Jeremías 14:9 - Li Santil hu

⁹ ¿Cꞌaꞌut nak chanchanat jun li cui̱nk li sachso xchꞌo̱l? ¿Cꞌaꞌut nak chanchanat jun li soldado li ma̱cꞌaꞌ naxba̱nu re toxcol? At Ka̱cuaꞌ, la̱at cuancat kiqꞌuin ut la̱o nakacꞌabaꞌin la̱ cꞌabaꞌ. Moa̱canab kajunes, at Ka̱cuaꞌ, chanqueb.

Q'eqchi Bible

⁹ K'a'ut naq kama'at li winq sachenaq xna'leb'? Jo'kat junaq aj puub' li ink'a' naruhank chi tenq'ank. Ab'anan laa'at wankat sa' qayanq, at Qaawa', ut laa'o laatenamit q'axtesinb'il aawe: moohaakanab' qajunes anaqwan!

Jeremías 14:9 ပူးပေါင်းရင်းမြစ်များ

Isaías 63:19

Chanchano jun li tenamit li ma̱ jun sut xataklan saꞌ xbe̱n. Chanchan li ma̱ jun sut xkacꞌabaꞌi la̱ cꞌabaꞌ.

Isaías 59:1

Incꞌaꞌ te̱cꞌoxla nak li Ka̱cuaꞌ ma̱cꞌaꞌ chic xcuanquil re texcol. Chi moco te̱cꞌoxla nak incꞌaꞌ ta̱rabi nak te̱tzꞌa̱ma e̱tenkꞌanquil.

Jeremías 15:16

Nak xaqꞌue la̱ cua̱tin cue, la̱in xincꞌul joꞌ nak naxcꞌul lix tzacae̱mk li natzꞌoca. La̱ cua̱tin naxcꞌojob inchꞌo̱l ut naxqꞌue xsahil inchꞌo̱l. La̱in chic la̱ cualal, at nimajcual Dios.

Salmos 46:5

Li Dios cuan riqꞌuin lix tenamit junelic ut aꞌan ta̱colok re. Li Dios ta̱tenkꞌa̱nk re chi sake̱uc.

Números 11:23

Ut li Ka̱cuaꞌ quichakꞌoc ut quixye re laj Moisés: —¿Ma nacacꞌoxla la̱at nak ma̱cꞌaꞌ incuanquil chixba̱nunquil aꞌin? Anakcuan ta̱cuil ma ta̱uxma̱nk tana li cꞌaꞌru xinye malaj ut incꞌaꞌ, chan li Ka̱cuaꞌ.

Hebreos 13:5

Me̱ra ru li tumin. Checꞌojobak ban e̱chꞌo̱l riqꞌuin li joꞌ qꞌuial cuan e̱re xban nak li Dios quixye: Junelic tatintenkꞌa, ut ma̱ jokꞌe tatincanab a̱junes. (Deut. 31:6)

2 Corintios 6:16

¿Ma xcꞌulubeb ta biꞌ li yi̱banbil dios nak teꞌcua̱nk saꞌ rochoch li yoꞌyo̱quil Dios? Ma̱min ta̱ru̱k. La̱in ninye e̱re nak la̱o aj pa̱banelo, la̱o li rochoch li yoꞌyo̱quil Dios. Li Dios, aꞌan li quixye chi joꞌcaꞌin: La̱in tincua̱nk riqꞌuineb ut tincuochbeniheb. La̱inak lix Dioseb aꞌan, ut aꞌanakeb li cualal incꞌajol, chan. (Lev. 26:12)

Apocalipsis 21:3

Ut quicuabi jun yo̱ chak chi a̱tinac cuan cuiꞌ li cꞌojariba̱l ut quixye chi cau xya̱b xcux: —Anakcuan ta̱cua̱nk li Dios riqꞌuineb li cristian. Aꞌanakeb li ralal xcꞌajol. Li Dios ta̱cua̱nk riqꞌuineb. Aꞌanak lix Dioseb.

Zacarías 2:5

Chanchan sutsu̱k riqꞌuin xam li tenamit Jerusalén nak cua̱nkin riqꞌuineb chixcolbaleb riqꞌuin lin cuanquil. Ut tincꞌutbesi lin lokꞌal saꞌ xya̱nkeb, chan li Ka̱cuaꞌ.

Jeremías 8:19

Chacuabi taxak lix ya̱beb lin tenamit li cuanqueb chi najt nak nequeꞌxye, “¿Ma ma̱cꞌaꞌ ta biꞌ li Ka̱cuaꞌ aran Sión? ¿Ma ma̱ ani chic lix reyeb aran?” chanqueb. Li Ka̱cuaꞌ quixye re: —¿Cꞌaꞌut nak queꞌxqꞌue injoskꞌil riqꞌuin xlokꞌoninquileb li jalanil dios? ¿Cꞌaꞌut nak nequeꞌxqꞌue xlokꞌal li yi̱banbil dios li ma̱cꞌaꞌ nequeꞌoc cuiꞌ? chan.

Isaías 51:9

Choa̱cuabi, at Ka̱cuaꞌ, ut choa̱tenkꞌa. Riqꞌuin lix nimal a̱cuanquil choa̱col joꞌ nak cacoleb la̱ tenamit najter. ¿Ma ma̱cuaꞌ ta biꞌ la̱at catcamsin re li nimla xul Rahab xcꞌabaꞌ li cuan saꞌ li palau ut pedasinbil cacanab?

