Jeremías 12:12 - Li Santil hu

¹² Saꞌ eb li tzu̱l quilajeꞌchal li queꞌsachoc ru lin naꞌaj. La̱in quintaklaheb li xicꞌ nequeꞌiloc reheb chi pletic riqꞌuineb ut chixsachbal ru chixjunil li naꞌajej. Ma̱ ani chic ta̱cua̱nk chi tuktu xchꞌo̱l.

Q'eqchi Bible

¹² Sa' xb'eeneb' chixjunil li t'ojoch aj tzuul xe'chalje'k chaq eb' laj elq' xb'aan naq laa'in, li Qaawa', wank jun inq'esnal ch'iich' li tinsach wi' chixjunil li na'ajej toj sa' xmaril, ut maajun taakole'q.

Jeremías 12:12 ပူးပေါင်းရင်းမြစ်များ

Amós 9:4

Ut cui ta teꞌchapekꞌ ut teꞌcꞌamekꞌ xbaneb li xicꞌ nequeꞌiloc reheb, tintakla xcamsinquileb riqꞌuin chꞌi̱chꞌ. La̱in tebinsach ut incꞌaꞌ tincoleb, chan li Ka̱cuaꞌ.

Jeremías 47:6

La̱ex te̱jap e̱re chixyebal: —At Ka̱cuaꞌ, ¿ma incꞌaꞌ ta̱canab kacamsinquil? ¿Ma incꞌaꞌ ta̱ru̱k ta̱xoc la̱ chꞌi̱chꞌ saꞌ rochoch? ¿Ma incꞌaꞌ tathila̱nk caꞌchꞌinak?

Ezequiel 14:17

Malaj ut tintakla li ple̱t saꞌ li tenamit aꞌan ut tinye nak teꞌcamsi̱k li cristian ut eb li xul.

Isaías 34:6

Nak teꞌcamsi̱k chanchan nak lix chꞌi̱chꞌ li Ka̱cuaꞌ ta̱osokꞌ saꞌ lix quiqꞌueleb ut saꞌ lix xe̱b. Chanchan nak nequeꞌcamsi̱c li cocꞌ carner ut eb li chiba̱t nak nequeꞌxqꞌue lix mayej. Chanchan nak li Ka̱cuaꞌ oc re xqꞌuebal li cꞌatbil mayej aran Bosra. Ma̱ caꞌchꞌin li camsi̱nc ta̱cua̱nk aran Edom.

Apocalipsis 6:4

Ut qui-el chak jun chic li cacua̱y cak rix. Ut li jun li cuan chirix quiqꞌueheꞌ jun li nimla chꞌi̱chꞌ re ut quiqꞌueheꞌ xcuanquil re ta̱risi li tuktu̱quil usilal saꞌ ruchichꞌochꞌ re nak eb li cui̱nk teꞌxcamsi ribeb chi ribileb rib.

Sofonías 2:12

Li Ka̱cuaꞌ quixye: —Joꞌcan ajcuiꞌ te̱cꞌul la̱ex aj Etiopía. Tinsach ajcuiꞌ e̱ru riqꞌuin lin chꞌi̱chꞌ, chan.

Ezequiel 5:2

Jun jachal la̱ cuismal ta̱cꞌat saꞌ xyi li tenamit nak ac xrakeꞌ li ple̱t. Ut li jun jachal chic ta̱seti chi chꞌi̱chꞌ chixjun sutam li tenamit. Ut li jun jachal chic ta̱cut saꞌ ikꞌ ut ta̱cꞌamekꞌ yalak bar. Ut la̱in tincua̱linaheb li tenamit riqꞌuin chꞌi̱chꞌ.

Jeremías 48:2

Eb laj Moab incꞌaꞌ chic teꞌqꞌuehekꞌ xlokꞌal. Eb li xicꞌ nequeꞌiloc re li cuanqueb Hesbón nequeꞌxcꞌu̱b ru chanru nak teꞌrisi xcuanquil joꞌ nimla tenamit. Eb li cuanqueb Madmena teꞌsachekꞌ ruheb. Junelic teꞌsiqꞌuekꞌ re xcamsinquileb.

