Jeremías 11:6 - Li Santil hu

⁶ Ut li Ka̱cuaꞌ quixye cue: —Ta̱ye li a̱tin aꞌin saꞌ eb li tenamit li cuanqueb Judá ut saꞌ li tenamit Jerusalén. Ta̱ye reheb chi joꞌcaꞌin: Abihomak li cꞌaꞌru naxye li contrato aꞌin ut te̱ba̱nu li cꞌaꞌru naxye.

Q'eqchi Bible

⁶ Toja' naq li Qaawa' kixye we: “Puktesi li esil a'in sa'eb' li tenamit sa' xteepal Judá ut sa'eb' li b'e re Jerusalén. Ye reheb' li poyanam: «Ab'ihomaq k'aru naxye li Sumwank a'in ut paab'omaq.

Jeremías 11:6 ပူးပေါင်းရင်းမြစ်များ

Santiago 1:22

Chepa̱bak ut cheba̱nuhak li cꞌaꞌru naxye li ra̱tin li Dios. Me̱balakꞌi e̱rib chixcꞌoxlanquil nak tzꞌakal riqꞌuin caꞌaj cuiꞌ rabinquil li ra̱tin. Tento ban ajcuiꞌ xba̱nunquil li naxye li ra̱tin li Dios.

Romanos 2:13

Chiru li Dios incꞌaꞌ ti̱c xchꞌo̱l junak yal riqꞌuin xnaubal li chakꞌrab. Aban li nequeꞌba̱nun re li naxye li chakꞌrab ti̱queb xchꞌo̱l chiru li Dios.

San Juan 13:17

Ac nequenau chic xya̱lal. Us xak e̱re cui la̱ex te̱ba̱nu li cꞌaꞌru xetzol cuiqꞌuin.

Jeremías 19:2

Ut tatxic saꞌ li ru takꞌa Ben-hinom. Tatxakli̱k saꞌ li oqueba̱l li cuanqueb cuiꞌ laj pacꞌonel ut aran ta̱ye reheb li tenamit li a̱tin li tinye a̱cue.

Jeremías 7:2

—Xaklin chire lix puertil lin templo ut ta̱ye li a̱tin aꞌin reheb li cristian: Abihomak li cꞌaꞌru xye li Dios e̱re che̱junilex la̱ex aj Judá. Abihomak che̱junilex la̱ex li nequex-oc chixlokꞌoninquil li Ka̱cuaꞌ Dios.

Jeremías 3:12

Ayu ut ta̱ye reheb li tenamit li cuanqueb saꞌ li norte: Joꞌcaꞌin xye e̱re li Ka̱cuaꞌ Dios. Sukꞌinkex cuiqꞌuin, la̱ex aj Israel, usta xine̱tzꞌekta̱na. Incꞌaꞌ chic tincꞌut lin joskꞌil che̱ru. Texincꞌul ban saꞌ usilal xban nak la̱in nin-uxta̱nan u ut nim lin cuyum.

Zacarías 7:7

¿Ma ma̱cuaꞌ ta biꞌ aꞌin li ra̱tin li Ka̱cuaꞌ yebil chak e̱re xbaneb li profeta li queꞌcuan chak junxil nak toj nabaleb li cristian cuanqueb Jerusalén ut sa cuanqueb? Nabaleb ajcuiꞌ li tenamit li cuanqueb chi nachꞌ riqꞌuin Jerusalén. Ut nabaleb li cuanqueb saꞌ li naꞌajej Neguev ut saꞌ li ru takꞌa, chan li Ka̱cuaꞌ.

Isaías 58:1

Li Ka̱cuaꞌ quixye re laj Isaías: —Jap a̱cue chi cau. Matxucuac. A̱tinan chi cau joꞌ junak li trompeta. Ta̱ye reheb lin tenamit nak xeꞌxkꞌet lin chakꞌrab. Ta̱ye reheb li ralal xcꞌajol laj Jacob nak cuanqueb xma̱c.

Salmos 15:5

Nequeꞌxqꞌue lix tumineb chi toꞌ ut incꞌaꞌ nequeꞌxpatzꞌ ral. Ut incꞌaꞌ nequeꞌxsume ticꞌtiꞌic chirixeb li ras ri̱tzꞌin usta nayechiꞌi̱c xtumineb. Eb li nequeꞌxba̱nu li usilal aꞌin incꞌaꞌ nachꞌinan xchꞌo̱leb riqꞌuin li Dios.

Jeremías 2:2

—Ayu ut ye reheb laj Jerusalén chi cau xya̱b a̱cux nak la̱in li Ka̱cuaꞌ ninye chi joꞌcaꞌin: Jultic cue chanru nak xine̱ra saꞌ e̱sa̱jilal. Xine̱ra joꞌ jun li ixakilbej naxra lix be̱lom. Xine̱ta̱ke saꞌ li chaki chꞌochꞌ li incꞌaꞌ na-el cuiꞌ li acui̱mk.

Deuteronomio 4:1

Laj Moisés quixye reheb: —Anakcuan ut ex aj Israel, cherabihak li chakꞌrab ut li tijleb li yo̱quin chixyebal e̱re. Cheba̱nuhak li cꞌaꞌru naxye li chakꞌrab re nak ta̱cua̱nk le̱ yuꞌam ut tex-oc saꞌ li naꞌajej li tixqꞌue e̱re li Ka̱cuaꞌ lix Dioseb li kaxeꞌto̱nil yucuaꞌ.

Deuteronomio 4:5

Qꞌuehomak retal. La̱in quinchꞌolob che̱ru chixjunil li quixye li Ka̱cuaꞌ ut quincꞌut che̱ru chixjunil lix chakꞌrab li Dios joꞌ quinixtakla cuiꞌ. Cheba̱nu chixjunil lix chakꞌrab li Ka̱cuaꞌ nak ac cua̱nkex saꞌ li naꞌajej li oc e̱re chire̱chaninquil anakcuan.