Isaías 12:6

Chisahokꞌ taxak saꞌ e̱chꞌo̱l ut chexbicha̱nk la̱ex li cuanquex Sión xban nak kꞌaxal nim xcuanquil li Dios Santo, lix Dioseb laj Israel, li cuan e̱riqꞌuin.—

Salmos 27:9

Joꞌcan nak ma̱muk a̱cuib chicuu, at Ka̱cuaꞌ. Matjoskꞌoꞌ cuiqꞌuin ut mina̱tzꞌekta̱na xban nak caꞌaj cuiꞌ la̱at nacattenkꞌan cue. Mina̱canab injunes. China̱col ban. Caꞌaj cuiꞌ la̱at lin Dios. Ut caꞌaj cuiꞌ la̱at nacatcoloc cue.

1 Samuel 12:22

Saꞌ xcꞌabaꞌ lix lokꞌal, li Ka̱cuaꞌ incꞌaꞌ textzꞌekta̱na, xban nak aꞌan naraj nak la̱exak lix tenamit.

Deuteronomio 23:14

Te̱ba̱nu chi joꞌcan xban nak li Ka̱cuaꞌ le̱ Dios cua̱nk saꞌ li naꞌajej li cua̱nkex cuiꞌ re texcol ut re ajcuiꞌ nak texqꞌue chi numta̱c saꞌ xbe̱neb li xicꞌ nequeꞌiloc e̱re. Joꞌcan nak li naꞌajej li cua̱nkex cuiꞌ santak re nak li Ka̱cuaꞌ le̱ Dios incꞌaꞌ ta̱ril li cꞌaꞌak re ru tzꞌaj saꞌ e̱ya̱nk. Ut re ajcuiꞌ nak incꞌaꞌ texcanab e̱junes yal xban li cꞌaꞌak re ru incꞌaꞌ us.

Hechos 15:17

re nak tineꞌxpa̱b li ma̱cuaꞌeb aj judío. Tineꞌxpa̱b chixjunileb li sicꞌbileb ru inban chokꞌ cualal incꞌajol, chan li Ka̱cuaꞌ Dios.

Ezequiel 48:35

Chixjunil li tzꞌac li sutsu̱k cuiꞌ li tenamit, aꞌan bele̱b kilómetro xnimal. Ut chalen saꞌ li cutan aꞌan, lix cꞌabaꞌ li tenamit aꞌan Jehová-sama. Chi jalbil ru naraj naxye “Li Ka̱cuaꞌ cuan arin.”

Habacuc 1:2

¿Joꞌ najtil chic yo̱kin chixjapbal cue chixpatzꞌbal intenkꞌanquil, at Ka̱cuaꞌ, ut la̱at incꞌaꞌ tina̱cuabi? Ut, ¿jarub sut tinya̱ba la̱ cꞌabaꞌ xban li raylal li cuanco cuiꞌ ut la̱at incꞌaꞌ nocoa̱col?

Deuteronomio 28:10

Ut chixjunileb li tenamit li cuanqueb saꞌ ruchichꞌochꞌ teꞌxqꞌue retal nak li Ka̱cuaꞌ quisicꞌoc chak e̱ru chokꞌ ralal xcꞌajol ut teꞌxucuak e̱ban.

2 Crónicas 7:14

Cui teꞌxcubsi ribeb ut teꞌxjal xcꞌaꞌux teꞌyotꞌekꞌ xchꞌo̱l ut teꞌxjal xcꞌaꞌux lin tenamit, li nequeꞌxcꞌabaꞌin incꞌabaꞌ, ut cui teꞌxtzꞌa̱ma xcuybal chicuu ut teꞌxcanab xba̱nunquil li ma̱usilal, la̱in tincuabi lix tijeb toj saꞌ choxa ut tincuy lix ma̱queb ut tincuosobtesi cuiꞌchic lix chꞌochꞌeb.

Salmos 10:1

At Ka̱cuaꞌ, nacuecꞌa nak najt cuancat cuiqꞌuin. Chanchan nak nacamuk a̱cuib chicuu nak cuanquin saꞌ raylal.

Isaías 43:7

Aꞌaneb lin tenamit. La̱in quinyoꞌobtesin reheb ut quinqꞌue incꞌabaꞌ reheb re nak teꞌxqꞌue inlokꞌal, chan li Ka̱cuaꞌ.

Jeremías 51:5

Eb li ralal xcꞌajol laj Israel ut eb li ralal xcꞌajol laj Judá incꞌaꞌ queꞌtzꞌekta̱na̱c chi junaj cua xban li Ka̱cuaꞌ, li nimajcual Dios, usta numtajenak lix ma̱queb chiru li Ka̱cuaꞌ lix santil Dioseb.

Lamentaciones 5:20

¿Cꞌaꞌut nak nocosach saꞌ a̱chꞌo̱l chi junaj cua, at Ka̱cuaꞌ? Ut, ¿cꞌaꞌut nak kꞌaxal najt xoa̱canab kajunes?

Zacarías 8:3

La̱in tincꞌameb cuiꞌchic lin tenamit Jerusalén saꞌ usilal ut tincua̱nk riqꞌuineb. “Tenamit Ti̱c Xchꞌo̱l” ta̱yehekꞌ reheb. Lix tzu̱l li Dios li cuan cuiꞌ li templo “Santil Tzu̱l” tixcꞌabaꞌin.—