Jeremías 11:12 - Li Santil hu

¹² Eb li tenamit li cuanqueb Judá ut eb li cuanqueb Jerusalén teꞌxic riqꞌuineb li yi̱banbil dios li nequeꞌxcꞌat pom chiru. Teꞌxtzꞌa̱ma xtenkꞌanquil chiruheb, abanan incꞌaꞌ teꞌtenkꞌa̱k xbaneb lix dioseb nak cuanqueb saꞌ raylal.

Q'eqchi Bible

¹² Toja' naq eb' laj Judá ut eb' laj Jerusalén te'xik chi xpatz'b'al xtenq'ankileb' reheb' li jalanil yos li neke'k'ate'k k'ajpom chiruheb', ab'anan eb' li yos a'an ink'a' te'ruhanq chi xkolb'aleb' sa' xkutankil li nimla rahilal.

Jeremías 11:12 ပူးပေါင်းရင်းမြစ်များ

Jeremías 2:28

La̱ex aj Judá, ¿ma incꞌaꞌ ta biꞌ xeyi̱b le̱ dios re textenkꞌa? ¿Ma incꞌaꞌ ta biꞌ ta̱ru̱k te̱tzꞌa̱ma e̱tenkꞌanquil riqꞌuin aꞌan? Cui cuanqueb xcuanquil, chextenkꞌa nak cua̱nkex saꞌ raylal. Kꞌaxal nabaleb le̱ jalanil dios. Chanchan xqꞌuialeb le̱ tenamit.

Deuteronomio 32:37

Ut li Ka̱cuaꞌ tixye reheb: —¿Bar cuanqueb le̱ dios li cꞌojcꞌo cuiꞌ le̱ chꞌo̱l?

Isaías 45:20

Li Ka̱cuaꞌ quixye: —Chꞌutubomak e̱rib ex tenamit. Quimkex che̱junilex li joꞌ qꞌuialex incꞌaꞌ xsacheꞌ e̱ru. La̱ex nequepako li yi̱banbil dios saꞌ be. Ma̱cꞌaꞌ e̱naꞌleb. Nequextijoc chiru li dios cheꞌ li incꞌaꞌ naru nequexcol.

2 Crónicas 28:22

Usta cuan saꞌ raylal li rey Acaz, abanan kꞌaxal cuiꞌchic quima̱cob chiru li Ka̱cuaꞌ.

Jueces 10:14

Ayukex ut ya̱bahomak xcꞌabaꞌeb li jalanil dios li xesicꞌ ruheb. Ma̱re eb aꞌan chic teꞌcolok e̱re chiru li raylal li cuanquex cuiꞌ anakcuan, chan li Dios.

Deuteronomio 32:38

Quemayeja le̱ cha̱bil mayej chiruheb ut quemayeja le̱ vino chiruheb. Cha̱lk anakcuan. Xtenkꞌakex ut xcolakex.

Jeremías 44:8

¿Cꞌaꞌut nak nequechikꞌ injoskꞌil riqꞌuin xlokꞌoninquileb li dios li xeyi̱b ut riqꞌuin xcꞌatbal le̱ pom chiruheb li dios li cuanqueb arin Egipto li bar xexchal cuiꞌ chi cua̱nc? La̱ex te̱sach e̱rib e̱junes ut texhobekꞌ ut xicꞌ chic tex-ilekꞌ xbaneb chixjunileb li xni̱nkal ru tenamit li cuanqueb saꞌ ruchichꞌochꞌ.

Isaías 46:7

Nequeꞌxpako saꞌ xbe̱n xtel ut nequeꞌxxakab saꞌ xnaꞌaj. Incꞌaꞌ naru ta̱e̱lk saꞌ li naꞌajej aꞌan. Usta li cristian teꞌxjap reheb chixtzꞌa̱manquil xtenkꞌanquil, abanan lix dios incꞌaꞌ tixsume. Lix dioseb incꞌaꞌ naru tixcoleb chiru li raylal li cuanqueb cuiꞌ.

Jeremías 18:15

Li Ka̱cuaꞌ quixye: —Abanan eb lin tenamit xineꞌxtzꞌekta̱na. Incꞌaꞌ chic niquineꞌxlokꞌoni. Aꞌ chic li jalanil dios nequeꞌxlokꞌoni ut nequeꞌxcꞌat li pom chiru. Queꞌxcanab xba̱nunquil li ti̱quilal li queꞌxba̱nu junxil. Junes chic li incꞌaꞌ us nequeꞌxba̱nu.