Jeremías 12:13 - Li Santil hu

¹³ Eb lin tenamit teꞌrau li trigo, abanan saꞌ lix chꞌochꞌ ta̱e̱lk li qꞌuix. Teꞌxtacuasi ribeb chi cꞌanjelac, abanan ma̱cꞌaꞌak rajbal lix cꞌanjeleb. Incꞌaꞌ tinqꞌue chi e̱lc li racui̱mkeb xban nak la̱in yo̱ injoskꞌil saꞌ xbe̱neb, chan li Ka̱cuaꞌ.

Q'eqchi Bible

¹³ Xe'awok triiw, ut k'ix chik xe'xxok; maak'a' rajb'al naq xe'k'anjelak chi kaw. Te'xutaanaq chi xxokb'al li kach'in ajwi' xb'aan naq k'ajo' li xxamlel linjosq'il”.

Jeremías 12:13 ပူးပေါင်းရင်းမြစ်များ

Hageo 1:6

Kꞌaxal nabal nequerau, ut ma̱cꞌaꞌ ajcuiꞌ nequekꞌol; nequexcuaꞌac ut incꞌaꞌ nequexnujac; nequex-ucꞌac ut incꞌaꞌ nanumeꞌ le̱ chaki el; nequeqꞌue le̱ rakꞌ che̱rix ut incꞌaꞌ nequextikcuoꞌ; li nacꞌanjelac saꞌ cutan, chanchan saꞌ hopol aj bo̱ls naxqꞌue lix tojbal.

Miqueas 6:15

Tex-a̱uk, abanan incꞌaꞌ texkꞌolok. Te̱yatzꞌ li ru le̱ cheꞌ olivo, abanan incꞌaꞌ te̱yul lix aceitil che̱rix. Te̱yatzꞌ le̱ uva abanan incꞌaꞌ te̱rucꞌ li xyaꞌal.

Deuteronomio 28:38

Nabal li iyaj li te̱rau, abanan caꞌchꞌin ajcuiꞌ li ru li te̱xoc xban nak eb laj sa̱cꞌ teꞌxcuaꞌ le̱ racui̱mk.

Isaías 55:2

¿Cꞌaꞌut nak te̱sach e̱tumin riqꞌuin li moco cua ta? ¿Cꞌaꞌut nak te̱sach le̱ tojbal riqꞌuin li cꞌaꞌru moco nacꞌojla ta e̱chꞌo̱l xban? Te̱rabi ut te̱ba̱nu taxak li cꞌaꞌru ninye e̱re ut te̱tzaca li cha̱bil tzacae̱mk. Ta̱cꞌojla̱k e̱chꞌo̱l.

Levítico 26:16

la̱in texinqꞌue chixtojbal rix le̱ ma̱c. Xiu xiu chic cua̱nkex. Ut la̱in tintakla chak li raylal saꞌ e̱be̱n. Tintakla li yajel li incꞌaꞌ naru xbanbal. Ut tintakla li caki yajel saꞌ e̱be̱n tixlubtesi le̱ tibel ut ta̱rocsi xyajel li xnakꞌ e̱ru. Tex-a̱uk raj chic, abanan moco te̱tzaca ta chic. Aꞌaneb ban chic li xicꞌ nequeꞌiloc e̱re teꞌtzaca̱nk re.

Habacuc 2:13

¿Ma ma̱cuaꞌ ta biꞌ li nimajcual Dios xyehoc re aꞌin? Li tenamit teꞌcꞌanjelak yal re ta̱cꞌatekꞌ. Usta teꞌlubk riqꞌuin li cꞌaꞌru teꞌxba̱nu, abanan ma̱cꞌaꞌ ta̱oc cuiꞌ.

Jeremías 4:26

Ut li cha̱bil chꞌochꞌ quisukꞌi chaki chꞌochꞌ. Poꞌbileb chic li tenamit xban xjoskꞌil li Ka̱cuaꞌ.

Romanos 6:21

¿Cꞌaꞌru le̱ kꞌajca̱munquil xecꞌul nak xeba̱nu chak li ma̱usilal? Ma̱cꞌaꞌ. Caꞌaj cuiꞌ xecꞌut chak e̱xuta̱n. Li cꞌaꞌru naxqꞌue li ma̱c, aꞌan li ca̱mc.

Levítico 26:20

Ma̱cꞌaꞌak aj e nak te̱tacuasi e̱rib chi cꞌanjelac xban nak incꞌaꞌ chic ta̱e̱lk li acui̱mk saꞌ le̱ naꞌaj ut incꞌaꞌ chic teꞌu̱chi̱nk li cheꞌ.

Jeremías 9:5

Eb li rami̱gueb rib nequeꞌxbalakꞌi ribeb chi ribileb rib. Ut ma̱ ani naxye li ya̱l. Queꞌcꞌay chi ticꞌtiꞌic ut incꞌaꞌ nequeꞌxcanab xba̱nunquil li ma̱usilal.

Jeremías 17:10

Caꞌaj cuiꞌ la̱in li Ka̱cuaꞌ li ninnaꞌoc re cꞌaꞌru cuan saꞌ lix cꞌaꞌuxeb. Ut la̱in ninqꞌue xkꞌajca̱munquil li junju̱nk aꞌ yal chanru lix yehom xba̱nuhomeb.—

Salmos 78:62

Ut xban xjoskꞌil li Dios quixcanabeb lix tenamit chi camsi̱c xbaneb li xicꞌ nequeꞌiloc reheb.

Oseas 8:7

Li cꞌaꞌru yo̱queb chixba̱nunquil ma̱cꞌaꞌ na-oc cuiꞌ. Ut li cꞌaꞌru teꞌxcꞌul, aꞌan li osocꞌ. Chanchan nak xeꞌrau li ikꞌ ut aꞌ chic li ca̱k-sut-ikꞌ li xeꞌxkꞌol. Li trigo teꞌrau incꞌaꞌ ta̱atzꞌumak chi moco tixqꞌue ru. Ut cui ta tixqꞌue, jalan chic teꞌtzaca̱nk re.

Hageo 1:9

Nabal nequesicꞌ ut caꞌchꞌin ajcuiꞌ nequetau. La̱in chanchan apunbil tinba̱nu nak tinmakꞌ che̱ru li cꞌaꞌru nequexoc saꞌ le̱ rochoch, xban nak moco ra ta chicuu nak tinba̱nu. ¿Cꞌaꞌut nak tinba̱nu e̱re chi joꞌcan? chan li nimajcual Dios. Xban nak kꞌaxal nequeqꞌue e̱chꞌo̱l chixyi̱banquil chi us le̱ rochoch ut incꞌaꞌ nequecꞌoxla xyi̱banquil lin templo, chan.