Jeremías 14:21 - Li Santil hu

²¹ Saꞌ xcꞌabaꞌ la̱ rahom, at Ka̱cuaꞌ, moa̱tzꞌekta̱na. Ut ma̱cꞌut xxuta̱n la̱ tenamit li cuan cuiꞌ la̱ lokꞌlaj cꞌojariba̱l. Ma̱cuisi xcuanquil li contrato li caba̱nu kiqꞌuin. Incꞌaꞌ taxak chisachk saꞌ a̱chꞌo̱l.

Q'eqchi Bible

²¹ Moohaatz'eqtaana sa' xk'ab'a' laarahom, chi moko chatz'eq chirix laach'ool laaloq'laj k'ojarib'aal. Jultikaq aawe laaSumwank qik'in ut maasach xwankil a'an.

Jeremías 14:21 ပူးပေါင်းရင်းမြစ်များ

Jeremías 14:7

Eb li tenamit nequeꞌxye: —Usta ya̱l nak cuan kama̱c ut aꞌan li najitoc ke, abanan choa̱tenkꞌa, at Ka̱cuaꞌ, saꞌ xcꞌabaꞌ la̱ rahom. Nabal sut xatkatzꞌekta̱na ut xoma̱cob cha̱cuu.

Salmos 106:45

Quijulticoꞌ re li contrato li quixba̱nu riqꞌuineb ut xban nak kꞌaxal nim li ruxta̱n, quixjal xcꞌaꞌux ut quixtenkꞌaheb cuiꞌchic.

Jeremías 3:17

Saꞌ eb li cutan aꞌan li tenamit Jerusalén “Xcꞌojariba̱l li Ka̱cuaꞌ” chic tixcꞌabaꞌin. Ut chixjunileb li xni̱nkal ru tenamit teꞌxchꞌutub ribeb aran chixqꞌuebal inlokꞌal la̱in li Ka̱cuaꞌ. Ut incꞌaꞌ chic teꞌxcacuubresi xchꞌo̱leb chixba̱nunquil li ma̱usilal li queꞌxrahi ru xba̱nunquil junxil.

Jeremías 17:12

Li katemplo kꞌaxal lokꞌ. Chalen saꞌ xticlajic qꞌuebil xlokꞌal. Chanchan jun li cꞌojariba̱l najt xteram.

Apocalipsis 11:2

Abanan ma̱bis li neba̱l li cuan chiru lix templo li Dios xban nak aꞌan kꞌaxtesinbil reheb li ma̱cuaꞌeb aj judío. Eb aꞌan teꞌxmux ru li santil tenamit chiru oxib chihab riqꞌuin media (42 po).

Efesios 2:7

Chixjunil li usilal aꞌin quilajxba̱nu ke saꞌ xcꞌabaꞌ li Jesucristo re nak ta̱cꞌutu̱nk chi junelic kꞌe cutan nak kꞌaxal nim li ruxta̱n.

San Lucas 21:24

Cuan li teꞌcamsi̱k riqꞌuin chꞌi̱chꞌ ut cuan li teꞌchapekꞌ ut teꞌcꞌamekꞌ chi pre̱xil saꞌ eb li jalan tenamit. Ut li tenamit Jerusalén ta̱cana̱k rubel xcuanquileb li ma̱cuaꞌeb aj judío toj ta̱cuulak xkꞌehil nak li Dios ta̱risiheb lix cuanquileb li ma̱cuaꞌeb aj judío, chan li Jesús.

San Lucas 1:72

Quixye nak ta̱ruxta̱na ruheb li kaxeꞌto̱nil yucuaꞌ xban nak jultic re li quixye saꞌ li santil contrato.

Amós 6:8

Li Ka̱cuaꞌ Dios quixba̱nu li juramento saꞌ xcꞌabaꞌ ajcuiꞌ aꞌan ut quixye: —La̱in li Ka̱cuaꞌ li nimajcual Dios. Xicꞌ nequeꞌcuil li ralal xcꞌajol laj Jacob xban nak nequeꞌxnimobresi ribeb. Nintzꞌekta̱naheb lix ni̱nkal ru cab. Joꞌcan nak tincanabeb li xicꞌ nequeꞌiloc reheb chi numta̱c saꞌ xbe̱neb lix tenamiteb laj Israel jun xiquic chixjunil li cꞌaꞌru cuan reheb.

Daniel 9:7

At Ka̱cuaꞌ, la̱at junelic nacaba̱nu li ti̱quilal, abanan la̱o xuta̱nal noco-el riqꞌuin li ma̱usilal nakaba̱nu. Chikajunilo la̱o aj Israel xoma̱cob toj chalen anakcuan, li cuanqueb Judá joꞌ ajcuiꞌ li cuanqueb Jerusalén ut chixjunileb li tenamit Israel; li cuanqueb chi nachꞌ joꞌ ajcuiꞌ li cuanqueb chi najt saꞌ chixjunileb li naꞌajej bar xajeqꞌuiheb cuiꞌ ruheb xban nak xeꞌxkꞌet li chakꞌrab li qꞌuebil reheb a̱ban.

Ezequiel 43:7

Quixye cue: —At ralal cui̱nk, aꞌan aꞌin lix naꞌaj lin cꞌojariba̱l. Aꞌan aꞌin xnaꞌaj li cuok. La̱in tincua̱nk arin chi junelic saꞌ xya̱nkeb li ralal xcꞌajol laj Israel. La̱in tintakla̱nk saꞌ xbe̱neb chi junelic kꞌe cutan. Incꞌaꞌ chic teꞌxmux ru lin cꞌabaꞌ riqꞌuin xlokꞌoninquil li jalanil dios. Chi moco laj Israel chi moco lix reyeb teꞌxba̱nu li ma̱usilal aꞌan. Chi moco teꞌxyi̱b saꞌ li naꞌajej li najt xteram lix jalam u̱ch lix reyeb li queꞌcam.

