Jeremías 11:4 - Li Santil hu

⁴ Aꞌan li contrato li quinba̱nu riqꞌuineb le̱ xeꞌto̱nil yucuaꞌ nak quicuisiheb aran Egipto saꞌ li naꞌajej li chanchan horno li lochlo xamlel. La̱in quinye reheb, “Chex-abi̱nk chicuu ut te̱ba̱nu chixjunil li cꞌaꞌru ninye e̱re. Cui te̱ba̱nu aꞌan, la̱exak lin tenamit ut la̱inak le̱ Dios.

Q'eqchi Bible

⁴ A'an a'in li Sumwank li kink'ojob' rik'ineb' leena' leeyuwa' naq ke'wisi chaq Ejiipt, sa' li tenamit ke'wank wi' chaq kama' wi' wank sa' xam re ha'lesink ch'iich'. Kinye reheb': Paab'omaq li waatin ut b'aanuhomaq chixjunil li ninye eere; chi jo'kan laa'exaq lintenamit ut laa'inaq leeYos.

Jeremías 11:4 ပူးပေါင်းရင်းမြစ်များ

Deuteronomio 4:20

Abanan la̱ex sicꞌbil e̱ru xban li Ka̱cuaꞌ. Aꞌan qui-isin chak e̱re saꞌ li naꞌajej Egipto, li chanchan tikcual xam xban li raylal li quecꞌul. Quexrisi chak re nak texcua̱nk chokꞌ xtenamit. Ut relic chi ya̱l nak la̱ex chic lix tenamit anakcuan.

Levítico 26:12

La̱in junelic cua̱nkin e̱riqꞌuin. La̱inak le̱ Dios ut la̱exak lin tenamit.

2 Corintios 6:16

¿Ma xcꞌulubeb ta biꞌ li yi̱banbil dios nak teꞌcua̱nk saꞌ rochoch li yoꞌyo̱quil Dios? Ma̱min ta̱ru̱k. La̱in ninye e̱re nak la̱o aj pa̱banelo, la̱o li rochoch li yoꞌyo̱quil Dios. Li Dios, aꞌan li quixye chi joꞌcaꞌin: La̱in tincua̱nk riqꞌuineb ut tincuochbeniheb. La̱inak lix Dioseb aꞌan, ut aꞌanakeb li cualal incꞌajol, chan. (Lev. 26:12)

Zacarías 8:8

Tebincꞌam cuiꞌchic saꞌ lix naꞌajeb Jerusalén ut aran chic teꞌcua̱nk. Aꞌanakeb lin tenamit ut la̱inak lix Dioseb. La̱in tintakla̱nk saꞌ xbe̱neb saꞌ ti̱quilal ut saꞌ xya̱lal, chan.

Jeremías 24:7

Tintenkꞌaheb re nak teꞌxnau nak la̱in li Ka̱cuaꞌ. Aꞌanakeb lin tenamit ut la̱inak lix Dioseb xban nak teꞌsukꞌi̱k cuiꞌchic cuiqꞌuin ut tineꞌxpa̱b chi anchaleb xchꞌo̱l.

1 Reyes 8:51

Chatenkꞌaheb xban nak aꞌan eb la̱ tenamit. Ut aꞌaneb ajcuiꞌ la̱ cualal a̱cꞌajol. La̱at cat-isin chak reheb li kaxeꞌto̱nil yucuaꞌ saꞌ li tenamit Egipto li queꞌxcꞌul cuiꞌ chak li nimla raylal.

Zacarías 13:9

Ut li joꞌ qꞌuial chic teꞌcana̱k, chanchan numsinbil saꞌ xam tinba̱nu reheb nak tinyal rixeb, joꞌ nak nanumsi̱c li plata ut li oro saꞌ li xam. Eb aꞌan teꞌxya̱ba incꞌabaꞌ ut la̱in tinsumeheb ut tinye reheb: La̱ex lin tenamit. Ut eb aꞌan teꞌxye, “Li Ka̱cuaꞌ, aꞌan li kaDios,” chaꞌkeb.

