Jeremías 14:4 - Li Santil hu

⁴ Xelajeꞌitzꞌeꞌ li chꞌochꞌ xban nak incꞌaꞌ chic naxqꞌue li hab. Ut eb laj acuinel sachso̱queb xchꞌo̱l ut nequeꞌxmuk li ru riqꞌuin li rukꞌeb.

Q'eqchi Bible

⁴ X'atz'je'k li ch'och' xb'aan naq maak'a' li hab'; jo'kan naq xe'wiib'ank xch'ool eb' laj k'alom ut xe'xtz'ap li xjolomeb'.

Jeremías 14:4 ပူးပေါင်းရင်းမြစ်များ

Joel 1:11

Chiyotꞌekꞌ e̱chꞌo̱l la̱ex li nequex-au uvas ut trigo. Chexya̱bak xban nak xsacheꞌ le̱ racui̱mk ut ma̱cꞌaꞌ chic le̱ trigo chi moco le̱ cebada.

Jeremías 3:3

Joꞌcan nak incꞌaꞌ chic naxqꞌue li hab. Incꞌaꞌ xtꞌaneꞌ li hab saꞌ xkꞌehil li a̱uc. Xban nak la̱ex yo̱quex chixlokꞌoninquil li jalanil dios, chanchanex li ixk li naxcꞌayi rib. Incꞌaꞌ nequexxuta̱nac.

Joel 1:17

Li iyaj quikꞌa saꞌ li chꞌochꞌ ut incꞌaꞌ quimok. Ma̱cꞌaꞌ chic cuan saꞌ eb li naꞌajej bar nequeꞌxxoc cuiꞌ ru li acui̱mk. Queꞌxjucꞌ li naꞌajej li naxocman cuiꞌ ru li acui̱mk xban nak incꞌaꞌ chic quixqꞌue ru li trigo.

Deuteronomio 29:23

Ma̱cꞌaꞌ chic ta̱e̱lk saꞌ eb le̱ cꞌaleba̱l. Junes azufre ut atzꞌam ta̱cua̱nk saꞌ le̱ chꞌochꞌ. Incꞌaꞌ ta̱e̱lk li acui̱mk chi moco li rax pim. Le̱ naꞌaj chanchanak chic li tenamit Sodoma ut Gomorra ut eb li tenamit Adma ut Zeboim, li queꞌsacheꞌ xban li Ka̱cuaꞌ nak yo̱ xjoskꞌil saꞌ xbe̱neb.

Jeremías 2:37

Cꞌajoꞌak le̱ xuta̱n nak tex-e̱lk chak riqꞌuineb laj Egipto xban nak incꞌaꞌ textenkꞌa. La̱in li Ka̱cuaꞌ xintzꞌekta̱naheb laj Egipto li nequecꞌojob cuiꞌ e̱chꞌo̱l. Incꞌaꞌ us tex-e̱lk riqꞌuineb aꞌan.—

Amós 4:8

La̱ex quexco̱ex chixsicꞌbal le̱ haꞌ saꞌ eb li tenamit quixqꞌue cuiꞌ li hab, ut incꞌaꞌ quitzꞌakloc e̱re re tixnumsi le̱ chaki el. Ut riqꞌuin chixjunil li raylal li xecꞌul incꞌaꞌ xeraj sukꞌi̱c cuiqꞌuin, chan li Ka̱cuaꞌ.

Levítico 26:18

Abanan cui toj incꞌaꞌ ajcuiꞌ tex-abi̱nk chicuu nak acak xecꞌul chixjunil li raylal aꞌin, la̱in tinqꞌue xtzꞌakob lix tojbal rix le̱ ma̱c. Cuukub sut chic te̱toj rix le̱ ma̱c.