Jeremías 14:15 - Li Santil hu

¹⁵ La̱in li Ka̱cuaꞌ ninyehoc re aꞌin chirixeb li profetas li yo̱queb chi a̱tinac saꞌ incꞌabaꞌ la̱in. La̱in incꞌaꞌ xintaklaheb, abanan yo̱queb chixyebal nak incꞌaꞌ ta̱cua̱nk li ple̱t chi moco ta̱cua̱nk li cueꞌej. La̱in ninye nak eb li profeta aꞌin teꞌca̱mk saꞌ li ple̱t ut xban cueꞌej.

Q'eqchi Bible

¹⁵ Jo'kan naq laa'in, li Qaawa', ninye chi jo'ka'in chirixeb' li propeet a'an li neke'aatinak sa' ink'ab'a' us ta ink'a' xintaqlaheb', ut neke'xye naq ink'a' taawanq li raaxiik' chi moko li we'ej sa' li tenamit a'in: Eb' li propeet a'an te'kamq xb'aan li raaxiik' ut li we'ej.

Jeremías 14:15 ပူးပေါင်းရင်းမြစ်များ

Ezequiel 14:10

Li ani tixpatzꞌ xnaꞌleb riqꞌuin li profeta aj balakꞌ, juntakꞌe̱t lix tojbaleb xma̱c li teꞌxcꞌul, joꞌ li tixpatzꞌ xnaꞌleb joꞌ ajcuiꞌ li profeta aj balakꞌ.

Apocalipsis 19:20

Li joskꞌ aj xul quichapeꞌ xban li Ti̱c Xchꞌo̱l li cuan chirix li cacua̱y sak rix ut quichapeꞌ ajcuiꞌ li profeta aj balakꞌ, li quixba̱nu li sachba chꞌo̱lej saꞌ xcꞌabaꞌ li joskꞌ aj xul. Riqꞌuin li sachba chꞌo̱lej quixba̱nu quixbalakꞌi nabaleb li tenamit chixcꞌulbal li retalil li joskꞌ aj xul ut queꞌxlokꞌoni lix jalam u̱ch. Chi xcabichaleb li joskꞌ aj xul ut li profeta aj balakꞌ queꞌcuteꞌ chi yoꞌyo̱queb saꞌ li xxamlel li azufre li chanchan nimla palau.

Amós 7:17

La̱ cuixakil ta̱yumbe̱tak saꞌ li tenamit ut eb la̱ cualal a̱cꞌajol teꞌcamsi̱k saꞌ li ple̱t. La̱ chꞌochꞌ ta̱jeqꞌui̱k reheb jalan. Ut la̱at toxatca̱mk saꞌ jalan tenamit saꞌ xya̱nkeb li incꞌaꞌ nequeꞌxcꞌoxla li Dios. Ut la̱ex aj Israel texchapekꞌ ut texcꞌamekꞌ chi najt saꞌ jalan tenamit, chan.

Jeremías 20:6

At Pasur, la̱at ut chixjunileb li cuanqueb saꞌ la̱ cuochoch texchapekꞌ ut texcꞌamekꞌ Babilonia. Texca̱mk ut texmukekꞌ aran, la̱at ut chixjunileb li nequeꞌrahoc a̱cue, li xabalakꞌiheb riqꞌuin li ticꞌtiꞌ li xaye reheb.

Jeremías 8:12

¿Ma nequeꞌxuta̱na̱c ta biꞌ xban li ma̱usilal nequeꞌxba̱nu? Incꞌaꞌ. Incꞌaꞌ nequeꞌxnau xuta̱na̱c. Joꞌcan nak la̱in tinqꞌueheb chixtojbal lix ma̱queb joꞌ nak quinqꞌueheb chixtojbal xma̱queb li jun chꞌol chic.

Jeremías 6:15

¿Ma nequeꞌxuta̱na̱c ta biꞌ xban li ma̱usilal li nequeꞌxba̱nu? Incꞌaꞌ. Incꞌaꞌ nequeꞌxnau xuta̱nac. Joꞌcan nak la̱in tinqꞌueheb chixtojbal lix ma̱queb joꞌ nak quinqꞌueheb chixtojbal xma̱queb li jun chꞌol chic, chan li Ka̱cuaꞌ.

1 Reyes 22:25

Ut laj Micaías quixye re: —Nak yo̱kat chixmukbal a̱cuib saꞌ eb li cab, tojoꞌnak ta̱qꞌue retal ma ya̱l na li yo̱quin chixyebal, chan.

Jeremías 23:30

Yo̱ injoskꞌil saꞌ xbe̱neb li profetas li nequeꞌa̱tinac chi ribileb rib ut nequeꞌxye nak la̱in xinyehoc re li cꞌaꞌru nequeꞌxye.