Ezequiel 39:25

Li nimajcual Dios quixye: —Abanan anakcuan la̱in tincuuxta̱na cuiꞌchic ruheb laj Israel li ralal xcꞌajol laj Jacob, li joꞌ qꞌuial incꞌaꞌ queꞌcamsi̱c. La̱in teꞌcuisi chi pre̱xil re nak ta̱qꞌuehekꞌ xlokꞌal lin santil cꞌabaꞌ.

Ezequiel 24:21

Joꞌcaꞌin naxye li Ka̱cuaꞌ li nimajcual Dios e̱re la̱ex aj Israel: La̱in li Ka̱cuaꞌ tincanab chi muxecꞌ ru lin templo li kꞌaxal nequera, li cꞌojcꞌo cuiꞌ e̱chꞌo̱l ut nacuulac che̱ru rilbal. Ut eb le̱ ralal e̱cꞌajol li toj cuanqueb Jerusalén teꞌcamsi̱k saꞌ li ple̱t, chan li Ka̱cuaꞌ e̱re.

Lamentaciones 2:20

At Ka̱cuaꞌ, qꞌue retal. ¿Ma cuan ta biꞌ anihak xaba̱nu re joꞌ yo̱cat chixba̱nunquil ke la̱o? ¿Ma tento ta biꞌ nak eb li naꞌbej teꞌxtiu xtibeleb lix cocꞌal li nequeꞌxra? ¿Ma tento ta biꞌ nak teꞌcamsi̱k saꞌ li templo eb laj tij ut eb li profeta?

Lamentaciones 1:10

Eb li xicꞌ nequeꞌiloc reheb laj Jerusalén queꞌxcꞌam chokꞌ reheb chixjunil lix biomal li tenamit Jerusalén. Eb laj Jerusalén queꞌril nak queꞌoc saꞌ li lokꞌlaj templo bar caye nak incꞌaꞌ naru teꞌoc li ma̱cuaꞌeb aj judío.

Jeremías 14:19

Laj Jeremías quixye: —At Ka̱cuaꞌ, ¿ma xatzꞌekta̱naheb li ralal xcꞌajol laj Judá chi junaj cua? ¿Ma xicꞌ nacacuileb li cuanqueb Sión? ¿Cꞌaꞌut nak xatakla li raylal aꞌin saꞌ kabe̱n li ma̱cꞌaꞌ xbanol? La̱o xkoybeni li tuktu̱quil usilal, abanan incꞌaꞌ xkacꞌul. Xkoybeni nak toqꞌuira̱k, abanan xiu xiu chic cuanco.

Salmos 106:40

Cꞌajoꞌ nak quijoskꞌoꞌ li Dios saꞌ xbe̱neb lix tenamit. Joꞌcan nak quixtzꞌekta̱naheb.

Salmos 51:11

Mina̱tzꞌekta̱na taxak ut incꞌaꞌ taxak ta̱cuisi li Santil Musikꞌej cuiqꞌuin.

Deuteronomio 32:19

Li Ka̱cuaꞌ quiril li queꞌxba̱nu. Joꞌcan nak quixtzꞌekta̱naheb. Queꞌxqꞌue xjoskꞌil xban lix ma̱usilaleb.

Levítico 26:11

La̱in tincua̱nk saꞌ e̱ya̱nk ut incꞌaꞌ texintzꞌekta̱na.

Éxodo 32:13

Julticak a̱cue laj Abraham ut laj Isaac ut laj Jacob. Eb aꞌan aj cꞌanjeleb cha̱cuu ut la̱at xayechiꞌi chi anchal a̱chꞌo̱l reheb. Xaye reheb nak ta̱qꞌue chi qꞌuia̱nc ut chi nabalocꞌ li ralal xcꞌajoleb joꞌ xqꞌuialeb li chahim saꞌ choxa. Ut xayechiꞌi jun cha̱bil naꞌajej reheb aꞌan chi junelic ut reheb ajcuiꞌ li ralal xcꞌajol, chan laj Moisés.

1 Samuel 12:22

Saꞌ xcꞌabaꞌ lix lokꞌal, li Ka̱cuaꞌ incꞌaꞌ textzꞌekta̱na, xban nak aꞌan naraj nak la̱exak lix tenamit.

Salmos 25:11

Riqꞌuin taxak lix nimal la̱ lokꞌal, at Ka̱cuaꞌ, china̱cuy taxak xban nak nimla ma̱c xinba̱nu cha̱cuu.

Salmos 145:11

Cheꞌxyehak ta resil lix lokꞌal la̱ cuanquilal ut cheꞌxyehak ta resil li cꞌaꞌru caba̱nu riqꞌuin xnimal la̱ cuanquil.

Isaías 62:6

La̱in xinxakaban aj cꞌacꞌalenel saꞌ xbe̱n li tzꞌac li sutsu cuiꞌ li tenamit Jerusalén. Chi kꞌek chi cutan incꞌaꞌ teꞌxcanab xtzꞌa̱manquil xtenkꞌanquileb chiru li Dios.

Ezequiel 20:22

Abanan incꞌaꞌ quinsach ruheb nak incꞌaꞌ quicuaj nak ta̱isi̱k xlokꞌal lin cꞌabaꞌ chiruheb li xni̱nkal ru tenamit li queꞌiloc re nak quicuisiheb chak laj Israel Egipto.