̱in incꞌaꞌ xincanab xba̱nunquil li naxye saꞌ lix chakꞌrab. Junelic ban xinba̱nu li kataklanquil xban.

Salmos 19:10

Lix chakꞌrab li Ka̱cuaꞌ Dios, aꞌan kꞌaxal terto cuiꞌchic xtzꞌak chiru li tzꞌakal oro. Kꞌaxal cuiꞌchic cha̱bil chiru li xyaꞌal cab li toj ma̱jiꞌ isinbil chak saꞌ xnaꞌaj.

Salmos 119:111

La̱in xincꞌul la̱ chakꞌrab chi junaj cua xban nak aꞌan naxqꞌue xsahil inchꞌo̱l. Xincꞌul joꞌ jun li herencia.

Salmos 119:97

At Ka̱cuaꞌ, cꞌajoꞌ nak ninra la̱ cua̱tin, ut junes aꞌan nincꞌoxla nanumeꞌ li cutan.

Salmos 119:72

Chokꞌ cue la̱in kꞌaxal lokꞌ li chakꞌrab li xaqꞌue ke chiru nabal li oro ut nabal li plata.

Jeremías 14:9

¿Cꞌaꞌut nak chanchanat jun li cui̱nk li sachso xchꞌo̱l? ¿Cꞌaꞌut nak chanchanat jun li soldado li ma̱cꞌaꞌ naxba̱nu re toxcol? At Ka̱cuaꞌ, la̱at cuancat kiqꞌuin ut la̱o nakacꞌabaꞌin la̱ cꞌabaꞌ. Moa̱canab kajunes, at Ka̱cuaꞌ, chanqueb.

Ezequiel 2:8

Abanan la̱at, at ralal cui̱nk, abi li cꞌaꞌru yo̱quin chixyebal a̱cue. Ma̱kꞌetkꞌeti a̱cuib joꞌ yo̱queb li tenamit aꞌan. Te la̱ cue ut tzaca li cꞌaꞌru tinqꞌue a̱cue, chan.

Miqueas 2:7

¿Ma nacacꞌoxla nak li Dios toxtzꞌekta̱na la̱o aj Israel? ¿Ma tixba̱nu ta biꞌ chi joꞌcan li Ka̱cuaꞌ? Aꞌan junelic naxtenkꞌaheb li ralal xcꞌajol, chanqueb.

Nehemías 8:12

Ut chixjunileb li tenamit queꞌxninkꞌei ru li cutan. Queꞌco̱eb chi cuaꞌac ut chi ucꞌac ut queꞌxqꞌue ajcuiꞌ xcuaheb li ma̱cꞌaꞌ cuan reheb. Ut cꞌajoꞌ nak queꞌsahoꞌ saꞌ xchꞌo̱leb xban nak queꞌxtau ru li a̱tin li quiyeheꞌ saꞌ xxiqueb.

Salmos 119:16

Ta̱sahokꞌ saꞌ inchꞌo̱l riqꞌuin li chakꞌrab li xaqꞌue ut ma̱ jokꞌe teꞌsachk saꞌ inchꞌo̱l la̱ cua̱tin.