Jeremías 14:10 - Li Santil hu

¹⁰ Aꞌan aꞌin li naxye li Ka̱cuaꞌ chirixeb li tenamit Israel: —Eb li tenamit aꞌin incꞌaꞌ tuktu xchꞌo̱leb cuiqꞌuin. Cocꞌ aj xsaꞌ nequeꞌxjal xcꞌaꞌuxeb. Incꞌaꞌ nacuulac chicuu li cꞌaꞌru nequeꞌxba̱nu. Cuan saꞌ inchꞌo̱l li ma̱usilal li nequeꞌxba̱nu. Joꞌcan nak la̱in tinqꞌueheb chixtojbal lix ma̱queb, chan li Dios.

Q'eqchi Bible

¹⁰ Jo'ka'in kixye li Qaawa' chirix li tenamit Israel: “Li tenamit a'in q'axal nawulak chiru xb'eeninkil rib' yalaq b'ar; ink'a' neke'hilank junpaataq. Jo'kan naq moko sa ta sa' inch'ool chirixeb'. Anaqwan ok we chi xjultikankil li xmaakeb' ut tink'eheb' chi xtojb'al rix a'an”.

Jeremías 14:10 ပူးပေါင်းရင်းမြစ်များ

Oseas 9:9

Kꞌaxal xnumta le̱ ma̱usilal joꞌ queꞌxba̱nu aran Gabaa. Anakcuan ta̱julticokꞌ re li Dios le̱ ma̱usilal ut aꞌan ta̱qꞌuehok e̱re chixtojbal rix le̱ ma̱c, chan laj Oseas.

Oseas 8:13

Nequeꞌxmayeja li xul chicuu ut eb aꞌan ajcuiꞌ li nequeꞌtzacan re. La̱in incꞌaꞌ nacuulac chicuu lix mayejeb xban nak najulticoꞌ cue li ma̱usilal nequeꞌxba̱nu. Joꞌcan nak re xtojbal rixeb lix ma̱c, ta̱cha̱lk li raylal saꞌ xbe̱neb. Chanchan li raylal li queꞌxcꞌul nak cuanqueb chak Egipto.

Salmos 119:101

Incꞌaꞌ xinba̱nu li ma̱usilal xban nak xcuaj xba̱nunquil li naxye la̱ cua̱tin.

Amós 5:22

Usta nequemayeja li cꞌatbil xul re xqꞌuebal inlokꞌal ut nequemayeja li ru le̱ trigo, abanan incꞌaꞌ nacuulac chicuu. Usta te̱mayeja li ral li cuacax, li nim xtibel re xcꞌambal cuiꞌchic e̱rib saꞌ usilal cuiqꞌuin, abanan la̱in incꞌaꞌ tincꞌul.

Jeremías 6:20

¿Cꞌaꞌru aj e nak teꞌxcꞌam chak li pom toj saꞌ li tenamit Sabá? ¿Cꞌaꞌru rajbal nak teꞌxic chi najt chixsicꞌbal li sununquil ban? La̱in incꞌaꞌ nacuulac chicuu lix mayej chi moco tincꞌuleb ta lix cꞌatbil mayej.

Hebreos 8:12

Tincuy lix ma̱queb ut ma̱ jun cua chic tincꞌoxla lix ma̱usilaleb, chan li Dios. (Jer. 31:31-34)

Jeremías 31:34

Moco tento ta nak toj teꞌxye re li ras ri̱tzꞌin “¿Ma nacanau ani li tzꞌakal Dios?” xban nak chixjunileb, joꞌ cocꞌ joꞌ ni̱nk, teꞌxnau nak la̱in li Ka̱cuaꞌ Dios. Ut la̱in tincuyeb tinsacheb lix ma̱queb ut incꞌaꞌ chic ta̱nak saꞌ inchꞌo̱l lix ma̱usilaleb, chan li Ka̱cuaꞌ.

Oseas 11:9

La̱in incꞌaꞌ tinba̱nu li cꞌaꞌru quincꞌoxla xba̱nunquil e̱riqꞌuin nak quechikꞌ xxamlel injoskꞌil. La̱in incꞌaꞌ chic texinsach chi junaj cua, la̱ex aj Efraín, xban nak la̱in Diosin. Ma̱cuaꞌin yal cui̱nk. La̱in li Dios Santo li cuanquin saꞌ e̱ya̱nk. Incꞌaꞌ tin-oc saꞌ le̱ tenamit che̱sachbal.

