Jeremías 10:4 - Li Santil hu

⁴ Nequeꞌxletz oro ut plata chokꞌ xsahob ruheb lix dios li nequeꞌxyi̱b. Ut nequeꞌxtꞌoj riqꞌuin claux ut martillo re nak incꞌaꞌ ta̱ecꞌa̱nk saꞌ xnaꞌaj.

Q'eqchi Bible

⁴ naruutz'u'uji ru rik'in oor ut plaat, naxt'oj chi klawx re naq ink'a' taa'eek'anq sa' xna'aj.

Jeremías 10:4 ပူးပေါင်းရင်းမြစ်များ

Isaías 46:7

Nequeꞌxpako saꞌ xbe̱n xtel ut nequeꞌxxakab saꞌ xnaꞌaj. Incꞌaꞌ naru ta̱e̱lk saꞌ li naꞌajej aꞌan. Usta li cristian teꞌxjap reheb chixtzꞌa̱manquil xtenkꞌanquil, abanan lix dios incꞌaꞌ tixsume. Lix dioseb incꞌaꞌ naru tixcoleb chiru li raylal li cuanqueb cuiꞌ.

Isaías 44:12

Junak laj tenol chꞌi̱chꞌ naxqꞌue lix chꞌi̱chꞌ saꞌ xam re tixyi̱b li cꞌaꞌru naraj. Riqꞌuin xmetzꞌe̱u naxten chi martillo. Abanan cui incꞌaꞌ ta̱tzaca̱nk, ta̱lajk lix metzꞌe̱u. Cui incꞌaꞌ ta̱ucꞌak, incꞌaꞌ chic tixcuy cꞌanjelac.

Salmos 135:15

Eb li dios li nequeꞌxlokꞌoni li jalaneb xtenamit, aꞌan yal yi̱banbil riqꞌuin plata ut oro. Yi̱banbil xbaneb li cui̱nk.

Salmos 115:4

Abanan li jalanil dios li nequeꞌxlokꞌoni li tenamit li incꞌaꞌ nequeꞌxpa̱b li Dios, aꞌan yal yi̱banbil xbaneb li cui̱nk riqꞌuin oro ut plata.

Isaías 46:6

Cuanqueb li nequeꞌrisi lix oro saꞌ lix bo̱ls ut nequeꞌxbis li plata saꞌ li bisleb. Nequeꞌxqꞌue li oro ut li plata re laj tenol chꞌi̱chꞌ re nak tixyi̱b jun lix dios. Chirix aꞌan nequeꞌxcuikꞌib ribeb chiru ut nequeꞌxlokꞌoni.

Oseas 13:2

Ut chalen ajcuiꞌ anakcuan kꞌaxal cuiꞌchic yo̱queb chi ma̱cobc. Nequeꞌxyi̱b lix dioseb riqꞌuin plata re teꞌxlokꞌoni. Riqꞌuin rukꞌeb nequeꞌxyi̱b xdioseb chi chꞌinaꞌus aꞌ yal chanru nequeꞌxnau xba̱nunquil. Ut nequeꞌxye chi ribileb rib: —Chomayejak chiruheb li kadios. Takutzꞌ ru li kadios cuacax, chanqueb.

Habacuc 2:19

Ra xchal saꞌ e̱be̱n la̱ex li nequeye re junak cheꞌ, “Cuaclin ut choa̱tenkꞌa”, malaj ut junak pec incꞌaꞌ naa̱tinac. ¿Ma ta̱ru̱k ta biꞌ tixqꞌue e̱naꞌleb? Usta yi̱banbil riqꞌuin oro ut plata, aꞌan ma̱cꞌaꞌ xmusikꞌ re texsume.