Ezequiel 37:23

Incꞌaꞌ chic teꞌxmux ribeb xlokꞌoninquileb li jalanil dios, chi moco teꞌxkꞌetkꞌeti ribeb chicuu, chi moco teꞌxba̱nu chic li ma̱usilal. La̱in tincoleb chiru li ma̱usilal aꞌan ut tincuisi lix ma̱queb. Aꞌanakeb lin tenamit ut la̱inak lix Dioseb.

Ezequiel 36:28

Texcua̱nk cuiꞌchic saꞌ li naꞌajej li quinqꞌue reheb le̱ xeꞌto̱nil yucuaꞌ. La̱exak chic lin tenamit ut la̱inak chic le̱ Dios.

Ezequiel 14:11

Tinba̱nu chi joꞌcan re nak eb laj Israel incꞌaꞌ chic tineꞌxtzꞌekta̱na, chi moco teꞌxmux chic ribeb riqꞌuin xba̱nunquil li ma̱c. Aꞌanakeb lin tenamit ut la̱inak lix Dioseb, chan li Ka̱cuaꞌ li nimajcual Dios.

Ezequiel 11:20

Eb aꞌan teꞌxba̱nu li cꞌaꞌru ninye ut teꞌxpa̱b lin chakꞌrab. Ut la̱inak lix Dioseb ut aꞌanakeb li cualal incꞌajol.

Jeremías 30:22

Aꞌanakeb lin tenamit ut la̱inak lix Dioseb, chan li Dios.

Jeremías 26:13

Me̱ba̱nu chic li ma̱usilal. Ti̱cobresihomak ban le̱ yuꞌam. Ba̱nuhomak li cꞌaꞌru naxye li Dios re nak incꞌaꞌ tixtakla saꞌ e̱be̱n li raylal li quixye chak resil.

Deuteronomio 11:27

Tex-osobtesi̱k cui te̱ba̱nu li naxye saꞌ li chakꞌrab li quixqꞌue e̱re li Ka̱cuaꞌ le̱ Dios, li chakꞌrab li yo̱quin chixchꞌolobanquil che̱ru anakcuan.

Levítico 26:3

Cui te̱ba̱nu li cꞌaꞌru naxye saꞌ li chakꞌrab li xinqꞌue e̱re, ut cui te̱ba̱nu li cꞌaꞌru xinye e̱re,

Génesis 17:8

Li chꞌochꞌ Canaán li cuancat cuiꞌ anakcuan tinqꞌue a̱cue ut eb la̱ cualal a̱cꞌajol teꞌe̱chani̱nk re chi junaj cua. La̱inak lix Dioseb chixjunileb la̱ cualal a̱cꞌajol, chan.

Hebreos 5:9

Riqꞌuin li raylal li quixcꞌul li Jesucristo quitzꞌakobresi̱c ru chi cꞌanjelac chokꞌ xyucuaꞌil aj tij. Ut saꞌ xcꞌabaꞌ aꞌan cuan li colba-ib chi junelic reheb li teꞌpa̱ba̱nk re.

San Mateo 28:20

Te̱cꞌut chiruheb xpa̱banquil chixjunil li xinye chak e̱re. Chenauhak nak la̱in cua̱nkin e̱riqꞌuin chixjunil li cutan chalen toj saꞌ rosoꞌjic li ruchichꞌochꞌ.— Joꞌcan taxak.

Zacarías 6:15

Li cuanqueb chak chi najt teꞌcha̱lk chi tenkꞌa̱nc re xyi̱banquil lix templo li Ka̱cuaꞌ. Riqꞌuin aꞌin te̱qꞌue retal nak li Ka̱cuaꞌ li nimajcual Dios, aꞌan li quitaklan chak cue saꞌ e̱ya̱nk. Ut chixjunil aꞌin talajcꞌulma̱nk nak la̱ex te̱rabi ut te̱ba̱nu li cꞌaꞌru naxye li Ka̱cuaꞌ li kaDios.—

Ezequiel 37:27

Ut la̱in cua̱nkin riqꞌuineb. La̱inak lix Dioseb ut aꞌanakeb lin tenamit.

