Jeremías 15:15 - Li Santil hu

¹⁵ Laj Jeremías quixye: —At Ka̱cuaꞌ, la̱at nacanau chixjunil. Chinjulticokꞌ a̱cue ut china̱tenkꞌa. Ma̱cuy xma̱queb li nequeꞌxba̱nu raylal cue. Chaqꞌueheb ban chixtojbal xma̱queb re nak incꞌaꞌ tineꞌxcamsi. Chaqꞌuehak retal nak xban a̱ra̱bal la̱at nak yo̱quin chixcuybal li rahobtesi̱c.

Q'eqchi Bible

¹⁵ At Qaawa', laa'at nakanaw chixjunil; jultikaqin aawe ut kim chintenq'ankil. Maakuy chik xmaakeb' li yookeb' xsik'b'al inkamsinkil: mare anchal tinkamq laa'in. Jultikaq aawe naq sa' aak'ab'a' ninkuy li majewaak.

Jeremías 15:15 ပူးပေါင်းရင်းမြစ်များ

Jeremías 12:3

At Ka̱cuaꞌ, la̱at nacanau cuu. Nacanau chanru lin naꞌleb ut chanru lin cꞌaꞌux cha̱cuu. Chacꞌameb li tenamit aꞌan joꞌ nak nequeꞌcꞌameꞌ li carner chi camsi̱c. Teneb ca̱mc saꞌ xbe̱neb.

San Lucas 21:17

Ut xicꞌ tex-ilekꞌ xbaneb chixjunileb li tenamit saꞌ incꞌabaꞌ la̱in.

Jeremías 20:12

At Ka̱cuaꞌ, at nimajcual Dios, la̱at nacayal rixeb li ti̱queb xchꞌo̱l. La̱at nacanau chanru li ra̱meb ut lix cꞌaꞌuxeb li junju̱nk. Joꞌcan nak tincuil taxak nak ta̱qꞌueheb chixtojbal lix ma̱queb li nequeꞌxba̱nu raylal cue xban nak la̱in xincanab saꞌ a̱cuukꞌ li cꞌaꞌru yo̱quin chixcꞌulbal.

Jeremías 17:16

At Ka̱cuaꞌ, la̱in incꞌaꞌ xintzꞌa̱ma cha̱cuu nak ta̱takla li raylal saꞌ xbe̱neb, chi moco nacuaj nak teꞌxcꞌul li raylal. La̱at nacanau. La̱at nacacuabi chixjunil li ninye.

Nehemías 13:22

Chirix aꞌan quinye ajcuiꞌ reheb laj levita nak teꞌxsantobresi ribeb joꞌ naxye saꞌ li chakꞌrab. Ut quinye ajcuiꞌ reheb nak teꞌxcꞌacꞌaleheb li oqueba̱l re li tenamit re nak ma̱ ani ta̱muxuk re li hiloba̱l cutan. —At inDios, riqꞌuin aꞌin chijulticokꞌ taxak a̱cue li joꞌ qꞌuial li us ninba̱nu ut chacuy taxak inma̱c xban xnimal la̱ cuuxta̱n.—

San Mateo 10:22

Ut chixjunileb xicꞌ teꞌilok e̱re saꞌ incꞌabaꞌ. Abanan li ani teꞌcuyuk xcꞌulbal li raylal toj saꞌ rosoꞌjic lix yuꞌam, eb aꞌan teꞌcolekꞌ.

Jeremías 20:8

Rajlal nak ninchꞌolob xya̱lal ninjap cue chixyebal reheb nak ta̱cha̱lk raylal saꞌ xbe̱neb ut ninye resil nak teꞌsachekꞌ ruheb. Xban xyebal la̱ cua̱tin, niquineꞌxhob ut niquineꞌxseꞌe rajlal cutan.

Salmos 119:84

¿Jokꞌe ta̱qꞌueheb chixtojbal xma̱queb li xicꞌ nequeꞌiloc cue? ¿Joꞌ najtil chic tincuy roybeninquil?

Salmos 106:4

Chinjulticokꞌ taxak a̱cue, at Ka̱cuaꞌ, nak ta̱cuosobtesiheb la̱ tenamit, ut china̱col taxak nak ta̱coleb aꞌan.

Nehemías 5:19

Chinjulticokꞌ taxak a̱cue, at inDios, riqꞌuin li joꞌ qꞌuial li us li xinba̱nu reheb li tenamit aꞌin.

