Jeremías 13:17 - Li Santil hu

¹⁷ Abanan cui incꞌaꞌ nequex-abin chiru, la̱in tinya̱bak chi mukmu xban le̱ kꞌetkꞌetil. Cau tinya̱bak toj retal nak ta̱tꞌuluk li xyaꞌal cuu xban nak lix tenamit li Dios teꞌchapekꞌ ut teꞌcꞌamekꞌ xbaneb li jalan tenamit.

Q'eqchi Bible

¹⁷ Wi ink'a' nekexpaab'ank chiru, laa'in tinyaab'aq injunes xb'aan leeq'etq'etil; taayot'e'q linch'ool ut xiikil li xya'al wu tinhoy, xb'aan naq li xtenamit li Qaawa' xe'isiik sa' li xna'ajeb'.

Jeremías 13:17 ပူးပေါင်းရင်းမြစ်များ

Malaquías 2:2

Cui incꞌaꞌ nequeba̱nu li cꞌaꞌru ninye ut cui incꞌaꞌ nequeqꞌue e̱chꞌo̱l chixqꞌuebal xlokꞌal lin cꞌabaꞌ, texintzꞌekta̱na ut le̱ rosobtesinquil tinsukꞌisi chokꞌ raylal. Ac xexintzꞌekta̱na xban nak incꞌaꞌ xeqꞌue e̱chꞌo̱l chixba̱nunquil li cꞌaꞌru xinye e̱re.

Jeremías 14:17

At Jeremías, ta̱ye reheb li tenamit chi joꞌcaꞌin, “Chi kꞌek chi cutan tinya̱bak chirixeb lin tenamit xban nak kꞌaxal ra cuanqueb. Incꞌaꞌ tincanab ya̱bac xban nak rahobtesinbileb.

Jeremías 9:1

Us raj cui lin jolom joꞌ jun li yuꞌam haꞌ ut li xnakꞌ cuu joꞌ li haꞌ li nabe̱c rok. Tinya̱bak raj chi kꞌek chi cutan chirixeb li cuech tenamitil li queꞌcamsi̱c.

Salmos 80:1

At Ka̱cuaꞌ, la̱at laj ilol reheb laj Israel. La̱at nacatcꞌamoc be chiruheb li ralal xcꞌajol laj José joꞌ jun cha̱bil pastor naxberesiheb lix carner. La̱at li nacathilan saꞌ xyiheb li querubines ut nacacꞌut la̱ lokꞌal.

Ezequiel 34:31

La̱ex aj Israel, la̱ex lin carner. La̱in ninchꞌolanin e̱re. La̱ex lin tenamit ut la̱in le̱ Dios, chan li nimajcual Dios.

Lamentaciones 2:18

La̱ex li cuanquex Jerusalén, cheya̱ba xcꞌabaꞌ li Ka̱cuaꞌ. Chi kꞌek chi cutan texya̱bak. Tꞌululnak xyaꞌal e̱ru. Chanchanak li nimaꞌ. Me̱canab ya̱bac. Me̱qꞌue chi hila̱nc li xnakꞌ e̱ru.

Lamentaciones 1:16

Xban li raylal li yo̱co chixcꞌulbal, nocoya̱bac. Natꞌuluc xyaꞌal ku. Ma̱ ani nacꞌojoban kachꞌo̱l ut ma̱ ani naru naqꞌuehoc xcacuil kachꞌo̱l. Ut eb li kalal kacꞌajol xeꞌcana chi ma̱cꞌaꞌ chic cuan reheb xban nak eb li xicꞌ nequeꞌiloc ke xeꞌnumta saꞌ kabe̱n.

Salmos 119:136

Cꞌajoꞌ nak ninya̱bac xban nak incꞌaꞌ nequeꞌxqꞌue xcuanquil la̱ cua̱tin.

1 Samuel 15:35

Ut laj Samuel incꞌaꞌ chic co̱ chirilbal laj Saúl chalen toj nak quicam. Abanan cꞌajoꞌ nak quirahoꞌ xchꞌo̱l xban. Ut li Ka̱cuaꞌ Dios quiyotꞌeꞌ xchꞌo̱l nak quixxakab laj Saúl chokꞌ xreyeb laj Israel.

Ezequiel 36:38

Xban xqꞌuialeb chanchanakeb li carner li nequeꞌmayeja̱c Jerusalén saꞌ xkꞌehil eb li ninkꞌe. Kꞌaxal nabalakeb chic li cristian saꞌ eb li tenamit li chanchan chaki chꞌochꞌ nak quicuan. Ut riqꞌuin aꞌin teꞌxnau nak la̱in li Ka̱cuaꞌ, chan li Dios.

Lamentaciones 1:2

Cꞌajoꞌ nak nequeꞌya̱bac chiru kꞌojyi̱n li cuanqueb Jerusalén. Li xyaꞌal ruheb natꞌululnac saꞌ xnakꞌ ruheb. Saꞌ xya̱nkeb chixjunileb li nequeꞌrahoc reheb, ma̱ ani naru nacꞌojoban re xchꞌo̱leb. Xeꞌtzꞌekta̱na̱c xbaneb li rami̱gueb nak queꞌcuan ut xicꞌ chic nequeꞌileꞌ.

