Jeremías 10:16 - Li Santil hu

¹⁶ Abanan li Ka̱cuaꞌ lix Dios laj Jacob ma̱cuaꞌ joꞌcan tixcꞌul. Li Ka̱cuaꞌ, aꞌan li quiyi̱ban re chixjunil li cꞌaꞌru cuan. Ut aꞌan quisicꞌoc ruheb laj Israel chokꞌ xtenamit. Li Ka̱cuaꞌ “Nimajcual Dios” xcꞌabaꞌ.

Q'eqchi Bible

¹⁶ A'ut li xYos laj Jakob moko jo'kan ta: A'an kiyiib'ank re li choxach'och' ut kixsik' ru laj Israel cho'q reechanihom: “Li Nimajwal Yos” a'an li xk'ab'a'.

Jeremías 10:16 ပူးပေါင်းရင်းမြစ်များ

Deuteronomio 32:9

La̱ex li ralal xcꞌajol laj Jacob, la̱ex lix tenamit li Ka̱cuaꞌ.

Jeremías 32:18

La̱at nacacuuxta̱naheb ru li qꞌuila okꞌob chi cristian, abanan nacatakla li raylal saꞌ xbe̱n li tenamit re nak teꞌxtoj rix xma̱queb lix naꞌ xyucuaꞌeb. At Ka̱cuaꞌ, “Nimajcual Dios” a̱cꞌabaꞌ ut kꞌaxal nim la̱ cuanquil.

Jeremías 31:35

Li Ka̱cuaꞌ quixye: —La̱in li Ka̱cuaꞌ ninqꞌuehoc re li sakꞌe chixcutanobresinquil li cutan. Ut ninqꞌueheb li chahim ut li po chi lemtzꞌu̱nc chiru kꞌojyi̱n. La̱in ninqꞌuehoc chi ecꞌa̱nc ru li palau joꞌ ajcuiꞌ lix cau ok. La̱in li “Nimajcual Dios” incꞌabaꞌ.

Jeremías 51:19

Moco joꞌcan ta li Ka̱cuaꞌ lix Dios laj Jacob. Li Ka̱cuaꞌ, aꞌan li quiyi̱ban re chixjunil li cꞌaꞌru cuan. Ut aꞌan li quisicꞌoc ruheb laj Israel chokꞌ xtenamit. “Li Ka̱cuaꞌ li Nimajcual Dios” xcꞌabaꞌ.

Jeremías 10:12

Li Ka̱cuaꞌ Dios, aꞌan li quiyi̱ban re li ruchichꞌochꞌ riqꞌuin xnimal xcuanquil. Riqꞌuin lix naꞌleb quixyi̱b li ruchichꞌochꞌ saꞌ xnaꞌaj ut quixyi̱b ajcuiꞌ li choxa.

Salmos 119:57

At nimajcual Dios, caꞌaj cuiꞌ la̱at naru nacattenkꞌan cue. Joꞌcan nak xinyechiꞌi a̱cue nak tinba̱nu li cꞌaꞌru naxye la̱ cua̱tin.

Salmos 74:2

Chijulticokꞌ a̱cue li kaxeꞌto̱nil yucuaꞌ li xacoleb najter nak cuanqueb aran Egipto. La̱at xacoleb chiruheb li yo̱queb chi rahobtesi̱nc reheb re nak ta̱cꞌameb cuiꞌchic saꞌ li naꞌajej li xayechiꞌi reheb. Chijulticokꞌ a̱cue li tzu̱l Sión li nacatcuan cuiꞌ.

Lamentaciones 3:24

Li Ka̱cuaꞌ, aꞌan li natenkꞌan cue. Ut aꞌan li ninyoꞌoni.

Salmos 135:4

Li Dios quixsicꞌ ru laj Jacob re nak li ralal xcꞌajol aꞌan teꞌcana̱k chokꞌ xtenamit. Joꞌcan nak eb laj Israel, aꞌaneb lix tenamit li Ka̱cuaꞌ, ut raro̱queb xban.

Jeremías 50:34

Abanan li ani ta̱colok reheb, aꞌan cau rib. “Nimajcual Dios” xcꞌabaꞌ. Relic chi ya̱l aꞌan ta̱oque̱nk chirixeb re nak naru teꞌcua̱nk saꞌ tuktu̱quil usilal saꞌ lix naꞌajeb. Abanan eb laj Babilonia ta̱cha̱lk raylal saꞌ xbe̱neb.

Isaías 45:7

La̱in quinyi̱ban re li cutan ut la̱in ajcuiꞌ quinyi̱ban re li kꞌojyi̱n. La̱in ninqꞌuehoc tuktu̱quil usilal ut ninqꞌuehoc ajcuiꞌ chꞌaꞌajquilal. La̱in li Ka̱cuaꞌ ninba̱nun re chixjunil aꞌin.

Salmos 73:26

Lin tibel ut li cua̱m nalubeꞌ. Abanan la̱at, at inDios, la̱at nacatcoloc cue. Caꞌaj cuiꞌ la̱at nacatqꞌuehoc xsahil inchꞌo̱l chi junelic.