Oseas 11:7

Lin tenamit niquineꞌxtzꞌekta̱na. Junes kꞌetkꞌetil chic cuan saꞌ xchꞌo̱leb. Usta nequeꞌxye nak la̱in li kꞌaxal nim incuanquil, abanan ma̱ jun reheb naqꞌuehoc incuanquil.

Jeremías 8:5

¿Cꞌaꞌut nak eb laj Jerusalén queꞌxjal xcꞌaꞌux? ¿Cꞌaꞌut nak incꞌaꞌ nequeꞌsukꞌi cuiqꞌuin? ¿Cꞌaꞌut nak nequeꞌxkꞌetkꞌeti ribeb ut incꞌaꞌ nequeꞌraj cha̱lc cuiqꞌuin?

Jeremías 2:36

¿Cꞌaꞌut nak xejal e̱naꞌleb nak xepatzꞌ e̱tenkꞌanquil riqꞌuineb li jalaneb xtenamit? Ta̱cꞌutekꞌ e̱xuta̱n xbaneb laj Egipto joꞌ nak xcꞌuteꞌ e̱xuta̱n xbaneb laj Asiria.

1 Reyes 17:18

Li naꞌbej quixye re laj Elías: —¿Cꞌaꞌru inma̱c cha̱cuu, at xprofeta li Dios? ¿Ma xatchal cuiqꞌuin chixjulticanquil lin ma̱c ut chixcamsinquil lin chꞌina yum? chan.

1 Samuel 15:2

Aꞌan aꞌin li naxye li nimajcual Dios; “La̱in tinqꞌueheb chixtojbal xma̱queb li ralal xcꞌajol laj Amalec xban nak incꞌaꞌ queꞌxcanabeb laj Israel chi numecꞌ saꞌ lix naꞌajeb nak queꞌel chak aran Egipto.

Jeremías 3:13

Caꞌaj cuiꞌ te̱qꞌue retal nak xexma̱cob chicuu la̱in li Ka̱cuaꞌ le̱ Dios ut te̱patzꞌ e̱cuybal. Xekꞌet li cua̱tin. Xelokꞌoniheb li jalanil dios rubeleb li ni̱nki cheꞌ. Ut incꞌaꞌ xeba̱nu li cꞌaꞌru xinye e̱re, chan li Dios.

Ezequiel 29:16

Incꞌaꞌ chic teꞌxcꞌojob xchꞌo̱leb laj Israel riqꞌuin li tenamit Egipto. Nak eb laj Israel teꞌril li tenamit Egipto, ta̱nak saꞌ xchꞌo̱leb chanru nak queꞌma̱cob nak queꞌxcꞌojob xchꞌo̱leb saꞌ xbe̱neb. Ut riqꞌuin aꞌan teꞌxqꞌue retal nak la̱in li nimajcual Dios.—

Oseas 7:2

Incꞌaꞌ nequeꞌxcꞌoxla nak la̱in yo̱quin chixqꞌuebal retal lix ma̱usilaleb. La̱in nacuil nak li ma̱c yo̱ chi numta̱c saꞌ xbe̱neb.

Oseas 7:13

Tokꞌob xak ruheb xban nak xineꞌxtzꞌekta̱na la̱in. Raylal ta̱cha̱lk saꞌ xbe̱neb xban nak xeꞌxkꞌetkꞌeti ribeb chicuu ut yal xcab rix xchꞌo̱leb nak xineꞌxlokꞌoni. La̱in xcuaj raj xcolbaleb, abanan eb aꞌan incꞌaꞌ xeꞌraj.

Amós 3:2

—Saꞌ xya̱nkeb chixjunileb li tenamit saꞌ ruchichꞌochꞌ, caꞌaj cuiꞌ la̱ex sicꞌbil e̱ru inban. Joꞌcan nak tento texinqꞌue chixtojbal rix le̱ ma̱usilal, chan li Ka̱cuaꞌ.

Éxodo 32:34

Ayu. Cuben ut tatcꞌamok be chiruheb li tenamit. Texxic saꞌ li naꞌajej xinye a̱cue. Ut lin ángel ta̱cꞌamok be cha̱cuu. Aban nak ta̱cuulak xkꞌehil tinrakok a̱tin saꞌ xbe̱neb, aran teꞌxtoj lix ma̱queb, chan li Dios.

Salmos 95:10

Caꞌcꞌa̱l chihab yo̱ injoskꞌil saꞌ xbe̱neb li tenamit aꞌan ut quinye, “Eb li tenamit aꞌin incꞌaꞌ nequextau xya̱lal chi moco queꞌraj xtaubal.”