Jeremías 23:1

Raylal ta̱cha̱lk saꞌ xbe̱neb li nequeꞌcꞌamoc be saꞌ xya̱nkeb lin tenamit xban nak xeꞌxcanab chi jeqꞌui̱c ruheb lin tenamit ut xeꞌxcanab chi sachecꞌ ruheb.

Jeremías 22:5

Abanan cui incꞌaꞌ te̱ba̱nu joꞌ ninye e̱re, ta̱sachekꞌ ru li palacio aꞌin. Juqꞌuinbil chic ta̱cana̱k. Saꞌ incꞌabaꞌ ajcuiꞌ la̱in xinba̱nu li juramento nak ta̱cꞌulma̱nk li cꞌaꞌru xinye.

Jeremías 17:16

At Ka̱cuaꞌ, la̱in incꞌaꞌ xintzꞌa̱ma cha̱cuu nak ta̱takla li raylal saꞌ xbe̱neb, chi moco nacuaj nak teꞌxcꞌul li raylal. La̱at nacanau. La̱at nacacuabi chixjunil li ninye.

Isaías 63:11

Ut eb li tenamit queꞌjulticoꞌ re chanru nak queꞌcuan junxil nak laj Moisés laj cꞌanjel chiru li Dios quicꞌamoc be chiruheb. Ut queꞌxye: —¿Ma ma̱cuaꞌ ta biꞌ li Dios li quitenkꞌan reheb li tenamit chi numecꞌ jun pacꞌal li palau rochbeneb li nacꞌamoc be chiruheb? ¿Ma ma̱cuaꞌ ta biꞌ li Dios quicꞌamoc be chiruheb riqꞌuin lix Santil Musikꞌ?

1 Samuel 15:11

—Incꞌaꞌ sa saꞌ inchꞌo̱l riqꞌuin laj Saúl. Incꞌaꞌ raj xinqꞌue chokꞌ xreyeb laj Israel. Quinixtzꞌekta̱na ut quixkꞌet lin chakꞌrab, chan. Qui-oc xcꞌaꞌux laj Samuel ut quixnumsi li kꞌojyi̱n aꞌan chi tijoc chiru li Ka̱cuaꞌ.

Jeremías 15:17

La̱in incꞌaꞌ nacuochbeniheb li nequeꞌhoboc, chi moco nasahoꞌ inchꞌo̱l riqꞌuineb. Chalen nak casicꞌ cuu chokꞌ a̱profeta, la̱in junelic injunes nincuan ut ninjoskꞌoꞌ chirilbal li incꞌaꞌ us.

Jeremías 23:2

Aꞌan aꞌin li naxye li Ka̱cuaꞌ lix Dioseb laj Israel reheb laj cꞌamol be li sicꞌbileb ru chirilbal lix tenamit: —La̱ex incꞌaꞌ xerileb chi us lin tenamit. Xejeqꞌui ban ruheb ut xecanabeb chi e̱lelic. Joꞌcan nak la̱in texinqꞌue chixtojbal e̱ma̱c xban li ma̱usilal xeba̱nu.

Lamentaciones 1:9

Quicꞌutun chi tzꞌakal li ma̱usilal li queꞌxba̱nu, abanan incꞌaꞌ quiyotꞌeꞌ xchꞌo̱leb. Incꞌaꞌ queꞌxqꞌue retal cꞌaꞌru teꞌxcꞌul mokon. Cꞌajoꞌ li raylal queꞌxcꞌul nak qui-isi̱c xcuanquileb. Ma̱ ani nacꞌojoban xchꞌo̱leb. Nequeꞌtijoc ut nequeꞌxye re li Dios: —At Ka̱cuaꞌ, chaqꞌue taxak retal li raylal li yo̱co chixcꞌulbal. Chaqꞌue taxak retal chanru nak eb li xicꞌ nequeꞌiloc ke yo̱queb chi numta̱c saꞌ kabe̱n, chanqueb.

Ezequiel 9:4

Ut li Ka̱cuaꞌ quixye re: —Ayu saꞌ li tenamit Jerusalén. Ta̱suti xsaꞌ li tenamit ut ta̱qꞌue retalileb saꞌ xpe̱quemeb li teꞌyotꞌekꞌ xban xrahileb xchꞌo̱l xban li ma̱usilal li yo̱queb chixba̱nunquil li tenamit, chan.

Ezequiel 24:16

—At ralal cui̱nk, chi ma̱cꞌaꞌ saꞌ a̱chꞌo̱l tincuisi cha̱cuu li kꞌaxal raro a̱ban. Abanan mirahoꞌ a̱chꞌo̱l. Incꞌaꞌ ta̱yotꞌekꞌ a̱chꞌo̱l chi moco tatya̱bak xban, chan.

Lamentaciones 3:48

Li xyaꞌal cuu natꞌululnac saꞌ xnakꞌ cuu xban nak queꞌsacheꞌ ruheb lin tenamit.