Jeremías 15:13 - Li Santil hu

¹³ Ut li Ka̱cuaꞌ quixye: —Xban li ma̱usilal xelajeba̱nu saꞌ eb li naꞌajej aꞌin, la̱in tinkꞌaxtesi reheb li xicꞌ nequeꞌiloc e̱re chixjunil le̱ biomal chi incꞌaꞌ ta̱tojekꞌ e̱re.

Q'eqchi Bible

¹³ At Israel, xb'aan chixjunil li xatmaakob'k wi' sa' laana'aj laa'in tinq'axtesi laab'ihomal ut laasahil eechej reheb' li xik' neke'ilok aawe, re naq te'xk'am chi maatan.

Jeremías 15:13 ပူးပေါင်းရင်းမြစ်များ

Jeremías 17:3

Ut quelokꞌoniheb li yi̱banbil dios saꞌ eb li tzu̱l ut saꞌ eb li cꞌaleba̱l. La̱in tincanab chi elkꞌa̱c le̱ biomal xbaneb li xicꞌ nequeꞌiloc e̱re. Teꞌrelkꞌa li cꞌaꞌru e̱re xban li ma̱usilal xeba̱nu saꞌ eb li naꞌajej li najt xteram li cuan saꞌ chixjunil le̱ naꞌaj.

Salmos 44:12

Xoa̱canab saꞌ rukꞌeb li xicꞌ nequeꞌiloc ke. Chanchan nak xoa̱cꞌayi. Ut, ¿cꞌaꞌ ta ru xara chikix nak xoa̱kꞌaxtesi saꞌ rukꞌeb? Moco xacꞌul ta katzꞌak.

Isaías 52:3

Aꞌan aꞌin li naxye li Ka̱cuaꞌ: —Moco quitojeꞌ ta e̱rix nak quexcꞌameꞌ chi pre̱xil. Joꞌcan ajcuiꞌ la̱in. Moco riqꞌuin ta tumin texincol.—

Jeremías 20:5

Ut tinkꞌaxtesi saꞌ rukꞌ li rey aꞌan chixjunil lix biomal le̱ tenamit Jerusalén, joꞌ ajcuiꞌ le̱ racui̱mk ut chixjunil li cꞌaꞌak re ru terto xtzꞌak, joꞌ ajcuiꞌ li cꞌaꞌru re li rey li terto xtzꞌak. Tinkꞌaxtesi saꞌ rukꞌeb li xicꞌ nequeꞌiloc e̱re. Ut eb aꞌan teꞌxcꞌam chixjunil aran Babilonia.”

Isaías 52:5

Ut, ¿anakcuan cꞌaꞌru tinba̱nu? chan li Ka̱cuaꞌ. —Eb lin tenamit queꞌcꞌameꞌ Babilonia chi ma̱cꞌaꞌeb xma̱c. Ut eb li nequeꞌtaklan saꞌ xbe̱neb nequeꞌxrahobtesiheb. Ut rajlal nequeꞌxmajecua incꞌabaꞌ.

Jeremías 15:8

Nabaleb li xma̱lcaꞌan xeꞌcana̱c saꞌ li tenamit. Xeꞌxkꞌax xqꞌuial li samaib chire li palau. Xinqꞌueheb chi camsi̱c eb li sa̱j cui̱nk ut kꞌaxal ra saꞌ xchꞌo̱leb li naꞌbej. Chi ma̱cꞌaꞌ saꞌ xchꞌo̱leb xchal li raylal aꞌin saꞌ xbe̱n lix tenamiteb.

Ezequiel 38:13

Eb laj Sabá ut eb laj Dedán ut eb laj yaconel li cuanqueb Tarsis ut chixjunileb li cuanqueb xcuanquil teꞌxye a̱cue, “¿Ma xatchal chi elkꞌac ut chixchapbal chokꞌ a̱cue li cꞌaꞌru cuan reheb? ¿Ma xachꞌutubeb la̱ qꞌuila soldado chixmakꞌbal chiruheb li plata, li oro ut eb li queto̱mk ut chixjunil li cꞌaꞌak re ru cuan reheb?” chaꞌkeb a̱cue.

Sofonías 1:13

Ta̱makꞌekꞌ chiruheb chixjunil li cꞌaꞌru cuan reheb. Ut li rochocheb teꞌsachekꞌ chiruheb. Teꞌxyi̱b li rochocheb abanan incꞌaꞌ teꞌcua̱nk chi saꞌ. Teꞌa̱uk uvas, abanan incꞌaꞌ teꞌxyal li xyaꞌal li ru.