Jeremías 10:18 - Li Santil hu

¹⁸ Li Ka̱cuaꞌ ta̱isi̱nk e̱re saꞌ li naꞌajej aꞌin. Tixtakla li raylal saꞌ e̱be̱n nak textakla saꞌ jalan tenamit. Texrahobtesi re nak te̱recꞌa li raylal.

Q'eqchi Bible

¹⁸ Jo'ka'in naxye li Qaawa': “Anaqwan twaanilasiheb' chi najt li wankeb' sa' li na'ajej a'in; relik chi yaal naq tinrahob'tesiheb' re rilb'al ma tine'xtaw wi' chik”.

Jeremías 10:18 ပူးပေါင်းရင်းမြစ်များ

1 Samuel 25:29

Usta cuan li ani nasicꞌoc a̱cue re a̱camsinquil, li Ka̱cuaꞌ la̱ Dios ta̱colok a̱cue. Ut tixtzꞌekta̱naheb li xicꞌ nequeꞌiloc a̱cue joꞌ li pec li nequeꞌcuteꞌ riqꞌuin rantꞌin xbaneb li cui̱nk.

Zacarías 1:6

Abanan li a̱tin li quinye quicꞌulman joꞌ quinye. Quicꞌulman joꞌ quinye reheb lin profeta re teꞌxye reheb li tenamit. Queꞌxcꞌul li raylal le̱ xeꞌto̱nil yucuaꞌ joꞌ quinye. Joꞌcan nak queꞌyotꞌeꞌ xchꞌo̱l ut queꞌxjal xcꞌaꞌuxeb. Queꞌxye, “Xkacꞌul ajcuiꞌ li cꞌaꞌru quixye chak saꞌ kabe̱n li Ka̱cuaꞌ li nimajcual Dios joꞌ kacꞌulub xcꞌulbal xban li kayehom kaba̱nuhom,” chanqueb.—

Ezequiel 6:10

La̱in xinqꞌue li raylal aꞌin saꞌ xbe̱neb re nak teꞌxqꞌue retal nak la̱in li Ka̱cuaꞌ. Moco incꞌaꞌ ta ninba̱nu li cꞌaꞌru ninye.

Jeremías 23:20

Lix joskꞌil li Ka̱cuaꞌ incꞌaꞌ ta̱numekꞌ toj tixba̱nu li cꞌaꞌru quixcꞌoxla xba̱nunquil. Saꞌ eb li cutan ta̱cha̱lk te̱tau ru lix ya̱lal chi tzꞌakal.

Jeremías 16:13

Joꞌcan nak li Dios texrisi saꞌ li naꞌajej aꞌin. Texqꞌue chi cꞌamecꞌ saꞌ jalan chic naꞌajej li incꞌaꞌ xenau chi moco le̱ xeꞌto̱nil yucuaꞌ queꞌxnau. Nak cua̱nkex aran, la̱ex texcꞌanjelak chiruheb li jalanil dios chi kꞌek chi cutan ut li Dios incꞌaꞌ ta̱ril xtokꞌoba̱l e̱ru.”

Deuteronomio 28:52

Teꞌpletik riqꞌuin chixjunileb li tenamit li cuanqueb saꞌ li naꞌajej li tixqꞌue e̱re li Ka̱cuaꞌ le̱ Dios. Ut eb li tzꞌac li najt xteram li cꞌojcꞌo̱k cuiꞌ le̱ chꞌo̱l telajeꞌtꞌanekꞌ chixjunileb.

Jeremías 22:26

Tatincanab chi cꞌamecꞌ a̱cuochben la̱ naꞌ saꞌ jalan tenamit li incꞌaꞌ catyoꞌla cuiꞌ ut aran tatca̱mk.

Sofonías 1:17

Quixye li Ka̱cuaꞌ: —Tinqꞌueheb saꞌ raylal chixjunileb laj Judá ut eb laj Jerusalén. Chanchanakeb li mutzꞌ nak teꞌxyal raj xsicꞌbal bar teꞌxic chixcolbaleb rib, abanan incꞌaꞌ teꞌru̱k xban nak xeꞌma̱cob chicuu. Lix quiqꞌueleb ta̱hoyekꞌ ut aran ta̱osokꞌ saꞌ li poks ut lix tibeleb ta̱kꞌa̱k ut aran ta̱osokꞌ, chan li Ka̱cuaꞌ.

Isaías 22:17

Li Ka̱cuaꞌ ta̱risi la̱ cuanquil. Tatxqꞌue chi chapecꞌ ut tatcꞌamekꞌ chi najt.