Jeremías 34:17

Joꞌcan nak la̱in li Ka̱cuaꞌ ninye e̱re chi joꞌcaꞌin: La̱ex incꞌaꞌ xex-abin chicuu. Incꞌaꞌ xerachꞌab le̱ mo̱s, le̱ rech tenamitil. Joꞌcan nak la̱in texincanab e̱junes re nak texcamsi̱k saꞌ li ple̱t malaj ut texca̱mk xban cueꞌej malaj ut xban caki yajel. Xicꞌ chic tex-ilekꞌ xbaneb chixjunileb li xni̱nkal ru tenamit li cuanqueb saꞌ ruchichꞌochꞌ.

Jeremías 15:2

Cui teꞌxpatzꞌ a̱cue bar teꞌxic, ta̱ye reheb chi joꞌcaꞌin: Li ac tenebanbil ca̱mc saꞌ xbe̱n xban yajel, teꞌca̱mk; li ac tenebanbil saꞌ xbe̱n nak teꞌca̱mk saꞌ li ple̱t, aran teꞌca̱mk. Ut li ac tenebanbil ca̱mc saꞌ xbe̱n xban cueꞌej, xban cueꞌej ajcuiꞌ teꞌca̱mk; ut eb li ac tenebanbil saꞌ xbe̱n cꞌamecꞌ chi pre̱xil, teꞌcꞌamekꞌ ajcuiꞌ chi pre̱xil saꞌ jalan tenamit.

Jeremías 3:2

Ilomakeb li tzu̱l. ¿Ma cuan ta biꞌ junak naꞌajej li incꞌaꞌ xelokꞌoniheb cuiꞌ li jalanil dios? Xecꞌojob e̱rib chire li be roybeninquileb li te̱lokꞌoniheb. Chanchanex laj árabe li naroybeni ani tixchap saꞌ li chaki chꞌochꞌ. La̱ex xemux ru li naꞌajej xban nak xelokꞌoniheb li jalanil dios.

Isaías 57:21

Eb li incꞌaꞌ useb xnaꞌleb ma̱ jokꞌe teꞌcua̱nk saꞌ tuktu̱quil usilal, chan lin Dios.

Levítico 26:33

La̱in tinjeqꞌui e̱ru saꞌ xya̱nkeb li xni̱nkal ru tenamit. Ut tebinqꞌue li xicꞌ nequeꞌiloc e̱re che̱ra̱linanquil riqꞌuin chꞌi̱chꞌ. Tinsach ru le̱ naꞌaj ut juqꞌuinbilakeb chic le̱ tenamit.

Deuteronomio 32:42

Ta̱tꞌanekꞌ li quicꞌ chiru lin tzimaj nak tincamsiheb li xicꞌ nequeꞌiloc cue. Ma̱ ani ta̱colekꞌ chicuu nak tinpletik riqꞌuineb. Telajeꞌcamsi̱k chixjunileb joꞌ eb li tochꞌol ut eb li cuanqueb chi pre̱xil, joꞌ eb ajcuiꞌ li cuanqueb xcuanquil saꞌ xya̱nkeb li xicꞌ nequeꞌiloc cue, chan li Dios.

Jeremías 3:21

Qui-abi̱c xya̱b cux saꞌ eb li tzu̱l. Aꞌan xya̱b xcuxeb laj Israel nak yo̱queb chi ya̱bac ut yo̱queb chixtzꞌa̱manquil xtenkꞌanquileb chicuu. Xeꞌxba̱nu li ma̱usilal ut xineꞌxtzꞌekta̱na la̱in li Ka̱cuaꞌ lix Dioseb.

