Jeremías 12:14 - Li Santil hu

¹⁴ Aꞌan aꞌin li naxye li Ka̱cuaꞌ chirixeb li jalaneb xtenamit li incꞌaꞌ useb xnaꞌleb li cuanqueb chi nachꞌ riqꞌuineb laj Israel. Aꞌaneb li queꞌpoꞌoc ru lix tenamiteb laj Israel. —Eb li tenamit aꞌan teꞌcuisi saꞌ lix naꞌajeb ut tincuisiheb ajcuiꞌ li ralal xcꞌajol laj Judá saꞌ xya̱nkeb.

Q'eqchi Bible

¹⁴ Jo'ka'in kixye li Qaawa': “Chixjunileb' li rechkab'al laj Israel ink'a' useb' xna'leb'. A'aneb' li xe'sachok re li na'ajej ink'ehom re li tenamit Israel; jo'kan naq laa'in twisiheb' sa' li xna'ajeb', ut twisiheb' chaq laj Judá sa' xyanqeb'.

Jeremías 12:14 ပူးပေါင်းရင်းမြစ်များ

Zacarías 2:8

Nak acak xqꞌue lin lokꞌal li Ka̱cuaꞌ li nimajcual Dios quinixtakla xyebal e̱re cꞌaꞌru teꞌxcꞌul li xni̱nkal ru tenamit li queꞌrahobtesin e̱re ut queꞌnumta saꞌ e̱be̱n. Li ani narahobtesin e̱re, chanchan ajcuiꞌ nak la̱in quineꞌxrahobtesi, chan.

Jeremías 3:18

Saꞌ eb li cutan aꞌan, eb laj Judá teꞌxjunaji ribeb riqꞌuineb laj Israel saꞌ li naꞌajej li cuan saꞌ li norte. Ut cuotz teꞌxic saꞌ li naꞌajej li quinqꞌue reheb le̱ xeꞌto̱nil yucuaꞌ.

Jeremías 49:7

Joꞌcaꞌin quixye li Ka̱cuaꞌ li nimajcual Dios chirixeb laj Edom: —¿Ma ma̱cꞌaꞌ chic xnaꞌlebeb li cuanqueb Temán? ¿Ma incꞌaꞌ chic naru teꞌxqꞌue xnaꞌlebeb li tenamit laj qꞌuehol naꞌleb? ¿Ma xsach lix naꞌlebeb?

Jeremías 2:3

La̱ex aj Israel santil tenamit nak quexcuan chicuu. Chanchanex li xbe̱n ru li acui̱mk li kꞌaxal cha̱bil nak cuanquex chicuu. Chixjunileb li nequeꞌxba̱nu raylal e̱re la̱in quinqꞌue raylal saꞌ xbe̱neb xban nak cuanqueb xma̱c, chan li Ka̱cuaꞌ.

Salmos 106:47

At Ka̱cuaꞌ, at nimajcual Dios, choa̱col taxak. Ut choa̱cuisi taxak saꞌ xya̱nkeb li jalaneb xtenamit. Choa̱cꞌam taxak saꞌ li kanaꞌaj re nak naru tobantioxi̱nk cha̱cuu. Chikalokꞌoni taxak a̱cuu chi sa saꞌ kachꞌo̱l.

Deuteronomio 30:3

Nak texsukꞌi̱k riqꞌuin li Ka̱cuaꞌ le̱ Dios texrosobtesi cuiꞌchic ut ta̱ril xtokꞌoba̱l e̱ru. Ut texrisi saꞌ eb li jalan tenamit li quixjeqꞌui cuiꞌ e̱ru.

Zacarías 1:15

Yo̱ caꞌchꞌin injoskꞌil saꞌ xbe̱neb lin tenamit. Abanan kꞌaxal cuiꞌchic yo̱ injoskꞌil saꞌ xbe̱neb li tenamit li incꞌaꞌ nequeꞌpa̱ban ut cꞌojcꞌo̱queb xchꞌo̱l xjuneseb xban nak kꞌaxal cuiꞌchic ra xeꞌxba̱nu reheb lin tenamit, chan.

Oseas 1:11

Saꞌ eb li cutan aꞌan teꞌxjunaji ribeb li ralal xcꞌajol laj Judá riqꞌuineb li ralal xcꞌajol laj Israel. Teꞌjunajokꞌ ru ut teꞌxsicꞌ ru junak re ta̱takla̱nk saꞌ xbe̱neb. Ta̱cua̱nk cuiꞌchic xcuanquil. Saꞌ li ru takꞌa Jezreel, li quisacheꞌ cuiꞌ xcuanquileb laj Israel, aran ajcuiꞌ ta̱qꞌuehekꞌ cuiꞌchic xcuanquileb.

Ezequiel 37:21

Ut ta̱ye reheb nak la̱in li nimajcual Dios tincuisiheb chak chixjunileb laj Israel saꞌ eb li jalan tenamit li cuanqueb cuiꞌ chak. Tinchꞌutubeb ut tincꞌameb cuiꞌchic saꞌ lix tenamiteb.

Ezequiel 36:24

La̱in texcuisi saꞌ li xni̱nkal tenamit li cuanquex cuiꞌ. Texcuisi saꞌ chixjunileb li tenamit ut texincꞌam cuiꞌchic saꞌ le̱ naꞌaj.

