Jeremías 14:8 - Li Santil hu

⁸ At Ka̱cuaꞌ, la̱at li kayoꞌon la̱o aj Israel. La̱at li nacatcoloc ke chiru li raylal. ¿Cꞌaꞌut nak chanchanat jun li jalan xtenamit? ¿Cꞌaꞌut nak chanchanat jun li yal numecꞌ yo̱?

Q'eqchi Bible

⁸ Laa'at li xyo'oon laj Israel, laa'at laj kolol qe sa' li rahilwank: k'a'ut naq nakab'aanu aawib' chi jalan laatenamit sa' li na'ajej a'in? Chanchanat laj numel b'e li nakanaak yal jun q'oqyink ajwi'.

Jeremías 14:8 ပူးပေါင်းရင်းမြစ်များ

Jeremías 17:13

At Ka̱cuaꞌ, la̱at li kayoꞌon la̱o aj Israel. Eb li nequeꞌtzꞌekta̱nan a̱cue xuta̱nal teꞌe̱lk. Joꞌ nak nasach li cꞌabaꞌej tzꞌi̱banbil saꞌ li poks, joꞌcan ajcuiꞌ nak teꞌsachekꞌ ruheb li nequeꞌtzꞌekta̱nan a̱cue. At Ka̱cuaꞌ, la̱at li nacatqꞌuehoc junelic yuꞌam. Chanchanat li yuꞌam haꞌ li incꞌaꞌ nachakic.

Jeremías 50:7

Chixjunileb li teꞌtaꞌok reheb teꞌxsach ruheb. Ut eb li xicꞌ nequeꞌiloc reheb teꞌxye, “La̱o ma̱cꞌaꞌ kama̱c. Eb aꞌan ban queꞌma̱cob chiru li Ka̱cuaꞌ li narakoc a̱tin saꞌ ti̱quilal. Queꞌma̱cob chiru li Ka̱cuaꞌ Dios li xyoꞌoneb lix xeꞌto̱nil yucuaꞌeb.”

Isaías 43:3

La̱in li Ka̱cuaꞌ le̱ Dios. La̱in le̱ santil Dios la̱ex aj Israel. La̱in laj Colol e̱re. La̱in xinkꞌaxtesiheb laj Egipto chokꞌ e̱ru̱chil la̱ex ut xinqꞌueheb laj Etiopía ut laj Seba chokꞌ e̱re̱kaj.

Salmos 50:15

Chine̱ya̱bak nak cua̱nkex saꞌ raylal ut la̱in texincol ut la̱ex te̱qꞌue inlokꞌal, chan li Dios.

Joel 3:16

Nak la̱in tina̱tinak chi cau xya̱b incux saꞌ li tzu̱l Sión aran Jerusalén, li choxa joꞌ ajcuiꞌ li ruchichꞌochꞌ teꞌecꞌa̱nk saꞌ xnaꞌaj. Abanan eb laj Israel lin tenamit cauhakeb xchꞌo̱l cuiqꞌuin. Ut cuiqꞌuin teꞌyoꞌoni̱nk xban nak la̱in tincolok reheb.

Isaías 45:21

A̱tinankex re xcolbal rixeb le̱ yi̱banbil dios. Chepatzꞌak saꞌ comonil. ¿Ani li quiyehoc chak re najter kꞌe cutan li cꞌaꞌru talajcꞌulma̱nk? ¿Ma ma̱cuaꞌ ta biꞌ la̱in li Ka̱cuaꞌ, li nimajcual Dios? La̱in li nincoloc reheb lin tenamit. Ma̱ jun chic Dios cuan chicuu la̱in. Caꞌaj cuiꞌ la̱in li tzꞌakal Dios.

Isaías 43:11

Caꞌaj cuiꞌ la̱in li nimajcual Dios. Caꞌaj cuiꞌ la̱in nincoloc.

1 Timoteo 1:1

La̱in laj Pablo. Taklanbilin xban li Jesucristo chi cꞌanjelac chiru xban nak joꞌcan quiraj li Dios laj Colol ke. Ut joꞌcan ajcuiꞌ quiraj li Ka̱cuaꞌ Jesucristo li kayoꞌon.

Hechos 28:20

Aꞌan aj e nak xintakla e̱bokbal. Xcuaj rilbal e̱ru ut xcuaj a̱tinac e̱riqꞌuin. Saꞌ xcꞌabaꞌ li jun li nakayoꞌoni la̱o aj Israel nak bacꞌbo̱quin anakcuan riqꞌuin li cadena aꞌin, chan reheb.

