Jeremías 12:2 - Li Santil hu

² La̱at xatsicꞌoc ruheb ut xacuosobtesiheb. Sa cuanqueb. Chanchaneb li cheꞌ qui-aueꞌ ut quixchap xxeꞌ. Quiniman ut quixqꞌue ru. Abanan eb li tenamit aꞌin nequeꞌxqꞌue a̱lokꞌal yal riqꞌuin xtzꞌu̱mal reheb. Moco anchaleb ta xchꞌo̱l nak nequeꞌxba̱nu.

Q'eqchi Bible

² Laa'at xat-awok reheb' jo'eb' li che', ut eb' a'an neke'xchap xxe' ut neke'uuchink. Laak'ab'a' junelik wank chi xtz'uumal reheb', ab'an li xch'ooleb' najt wank aawik'in.

Jeremías 12:2 ပူးပေါင်းရင်းမြစ်များ

Isaías 29:13

Li Ka̱cuaꞌ quixye: —Li tenamit aꞌin niquineꞌxlokꞌoni yal riqꞌuin xtzꞌu̱mal reheb. Moco nequeꞌxba̱nu ta chi anchal xchꞌo̱leb. Ma̱cꞌaꞌ rajbal nak niquineꞌxlokꞌoni xban nak li cꞌaꞌru nequeꞌxba̱nu re inlokꞌoninquil, aꞌan yal jun chakꞌrab qꞌuebil xbaneb li cui̱nk.

Tito 1:16

Nequeꞌxye nak nequeꞌxpa̱b li Dios, aban riqꞌuin li cꞌaꞌru nequeꞌxba̱nu nacꞌutun nak moco ya̱l ta. Aj kꞌetoleb ra̱tin li Dios ut kꞌaxal yibru lix naꞌlebeb. Incꞌaꞌ useb. Ma̱cꞌaꞌ junak cha̱bil cꞌanjel ta̱ru̱k teꞌxba̱nu.

San Mateo 15:8

Li tenamit aꞌin niquineꞌxlokꞌoni caꞌaj cuiꞌ riqꞌuin xtzꞌu̱mal reheb. Moco nequeꞌxba̱nu ta chi anchal xchꞌo̱leb.

Jeremías 11:17

La̱in li nimajcual Dios. La̱in quinsicꞌoc ruheb ut la̱in ajcuiꞌ xinyehoc reheb nak teꞌxcꞌul li raylal aꞌin xban nak eb laj Judá ut eb laj Israel xeꞌxchikꞌ injoskꞌil riqꞌuin xcꞌatbal li pom chiru li yi̱banbil dios Baal, chan li Dios.

Ezequiel 33:31

Lin tenamit teꞌcuulak a̱cuiqꞌuin chirabinquil li cꞌaꞌru ta̱ye joꞌ cꞌaynakeb xba̱nunquil. Teꞌrabi li cꞌaꞌru ta̱ye, abanan incꞌaꞌ teꞌxba̱nu. Yal chi xtzꞌu̱mal reheb teꞌxye nak us la̱ cua̱tin, abanan saꞌ xchꞌo̱leb caꞌaj cuiꞌ li reheb aꞌan teꞌxcꞌoxla.

Jeremías 45:4

Li Ka̱cuaꞌ quixye: —Ye re chi joꞌcaꞌin: La̱in tinjucꞌ li cꞌaꞌru quinxakab ut tincuisiheb li cristian li quinqꞌueheb chi cua̱nc saꞌ chixjunil li naꞌajej aꞌin.

San Marcos 7:6

Nak quichakꞌoc li Jesús quixye reheb: —Ya̱l ajcuiꞌ li quixye laj Isaías che̱rix la̱ex aj caꞌ pacꞌal u nak quixye chi joꞌcaꞌin: Li tenamit aꞌin niquineꞌx-oxlokꞌi caꞌaj cuiꞌ riqꞌuin xtzꞌu̱maleb re. Moco nequeꞌxba̱nu ta chi anchal xchꞌo̱leb.

Jeremías 3:10

Usta ac xeꞌxba̱nu li ma̱usilal aꞌin eb laj Judá, incꞌaꞌ ajcuiꞌ queꞌsukꞌi cuiqꞌuin chi anchal xchꞌo̱leb. Yal xcab rix xchꞌo̱leb nak niquineꞌxlokꞌoni, chan li Ka̱cuaꞌ.

Li xHu LAJ JOB 5:3

La̱in ninqꞌue retal nak eb li incꞌaꞌ useb xnaꞌleb nequeꞌoc chi biomocꞌ. Abanan saꞌ junpa̱t nequeꞌsacheꞌ ruheb ut na-osoꞌ ajcuiꞌ li cꞌaꞌru cuan reheb.

Salmos 37:35

Xinnau ru jun li cui̱nk kꞌaxal numtajenak xyibal ru xnaꞌleb. Chanchan jun li nimla caki cheꞌ aran Líbano nak queꞌoc raj chi numta̱c saꞌ xbe̱neb chixjunileb.

Habacuc 1:13

La̱at ti̱c la̱ chꞌo̱l ut incꞌaꞌ nacuulac cha̱cuu li incꞌaꞌ us. ¿Cꞌaꞌut nak yal nacacuil li rahobtesi̱nc li yo̱queb chixba̱nunquil? La̱at ma̱cꞌaꞌ nacaba̱nu nak li incꞌaꞌ useb xnaꞌleb nequeꞌxsach ruheb li ti̱queb xchꞌo̱l.

Li xHu LAJ JOB 24:12

Saꞌ li tenamit yo̱queb chi a̱canac li rahobtesinbileb. Yo̱queb chixtzꞌa̱manquil xtenkꞌanquil li ca̱mqueb re. Abanan li Dios incꞌaꞌ narabi lix tijeb.

Oseas 7:14

Incꞌaꞌ xeꞌtzꞌa̱man chicuu chi anchaleb xchꞌo̱l nak japjo̱queb re saꞌ lix cuariba̱l. Nak xeꞌxchꞌutub ribeb chixtzꞌa̱manquil lix cua rucꞌaheb, xeꞌxkꞌetkꞌeti ribeb chicuu.