Apocalipsis 18:20

Chisahokꞌ saꞌ e̱chꞌo̱l la̱ex li cuanquex saꞌ choxa. La̱ex laj pa̱banel, la̱ex profeta ut la̱ex apóstol, chisahokꞌ taxak saꞌ e̱chꞌo̱l xban nak li Dios xrakoc a̱tin saꞌ xbe̱neb saꞌ e̱cꞌabaꞌ la̱ex, chan li yo̱ chak chi a̱tinac saꞌ choxa.

Apocalipsis 6:10

Ut queꞌxye chi cau xya̱b xcux: —At nimajcual Dios, la̱at Santo ut la̱at ti̱c a̱chꞌo̱l. ¿Jokꞌe tatrakok a̱tin saꞌ xbe̱neb li tenamit xban li raylal xeꞌxba̱nu ke? Ut, ¿jokꞌe ta̱qꞌue re̱kaj reheb nak xoeꞌxcamsi? chanqueb.

2 Timoteo 4:14

Laj Alejandro, laj tenol chꞌi̱chꞌ, nabal chi raylal xba̱nu cue. Li Ka̱cuaꞌ, aꞌan li ta̱kꞌajca̱mu̱nk re riqꞌuin li cꞌaꞌru naxba̱nu.

2 Corintios 5:11

Joꞌcan nak nakaxucua ru li Dios ut nakaqꞌue kachꞌo̱l chixchꞌolobanquil lix ya̱lal. Ut li Dios naxnau chi tzꞌakal nak ti̱c li kachꞌo̱l. Ut la̱in nacuaj nak te̱nau ajcuiꞌ la̱ex.

Romanos 12:19

Ex herma̱n, ma̱cuaꞌ la̱ex texqꞌuehok re̱kaj li raylal na-ux e̱re. Checanabak ban chixjunil saꞌ rukꞌ li Dios. Caꞌaj cuiꞌ aꞌan laj rakol a̱tin xban nak joꞌcaꞌin tzꞌi̱banbil saꞌ li Santil Hu: Caꞌaj cuiꞌ la̱in naru tinqꞌuehok re̱kaj. Ut la̱in tinrahobtesiheb riqꞌuin li cꞌaꞌru quilajeꞌxba̱nu, chan li Dios. (Deut. 32:35)

San Mateo 19:29

Li ani naxcanab rochoch, ras ri̱tzꞌin, xnaꞌ xyucuaꞌ, rixakil, ralal xcꞌajol, malaj xchꞌochꞌ saꞌ incꞌabaꞌ la̱in, li jun aꞌan kꞌaxal cuiꞌchic nabal li tixcꞌul chiru li quixcanab ut ta̱re̱chani li junelic yuꞌam.

Jeremías 15:10

Laj Jeremías quixye: —Tokꞌob xak cuu, at innaꞌ. Incꞌaꞌ ta cuan quinyoꞌla xban nak junes pletic nequeꞌraj cuiqꞌuin ut chixjunileb xicꞌ nequeꞌiloc cue. Ma̱cꞌaꞌ incꞌas riqꞌuineb chi moco eb aꞌan cuanqueb xcꞌas cuiqꞌuin. Abanan chixjunileb niquineꞌxmajecua.

Isaías 38:3

—At Ka̱cuaꞌ, at inDios, la̱in nintzꞌa̱ma cha̱cuu, chijulticokꞌ taxak a̱cue nak la̱in xincꞌanjelac cha̱cuu chi anchal inchꞌo̱l ut saꞌ ti̱quilal. Xinba̱nu li us joꞌ nacuulac cha̱cuu, chan. Ut quiya̱bac chi kꞌaxal ra saꞌ xchꞌo̱l.

Salmos 102:24

La̱in quintijoc ut quinye re: —At Ka̱cuaꞌ, mina̱canab chi ca̱mc saꞌ insa̱jilal. Incꞌaꞌ taxak tinca̱mk chi toj ma̱jiꞌ ninti̱x. At Ka̱cuaꞌ, la̱at cuancat chi junelic kꞌe cutan.

Salmos 39:13

Chacuuxta̱na taxak cuu ut chaqꞌue taxak caꞌchꞌinak chic xsahil inchꞌo̱l nak toj ma̱jiꞌ nincam.—

Salmos 17:3

La̱at nacanau chanru lin cꞌaꞌux. Chi kꞌek chi cutan nacacuil chanru lin naꞌleb. La̱at xayal rix lin pa̱ba̱l ut nacanau nak ma̱cꞌaꞌ ma̱usilal ninba̱nu. Ut la̱at nacanau nak ma̱ jun yibru a̱tin na-el chi xtzꞌu̱mal cue.

