Jeremías 14:7 - Li Santil hu

⁷ Eb li tenamit nequeꞌxye: —Usta ya̱l nak cuan kama̱c ut aꞌan li najitoc ke, abanan choa̱tenkꞌa, at Ka̱cuaꞌ, saꞌ xcꞌabaꞌ la̱ rahom. Nabal sut xatkatzꞌekta̱na ut xoma̱cob cha̱cuu.

Q'eqchi Bible

⁷ At Qaawa', us ta li xk'ihal li qamaak nokooxjit chawu, tenq'aho sa' xk'ab'a' xnimal laarahom. Relik chi yaal naq naab'al wa xqaq'etq'eti qib' ut xoomaakob'k chawu.

Jeremías 14:7 ပူးပေါင်းရင်းမြစ်များ

Oseas 5:5

Xban lix kꞌetkꞌetileb laj Israel nacꞌutun nak cuanqueb xma̱c. Ut xban lix kꞌetkꞌetileb, eb li ralal xcꞌajol laj Israel ut eb li ralal xcꞌajol laj Efraín teꞌosokꞌ saꞌ li ma̱c. Ut teꞌosokꞌ ajcuiꞌ saꞌ lix ma̱queb li ralal xcꞌajol laj Judá.

Salmos 25:11

Riqꞌuin taxak lix nimal la̱ lokꞌal, at Ka̱cuaꞌ, china̱cuy taxak xban nak nimla ma̱c xinba̱nu cha̱cuu.

Jeremías 5:6

Joꞌcan nak eb laj Jerusalén teꞌxcꞌul li raylal xbaneb li xicꞌ nequeꞌiloc reheb. Li cakcoj li cuanqueb saꞌ qꞌuicheꞌ teꞌcha̱lk chixcamsinquileb. Laj xoj li cuanqueb saꞌ li chaki chꞌochꞌ teꞌxpedasiheb. Li hix tixbeni rib saꞌ lix tenamiteb. Cui nequeꞌel saꞌ be teꞌchapekꞌ ut teꞌpedasi̱k xbaneb li hix. Joꞌcan teꞌxcꞌul xban nak xnumta lix ma̱queb. Qꞌuila sut xeꞌxtzꞌekta̱na li Ka̱cuaꞌ.

Isaías 59:12

Incꞌaꞌ nocoxtenkꞌa xban nak kꞌaxal xnumta li kama̱usilal chiru li Ka̱cuaꞌ. Li ma̱usilal xkaba̱nu naxcꞌut nak cuan kama̱c. Incꞌaꞌ us xkaba̱nu. Nakanau nak cuan kama̱c.

Jeremías 2:19

Xebok raylal saꞌ e̱be̱n xban li ma̱usilal queba̱nu. Li incꞌaꞌ us li queba̱nu texqꞌue chixtojbal le̱ ma̱c. Anakcuan te̱qꞌue retal li raylal quebok saꞌ e̱be̱n nak quine̱tzꞌekta̱na, ut quecanab xxucuanquil cuu, la̱in li Ka̱cuaꞌ le̱ Dios, chan li Ka̱cuaꞌ li nimajcual Dios.

Efesios 1:12

Quixba̱nu chi joꞌcan re nak lokꞌoninbilak ru kaban la̱o li co-oybenin re li Cristo nak toj ma̱jiꞌ nacꞌulun saꞌ ruchichꞌochꞌ.

Efesios 1:6

Joꞌcan nak chikalokꞌonihak ru li Dios xban nak yal chi ma̱tan quiruxta̱na ku nak quixtakla chak li Ralal li kꞌaxal raro xban.

Oseas 7:10

Eb laj Israel yo̱queb chi cꞌuluc raylal abanan xban lix kꞌetkꞌetileb incꞌaꞌ nequeꞌraj sukꞌi̱c cuiqꞌuin la̱in li Ka̱cuaꞌ lix Dioseb. Usta ra yo̱queb chixcꞌulbal, abanan incꞌaꞌ chic nequeꞌraj insicꞌbal.

Ezequiel 20:22

Abanan incꞌaꞌ quinsach ruheb nak incꞌaꞌ quicuaj nak ta̱isi̱k xlokꞌal lin cꞌabaꞌ chiruheb li xni̱nkal ru tenamit li queꞌiloc re nak quicuisiheb chak laj Israel Egipto.

Ezequiel 20:14

Abanan incꞌaꞌ quinsach ruheb xban nak incꞌaꞌ quicuaj nak ta̱isi̱k lin lokꞌal xbaneb li xni̱nkal ru tenamit li queꞌiloc re nak quicuisiheb laj Israel aran Egipto.

Ezequiel 20:9

Abanan incꞌaꞌ quinba̱nu xban nak chiruheb laj Egipto la̱in quinye reheb laj Israel nak tincuisiheb Egipto. Incꞌaꞌ quicuaj nak ta̱isi̱k lin lokꞌal.

Jeremías 3:6

Quixye laj Jeremías: —Nak toj cuan chokꞌ rey laj Josías, li Ka̱cuaꞌ quixye cue chi joꞌcaꞌin: ¿Ma yo̱cat chixqꞌuebal retal cꞌaꞌru yo̱queb laj Israel? Eb aꞌan yo̱queb chintzꞌekta̱nanquil. Chanchaneb chic li ixk li nequeꞌxcꞌayi rib xban nak nequeꞌtakeꞌ saꞌ eb li tzu̱l. Ut rubeleb li cheꞌ li ni̱nk xmu nequeꞌxlokꞌoni li jalanil dios.

