Jeremías 11:10 - Li Santil hu

¹⁰ Queꞌxba̱nu li ma̱usilal joꞌ queꞌxba̱nu lix xeꞌto̱nil yucuaꞌeb. Eb lix xeꞌto̱nil yucuaꞌeb incꞌaꞌ queꞌraj abi̱nc chicuu. Queꞌxlokꞌoniheb li jalanil dios. Joꞌcan ajcuiꞌ yo̱queb chixba̱nunquil eb laj Judá ut eb laj Israel. Nequeꞌxlokꞌoniheb li jalanil dios ut yo̱queb chi cꞌanjelac chiruheb. Queꞌxkꞌet li contrato li quinba̱nu riqꞌuineb lix xeꞌto̱nil yucuaꞌ.

Q'eqchi Bible

¹⁰ Xe'ok chi xb'aanunkil li maa'usilal jo' ke'xb'aanu chaq eb' li xna' xyuwa'eb', li ink'a' ke'ab'ink chiwu ut koheb' chirixeb' li jalanil yos re k'anjelak chiruheb'. Eb' li ralal xk'ajoleb' laj Israel ut eb' laj Judá ke'xmux xwankil li Sumwank kink'ojob' rik'ineb' li xxe'toonil yuwa'eb'.

Jeremías 11:10 ပူးပေါင်းရင်းမြစ်များ

Deuteronomio 31:16

Ut li Ka̱cuaꞌ quixye re laj Moisés: —La̱at tatxic chi hila̱nc a̱cuochbeneb la̱ xeꞌto̱nil yucuaꞌ. Chi se̱b li tenamit aꞌin teꞌxtiquib xlokꞌoninquileb li jalanil dios saꞌ li naꞌajej li teꞌxic cuiꞌ. Chanchanakeb chic li ixk li nequeꞌxcꞌayi ribeb. Tineꞌxtzꞌekta̱na ut teꞌxkꞌet li contrato li quinba̱nu riqꞌuineb.

Ezequiel 16:59

Li nimajcual Dios quixye: La̱in tatinqꞌue chixtojbal a̱ma̱c joꞌ a̱cꞌulub xcꞌulbal xban nak cacuisi xcuanquil li contrato ut incꞌaꞌ caba̱nu li cꞌaꞌru caye.

1 Samuel 15:11

—Incꞌaꞌ sa saꞌ inchꞌo̱l riqꞌuin laj Saúl. Incꞌaꞌ raj xinqꞌue chokꞌ xreyeb laj Israel. Quinixtzꞌekta̱na ut quixkꞌet lin chakꞌrab, chan. Qui-oc xcꞌaꞌux laj Samuel ut quixnumsi li kꞌojyi̱n aꞌan chi tijoc chiru li Ka̱cuaꞌ.

Jueces 2:19

Ut nak nacam laj rakol a̱tin, nequeꞌoc cuiꞌchic xba̱nunquil li ma̱usilal eb laj Israel ut kꞌaxal cuiꞌchic yibru li nequeꞌxba̱nu chiru li queꞌxba̱nu chak lix naꞌ xyucuaꞌeb. Nequeꞌxlokꞌoni li jalanil dios ut nequeꞌcꞌanjelac chiruheb. Ut incꞌaꞌ nequeꞌxcanab xba̱nunquil li ma̱usilal xban nak kꞌaxal cauheb xchꞌo̱l.

Jueces 2:17

Abanan eb laj Israel incꞌaꞌ ajcuiꞌ queꞌabin chiruheb laj rakol a̱tin. Toj yo̱queb ajcuiꞌ chixlokꞌoninquil li jalanil dios. Eb aꞌan incꞌaꞌ queꞌxba̱nu li naxye lix chakꞌrab li Ka̱cuaꞌ joꞌ queꞌxba̱nu chak lix xeꞌto̱nil yucuaꞌeb najter.

Hebreos 8:9

Li contrato aꞌin ma̱cuaꞌ joꞌ li quinba̱nu chak reheb lix xeꞌto̱nil yucuaꞌeb nak quicuisiheb chak saꞌ li tenamit Egipto. Incꞌaꞌ queꞌxba̱nu li naxye li contrato. Xban aꞌan quebintzꞌekta̱na.

