Jeremías 11:19 - Li Santil hu

¹⁹ La̱in chanchanin jun li carner li yo̱ chi cꞌamecꞌ chi camsi̱c. Ma̱cꞌaꞌ saꞌ inchꞌo̱l nak yo̱queb chixcꞌu̱banquil chanru nak tineꞌxcamsi. Yo̱queb chixyebal, “Kacamsihak li cui̱nk aꞌin joꞌ nak nayoqꞌueꞌ li cheꞌ li cuan ru. Kisihak chi jun aj cua saꞌ ruchichꞌochꞌ re nak ma̱ ani chic ta̱jultica̱nk re,” chanqueb.

Q'eqchi Bible

¹⁹ Ut laa'in wankin chaq jo' jun karneer li nak'ame'k sa' li kamsib'aal, chi ink'a' ninnaw naq yookeb' chi xk'uub'ankil linkamik: “Qayok'aq li che' naq kaw chi us; qisihaq sa' xyanqeb' li wankeb' xyu'am re naq ink'a' chik taapatz'manq li xk'ab'a'”, chankeb'.

Jeremías 11:19 ပူးပေါင်းရင်းမြစ်များ

Jeremías 20:10

Nacuabi nak nequeꞌa̱tinac chicuix saꞌ has. Kꞌaxal xiu xiu cuanquin nak ninxic yalak bar. Eb li cuami̱g nak queꞌcuan chak, yo̱queb chiroybeninquil nak tinba̱nu cꞌaꞌak re ru incꞌaꞌ us cha̱cuu. Nequeꞌxye, “Ma̱re tixba̱nu li incꞌaꞌ us re nak naru takajit ut takaqꞌue re̱kaj li yo̱ chixyebal ke,” chanqueb.

Jeremías 18:18

Ut eb li tenamit queꞌxye: —Takacꞌu̱b ru cꞌaꞌru takaba̱nu riqꞌuin laj Jeremías. Moco palta tixba̱nu chiku. Eb laj tij junelic teꞌxcꞌut chiku li cꞌaꞌru naxye li chakꞌrab. Eb li cuanqueb xnaꞌleb junelic teꞌxqꞌue kanaꞌleb ut eb li profeta junelic teꞌxye ke li ra̱tin li Dios. Takajit laj Jeremías ut incꞌaꞌ takabi li cꞌaꞌru tixye, chanqueb.

Salmos 83:4

Nequeꞌxye: Quimkex ut kasachak ruheb. Takasach lix tenamiteb chi junaj cua re nak ma̱ ani chic ta̱jultica̱nk re lix cꞌabaꞌeb laj Israel, chanqueb.

Salmos 31:13

Nequeꞌcuabi nak nequeꞌhashot chinhobbal. Yalak bar ninnumeꞌ xiu xiu cuanquin. Nequeꞌxchꞌutub rib ut nequeꞌxcꞌu̱b chi ribileb rib chanru nak tineꞌxcamsi.

Li xHu LAJ JOB 28:13

Li naꞌleb li naxqꞌue li Dios, aꞌan kꞌaxal terto xtzꞌak. Incꞌaꞌ naru xtaubal riqꞌuineb li cuanqueb saꞌ ruchichꞌochꞌ.

Salmos 27:13

Abanan la̱in ninnau nak tincꞌul li rusilal li Dios nak toj cua̱nkin saꞌ ruchichꞌochꞌ.

Números 1:14

Laj Eliasaf li ralal laj Deuel, aꞌan li najolomin reheb lix te̱paleb li ralal xcꞌajol laj Gad.

Isaías 38:11

La̱in quincꞌoxla nak incꞌaꞌ chic tincuil lix lokꞌal li Ka̱cuaꞌ arin saꞌ ruchichꞌochꞌ, chi moco teꞌcuil chic ru li cristian li toj yoꞌyo̱queb.

Isaías 32:7

Li ani incꞌaꞌ us xnaꞌleb naxba̱nu li ma̱usilal. Naxcꞌu̱b ru chanru nak tixba̱nu raylal reheb li nebaꞌ riqꞌuin balakꞌ ut naxsicꞌ xya̱lal chanru nak incꞌaꞌ ta̱rakekꞌ a̱tin saꞌ xya̱lal saꞌ xbe̱neb li tenkꞌa̱c nequeꞌraj.

Proverbios 10:7

Li cha̱bileb xnaꞌleb junelic teꞌjultica̱k. Abanan li incꞌaꞌ useb xnaꞌleb, ma̱ ani ta̱jultica̱nk reheb.

Proverbios 7:22

Ut saꞌ junpa̱t co̱ li al saꞌ rochoch li ixk. Chanchan li bo̱yx yo̱ chi cꞌamecꞌ re camsi̱c. Malaj ut chanchan li quej li oc re chi tꞌanecꞌ saꞌ li raꞌal.