Jeremías 4:27

Li Ka̱cuaꞌ quixye nak tixsach ru lix chꞌochꞌeb. Abanan incꞌaꞌ tixsach ruheb chi junaj cua.

Jeremías 16:5

Mat-oc saꞌ li cab li yo̱keb cuiꞌ chi yoꞌle̱nc camenak, chi moco chi rahocꞌ a̱chꞌo̱l chirixeb, chi moco chacꞌojobeb xchꞌo̱l xban nak la̱in li Ka̱cuaꞌ xcuisi li tuktu̱quil usilal saꞌ xya̱nkeb li tenamit aꞌin. Incꞌaꞌ chic tincuuxta̱na ruheb chi moco tincuil xtokꞌoba̱l ruheb.

Jeremías 25:11

Chixjunil li naꞌajej aꞌin ta̱osokꞌ ut ta̱cana̱k chi ma̱cꞌaꞌ chic cuan chi saꞌ. Xucuajel rilbal li cꞌaꞌru tixcꞌul. Ut eb li tenamit teꞌcꞌanjelak chiru lix reyeb laj Babilonia chiru laje̱b xca̱cꞌa̱l (70) chihab.

Jeremías 30:5

Li japoc e, retal li xucuac, yo̱ chi abi̱c. Ma̱cuaꞌ resil li tuktu̱quil usilal li yo̱ chi abi̱c.

Jeremías 46:10

Abanan li cutan aꞌan, aꞌan li cutan nak li Ka̱cuaꞌ li nimajcual Dios tixqꞌueheb chixtojbal xma̱queb li xicꞌ nequeꞌiloc re. Teꞌcamsi̱k riqꞌuin chꞌi̱chꞌ toj retal ta̱cꞌojla̱k xchꞌo̱l. Chanchan nak li chꞌi̱chꞌ ta̱recꞌa xsahil lix quiqꞌueleb. Saꞌ li cutan aꞌan li camsi̱nc li ta̱cua̱nk saꞌ li norte chire li nimaꞌ Éufrates, aꞌan joꞌ jun li mayej chiru li Ka̱cuaꞌ.

Lamentaciones 3:17

Ma̱cꞌaꞌ chic tuktu̱quil usilal cuiqꞌuin. Ut ma̱cꞌaꞌ chic li sahil chꞌo̱lejil.

Ezequiel 21:4

Joꞌcan nak la̱in tinsach ruheb chixjunileb li ti̱queb xchꞌo̱l joꞌ eb ajcuiꞌ li yibru xnaꞌlebeb. Ta̱ticla̱k chak saꞌ li sur ut ta̱cuulak toj saꞌ li norte.

Ezequiel 21:28

La̱at, at ralal cui̱nk, ta̱ye resil li cꞌaꞌru ta̱uxma̱nk. Ta̱ye: Joꞌcaꞌin xye li nimajcual Dios che̱rix la̱ex li ralal xcꞌajol laj Amón. La̱ex li nequexhoboc reheb laj Israel. Li chꞌi̱chꞌ ac isinbil chak saꞌ li rochoch. Kꞌesnanbil re ut nalemtzꞌun. Ac cauresinbil re ta̱camsi̱nk.

Jeremías 8:15

Xkoybeni nak ta̱cua̱nk li tuktu̱quil usilal, abanan incꞌaꞌ xkacꞌul. Xkoybeni raj nak to-usa̱k, abanan incꞌaꞌ xo-usa. Xiu xiu ban chic cuanco.

Ezequiel 21:8

Li Ka̱cuaꞌ quia̱tinac cuiqꞌuin ut quixye cue:

Ezequiel 21:9

—At ralal cui̱nk, ta̱ye resil li cꞌaꞌru ta̱cꞌulma̱nk. Ta̱ye: Joꞌcaꞌin xye li Ka̱cuaꞌ li nimajcual Dios. Li chꞌi̱chꞌ ac kꞌesnanbil. Ac cauresinbil chi us.