Jeremías 13:18 - Li Santil hu

¹⁸ Yehomak resil re li rey ut re li reina, “Cubsihomak e̱rib ut chunlankex saꞌ chꞌochꞌ xban nak xcuulac xkꞌehil nak ta̱isi̱k le̱ corona.”

Q'eqchi Bible

¹⁸ “Ye re li awab'ej ut re li xna': «Kub'sihomaq leewankil ut chunlanqex sa' ch'och', xb'aan naq maak'a' chik leekoroon li na'uutz'u'ujink re leejolom».

Jeremías 13:18 ပူးပေါင်းရင်းမြစ်များ

Jeremías 22:26

Tatincanab chi cꞌamecꞌ a̱cuochben la̱ naꞌ saꞌ jalan tenamit li incꞌaꞌ catyoꞌla cuiꞌ ut aran tatca̱mk.

2 Reyes 24:12

Li rey Joaquín quixkꞌaxtesi rib rubel xcuanquil li rey Nabucodonosor rochben lix naꞌ ut eb li ralal, joꞌ eb ajcuiꞌ li nequeꞌiloc re laj Joaquín ut eb li nequeꞌtenkꞌan re chi takla̱nc. Laj Nabucodonosor quixchapeb ut quixcꞌameb chi pre̱xil. Aꞌin quicꞌulman nak ac yo̱ cuakxakib chihab roquic chokꞌ xreyeb laj Babilonia laj Nabucodonosor.

2 Reyes 24:15

Quixcꞌam chi pre̱xil li rey Joaquín toj Babilonia joꞌ ajcuiꞌ lix naꞌ ut eb li rixakil ut eb li cui̱nk li nequeꞌtenkꞌan re chi taklac. Ut quixcꞌameb ajcuiꞌ chi pre̱xil li cui̱nk li cuanqueb xcuanquil saꞌ li tenamit Jerusalén.

2 Crónicas 33:19

Ut tzꞌi̱banbil retalil lix tij li rey Manasés ut chanru nak li Dios quixsume. Tzꞌi̱banbil ajcuiꞌ retalil li ma̱usilal li quixba̱nu nak toj ma̱jiꞌ nayotꞌeꞌ xchꞌo̱l ut najal xcꞌaꞌux. Tzꞌi̱banbil retalil li incꞌaꞌ us quixba̱nu ut tzꞌi̱banbil retalil li naꞌajej li najt xteram li quilajxyi̱b re xlokꞌoninquil li jalanil dios, joꞌ ajcuiꞌ lix jalam u̱ch li yi̱banbil dios xAsera. Chixjunil li cꞌaꞌak re ru aꞌin tzꞌi̱banbil retalil saꞌ li hu li queꞌxtzꞌi̱ba eb li profeta.

Isaías 47:1

Li Ka̱cuaꞌ quixye: —Ex aj Babilonia, cubsihomak e̱rib. Chunlankex saꞌ chꞌochꞌ chi ma̱cꞌaꞌ chic e̱cuanquil. Junxil chanchanex jun li tukꞌ ixk xban nak la̱ex ma̱ jun sut xexchapeꞌ xban jalan tenamit. Abanan anakcuan moco joꞌcanex ta chic. La̱ex li raro̱quex nak xexcuan texcana̱k chokꞌ rahobtesinbil mo̱s.

2 Crónicas 33:12

Nak ac cuan chic saꞌ raylal, laj Manasés quitijoc chiru li Ka̱cuaꞌ lix Dios. Quixcubsi rib chiru li Ka̱cuaꞌ, lix Dioseb lix xeꞌto̱nil yucuaꞌ.

1 Pedro 5:6

Checubsi biꞌ e̱cuanquil chiru li Dios li kꞌaxal nim xcuanquil re nak li Dios tixnimobresi le̱ cuanquil nak tixtau xkꞌehil.

Santiago 4:10

Checubsihak e̱rib chiru li Dios ut aꞌan tixqꞌue e̱cuanquil.

San Mateo 18:4

Joꞌcan nak li ani narecꞌa nak ma̱cꞌaꞌ xcuanquil joꞌ li chꞌina al aꞌin, aꞌan li kꞌaxal nim xcuanquil saꞌ lix nimajcual cuanquilal li Dios.