Salmos 116:9

Xban nak li Ka̱cuaꞌ quinixtenkꞌa, la̱in tincua̱nk chi sum a̱tin riqꞌuin nak toj cua̱nkin arin saꞌ ruchichꞌochꞌ saꞌ xya̱nkeb li toj yoꞌyo̱queb.

Salmos 109:13

Cheꞌca̱mk ta chixjunileb li ralal xcꞌajol ut chisachk ta lix cꞌabaꞌeb chi junaj cua.

Daniel 9:26

Ut nak acak xnumeꞌ li cuib xca̱cꞌa̱l xama̱n, ta̱camsi̱k li Mesías chi ma̱cꞌaꞌ xma̱c. Ut jun chic li rey ta̱cha̱lk ut aꞌan ta̱numta̱k saꞌ xbe̱n li tenamit Jerusalén ut tixjuqꞌui li templo ut tixsach li tenamit. Chanchan butꞌ ta̱sachok reheb nak teꞌosokꞌ. Ut toj saꞌ li rosoꞌjic ta̱cua̱nk li ple̱t ut ta̱cꞌulma̱nk li ac yebil xban li Dios.

Salmos 142:5

At nimajcual Dios, la̱in yo̱quin chixtzꞌa̱manquil intenkꞌanquil cha̱cuu. At Ka̱cuaꞌ, la̱at aj Colol cue. Caꞌaj cuiꞌ a̱cuiqꞌuin la̱at nincꞌojob inchꞌo̱l arin saꞌ ruchichꞌochꞌ.

Salmos 112:6

Incꞌaꞌ tixcanab xba̱nunquil li ti̱quilal. Junelic ta̱jultica̱k xban nak ti̱c xchꞌo̱l.

Salmos 52:5

Abanan li Dios tixsach a̱cuu chi junaj cua. Tatrisi saꞌ la̱ cuochoch ut tatxcamsi.

Salmos 35:15

Abanan nak cuanquin saꞌ raylal, eb aꞌan queꞌsahoꞌ saꞌ xchꞌo̱leb. Incꞌaꞌ quincꞌoxla nak tineꞌxtzꞌekta̱na. Queꞌxchꞌutub rib chinseꞌenquil ut incꞌaꞌ queꞌxcanab inhobbal.

Jeremías 26:8

Nak laj Jeremías quirakeꞌ chixyebal li cꞌaꞌru quiyeheꞌ re xban li Ka̱cuaꞌ, eb laj tij ut eb li profeta rochbeneb chixjunileb li tenamit queꞌxchap laj Jeremías ut queꞌxye re: —Tento tatca̱mk.

Lamentaciones 3:60

La̱at nacanau nak xicꞌ niquineꞌril. Nacaqꞌue retal nak yo̱queb chixcꞌu̱banquil chanru nak tineꞌxcamsi li xicꞌ nequeꞌiloc cue.

Ezequiel 32:24

Lix reyeb laj Elam cuan aran rochbeneb lix qꞌuila soldados. Li soldado cuanqueb chixjun sutam. Chixjunileb queꞌcamsi̱c saꞌ li ple̱t. Aꞌaneb li queꞌqꞌuehoc xxiuheb chixjunileb nak toj yoꞌyo̱queb, abanan anakcuan xuta̱nal queꞌxcꞌul xban nak queꞌco̱eb saꞌ xnaꞌajeb li camenak cuanqueb cuiꞌ li incꞌaꞌ queꞌxpa̱b li Dios.

Proverbios 24:15

Me̱cꞌu̱b junak naꞌleb incꞌaꞌ us xba̱nunquil re te̱ba̱nu raylal reheb li cha̱bileb. Chi moco tex-oc saꞌ li rochocheb chixpoꞌbal ru li cꞌaꞌruheb re.

Jeremías 1:19

Teꞌpletik a̱cuiqꞌuin, abanan incꞌaꞌ teꞌnumta̱k saꞌ a̱be̱n xban nak la̱in cua̱nkin a̱cuiqꞌuin cha̱colbal, chan li Dios.

Oseas 9:8

La̱in taklanbilin chak xban li Dios chokꞌ aj ilol e̱re la̱ex li ralal xcꞌajol laj Efraín. Abanan yalak bar ninxic chixyebal resil li raylal cha̱lel saꞌ e̱be̱n, xicꞌ niquine̱ril. Che̱ru la̱ex, chanchanin laj yo li naraj chapoc e̱re. Ut saꞌ li rochoch li Dios li bar raj xine̱cꞌul saꞌ xya̱lal, xicꞌ chic xine̱ril.