Jeremías 12:9 - Li Santil hu

⁹ Li tenamit li sicꞌbil ru inban chanchaneb li xul li chꞌinaꞌus saꞌ rix, li nequeꞌrupupic, li quisuteꞌ xbaneb li cꞌuch li teꞌajok xcamsinquil. Bokomakeb chixjunileb li joskꞌ aj xul li cuanqueb saꞌ qꞌuicheꞌ re teꞌcha̱lk chixtiubal lix tibeb.

Q'eqchi Bible

⁹ Lintenamit kama' chik li xik'anel xul ch'ina'us rilb'al, ut chixjunileb' li k'uch neke'rupupnak sa' xb'een. Kimqex, chejunilex li k'iche'il xul; ch'utub'omaq eerib' chi xt'upinkil!

Jeremías 12:9 ပူးပေါင်းရင်းမြစ်များ

Isaías 56:9

La̱ex li jalan e̱tenamit, cha̱lkex ut chapomak li tenamit aꞌin joꞌ nak li joskꞌ aj xul naxchap lix tib toj retal naxchoy.

Jeremías 7:33

Ut lix tibeleb li teꞌca̱mk teꞌtiꞌekꞌ xbaneb li soꞌsol ut eb li joskꞌ aj xul ut ma̱ ani ta̱seꞌbesi̱nk reheb.

2 Reyes 24:2

Abanan li Ka̱cuaꞌ quixtaklaheb laj Babilonia, eb laj Siria, eb laj Moab, ut eb laj Amón chi pletic riqꞌuineb laj Judá re teꞌxsach ruheb joꞌ quiyeheꞌ reheb li profeta xban li Ka̱cuaꞌ.

Apocalipsis 17:16

Li laje̱b chi xxucub li joskꞌ aj xul li xacuil, xicꞌ teꞌril li ixk li naxcꞌayi rib. Teꞌxtzꞌekta̱na li ixk ut teꞌxcanab chi ma̱cꞌaꞌ cuan re. Tꞌustꞌu teꞌxcanab. Teꞌxtiu lix tibel ut li joꞌ qꞌuial chic incꞌaꞌ teꞌxchoy teꞌxcꞌat saꞌ xam.

Jeremías 15:3

Ca̱hib pa̱y ru li tojba ma̱c tinqꞌue saꞌ xbe̱neb. La̱in tincanabeb chi camsi̱c saꞌ li ple̱t. Eb li tzꞌiꞌ teꞌxtꞌupi eb li camenak ut eb li soꞌsol, joꞌ eb ajcuiꞌ li joskꞌ aj xul li cuanqueb saꞌ qꞌuicheꞌ teꞌxtiu lix tibeleb.

Jeremías 2:15

Chanchan nak nequeꞌxjap re li cakcoj xban xjoskꞌileb nak queꞌchal li jalan tenamit chixrahobtesinquileb laj Israel. Queꞌxsach ru li racui̱mkeb ut queꞌxcꞌat lix tenamiteb. Quicana chi ma̱cꞌaꞌ cuan chi saꞌ.

Jeremías 34:20

La̱in tinkꞌaxtesiheb saꞌ rukꞌeb li teꞌajok xcamsinquileb. Ut eb li soꞌsol ut eb li joskꞌ aj xul saꞌ qꞌuicheꞌ teꞌxtiu lix tibeleb.

Lamentaciones 1:17

Eb li cuanqueb Sión yo̱queb chixtzꞌa̱manquil xtenkꞌanquil. Abanan ma̱ ani natenkꞌan reheb. Li Ka̱cuaꞌ quixye nak eb li cuanqueb chi nachꞌ xicꞌ chic teꞌrileb li ralal xcꞌajol laj Jacob. Eb li cuanqueb Jerusalén tzꞌekta̱nanbileb xbaneb li xicꞌ nequeꞌiloc reheb.

Isaías 2:11

Ta̱cubsi̱k xcuanquileb li nequeꞌxnimobresi ribeb. Ut teꞌcubsi̱k xcuanquileb li kꞌetkꞌeteb. Saꞌ eb li cutan aꞌan caꞌaj cuiꞌ li nimajcual Dios nimak xcuanquil.

Isaías 2:12

Saꞌ eb li cutan aꞌan li Ka̱cuaꞌ li kꞌaxal nim xcuanquil ta̱rakok a̱tin saꞌ xbe̱neb li nequeꞌrecꞌa nak ni̱nkeb xcuanquil. Ta̱risi xcuanquileb li nequeꞌxnimobresi ribeb ut eb li nequeꞌxkꞌetkꞌeti ribeb.

Ezequiel 34:5

Joꞌcan nak queꞌxchaꞌchaꞌi ribeb yalak bar xban nak ma̱cꞌaꞌ aj ilol reheb, ut quilajeꞌtiꞌeꞌ xbaneb li joskꞌ aj xul.