Jonás 3:6

Nak quicuulac resil riqꞌuin li rey li ta̱cꞌulma̱nk saꞌ li tenamit Nínive, li rey quicuacli saꞌ lix cꞌojariba̱l. Quirisi li cha̱bil akꞌ chirix ut quixqꞌue li tꞌicr kꞌes ru chirix ut quixchunub rib saꞌ cha.

Isaías 3:26

Eb li cuanqueb saꞌ li tenamit teꞌya̱bak ut teꞌxqꞌue li kꞌes ru tꞌicr chirixeb. Li tenamit Jerusalén tzꞌekta̱nanbil ta̱cana̱k.

2 Crónicas 33:23

Abanan incꞌaꞌ quiyotꞌeꞌ xchꞌo̱l joꞌ nak quiyotꞌeꞌ xchꞌo̱l laj Manasés lix yucuaꞌ. Ut incꞌaꞌ quixcubsi rib chiru li Ka̱cuaꞌ. Quinumta ban li ma̱usilal li quixba̱nu.

Éxodo 10:3

Tojoꞌnak laj Moisés ut laj Aarón queꞌco̱eb riqꞌuin laj faraón ut queꞌxye re: —Joꞌcaꞌin xye a̱cue li Ka̱cuaꞌ Dios, lix Dioseb laj hebreo. “¿Jokꞌe ta̱cubsi a̱cuib chicuu? Canabeb chi xic lin tenamit re nak tineꞌxlokꞌoni.”

Lamentaciones 2:10

Eb li nequeꞌcꞌamoc be chiruheb li cuanqueb Sión, chunchu̱queb chic saꞌ chꞌochꞌ. Incꞌaꞌ nequeꞌa̱tinac. Queꞌxqꞌue li poks saꞌ xjolomeb ut queꞌxqꞌue li kꞌes ru tꞌicr chirixeb retalil lix rahil xchꞌo̱leb. Ut eb li tukꞌ ixk nequeꞌxxulub lix jolomeb xban xrahil xchꞌo̱leb.

Éxodo 39:28

Joꞌcan ajcuiꞌ li mitra li teꞌxqꞌue saꞌ xjolom ut lix sahob ru joꞌ ajcuiꞌ li cue̱x li nequeꞌxqꞌue chi saꞌ li rakꞌeb. Chixjunil aꞌan queꞌxyi̱b riqꞌuin li bakbil nokꞌ lino.

Proverbios 27:24

xban nak li biomal ut li cuanquilal moco nacuan ta chi junelic. Na-osoꞌ ban.

Isaías 3:20

Ta̱risiheb ajcuiꞌ li tꞌicr li nequeꞌrocsi saꞌ xjolomeb, ut li kꞌol li nequeꞌrocsi saꞌ xcux rokeb. Ta̱risiheb ajcuiꞌ li nequeꞌxchap cuiꞌ li rismaleb joꞌ ajcuiꞌ li sununquil ban li nequeꞌrocsi ut li kꞌol li nequeꞌxqꞌue re xcolbaleb rib chiru li cꞌaꞌak re ru.

Jeremías 29:2

Quixtzꞌi̱ba li hu aꞌan nak ac queꞌchapeꞌ ut queꞌcꞌameꞌ Babilonia li rey Jeconías ut lix naꞌ, ut eb li nequeꞌcꞌanjelac saꞌ li palacio, joꞌ eb ajcuiꞌ li cuanqueb xcuanquil aran Jerusalén ut Judá, rochbeneb laj pechꞌ ut laj tꞌenol chꞌi̱chꞌ li nequeꞌxnau trabajic chi us.

Jeremías 36:16

Nak queꞌrabi li cꞌaꞌru naxye saꞌ li hu, cꞌajoꞌ nak queꞌxucuac. Queꞌxcaꞌya ribeb ut queꞌxye re laj Baruc: —Tento takaye re li rey chixjunil aꞌin, chanqueb.

Lamentaciones 1:6

Anakcuan xsach lix lokꞌal li tenamit Jerusalén. Eb li nequeꞌcꞌamoc be chiruheb chanchaneb chic li quej li incꞌaꞌ nequeꞌxtau xcuaheb. Ma̱cꞌaꞌ chic xmetzꞌe̱uheb nak yo̱queb chi e̱lelic chiruheb li yo̱queb chi chapoc reheb.

