Jeremías 10:22 - Li Santil hu

²² Abihomak. Qꞌuehomak retal li esilal li yo̱ chak chi cha̱lc. Cꞌajoꞌ li choki̱nc saꞌ li nimla tenamit li cuan saꞌ li norte. Teꞌxsach ru chixjunileb li tenamit li cuanqueb Judá. Ta̱cana̱k chi ma̱cꞌaꞌ chic cuan chi saꞌ. Ta̱cana̱k chokꞌ xnaꞌaj laj xoj, chan laj Jeremías.

Q'eqchi Bible

²² Ab'ihomaq li esil a'in ut k'ehomaq reetal. chalk re jun nimla choqink, tz'aapixik rab'inkil; chalk chaq re sa' xjayal releb'l iq'. Chixjunileb' li tenamit sa' xteepal Judá te'sache'q ru ut te'kanaaq chi po'lem, cho'q xna'ajeb' laj xojb'.

Jeremías 10:22 ပူးပေါင်းရင်းမြစ်များ

Jeremías 9:11

Li Ka̱cuaꞌ quixye: —La̱in tinsach ru li tenamit Jerusalén. Jucꞌbil chic ta̱cana̱k chixjunil. Ta̱cana̱k chokꞌ xnaꞌajeb laj xoj. Chanchan chaki chꞌochꞌ teꞌcana̱k eb li tenamit li cuanqueb Judá. Ma̱ ani chic ta̱ru̱k ta̱cua̱nk saꞌ li naꞌajej aꞌan, chan li Ka̱cuaꞌ.

Malaquías 1:3

—Xintzꞌekta̱na laj Esaú. Ut xinsukꞌisi lix naꞌaj chokꞌ chaki chꞌochꞌ li cha̱bil tzu̱l nak quicuan. Xincanab lix chꞌochꞌ chokꞌ xnaꞌajeb li joskꞌ aj xul, chan li Dios.

Jeremías 6:22

Li Ka̱cuaꞌ quixye: —Cuan jun li nimla tenamit cau rib saꞌ li norte ut yo̱ chak chi cauresinquil rib re ta̱cha̱lk chi pletic.

Jeremías 6:1

La̱ex, li ralal xcꞌajol laj Benjamín, elenkex saꞌ li tenamit Jerusalén re xcolbal e̱rib. Ya̱basihomak le̱ trompeta aran Tecoa. Cꞌu̱bumak junak li xam saꞌ li naꞌajej Bet-haquerem chokꞌ retalil li nimla raylal ut li sachecꞌ li yo̱ chak chi cha̱lc saꞌ li norte.

Jeremías 5:15

Li Ka̱cuaꞌ quixye ajcuiꞌ reheb: —La̱in tintaklaheb li najtil tenamit chi pletic e̱riqꞌuin la̱ex li ralal xcꞌajol laj Israel. Aꞌaneb kꞌaxal cauheb rib chalen najter. La̱ex incꞌaꞌ nequenau li ra̱tinoba̱leb chi moco te̱tau ru li cꞌaꞌru teꞌxye.

Jeremías 4:6

Cꞌutumakeb li be li naxic Sión. Tex-e̱lelik chi junpa̱t re te̱col e̱rib xban nak saꞌ li norte ta̱cha̱lk chak li raylal li tixqꞌue li Ka̱cuaꞌ saꞌ e̱be̱n. Ta̱sachekꞌ ru chixjunil.

Jeremías 1:15

La̱in tinbokeb chixjunileb li tenamit li cuanqueb saꞌ li norte. Eb lix reyeb teꞌxxakab lix muheba̱leb saꞌ li oqueba̱l re li tenamit Jerusalén ut teꞌxsut rix li tenamit. Ut teꞌxsut ajcuiꞌ rixeb li jun chꞌol chic tenamit li cuanqueb Judá.

Isaías 34:13

Junes qꞌuix chic ta̱cua̱nk saꞌ eb lix palacio ut saꞌ eb li cab li najt xteram li nequeꞌxcol cuiꞌ ribeb. Li naꞌajej aꞌan ta̱cana̱k chokꞌ xnaꞌajeb laj xoj ut chokꞌ xnaꞌajeb li ni̱nki xul avestruces xcꞌabaꞌ.

Jeremías 1:14

Ut li Ka̱cuaꞌ quixye cue: —Saꞌ li norte ta̱cha̱lk chak li raylal saꞌ xbe̱neb chixjunileb li cuanqueb saꞌ li naꞌajej aꞌin.

Jeremías 4:15

Yo̱ chi cuulac resil li raylal li ta̱cꞌulma̱nk toj saꞌ lix naꞌajeb li ralal xcꞌajol laj Dan ut toj saꞌ lix naꞌajeb li ralal xcꞌajol laj Efraín, li naꞌajej li tzu̱l ru.

Jeremías 25:9

Joꞌcan nak la̱in tinbokeb chixjunileb li xni̱nkal ru tenamit li cuanqueb saꞌ li norte. Ta̱cha̱lk ajcuiꞌ rochbeneb laj Nabucodonosor lix reyeb laj Babilonia, li ta̱cꞌanjelak chicuu. La̱in tintaklaheb chi numta̱c saꞌ xbe̱neb li cuanqueb saꞌ li naꞌajej aꞌin, joꞌ eb ajcuiꞌ li tenamit li cuanqueb chi xjun sutam re nak tinsach ruheb chi junelic. Xiu xiu rilbal teꞌcana̱k ut teꞌseꞌe̱k.

Jeremías 49:33

Li tenamit Hazor ta̱cana̱k chokꞌ xnaꞌajeb laj xoj. Ma̱cꞌaꞌ chic cua̱nk aran. Ma̱cꞌaꞌak chic cristian sa li tenamit aꞌan, chi moco teꞌnumekꞌ aran.

Lamentaciones 1:4

Kꞌaxal ra saꞌ xchꞌo̱leb li be li nequeꞌxic aran Sión xban nak ma̱ ani nanumeꞌ aran re teꞌxic saꞌ eb li ninkꞌe. Ma̱ ani nacuan chiruheb li oqueba̱l re li tenamit ut eb laj tij yo̱queb chixjikꞌbal xchꞌo̱leb xban li raylal yo̱queb chixcꞌulbal. Kꞌaxal ra saꞌ xchꞌo̱leb li tukꞌ ixk joꞌqueb ajcuiꞌ chixjunileb li tenamit.

Ezequiel 12:19

Ta̱ye reheb li tenamit li cuanqueb saꞌ li naꞌajej aꞌin: Aꞌan aꞌin li naxye li nimajcual Dios chirixeb li cuanqueb Jerusalén ut chirix li naꞌajej Israel. Teꞌtzaca̱nk chi yo̱keb xxiu. Ut chi yo̱keb xcꞌaꞌux teꞌucꞌak xban nak ta̱isi̱k saꞌ li naꞌajej chixjunil li cuan aran. Ma̱cꞌaꞌ chic ta̱cana̱k xban lix ma̱usilaleb li cuanqueb saꞌ li tenamit aꞌan.

Jeremías 2:15

Chanchan nak nequeꞌxjap re li cakcoj xban xjoskꞌileb nak queꞌchal li jalan tenamit chixrahobtesinquileb laj Israel. Queꞌxsach ru li racui̱mkeb ut queꞌxcꞌat lix tenamiteb. Quicana chi ma̱cꞌaꞌ cuan chi saꞌ.