Jeremías 32:28

Joꞌcan nak li Ka̱cuaꞌ xye chi joꞌcaꞌin: La̱in tinkꞌaxtesi li tenamit aꞌin saꞌ rukꞌeb laj Babilonia ut saꞌ rukꞌ lix reyeb toj retal teꞌre̱chani.

Isaías 48:10

La̱in xinyal e̱rix riqꞌuin li raylal li xinqꞌue saꞌ e̱be̱n. Incꞌaꞌ xexinnumsi saꞌ xam joꞌ nak nacꞌatman li plata re risinquil lix tzꞌajnil.

1 Samuel 15:22

Laj Samuel quixye re: —¿Cꞌaꞌru li kꞌaxal lokꞌ chiru li Ka̱cuaꞌ? ¿Ma li mayejac malaj ut li abi̱nc? Chiru li Ka̱cuaꞌ li abi̱nc, aꞌan li kꞌaxal lokꞌ chiru li mayejac. Li xba̱nunquil li cꞌaꞌru naxye li Dios, aꞌan kꞌaxal lokꞌ chiru xcꞌatbal xxe̱bul li carner.

Éxodo 20:6

Ut nacuuxta̱naheb ru li nequeꞌrahoc cue ut nequeꞌxpa̱b lin chakꞌrab.

Isaías 30:6

Aꞌan aꞌin li esilal chirixeb li xul li cuanqueb Neguev. Li Neguev, aꞌan jun li naꞌajej xiu xiu numecꞌ cuiꞌ xban nak aran cuanqueb li cakcoj ut li cꞌantiꞌ li kꞌaxal se̱b chi a̱linac ut li cꞌantiꞌ li napiscꞌoc chi junpa̱t. Eb laj Israel yo̱queb chi numecꞌ aran re teꞌxic Egipto chixpatzꞌbal lix tenkꞌanquil. Yo̱queb chixcꞌambal chirix bu̱r ut camello lix biomaleb re teꞌxqꞌue reheb laj Egipto. Abanan eb laj Egipto moco teꞌxtenkꞌaheb ta.

Jeremías 11:7

Chalen nak queꞌcuisi chak le̱ xeꞌto̱nil yucuaꞌ Egipto ut toj chalen anakcuan la̱in nabal sut quebinkꞌus. Chalen junxil yo̱quin chak chixyebal reheb: Cherabihak li cꞌaꞌru ninye.

Jeremías 38:20

Laj Jeremías quixye re laj Sedequías: —Incꞌaꞌ tateꞌxkꞌaxtesi saꞌ rukꞌeb laj judío. Ba̱nu li cꞌaꞌru xye li Ka̱cuaꞌ. Cui ta̱ba̱nu li cꞌaꞌru yo̱quin chixyebal a̱cue, us tat-e̱lk. Ut incꞌaꞌ tatcamsi̱k.

Daniel 3:26

Tojoꞌnak laj Nabucodonosor quinachꞌoc riqꞌuin lix puertil li horno li yo̱ cuiꞌ li xam ut quixye: —At Sadrac, at Mesac ut at Abed-nego, la̱ex nequexcꞌanjelac chiru li nimajcual Dios. Elenkex saꞌ li xam. Quimkex arin, chan. Tojoꞌnak laj Sadrac, laj Mesac ut laj Abed-nego queꞌel chak saꞌ li xam.

Deuteronomio 5:6

Ut li Ka̱cuaꞌ quixye, “La̱in li Ka̱cuaꞌ le̱ Dios. La̱in quin-isin chak e̱re saꞌ li tenamit Egipto, saꞌ li naꞌajej li xexrahobtesi̱c cuiꞌ chak.

2 Reyes 18:6

Chi anchal xchꞌo̱l quixpa̱b li Dios ut ma̱ jun sut quixkꞌet li ra̱tin. Quixba̱nu ban chixjunil li quixye saꞌ li chakꞌrab li quiqꞌueheꞌ re laj Moisés xban li Ka̱cuaꞌ.