Lamentaciones 1:9

Quicꞌutun chi tzꞌakal li ma̱usilal li queꞌxba̱nu, abanan incꞌaꞌ quiyotꞌeꞌ xchꞌo̱leb. Incꞌaꞌ queꞌxqꞌue retal cꞌaꞌru teꞌxcꞌul mokon. Cꞌajoꞌ li raylal queꞌxcꞌul nak qui-isi̱c xcuanquileb. Ma̱ ani nacꞌojoban xchꞌo̱leb. Nequeꞌtijoc ut nequeꞌxye re li Dios: —At Ka̱cuaꞌ, chaqꞌue taxak retal li raylal li yo̱co chixcꞌulbal. Chaqꞌue taxak retal chanru nak eb li xicꞌ nequeꞌiloc ke yo̱queb chi numta̱c saꞌ kabe̱n, chanqueb.

Lamentaciones 5:16

Ma̱cꞌaꞌ chic kalokꞌal. Tokꞌob ku xban nak xoma̱cob.

Ezequiel 16:12

Ut quinqꞌue li cha̱bil matkꞌab saꞌ la̱ cuuꞌuj ut quinqꞌue ajcuiꞌ la̱ caꞌxic. Cꞌajoꞌ xchꞌinaꞌusal li corona li quinqꞌue saꞌ a̱jolom.

Ezequiel 21:26

La̱in li nimajcual Dios ninye a̱cue: —Isi la̱ corona li cuan saꞌ a̱jolom, joꞌ ajcuiꞌ li tꞌicr li nacatzꞌap cuiꞌ a̱jolom. Anakcuan ta̱jala̱k chixjunil. Li ma̱cꞌaꞌ xcuanquil ta̱qꞌuehekꞌ xcuanquil, ut li cuan xcuanquil ta̱isi̱k xcuanquil.

Ezequiel 24:17

Incꞌaꞌ ta̱cꞌut nak ra saꞌ a̱chꞌo̱l. Incꞌaꞌ ta̱cuisi li tꞌicr li nacabacꞌ saꞌ a̱jolom, chi moco ta̱cuisi la̱ xa̱b retalil xrahil a̱chꞌo̱l. Incꞌaꞌ ta̱tzꞌap a̱jolom chi moco ta̱tzaca li tzacae̱mk li nequeꞌxtzaca li raheb saꞌ xchꞌo̱l, chan.

Ezequiel 24:23

Incꞌaꞌ te̱risi li tꞌicr li nequebacꞌ cuiꞌ le̱ jolom, chi moco te̱risi le̱ xa̱b, chi moco texya̱bak xban xrahil e̱chꞌo̱l. Te̱recꞌa ban xrahil li ma̱usilal li xeba̱nu ut te̱jikꞌ e̱chꞌo̱l chi ribil e̱rib.—

Ezequiel 44:18

Teꞌxbat lix jolomeb riqꞌuin li tꞌicr lino. Ut lix ta li rakꞌeb, aꞌan yi̱banbilak riqꞌuin lino. Incꞌaꞌ teꞌrocsi li akꞌej li ta̱ru̱k teꞌtikobak xban.

Daniel 5:20

Abanan qui-isi̱c saꞌ xcuanquil xban nak quixkꞌetkꞌeti rib ut quixcacuubresi lix chꞌo̱l. Xban lix kꞌetkꞌetil kꞌaxal cuiꞌchic quixnimobresi rib. Joꞌcan nak qui-isi̱c saꞌ xcuanquil ut qui-isi̱c ajcuiꞌ lix lokꞌal.

Jeremías 22:24

Li Ka̱cuaꞌ quixye re laj Jeconías li ralal laj Joacim lix reyeb laj Judá: —Saꞌ incꞌabaꞌ la̱in li yoꞌyo̱quil Dios, la̱in ninye a̱cue nak usta la̱at kꞌaxal lokꞌ chicuu joꞌ jun li matkꞌab li cuan saꞌ ruꞌuj cuukꞌ saꞌ lin nim, tatcuisi saꞌ cuukꞌ ut tatintzꞌekta̱na.