Ezequiel 28:25

Li Ka̱cuaꞌ Dios quixye: —La̱in tinchꞌutub cuiꞌchic ruheb laj Israel li quinjeqꞌui ruheb. Ut tincꞌut lin santilal chiruheb chixjunileb li xni̱nkal ru tenamit. Eb laj Israel teꞌcua̱nk cuiꞌchic saꞌ lix naꞌajeb li quinqꞌue re laj Jacob laj cꞌanjel chicuu.

Jeremías 48:1

Joꞌcaꞌin naxye li Ka̱cuaꞌ li nimajcual Dios, lix Dioseb laj Israel, chirixeb laj Moab: —Raylal ta̱cha̱lk saꞌ xbe̱neb laj Nebo xban nak ta̱sachekꞌ ruheb. Quiriataim ta̱chapekꞌ ut ta̱cꞌutekꞌ xxuta̱n. Ta̱chapekꞌ ut ta̱sachekꞌ ru li tenamit Misgab.

Jeremías 32:37

Relic chi ya̱l la̱in tinchꞌutubeb lin tenamit saꞌ chixjunil li naꞌajej li xinjeqꞌuiheb cuiꞌ nak yo̱ injoskꞌil saꞌ xbe̱neb. Quinjeqꞌuiheb xban nak kꞌaxal quinumta lin joskꞌil saꞌ xbe̱neb. La̱in tincꞌameb cuiꞌchic saꞌ li naꞌajej aꞌin ut tinqꞌueheb chi cua̱nc saꞌ tuktu̱quil usilal.

Salmos 105:15

Quixye reheb: —Ma̱cꞌaꞌ te̱ba̱nu reheb laj Israel li sicꞌbileb ru inban. Chi moco te̱ba̱nu raylal reheb li nequeꞌcꞌanjelac chicuu chokꞌ profeta, chan.

Deuteronomio 28:63

Joꞌ nak quisahoꞌ xchꞌo̱l li Ka̱cuaꞌ nak quexqꞌue chi nabalocꞌ, joꞌcan ajcuiꞌ nak ta̱sahokꞌ xchꞌo̱l nak texqꞌue chi sachecꞌ. Tex-isi̱k saꞌ li naꞌajej li oc e̱re chire̱chaninquil.

Jeremías 48:47

Abanan ta̱cuulak xkꞌehil nak la̱in tinqꞌueheb cuiꞌchic chi sukꞌi̱c saꞌ lix naꞌajeb li ralal xcꞌajol laj Moab ut sa chic teꞌcua̱nk, chan li Ka̱cuaꞌ. Aꞌan aꞌin li resilal li cꞌaꞌru tixcꞌul li tenamit Moab.

Jeremías 49:1

Joꞌcaꞌin quixye li Ka̱cuaꞌ li nimajcual Dios chirixeb laj Amón: —¿Ma ma̱cꞌaꞌ ta biꞌ ralal xcꞌajoleb laj Israel? ¿Ma ma̱cꞌaꞌeb ta biꞌ ralal xcꞌajoleb teꞌe̱chani̱nk re lix naꞌajeb? ¿Cꞌaꞌut nak eb laj Amón li nequeꞌlokꞌonin li yi̱banbil dios Milcom queꞌxchap li naꞌajej Gat? ¿Cꞌaꞌut nak xeꞌcana chi cua̱nc saꞌ eb li tenamit aꞌan?

Jeremías 25:9

Joꞌcan nak la̱in tinbokeb chixjunileb li xni̱nkal ru tenamit li cuanqueb saꞌ li norte. Ta̱cha̱lk ajcuiꞌ rochbeneb laj Nabucodonosor lix reyeb laj Babilonia, li ta̱cꞌanjelak chicuu. La̱in tintaklaheb chi numta̱c saꞌ xbe̱neb li cuanqueb saꞌ li naꞌajej aꞌin, joꞌ eb ajcuiꞌ li tenamit li cuanqueb chi xjun sutam re nak tinsach ruheb chi junelic. Xiu xiu rilbal teꞌcana̱k ut teꞌseꞌe̱k.

Ezequiel 28:26

Ut aran teꞌcua̱nk laj Israel chi ma̱cꞌaꞌak xcꞌaꞌuxeb. Teꞌcablak cuiꞌchic ut teꞌrau lix uvas. Ut ma̱ ani chic ta̱chꞌiꞌchꞌiꞌi̱nk reheb xban nak la̱in tinqꞌueheb chixtojbal lix ma̱queb chixjunileb li tenamit li cuanqueb chixjun sutam li queꞌrahobtesin reheb lin tenamit. Ut eb aꞌan teꞌxqꞌue retal nak la̱in li Ka̱cuaꞌ lix Dioseb.—

Ezequiel 36:5

Nak yo̱ injoskꞌil la̱in li nimajcual Dios quina̱tinac chirix li tenamit Edom joꞌ eb ajcuiꞌ li jun chꞌol chic tenamit li cuanqueb che̱jun sutam. Kꞌaxal sa saꞌ xchꞌo̱leb nak queꞌrelkꞌa li cꞌaꞌru e̱re la̱ex lin tenamit ut queꞌxcꞌam chokꞌ reheb.