Jeremías 10:15 - Li Santil hu

¹⁵ Ma̱cꞌaꞌ nequeꞌoc cuiꞌ li yi̱banbil dios. Xcꞌulubeb nak teꞌtzꞌekekꞌ. Ta̱cuulak xkꞌehil nak teꞌsachekꞌ ruheb nak li Ka̱cuaꞌ ta̱cha̱lk chi rakoc a̱tin.

Q'eqchi Bible

¹⁵ Maak'a' xyaalal ut xk'ulub'eb' li tz'eqtaanaak; te'oso'q sa' xkutankil li raqb'a aatin.

Jeremías 10:15 ပူးပေါင်းရင်းမြစ်များ

Jeremías 14:22

¿Ma cuan ta biꞌ junak li yi̱banbil dios saꞌ li xni̱nkal ru tenamit ta̱ru̱k tixtakla chak li hab? ¿Ma naru ta biꞌ ta̱cha̱lk li hab saꞌ choxa yal xjunes? ¿Ma ma̱cuaꞌ ta biꞌ la̱at, at Ka̱cuaꞌ, nacatqꞌuehoc re? Joꞌcan nak caꞌaj cuiꞌ a̱cuiqꞌuin noco-oybenin xban nak la̱at nacatqꞌuehoc re chixjunil li cꞌaꞌak re ru aꞌin, chan laj Jeremías.

Isaías 41:24

La̱ex yi̱banbil dios ma̱cꞌaꞌ nequex-oc cuiꞌ. Ma̱cꞌaꞌ naru nequeba̱nu. Ut chixjunileb li nequeꞌlokꞌonin e̱re tzꞌekta̱nanbilakeb.

Jeremías 51:18

Ma̱cꞌaꞌ nequeꞌoc cuiꞌ ut xcꞌulubeb nak teꞌhobekꞌ. Teꞌsachekꞌ ruheb nak li Ka̱cuaꞌ ta̱cha̱lk chi rakoc a̱tin.

Zacarías 13:2

Saꞌ chixjunil li tenamit Israel, la̱in tinsacheb ru li jalanil dios ut tinsacheb ajcuiꞌ lix cꞌabaꞌeb re nak incꞌaꞌ chic teꞌlokꞌoni̱k xbaneb li tenamit. Ut tincuisiheb ajcuiꞌ li profeta li incꞌaꞌ useb xnaꞌlebeb saꞌ xya̱nkeb ut tincuisi ajcuiꞌ lix ma̱usilaleb.

Jonás 2:8

Li cauheb xchꞌo̱l riqꞌuin li jalanil dios, nequeꞌxtzꞌekta̱na la̱ cuuxta̱n la̱at, li tzꞌakal Dios.

Jeremías 8:19

Chacuabi taxak lix ya̱beb lin tenamit li cuanqueb chi najt nak nequeꞌxye, “¿Ma ma̱cꞌaꞌ ta biꞌ li Ka̱cuaꞌ aran Sión? ¿Ma ma̱ ani chic lix reyeb aran?” chanqueb. Li Ka̱cuaꞌ quixye re: —¿Cꞌaꞌut nak queꞌxqꞌue injoskꞌil riqꞌuin xlokꞌoninquileb li jalanil dios? ¿Cꞌaꞌut nak nequeꞌxqꞌue xlokꞌal li yi̱banbil dios li ma̱cꞌaꞌ nequeꞌoc cuiꞌ? chan.

Jeremías 8:12

¿Ma nequeꞌxuta̱na̱c ta biꞌ xban li ma̱usilal nequeꞌxba̱nu? Incꞌaꞌ. Incꞌaꞌ nequeꞌxnau xuta̱na̱c. Joꞌcan nak la̱in tinqꞌueheb chixtojbal lix ma̱queb joꞌ nak quinqꞌueheb chixtojbal xma̱queb li jun chꞌol chic.