Éxodo 19:5

Cui la̱ex te̱rabi li cua̱tin ut te̱ba̱nu li contrato li xkacꞌu̱b chi kibil kib, la̱exak lin tenamit raro̱quex inban. Chixjunil li ruchichꞌochꞌ cue la̱in. Abanan la̱ex li tenamit li sicꞌbil ru inban.

Isaías 54:5

La̱in li Ka̱cuaꞌ li quinyoꞌobtesin e̱re. Chanchanakin le̱ be̱lom. “Nimajcual Dios” incꞌabaꞌ. La̱in li Ka̱cuaꞌ lix santil Dios laj Israel. La̱in tincolok e̱re. La̱in li kꞌaxal nim incuanquil saꞌ xbe̱neb chixjunileb li cuanqueb saꞌ ruchichꞌochꞌ.

Isaías 51:15

La̱in li Ka̱cuaꞌ la̱ Dios. La̱in ninqꞌue chi ecꞌa̱nc li palau re nak ta̱ecꞌa̱nk ru. “Nimajcual Dios” incꞌabaꞌ.

Isaías 47:6

Nak yo̱ injoskꞌil saꞌ xbe̱n lin tenamit quinkꞌaxtesiheb saꞌ e̱rukꞌ la̱ex. Quinqꞌue lin tenamit chi cꞌutecꞌ xxuta̱n. Ut la̱ex incꞌaꞌ xeril xtokꞌoba̱l ruheb. Usta ac ti̱xeb, xeqꞌueheb chi cꞌanjelac chi cau.

Isaías 47:4

Laj Colol ke, aꞌan li nimajcual Dios, lix santil Dios eb laj Israel. Naxye:

Proverbios 16:4

Cuan xya̱lal nak quixyi̱b li cꞌaꞌak re ru li Dios. Ut quixyi̱beb ajcuiꞌ li incꞌaꞌ useb xnaꞌleb re nak teꞌroybeni lix tojbal lix ma̱queb.

Salmos 142:5

At nimajcual Dios, la̱in yo̱quin chixtzꞌa̱manquil intenkꞌanquil cha̱cuu. At Ka̱cuaꞌ, la̱at aj Colol cue. Caꞌaj cuiꞌ a̱cuiqꞌuin la̱at nincꞌojob inchꞌo̱l arin saꞌ ruchichꞌochꞌ.

Jeremías 10:6

At Ka̱cuaꞌ, kꞌaxal nim la̱ cuanquil. Ma̱ ani juntakꞌe̱t a̱cuiqꞌuin. Nim xcuanquil la̱ cꞌabaꞌ ut kꞌaxal lokꞌ.

Jeremías 33:2

Li Ka̱cuaꞌ li quiyi̱ban re li ruchichꞌochꞌ ut quixxakab saꞌ xnaꞌaj, li nimajcual Dios xcꞌabaꞌ, quixye re laj Jeremías:

Amós 4:13

Li Ka̱cuaꞌ, aꞌan li quiyi̱ban re li tzu̱l ut aꞌan li quiyi̱ban re li ikꞌ. Aꞌan nacꞌutuc re chiruheb li cui̱nk cꞌaꞌru naxcꞌoxla xba̱nunquil. Aꞌan nasukꞌisin re li kꞌojyi̱n chokꞌ cutan. Aꞌan nacuan yalak bar saꞌ chixjunil li ruchichꞌochꞌ. Lix cꞌabaꞌ li Ka̱cuaꞌ, aꞌan lix Dioseb li qꞌuila okꞌob chi ángel.

Zacarías 2:12

Ut li Ka̱cuaꞌ ta̱cua̱nk cuiꞌchic aran Judá saꞌ li Santil Naꞌajej ut teꞌsiqꞌuekꞌ cuiꞌchic ruheb laj Jerusalén xban li Ka̱cuaꞌ.

Éxodo 34:9

Ut quixye: —At Ka̱cuaꞌ, cui tincꞌam cuib saꞌ usilal a̱cuiqꞌuin, ba̱nu usilal tatcua̱nk saꞌ kaya̱nk. Usta cau kachꞌo̱l, chacuy kama̱c. Ut choa̱cꞌul cuiꞌchic chokꞌ a̱cualal a̱cꞌajol, chan laj Moisés.

Salmos 33:6

Li choxa ut chixjunil li cꞌaꞌru cuan chiru yal riqꞌuin li ra̱tin quilajxyi̱b li Dios.

Isaías 19:25

Ut osobtesinbilakeb xban li nimajcual Dios. Li Dios tixye reheb: —Osobtesinbilex inban, la̱ex aj Egipto, lin tenamit. Ut la̱ex aj Asiria, li yoꞌobtesinbilex inban, osobtesinbilex ajcuiꞌ inban. Ut osobtesinbilex la̱ex aj Israel, li sicꞌbil e̱ru inban, chaꞌak li Dios.

Jeremías 46:18

La̱in li Ka̱cuaꞌ li nimajcual Dios. La̱in li tzꞌakal rey. La̱in li yoꞌyo̱quil Dios. Li jun li ta̱cha̱lk chi pletic e̱riqꞌuin chanchan li tzu̱l Tabor li najt xteram saꞌ xya̱nkeb li tzu̱l. Chanchan li tzu̱l Carmel li cuan chire li palau.