Isaías 45:15

Li Ka̱cuaꞌ, le̱ Dios la̱ex aj Israel, aꞌan laj Colol e̱re. Aꞌan incꞌaꞌ na-ilman ru.

Salmos 138:7

Usta yo̱quin chixcꞌulbal li raylal, la̱at nacaqꞌue inyuꞌam. Ut riqꞌuin la̱ cuanquil niquina̱col chiruheb li xicꞌ nequeꞌiloc cue.

Salmos 91:15

Nak tixtzꞌa̱ma xtenkꞌanquil cue, la̱in tinsume li cꞌaꞌru tixtzꞌa̱ma chicuu. La̱in tincua̱nk riqꞌuin ut la̱in tincolok re chiru li raylal ut tinqꞌue xlokꞌal.

Salmos 46:1

Li Dios, aꞌan li naqꞌuehoc xcacuilal kachꞌo̱l. Caꞌaj cuiꞌ riqꞌuin aꞌan naru nakacol kib: Aꞌan cuan kiqꞌuin junelic chikatenkꞌanquil saꞌ xkꞌehil li raylal.

Salmos 9:9

At Ka̱cuaꞌ, caꞌaj cuiꞌ a̱cuiqꞌuin teꞌxcol rib li rahobtesinbileb. Ut a̱cuiqꞌuin ajcuiꞌ teꞌxcol rib jokꞌe cuanqueb saꞌ raylal.

Salmos 10:1

At Ka̱cuaꞌ, nacuecꞌa nak najt cuancat cuiqꞌuin. Chanchan nak nacamuk a̱cuib chicuu nak cuanquin saꞌ raylal.

Jueces 19:17

Li che̱quel cui̱nk quiril li cui̱nk li yal numecꞌ yo̱ chunchu saꞌ xyi li tenamit. Quixpatzꞌ re: —¿Bar xatchal? Ut, ¿bar xic a̱cue? chan re.

Salmos 71:5

At Ka̱cuaꞌ Dios, caꞌaj cuiꞌ a̱cuiqꞌuin cꞌojcꞌo inchꞌo̱l chalen chak saꞌ insa̱jilal.

Isaías 63:8

Li Ka̱cuaꞌ quixye: —Aꞌaneb li cualal incꞌajol. Incꞌaꞌ tineꞌxbalakꞌi, chan. Joꞌcan nak quixcoleb.

Jeremías 30:7

Ta̱cuulak xkꞌehil nak teꞌxcꞌul junak li nimla raylal. Ma̱cꞌaꞌ naru najuntakꞌe̱taman cuiꞌ li raylal aꞌan. Kꞌaxal ra teꞌxcꞌul li ralal xcꞌajol laj Jacob. Abanan eb aꞌan teꞌcolekꞌ chiru li raylal.

Zacarías 9:12

Sukꞌinkex cuiqꞌuin la̱ex aj Israel, li toj yo̱quex chi yoꞌoni̱nc cuiqꞌuin, usta rahobtesinbilex xbaneb li jalan tenamit. La̱in ninye e̱re nak usta nabal li raylal xecꞌul, abanan anakcuan kꞌaxal cuiꞌchic nabal le̱ rosobtesinquil tinqꞌue.

Salmos 46:2

Joꞌcan nak usta na-ecꞌan li ruchichꞌochꞌ saꞌ xnaꞌaj, la̱o incꞌaꞌ toxucuak. Chi moco toxucuak usta talajeꞌtꞌanekꞌ li tzu̱l saꞌ xchamal li palau.

Isaías 33:2

At Ka̱cuaꞌ, chacuuxta̱na taxak ku. La̱at li kayoꞌon. Chaqꞌue taxak xcacuil li kok kukꞌ chi cuulaj cuulaj. Ut choa̱col nak yo̱ko chixcꞌulbal li raylal.

Jeremías 16:19

Laj Jeremías quixye: —At Ka̱cuaꞌ la̱at nacatqꞌuehoc incacuilal ut la̱at nacatqꞌuehoc inmetzꞌe̱u. A̱cuiqꞌuin nincol cuib nak cuanquin saꞌ raylal. Eb li najtil tenamit teꞌcha̱lk a̱cuiqꞌuin ut teꞌxye, “Relic chi ya̱l nak li yi̱banbil dios li xeꞌxlokꞌoni chak li kaxeꞌto̱nil yucuaꞌ moco ya̱l ta. Ma̱cꞌaꞌ nequeꞌoc cuiꞌ.