Jeremías 10:5 - Li Santil hu

⁵ Xakxo̱queb saꞌ xnaꞌaj. Chanchaneb li cheꞌ palmera. Incꞌaꞌ naru nequeꞌa̱tinac. Tento xpakonquileb xban nak incꞌaꞌ naru nequeꞌbe̱c. Mexxucuac chiruheb xban nak incꞌaꞌ nequeꞌxba̱nu li us, chi moco li incꞌaꞌ us, xban nak ma̱cꞌaꞌeb xcuanquil.—

Q'eqchi Bible

⁵ Chanchaneb' li xxib'enkileb' li xul sa'eb' li awimq, xb'aan naq ink'a' neke'ruuk chi aatinak. Tento xpaqonkileb', xb'aan naq ink'a' neke'b'eek. Meexiwaheb', xb'aan naq maak'a' k'aru us neke'xb'aanu chi moko k'a' ta ru ink'a' us”.

Jeremías 10:5 ပူးပေါင်းရင်းမြစ်များ

Isaías 46:7

Nequeꞌxpako saꞌ xbe̱n xtel ut nequeꞌxxakab saꞌ xnaꞌaj. Incꞌaꞌ naru ta̱e̱lk saꞌ li naꞌajej aꞌan. Usta li cristian teꞌxjap reheb chixtzꞌa̱manquil xtenkꞌanquil, abanan lix dios incꞌaꞌ tixsume. Lix dioseb incꞌaꞌ naru tixcoleb chiru li raylal li cuanqueb cuiꞌ.

1 Corintios 12:2

Nak toj ma̱jiꞌ nequexpa̱ban chak queqꞌue chak xcuanquil li yi̱banbil dios li incꞌaꞌ nequeꞌa̱tinac ut queqꞌue e̱rib chi balakꞌi̱c riqꞌuin xpa̱banquileb.

1 Corintios 8:4

Anakcuan tina̱tinak chirix li tzacae̱mk mayejanbil chiruheb li yi̱banbil dios. La̱o nakanau nak li yi̱banbil dios ma̱cꞌaꞌ nequeꞌoc cuiꞌ xban nak moco dioseb ta. Nakanau nak jun ajcuiꞌ li Dios cuan.

Habacuc 2:19

Ra xchal saꞌ e̱be̱n la̱ex li nequeye re junak cheꞌ, “Cuaclin ut choa̱tenkꞌa”, malaj ut junak pec incꞌaꞌ naa̱tinac. ¿Ma ta̱ru̱k ta biꞌ tixqꞌue e̱naꞌleb? Usta yi̱banbil riqꞌuin oro ut plata, aꞌan ma̱cꞌaꞌ xmusikꞌ re texsume.

Isaías 46:1

Nequeꞌtꞌaneꞌ li dios Bel ut li dios Nebo li nequeꞌxlokꞌoniheb laj Egipto. Eb li dios aꞌan i̱kanbileb xbaneb li bu̱r. Kꞌaxal a̱l chokꞌ reheb li bu̱r ri̱kanquileb xban nak ac tacuajenakeb chi i̱ka̱nc.

Isaías 45:20

Li Ka̱cuaꞌ quixye: —Chꞌutubomak e̱rib ex tenamit. Quimkex che̱junilex li joꞌ qꞌuialex incꞌaꞌ xsacheꞌ e̱ru. La̱ex nequepako li yi̱banbil dios saꞌ be. Ma̱cꞌaꞌ e̱naꞌleb. Nequextijoc chiru li dios cheꞌ li incꞌaꞌ naru nequexcol.

1 Reyes 18:26

Ut eb aꞌan queꞌxchap li cuacax li quikꞌaxtesi̱c reheb ut queꞌxyi̱b. Ut queꞌxya̱ba xcꞌabaꞌ laj Baal lix dioseb chalen ekꞌela toj cuaꞌleb. Yo̱queb chi xajoc chiru li artal li queꞌxyi̱b ut yo̱queb chixyebal: —At Baal, choa̱sume, chanqueb. Abanan ma̱ ani quisumen reheb.

Jeremías 10:14

To̱nteb chixjunileb li cui̱nk ut ma̱cꞌaꞌeb xnaꞌleb. Chixjunileb laj tꞌenol chꞌi̱chꞌ nacꞌuteꞌ xxuta̱neb xban li dios li queꞌxyi̱b. Ma̱cꞌaꞌ na-oc cuiꞌ li jalanil dios li nequeꞌxyi̱b xban nak moco yoꞌyo̱queb ta.

Deuteronomio 4:28

Ut saꞌ li naꞌajej li texcꞌamekꞌ cuiꞌ texcꞌanjelak chiruheb li dios li yi̱banbil xbaneb li cui̱nk riqꞌuin cheꞌ ut pec. Eb li dios aꞌan incꞌaꞌ nequeꞌiloc, incꞌaꞌ nequeꞌabin, incꞌaꞌ nequeꞌcuaꞌac ut incꞌaꞌ nequeꞌutzꞌuc.

2 Crónicas 25:15

Cꞌajoꞌ nak quixchikꞌ xjoskꞌil li Dios laj Amasías. Li Dios quixtakla lix profeta riqꞌuin ut li profeta quixye re: —¿Cꞌaꞌut nak nacalokꞌoniheb li yi̱banbil dios aꞌin li incꞌaꞌ queꞌru xcolbaleb laj Edom cha̱cuu la̱ex? chan.

Isaías 16:12

Nequeꞌxtacuasi ribeb laj Moab nak nequeꞌxic saꞌ li naꞌajej li najt xteram chixlokꞌoninquileb li jalanil dios. Ma̱cꞌaꞌ rajbal nak nequeꞌxic chi tijoc chiru lix artaleb.