Sofonías 1:6

Eb li queꞌxcanab inlokꞌoninquil tinsacheb ru joꞌqueb ajcuiꞌ li ma̱ jun cua niquineꞌxlokꞌoni chi moco niquineꞌxcꞌoxla, chan li Dios.

Oseas 6:7

Joꞌ quixba̱nu laj Adán nak quixkꞌet li cua̱tin, joꞌcan ajcuiꞌ queꞌxba̱nu lin tenamit nak quineꞌxtzꞌekta̱na.

Ezequiel 44:7

Quemux ru lin templo nak xecanabeb chi oc saꞌ lin templo li jalaneb xtenamit, li incꞌaꞌ niquineꞌxpa̱b ut incꞌaꞌ queꞌxcꞌul li circuncisión. Ut xemayeja li caxlan cua ut lix quiqꞌuel li xul ut lix xe̱bul. Xban li ma̱usilal queba̱nu, querisi xcuanquil li contrato li quinba̱nu e̱riqꞌuin.

Salmos 78:57

Eb aꞌan queꞌxba̱nu cuiꞌchic joꞌ queꞌxba̱nu lix naꞌ xyucuaꞌeb. Queꞌxtzꞌekta̱na li Dios ut incꞌaꞌ ti̱queb xchꞌo̱l. Chanchaneb li tzimaj, li incꞌaꞌ ti̱c nacutuc.

Deuteronomio 9:7

Chijulticokꞌ e̱re chanru nak quechikꞌ chak xjoskꞌil li Ka̱cuaꞌ le̱ Dios nak cuanquex saꞌ li chaki chꞌochꞌ. Chalen saꞌ li cutan nak quex-el chak Egipto toj chalen anakcuan nak cuanquex saꞌ li naꞌajej aꞌin, yo̱quex chixkꞌetkꞌetinquil e̱rib chiru li Ka̱cuaꞌ.

Levítico 26:15

Cui la̱ex te̱tzꞌekta̱na lin chakꞌrab ut incꞌaꞌ te̱cꞌu̱luban ut cui incꞌaꞌ nequeqꞌue saꞌ e̱chꞌo̱l li cꞌaꞌru ninye ut cui la̱ex te̱risi xcuanquil li contrato li quinba̱nu e̱riqꞌuin,

Zacarías 1:4

Me̱ba̱nu joꞌ queꞌxba̱nu le̱ xeꞌto̱nil yucuaꞌ. Eb li profeta li queꞌcꞌanjelac chak junxil queꞌa̱tinac chak riqꞌuineb ut queꞌxye reheb, “Joꞌcaꞌin xye li Ka̱cuaꞌ Dios. Jalomak e̱cꞌaꞌux ut canabomak xba̱nunquil li ma̱usilal,” chanqueb. Abanan eb aꞌan incꞌaꞌ queꞌraj rabinquil li cꞌaꞌru quinye reheb, chan li Ka̱cuaꞌ.

Oseas 7:16

Niquineꞌxtzꞌekta̱na ut nequeꞌxic riqꞌuin li jalanil dios. Chanchaneb li yocos aj tzimaj ma̱cꞌaꞌ na-oc cuiꞌ. Joꞌcan nak teꞌcamsi̱k riqꞌuin chꞌi̱chꞌ li nequeꞌcꞌamoc be saꞌ xya̱nkeb yal xban nak nequeꞌxnimobresi ribeb riqꞌuin li cꞌaꞌru nequeꞌxye. Ut xban aꞌan teꞌseꞌe̱k xbaneb laj Egipto.

Oseas 6:4

Abanan li Ka̱cuaꞌ naxye: —¿Cꞌaꞌru tinba̱nu e̱riqꞌuin la̱ex ralal xcꞌajol laj Efraín? Ut, ¿cꞌaꞌru tinba̱nu e̱riqꞌuin la̱ex ralal xcꞌajol laj Judá? Le̱ cha̱bilal chanchan li chok chiru li ekꞌela, li nacꞌameꞌ saꞌ junpa̱t xban li ikꞌ, ut chanchan li xchuꞌque li nacuan ekꞌela, li nasach saꞌ junpa̱t.

Jeremías 31:32

Ma̱cuaꞌ joꞌ li contrato li quinba̱nu riqꞌuineb lix xeꞌto̱nil yucuaꞌ nak quebinchꞌilo chak chi rukꞌeb nak quicuisiheb chak saꞌ li tenamit Egipto. Usta la̱in chanchanin jun li be̱lomej chokꞌ reheb, abanan eb aꞌan queꞌxsach xcuanquil li contrato quinba̱nu riqꞌuineb junxil.