Li xHu LAJ JOB 10:7

La̱at nacanau nak la̱in ma̱cꞌaꞌ inma̱c. Ut nacanau ajcuiꞌ nak ma̱ ani naru nacoloc cue saꞌ a̱cuukꞌ.

Nehemías 13:31

Ut quinxakabeb ajcuiꞌ li ani teꞌcꞌamok chak li siꞌ saꞌ xkꞌehil. Ut quinye reheb li tenamit nak teꞌxkꞌaxtesi li xbe̱n ru li racui̱mkeb saꞌ xkꞌehil. —At inDios, chaqꞌue taxak retal chixjunil li us li xinba̱nu ut ta̱cuuxta̱na taxak cuu.—

Nehemías 6:14

—At inDios, chaqꞌue taxak retal li raylal li yo̱queb chixba̱nunquil cue laj Sanbalat ut laj Tobías. Ut misach taxak saꞌ a̱chꞌo̱l li quixba̱nu lix Noadías li profeta ixk rochbeneb li jun chꞌol chic profetas li queꞌajoc xqꞌuebal inxiu.—

Romanos 8:35

¿Cꞌaꞌru ta̱ru̱k ta̱isi̱nk ke riqꞌuin li Cristo li narahoc ke? Ma̱cꞌaꞌ. Li ra xi̱cꞌ incꞌaꞌ naru torisi, chi moco li raylal, chi moco li chꞌaꞌajquilal, chi moco li xi̱cꞌ ilecꞌ, chi moco li cueꞌej, chi moco li cua̱nc saꞌ nebaꞌil, chi moco li camsi̱c. Ma̱cꞌaꞌ naru ta̱isi̱nk ke riqꞌuin li Cristo li narahoc ke.

Jueces 16:28

Laj Sansón quitijoc ut quixye re li Ka̱cuaꞌ: —At nimajcual Dios, chacuil taxak xtokꞌoba̱l cuu ut china̱tenkꞌa taxak. Chaqꞌue taxak inmetzꞌe̱u usta yal jun sut raj chic re nak tinqꞌue re̱kaj chi junaj cua reheb laj filisteo li raylal xeꞌxba̱nu cue nak queꞌrisi li xnakꞌ cuu, chan.

Salmos 44:22

Saꞌ a̱cꞌabaꞌ la̱at nak junelic nequeꞌraj kacamsinquil. Chiruheb aꞌan, chanchano li carner re camsi̱c.

Jeremías 15:20

Chiruheb li tenamit chanchanakat jun li tzꞌac cau rib yi̱banbil riqꞌuin bronce. Eb aꞌan teꞌpletik a̱cuiqꞌuin, abanan incꞌaꞌ teꞌnumta̱k saꞌ a̱be̱n xban nak la̱in cua̱nkin a̱cuiqꞌuin. La̱in tincolok a̱cue ut la̱in tin-ilok a̱cue.

Jeremías 20:11

Abanan, la̱at at inDios, la̱at cuancat cuiqꞌuin. La̱at tatcolok cue riqꞌuin la̱ cuanquil. Li teꞌraj xba̱nunquil raylal cue, incꞌaꞌ taxak us teꞌe̱lk. Xuta̱nal teꞌe̱lk nak teꞌril nak ma̱cꞌaꞌ naru teꞌxba̱nu cue. Ta̱cubsi taxak xcuanquileb chi junaj cua.

Jeremías 18:23

At Ka̱cuaꞌ, la̱at nacanau nak xeꞌxcꞌu̱b ru incamsinquil. Ma̱cuy xma̱queb ut misach taxak saꞌ a̱chꞌo̱l li ma̱usilal xeꞌxba̱nu. Teꞌsachekꞌ taxak ruheb. Chaqꞌueheb ta chixtojbal lix ma̱queb nak yo̱ a̱joskꞌil saꞌ xbe̱neb, chan laj Jeremías.

Lamentaciones 3:64

Chaqꞌueheb chixtojbal rix lix ma̱queb, at Ka̱cuaꞌ. Chaba̱nu reheb joꞌ xcꞌulubeb xcꞌulbal.

Lamentaciones 3:66

Chacꞌut la̱ joskꞌil chiruheb ut chasach ruheb. Chacuisiheb saꞌ li ruchichꞌochꞌ, at Ka̱cuaꞌ.