Jeremías 14:14 - Li Santil hu

¹⁴ Ut li Ka̱cuaꞌ quixye: —Li cꞌaꞌru yo̱queb chixyebal li profetas ticꞌtiꞌ. Nequeꞌxye nak yo̱queb chi a̱tinac saꞌ incꞌabaꞌ. La̱in incꞌaꞌ xebintakla, ut incꞌaꞌ xinxakabeb chi moco xina̱tinac riqꞌuineb. La̱in incꞌaꞌ xincꞌut visión chiruheb. Ticꞌtiꞌic ut balakꞌic nequeꞌxba̱nu. Yo̱queb chixyebal li cꞌaꞌru nequeꞌrecꞌa xjuneseb.

Q'eqchi Bible

¹⁴ Toja' naq li Qaawa' kixye we: “B'alaq'ik yookeb' li propeet a'an sa' ink'ab'a'. Laa'in ink'a' xintaqlaheb' a'an, ink'a' xinchaq'rab'iheb' chi moko xin'aatinak rik'ineb'. Tik'ti' li neke'xye, b'alaq'il moy u, yal xk'a'uxeb' winq li maak'a' aj e: a'an a'in li neke'xye resil eere eb' li propeet a'an.

Jeremías 14:14 ပူးပေါင်းရင်းမြစ်များ

Ezequiel 12:24

Incꞌaꞌ chic ta̱cꞌutbesi̱k chiruheb li visión li moco ya̱l ta, chi moco teꞌticꞌtiꞌik chic riqꞌuin kꞌehicꞌ saꞌ xya̱nkeb laj Israel.

Jeremías 29:31

—Takla li esilal aꞌin reheb chixjunileb li queꞌcꞌameꞌ Babilonia ut ta̱ye reheb: Joꞌcaꞌin xye li Ka̱cuaꞌ chirix laj Semaías, Nehelam xtenamit. Laj Semaías xexbalakꞌi nak xye e̱re nak saꞌ incꞌabaꞌ x-a̱tinac. Ut aꞌan moco ya̱l ta xban nak ma̱cuaꞌ la̱in xintaklan re.

Lamentaciones 2:14

Aꞌaneb ajcuiꞌ le̱ profeta li queꞌbalakꞌin e̱re. La̱ex yo̱quex chi ma̱cobc, abanan incꞌaꞌ queꞌxye e̱re nak incꞌaꞌ us yo̱quex. Incꞌaꞌ queꞌxye e̱re nak te̱yotꞌ e̱chꞌo̱l ut te̱jal e̱cꞌaꞌux re nak incꞌaꞌ texchapekꞌ. Ticꞌtiꞌ ban li queꞌxye e̱re.

Miqueas 3:11

Eb laj rakol a̱tin nequeꞌtumina̱c ruheb nak nequeꞌrakoc a̱tin. Ut eb laj tij tojbileb nak nequeꞌxcꞌut li chakꞌrab chiruheb li tenamit. Ut eb li profeta nequeꞌyehoc ra̱tin profeta re nak teꞌxcꞌul lix tumineb. Ut chixjunileb nequeꞌxcꞌojob xchꞌo̱l chixyebal: —Li Ka̱cuaꞌ cuan kiqꞌuin. La̱o ma̱cꞌaꞌ raylal takacꞌul, chanqueb.

Jeremías 5:31

Eb li profeta ticꞌtiꞌ nequeꞌxye. Ut eb laj tij nequeꞌxba̱nu joꞌ nequeꞌraj eb li profeta. Ut eb lin tenamit joꞌcan queꞌcuulac chiru. Abanan ¿cꞌaꞌru teꞌxba̱nu nak ta̱cuulak xkꞌehil li rakba a̱tin? chan li Ka̱cuaꞌ.

Ezequiel 21:29

Eb li visión li nequeril moco ya̱l ta ut li cꞌaꞌru nequekꞌehi ticꞌtiꞌ. Numtajenak le̱ ma̱usilal ut incꞌaꞌ us le̱ naꞌleb. Abanan cuulac re xkꞌehil nak te̱toj rix le̱ ma̱usilal nak texcamsi̱k chi chꞌi̱chꞌ.