Salmos 115:1

At Ka̱cuaꞌ, la̱at taxak chiqꞌuehekꞌ a̱lokꞌal. Ma̱cuaꞌ taxak la̱o. La̱at taxak chiqꞌuehekꞌ a̱lokꞌal xban nak la̱at li nacatcꞌutuc lix ya̱lal chiku ut la̱at li nacat-uxta̱nan ku.

Esdras 9:15

At Ka̱cuaꞌ, at kaDios, la̱at li kaDios la̱o aj Israel. La̱at ti̱c la̱ chꞌo̱l. Joꞌcan nak toj yoꞌyo̱co la̱o anakcuan, li joꞌ qꞌuial chic xocoleꞌ. Ya̱l nak cuan li kama̱c cha̱cuu. Joꞌcan nak incꞌaꞌ naru nococuan chi sum a̱tin a̱cuiqꞌuin, chan laj Esdras nak quitijoc.

Josué 7:9

Nak teꞌrabi eb laj cananeo ut chixjunileb li cuanqueb saꞌ li naꞌajej aꞌin li cꞌaꞌru xkacꞌul, ma̱re teꞌxchꞌutub chak rib ut teꞌcha̱lk chi pletic kiqꞌuin ut ma̱re ma̱ ani chic ke ta̱colekꞌ. Cui joꞌcan takacꞌul, ¿cꞌaꞌru ta̱ba̱nu la̱at re xcolbal rix la̱ lokꞌal? chan.

Deuteronomio 32:27

Xinsach raj ruheb chi junaj cua, abanan incꞌaꞌ xcuaj nak eb li xicꞌ nequeꞌiloc reheb teꞌxnimobresi ribeb chixyebal, “La̱o xosachoc reheb. Ma̱cuaꞌ li Ka̱cuaꞌ,” chaꞌakeb.

Jeremías 8:14

Eb lix tenamit li Dios queꞌxye: —¿Cꞌaꞌut nak tocana̱k arin? Takachꞌutub kib ut toxic saꞌ eb li tenamit li cauresinbil chi us re takacol cuiꞌ kib. Aran toca̱mk xban nak li Ka̱cuaꞌ li kaDios quixye nak to-osokꞌ. Chanchan nak xqꞌue li haꞌ li banbil xsaꞌ chikucꞌ re toca̱mk xban nak xoma̱cob chiru.

Salmos 79:9

At Dios, la̱at aj Colol ke. Choa̱tenkꞌa taxak ut choa̱col. Chacuy chasach taxak li kama̱c re nak ta̱qꞌuehekꞌ a̱lokꞌal.

Isaías 48:11

Saꞌ incꞌabaꞌ la̱in ut xban lin rahom nincuy cuib. Incꞌaꞌ ninsach e̱ru. Incꞌaꞌ tinqꞌue cuib chi hobecꞌ ut incꞌaꞌ tinqꞌue lin lokꞌal re jalan chic.

Jeremías 3:25

Xban kaxuta̱n sachso kachꞌo̱l xocana. Takacubsi kib xban nak xuta̱nal xo-el. La̱o joꞌ eb ajcuiꞌ li kaxeꞌto̱nil yucuaꞌ, xoma̱cob cha̱cuu, at Ka̱cuaꞌ at kaDios. Chalen saꞌ kasa̱jilal toj anakcuan xkatzꞌekta̱na li chakꞌrab li xaqꞌue ke ut incꞌaꞌ xkaba̱nu li cꞌaꞌru caye ke, chanqueb.

Jeremías 8:5

¿Cꞌaꞌut nak eb laj Jerusalén queꞌxjal xcꞌaꞌux? ¿Cꞌaꞌut nak incꞌaꞌ nequeꞌsukꞌi cuiqꞌuin? ¿Cꞌaꞌut nak nequeꞌxkꞌetkꞌeti ribeb ut incꞌaꞌ nequeꞌraj cha̱lc cuiqꞌuin?

Amós 7:2

Ut quicuil ajcuiꞌ nak eb laj sa̱cꞌ queꞌxchoy xcuaꞌbal li acui̱mk ut quinye: —Ka̱cuaꞌ Dios, chacuy taxak kama̱c, la̱o aj Israel, ralal xcꞌajolo laj Jacob. ¿Chanru nak ta̱ru̱k takacol kib xban nak la̱o incꞌaꞌ qꞌuiho ut ma̱cꞌaꞌ kacuanquil?—

Jeremías 5:25

Xban le̱ ma̱usilal nak incꞌaꞌ chic xqꞌue li hab ut ma̱cꞌaꞌ chic le̱ kꞌolom. Xban li ma̱c xeba̱nu nak incꞌaꞌ chic xecꞌul li us.

Jeremías 10:19

Laj Jeremías quixye ajcuiꞌ: —Tokꞌob xak ku. Kꞌaxal ra yo̱co chixcꞌulbal. Ma̱cꞌaꞌ xbanol li karaylal. La̱o xkaye nak tento takacuy xcꞌulbal li raylal.

Miqueas 7:9

Xban nak xoma̱cob chiru li Ka̱cuaꞌ tento takacuy lix joskꞌil toj tixtzꞌil a̱tin chikix ut toj ta̱rakok a̱tin saꞌ xbe̱neb li xicꞌ nequeꞌiloc ke. Torisi saꞌ kꞌojyi̱n ut toxqꞌue saꞌ cutan ut riqꞌuin aꞌin takaqꞌue retal nak li Dios ti̱c xchꞌo̱l.