Jueces 2:11

Ut queꞌxba̱nu li incꞌaꞌ us chiru li Ka̱cuaꞌ. Queꞌoc chixlokꞌoninquileb li yi̱banbil dios Baal.

Jeremías 7:28

La̱at ta̱ye reheb: La̱ex aj Israel, la̱ex jun li tenamit li incꞌaꞌ xeba̱nu li cꞌaꞌru xye e̱re li Ka̱cuaꞌ. Incꞌaꞌ xecꞌu̱luban le̱ kꞌusbal xqꞌue e̱re li Ka̱cuaꞌ le̱ Dios. Incꞌaꞌ nequexcuan saꞌ xya̱lal, chi moco nequeye li ya̱l.

Jeremías 9:6

Cꞌajoꞌ li rahobtesi̱c nequeꞌxba̱nu. Xban nak xnumta li balakꞌic nequeꞌxba̱nu, joꞌcan nak incꞌaꞌ chic nequeꞌraj xpa̱banquil nak la̱in li Dios.—

Jeremías 13:10

Eb li tenamit aꞌin numtajenak lix ma̱usilaleb ut kꞌaxal cauheb xchꞌo̱l. Queꞌxkꞌet li cua̱tin ut queꞌxcuikꞌib ribeb chiruheb li jalanil dios re teꞌxlokꞌoni ut queꞌcꞌanjelac chiruheb. Joꞌcan nak tinsacheb. Chanchanakeb chic li cꞌa̱mal saꞌ aꞌin li ma̱cꞌaꞌ chic na-oc cuiꞌ.

Jeremías 17:23

Abanan eb aꞌan incꞌaꞌ queꞌraj rabinquil li cꞌaꞌru quinye reheb. Queꞌxcacuubresi ban xchꞌo̱leb ut incꞌaꞌ queꞌxcꞌul lix kꞌusbaleb li quinqꞌue.

Jeremías 44:5

Abanan incꞌaꞌ queꞌrabi chi moco queꞌxqꞌue retal li cꞌaꞌru queꞌxye li profetas. Incꞌaꞌ queꞌxcanab xba̱nunquil li ma̱usilal, chi moco queꞌxcanab xcꞌatbal lix pomeb chiruheb li jalanil dios.

Jeremías 44:16

—La̱o incꞌaꞌ takaba̱nu li cꞌaꞌru xaye ke saꞌ xcꞌabaꞌ li Dios.

Ezequiel 5:6

Abanan eb li cuanqueb Jerusalén queꞌxkꞌet lin chakꞌrab ut incꞌaꞌ queꞌxba̱nu li cꞌaꞌru quebintakla cuiꞌ. Aꞌaneb chic li kꞌaxal xeꞌkꞌetoc re lin chakꞌrab chiruheb li tenamit li cuanqueb chixjun sutam.

Zacarías 7:11

Le̱ xeꞌto̱nil yucuaꞌ incꞌaꞌ queꞌraj xba̱nunquil li cꞌaꞌru quinye reheb. Queꞌxkꞌetkꞌeti ban ribeb. Incꞌaꞌ queꞌraj rabinquil li cua̱tin.—

Zacarías 7:13

Quixye ajcuiꞌ li Ka̱cuaꞌ: —Nak la̱in quina̱tinac riqꞌuineb incꞌaꞌ queꞌraj rabinquil li cꞌaꞌru quinye. Joꞌcan nak la̱in incꞌaꞌ ajcuiꞌ xeꞌcuabi nak xeꞌxtzꞌa̱ma xtenkꞌanquil chicuu.

Isaías 24:5

Eb li cristian queꞌxmux ru li ruchichꞌochꞌ xban nak queꞌxkꞌet lix chakꞌrab li Dios. Queꞌxkꞌet li contrato li xakxo xcuanquil chi junelic.

Jeremías 22:9

Ut teꞌchakꞌok li tenamit ut teꞌxye, “Quixsach ru xban nak queꞌxkꞌet li contrato li quixba̱nu li Dios riqꞌuineb, ut queꞌxlokꞌoni li yi̱banbil dios ut queꞌcꞌanjelac chiruheb,” chaꞌakeb.