1 Timoteo 4:2

Ticꞌtiꞌ li nequeꞌxcꞌut eb laj balakꞌ. Incꞌaꞌ chic nequeꞌrecꞌa nak incꞌaꞌ us yo̱queb. Chanchan nak cꞌatbil riqꞌuin chꞌi̱chꞌ lix cꞌaꞌuxeb xban li ticꞌtiꞌ li nequeꞌxye. Joꞌcan nak incꞌaꞌ nequeꞌxqꞌue retal nak incꞌaꞌ us yo̱queb chixba̱nunquil.

Zacarías 13:3

Ut cui toj cuan junak ta̱oc chokꞌ profeta aj balakꞌ, lix naꞌ xyucuaꞌ teꞌxye re, “La̱at tento tatca̱mk xban nak xatticꞌtiꞌic saꞌ xcꞌabaꞌ li Dios,” chaꞌkeb re. La̱in li Ka̱cuaꞌ li yo̱quin chi yehoc re aꞌin. Cui ani tixqꞌue rib chokꞌ junak profeta aj balakꞌ, camsinbil ta̱uxk re xban lix naꞌ xyucuaꞌ.

Zacarías 10:2

Joꞌcan nak mextzꞌa̱man reheb li yi̱banbil dios xban nak aꞌan moco teꞌxqꞌue ta li cꞌaꞌru te̱tzꞌa̱ma. Eb laj kꞌe, aꞌan aj ticꞌtiꞌeb. Moco ya̱l ta li cꞌaꞌru nequeꞌxye. Chanchan yal matqꞌuenbil nequeꞌxba̱nu li cꞌaꞌru nequeꞌxye. Moco ya̱l ta nak nequeꞌxcꞌojob e̱chꞌo̱l. Xban eb aꞌan nak queꞌxchaꞌchaꞌi ribeb li tenamit yalak bar. Ra queꞌxcꞌul xban nak ma̱ ani qui-iloc reheb.

Ezequiel 13:23

Joꞌcan nak la̱ex incꞌaꞌ chic te̱ril li visión li moco ya̱l ta, chi moco texkꞌehikꞌ chic. La̱in tincoleb lin tenamit saꞌ e̱rukꞌ la̱ex. Ut riqꞌuin aꞌan la̱ex te̱qꞌue retal nak la̱in li Ka̱cuaꞌ, chan li Dios.

Jeremías 37:19

¿Bar cuanqueb li profeta li queꞌyehoc a̱cue nak lix reyeb laj Babilonia incꞌaꞌ ta̱pletik a̱cuiqꞌuin chi moco riqꞌuineb la̱ tenamit?

Jeremías 29:21

Li Ka̱cuaꞌ lix Dioseb laj Israel naxye chi joꞌcaꞌin chirix laj Acab li ralal laj Colaías ut chirix ajcuiꞌ laj Sedequías li ralal laj Maasías li queꞌxye ticꞌtiꞌ saꞌ xcꞌabaꞌ li Dios, “La̱in tinkꞌaxtesiheb saꞌ rukꞌ laj Nabucodonosor lix reyeb laj Babilonia. Laj Nabucodonosor tixtakla xcamsinquileb che̱ru la̱ex,” chan li Dios.

Jeremías 28:15

Ut li profeta Jeremías quixye re laj Hananías: —Abi li yo̱quin chixyebal a̱cue, at Hananías. Ma̱cuaꞌ li Ka̱cuaꞌ xyehoc a̱cue li cꞌaꞌru xaye, abanan la̱at xabalakꞌiheb li tenamit riqꞌuin li ticꞌtiꞌ li xaye.

Jeremías 28:13

Ut quixye re: —Ayu ut ta̱ye re laj Hananías nak li Ka̱cuaꞌ quixye chi joꞌcaꞌin: La̱at xatok li yugo cheꞌ, abanan la̱in tinqꞌue jun li yugo chꞌi̱chꞌ chokꞌ re̱kaj.

Isaías 9:15

Eb li nequeꞌcꞌamoc be ut eb li cuanqueb xcuanquil, aꞌaneb li queꞌjuntakꞌe̱ta̱c riqꞌuin lix jolom li xul. Ut eb li queꞌjuntakꞌe̱ta̱c riqꞌuin lix ye li xul, aꞌaneb lix profeta li nequeꞌticꞌtiꞌic.

