Jeremías 15:14 - Li Santil hu

¹⁴ La̱in texinqꞌue chi cꞌanjelac chiruheb li xicꞌ nequeꞌiloc e̱re saꞌ jalan tenamit li incꞌaꞌ quenau. La̱in yo̱ injoskꞌil saꞌ e̱be̱n. Chanchan jun li xam li incꞌaꞌ ta̱chupk, chan li Dios.

Q'eqchi Bible

¹⁴ Tatinkanab' cho'q xmuneb' li xik' neke'ilok aawe sa' jun tenamit li ink'a' aanawom ru, xb'aan naq k'ajo' injosq'il xchalk sa' aab'een, chanchan junaq xam li tixsach aawu chi junwaakaj”, chan li Qaawa'.

Jeremías 15:14 ပူးပေါင်းရင်းမြစ်များ

Jeremías 16:13

Joꞌcan nak li Dios texrisi saꞌ li naꞌajej aꞌin. Texqꞌue chi cꞌamecꞌ saꞌ jalan chic naꞌajej li incꞌaꞌ xenau chi moco le̱ xeꞌto̱nil yucuaꞌ queꞌxnau. Nak cua̱nkex aran, la̱ex texcꞌanjelak chiruheb li jalanil dios chi kꞌek chi cutan ut li Dios incꞌaꞌ ta̱ril xtokꞌoba̱l e̱ru.”

Deuteronomio 32:22

Cꞌajoꞌ nak queꞌxqꞌue injoskꞌil. Lin joskꞌil chanchan li xam yo̱ chixcꞌatbal chixjunil toj saꞌ xchamal li ruchichꞌochꞌ. Chanchan nak tixcꞌat li ruchichꞌochꞌ ut li acui̱mk li cuan chiru. Tixcꞌat lix to̱n li tzu̱l.

Jeremías 17:4

Te̱sach le̱ naꞌaj li quinqꞌue e̱re xban li ma̱c li xeba̱nu. Texinqꞌue chi cꞌanjelac chiruheb li xicꞌ nequeꞌiloc e̱re saꞌ li naꞌajej li incꞌaꞌ nequenau xban nak xechikꞌ injoskꞌil. Anakcuan junelic yo̱k injoskꞌil saꞌ e̱be̱n, chan li Dios.

Salmos 21:9

La̱at ta̱qꞌueheb saꞌ xam nak tatcha̱lk chi rakoc a̱tin. Riqꞌuin la̱ joskꞌil, ta̱sacheb ru saꞌ xam.

Deuteronomio 28:36

Li Ka̱cuaꞌ texqꞌue chi cꞌamecꞌ la̱ex joꞌ ajcuiꞌ le̱ rey saꞌ jalan tenamit li incꞌaꞌ nequenau ru, chi moco le̱ xeꞌto̱nil yucuaꞌ queꞌxnau ru. Ut aran te̱lokꞌoni li jalanil dios li yi̱banbileb riqꞌuin cheꞌ ut riqꞌuin pec.

Deuteronomio 28:64

Li Ka̱cuaꞌ tixchaꞌchaꞌi e̱ru yalak bar saꞌ ruchichꞌochꞌ. Ut saꞌ eb li naꞌajej aꞌan te̱lokꞌoni li jalanil dios li yi̱banbil riqꞌuin cheꞌ ut pec, chi moco la̱ex chi moco le̱ xeꞌto̱nil yucuaꞌ queꞌxlokꞌoniheb junxil.

Hebreos 12:29

Li kaDios chanchan jun li xam xban nak tixsach chixjunil li incꞌaꞌ us.

Amós 5:27

Xban le̱ ma̱usilal, la̱in texincanab chi chapecꞌ ut te̱pako le̱ yi̱banbil dios nak texcꞌamekꞌ toj jun pacꞌal li tenamit Damasco, chan li Ka̱cuaꞌ, li nimajcual Dios.

Jeremías 52:27

Laj Nabucodonosor, lix reyeb laj Babilonia, quixtakla xcamsinquileb aran Ribla, li cuan saꞌ xcue̱nt Hamat. Joꞌcaꞌin nak eb laj Judá queꞌisi̱c saꞌ lix tenamiteb ut queꞌcꞌameꞌ chi pre̱xil.

Jeremías 15:4

Chixjunileb li tenamit saꞌ ruchichꞌochꞌ ta̱sachk xchꞌo̱leb xban li cꞌaꞌru quixba̱nu aran Jerusalén laj Manasés li ralal laj Ezequías nak quicuan chokꞌ xreyeb laj Judá.

Jeremías 14:18

Nak ninxic saꞌ cꞌaleba̱l nequeꞌcuil li queꞌcamsi̱c saꞌ li ple̱t. Ut saꞌ eb li tenamit, nequeꞌcuil li yo̱queb chi ca̱mc xban cueꞌej. Eb li profeta ut eb laj tij xeꞌcꞌameꞌ saꞌ jun tenamit li incꞌaꞌ xeꞌxnau ru,” chaꞌakat.—

Jeremías 4:4

La̱ex aj Judá ut la̱ex aj Jerusalén, isihomak li yibru naꞌleb li cuan saꞌ le̱ chꞌo̱l ut kꞌaxtesihomak e̱rib chi tzꞌakal saꞌ cuukꞌ la̱in li Ka̱cuaꞌ le̱ Dios. Chanchan nak na-uxman li circuncisión. Cui incꞌaꞌ te̱ba̱nu li cꞌaꞌru ninye, la̱in tinjoskꞌokꞌ e̱riqꞌuin xban li ma̱usilal li nequeba̱nu. Ut incꞌaꞌ ta̱numekꞌ lin joskꞌil saꞌ e̱be̱n. Chanchanak li xam li incꞌaꞌ nachup, chan li Ka̱cuaꞌ.

Isaías 42:25

Joꞌcan nak li Dios quirisi xjoskꞌil saꞌ xbe̱neb ut xeꞌrahobtesi̱c riqꞌuin li pletic li xeꞌxba̱nu li xicꞌ nequeꞌiloc reheb. Chanchan nak xeꞌcꞌateꞌ saꞌ xam. Abanan incꞌaꞌ queꞌxqꞌue retal li yo̱ chixcꞌutbal chiruheb li Ka̱cuaꞌ. Queꞌrahobtesi̱c xban, abanan incꞌaꞌ queꞌraj xqꞌuebal retal lix ya̱lal.

Deuteronomio 29:23

Ma̱cꞌaꞌ chic ta̱e̱lk saꞌ eb le̱ cꞌaleba̱l. Junes azufre ut atzꞌam ta̱cua̱nk saꞌ le̱ chꞌochꞌ. Incꞌaꞌ ta̱e̱lk li acui̱mk chi moco li rax pim. Le̱ naꞌaj chanchanak chic li tenamit Sodoma ut Gomorra ut eb li tenamit Adma ut Zeboim, li queꞌsacheꞌ xban li Ka̱cuaꞌ nak yo̱ xjoskꞌil saꞌ xbe̱neb.

Deuteronomio 28:25

Li Ka̱cuaꞌ texcanab saꞌ rukꞌeb li xicꞌ nequeꞌiloc e̱re. Tzololnakex nak texxic chi pletic, abanan sachso chic e̱naꞌleb nak tex-e̱lelik ut te̱chaꞌchaꞌi e̱rib. Ut chixjunileb li cuanqueb saꞌ ruchichꞌochꞌ teꞌsachk xchꞌo̱leb che̱rilbal xban nak ma̱cꞌaꞌ chic le̱ cuanquil.