Jeremías 27:15

Li Ka̱cuaꞌ quixye nak incꞌaꞌ quixtaklaheb. Yo̱queb chi ticꞌtiꞌic nak nequeꞌa̱tinac saꞌ xcꞌabaꞌ li Dios. Joꞌcan nak li Ka̱cuaꞌ ta̱isi̱nk e̱re saꞌ le̱ naꞌaj rochbeneb le̱ profeta ut ta̱sachekꞌ e̱ru, chanquin re.

Lamentaciones 1:19

Kajap ke chixbokbaleb li nequeꞌrahoc ke, abanan xoeꞌxbalakꞌi. Eb laj tij ut eb li nequeꞌcꞌamoc be chiku yo̱queb chi ca̱mc saꞌ li tenamit. Yo̱queb raj chixsicꞌbal lix tzacae̱mkeb re nak incꞌaꞌ teꞌca̱mk.

Lamentaciones 2:20

At Ka̱cuaꞌ, qꞌue retal. ¿Ma cuan ta biꞌ anihak xaba̱nu re joꞌ yo̱cat chixba̱nunquil ke la̱o? ¿Ma tento ta biꞌ nak eb li naꞌbej teꞌxtiu xtibeleb lix cocꞌal li nequeꞌxra? ¿Ma tento ta biꞌ nak teꞌcamsi̱k saꞌ li templo eb laj tij ut eb li profeta?

Ezequiel 13:14

La̱in tinsach li tzꞌac li xeꞌxbon rix. Tincuisi lix xeꞌ li tzꞌac ut tintꞌan chi junaj cua. Ut nak ta̱tꞌanekꞌ telajeꞌcamsi̱k xban. Ut riqꞌuin aꞌan teꞌxqꞌue retal nak la̱in li Ka̱cuaꞌ.

Ezequiel 14:9

Junak profeta li ta̱balakꞌi̱k tixye li moco ya̱l ta. Aꞌan xban nak la̱in xincanab chi balakꞌi̱c. Ut la̱in tincuisi saꞌ xya̱nkeb laj Israel.

Miqueas 3:5

Joꞌcaꞌin quixye li Ka̱cuaꞌ chirixeb li profeta li nequeꞌqꞌuehoc reheb lin tenamit chi ma̱cobc: —Tuktu̱quil usilal nequeꞌxtzꞌa̱ma saꞌ xbe̱neb li nequeꞌqꞌuehoc xcuaheb. Ut raylal nequeꞌxtzꞌa̱ma saꞌ xbe̱neb li ani incꞌaꞌ nequeꞌqꞌuehoc xcuaheb.

Deuteronomio 18:20

Cui junak profeta tixqꞌue rib chi a̱tinac saꞌ incꞌabaꞌ chi incꞌaꞌ xinye la̱in, malaj ut cui ta̱a̱tinak saꞌ xcꞌabaꞌeb li jalanil dios, li jun aꞌan ta̱camsi̱k”, chan li Dios.

Jeremías 8:13

La̱in tinsach ruheb lin tenamit chi junaj cua. Chanchanakeb chic li xto̱nal li uvas ut li higos li incꞌaꞌ nau̱chin, li chaki lix xak. Ut li cꞌaꞌru quinqꞌue reheb ta̱isi̱k chiruheb.

Ezequiel 13:9

La̱in tinsach ruheb li nequeꞌril li visión li moco ya̱l ta ut tinsach ruheb li nequeꞌticꞌtiꞌic nak nequeꞌkꞌehin. Incꞌaꞌ chic teꞌoque̱nk saꞌ xya̱nkeb li nequeꞌcꞌu̱ban re li cꞌaꞌru ta̱uxma̱nk saꞌ lin tenamit chi moco tzꞌi̱banbilak lix cꞌabaꞌeb saꞌ li hu li tzꞌi̱banbil cuiꞌ xcꞌabaꞌeb laj Israel. Ut incꞌaꞌ chic teꞌsukꞌi̱k saꞌ lix naꞌajeb laj Israel. Riqꞌuin aꞌin teꞌxqꞌue retal nak la̱in li Ka̱cuaꞌ li nimajcual Dios.

Ezequiel 13:15

Li tzꞌac ut eb li queꞌbonoc rix teꞌrecꞌa lin joskꞌil. Ut la̱in tinye e̱re: Xsacheꞌ li tzꞌac joꞌ eb ajcuiꞌ li queꞌbonoc rix.

Ezequiel 33:6

Cui laj ilol re li tenamit ta̱ril nak yo̱keb chi cha̱lc li xicꞌ nequeꞌiloc reheb ut incꞌaꞌ tixya̱basi lix trompeta, eb li tenamit teꞌcamsi̱k xbaneb, ut laj ilol re li tenamit, aꞌan cuan xma̱c xban nak ma̱cꞌaꞌ xba̱nu re xcolbaleb.