1 Juan 4:1

Ex herma̱n, qꞌuehomak retal nak moco chixjunil ta aj iqꞌuin cuan li Santil Musikꞌej. Nabaleb laj tzolonel aj balakꞌ cuanqueb saꞌ ruchichꞌochꞌ. Me̱pa̱b chixjunil li cꞌaꞌak re ru nequerabi riqꞌuineb, usta ta̱yehekꞌ e̱re nak riqꞌuin li Dios xchal. Tento nak te̱tzꞌil rix li te̱rabi re xnaubal ma riqꞌuin li Dios xchal li nequeꞌxye malaj incꞌaꞌ.

Deuteronomio 18:20

Cui junak profeta tixqꞌue rib chi a̱tinac saꞌ incꞌabaꞌ chi incꞌaꞌ xinye la̱in, malaj ut cui ta̱a̱tinak saꞌ xcꞌabaꞌeb li jalanil dios, li jun aꞌan ta̱camsi̱k”, chan li Dios.

Isaías 56:10

Eb laj tzolol reheb laj Israel chanchaneb li mutzꞌ. Incꞌaꞌ nequeꞌxcꞌut lix ya̱lal chiruheb lin tenamit. Ma̱cꞌaꞌeb xnaꞌleb. Chanchaneb li tzꞌiꞌ li incꞌaꞌ naru nequeꞌcuo̱bac. Nequeꞌxnumsi li cutan chi matqꞌuec. Cꞌajoꞌ nak nacuulac chiruheb li cua̱rc.

Jeremías 8:11

Chiruheb aꞌan moco nim ta li raylal li yo̱ chixcꞌulbal lin tenamit. Eb aꞌan nequeꞌxye nak ma̱cꞌaꞌ raylal. Nequeꞌxye nak cuan li tuktu̱quil usilal. Abanan ma̱cꞌaꞌ tuktu̱quil usilal.

Jeremías 20:6

At Pasur, la̱at ut chixjunileb li cuanqueb saꞌ la̱ cuochoch texchapekꞌ ut texcꞌamekꞌ Babilonia. Texca̱mk ut texmukekꞌ aran, la̱at ut chixjunileb li nequeꞌrahoc a̱cue, li xabalakꞌiheb riqꞌuin li ticꞌtiꞌ li xaye reheb.

Jeremías 28:11

Ut chiruheb chixjunileb li tenamit laj Hananías quixye: —Joꞌcaꞌin quixye li Ka̱cuaꞌ. Joꞌ nak xtokeꞌ li yugo aꞌin li xcuan chirix xcux laj Jeremías, joꞌcan ajcuiꞌ nak la̱in tincuisi xcuanquil laj Nabucodonosor lix reyeb laj Babilonia. Saꞌ cuib chihab la̱in tincuisi xcuanquil. Chanchan nak tincuisi li yugo chirix xcuxeb chixjunileb li tenamit ut tintok, chan. Nak quirakeꞌ chi a̱tinac laj Hananías, li profeta Jeremías co̱.

Lamentaciones 2:9

Eb li oqueba̱l re li tenamit tꞌanenakeb chic saꞌ chꞌochꞌ. Jorbil chic li ni̱nki cheꞌ li queꞌtzꞌapoc re li oqueba̱l. Li rey joꞌqueb ajcuiꞌ li queꞌtenkꞌan re queꞌchapeꞌ ut queꞌcꞌameꞌ chi najt saꞌ jalan tenamit. Ma̱cꞌaꞌ chic xchakꞌrab li Dios. Ut li Ka̱cuaꞌ incꞌaꞌ chic naxcꞌutbesi li visión chiruheb li profeta.

Jeremías 8:10

Joꞌcan nak la̱in tinqꞌueheb li rixakil reheb jalan cui̱nk. Ut lix naꞌajeb li racui̱mk tinqꞌue reheb li teꞌchapok re lix tenamiteb xban nak junes lix biomal nequeꞌxcꞌoxla li cuanqueb xcuanquil joꞌ eb ajcuiꞌ li ma̱cꞌaꞌeb xcuanquil. Eb li profeta ut eb laj tij nequeꞌbalakꞌic.

Ezequiel 13:2

—At ralal cui̱nk, ta̱kꞌuseb lix profeteb laj Israel li yo̱queb chi balakꞌic riqꞌuin li cꞌaꞌru nequeꞌxye yal xjuneseb rib. Ta̱ye reheb nak cheꞌrabihak li oc cue chixyebal.