Hechos 14:15

—Ex tenamit, ¿cꞌaꞌut nak nequeba̱nu chi joꞌcan? La̱o yal cui̱nko joꞌ la̱ex. Juntakꞌe̱to e̱riqꞌuin. Aꞌan aj e nak xochal arin saꞌ e̱ya̱nk chixyebal e̱re nak te̱canab li joꞌ ma̱joꞌil naꞌleb. Sicꞌomak ban li yoꞌyo̱quil Dios li quiyi̱ban re li choxa, li ruchichꞌochꞌ, li palau ut chixjunil li cꞌaꞌru cuan.

Jeremías 10:11

La̱ex aj Israel, cheyehak reheb li xni̱nkal ru tenamit nak eb lix yi̱banbil dios teꞌisi̱k saꞌ ruchichꞌochꞌ. Ma̱cuaꞌeb li yi̱banbil dios li queꞌyi̱ban re li choxa ut li ruchichꞌochꞌ.

Jeremías 10:8

Eb li nequeꞌlokꞌonin re li dios cheꞌ to̱nteb ut ma̱cꞌaꞌ nequeꞌoc cuiꞌ xban nak nequeꞌxpatzꞌ xnaꞌleb riqꞌuineb li yi̱banbil dios.

Isaías 41:29

Qꞌuehomak retal. Ma̱cꞌaꞌ naru nequeꞌxba̱nu eb aꞌan. Ma̱cꞌaꞌ nequeꞌoc cuiꞌ. Ut eb li jalam u̱ch li nequeꞌxyi̱b ma̱cꞌaꞌ nequeꞌoc cuiꞌ. Chanchaneb li ikꞌ li naxic yalak bar, chan.

1 Samuel 12:21

Me̱lokꞌoni chic li jalanil dios. Eb aꞌan incꞌaꞌ naru nequextenkꞌa chi moco naru nequexcol xban nak eb aꞌan ma̱cꞌaꞌ nequeꞌoc cuiꞌ.

Deuteronomio 32:21

Queꞌxchikꞌ injoskꞌil riqꞌuin xlokꞌoninquil jalanil dios. Queꞌxqꞌue injoskꞌil riqꞌuin xlokꞌoninquil li ma̱cuaꞌ Dios. Joꞌcan ajcuiꞌ tinba̱nu reheb. La̱in tinchikꞌ xjoskꞌileb riqꞌuin jalan tenamit. Tinqꞌueheb xjoskꞌileb xban jun tenamit incꞌaꞌ nequeꞌraj xtaubal xya̱lal.

Jeremías 18:15

Li Ka̱cuaꞌ quixye: —Abanan eb lin tenamit xineꞌxtzꞌekta̱na. Incꞌaꞌ chic niquineꞌxlokꞌoni. Aꞌ chic li jalanil dios nequeꞌxlokꞌoni ut nequeꞌxcꞌat li pom chiru. Queꞌxcanab xba̱nunquil li ti̱quilal li queꞌxba̱nu junxil. Junes chic li incꞌaꞌ us nequeꞌxba̱nu.

Oseas 9:7

Cuulac re xkꞌehil li rakba a̱tin saꞌ e̱be̱n. Cuulac re xkꞌehil nak te̱toj rix le̱ ma̱c. Nak ta̱cuulak li cutan aꞌan, la̱ex aj Israel te̱qꞌue retal. Che̱ru la̱ex li profeta ma̱cꞌaꞌ chic xnaꞌleb. Laj yehol ra̱tin li Dios xlo̱coꞌ ru, chanquex. Xban xqꞌuial le̱ ma̱usilal xicꞌ chic niquine̱ril.

1 Samuel 5:4

Saꞌ li cutan jun chic eb laj Asdod queꞌcuulac cuiꞌchic aran ut queꞌxtau cuiꞌchic laj Dagón tꞌantꞌo saꞌ chꞌochꞌ chiru lix Lokꞌlaj Ca̱x li Ka̱cuaꞌ. Tokol lix cux ut tokoleb ajcuiꞌ li rukꞌ chi xcabichal ut cuanqueb aran chiru li oqueba̱l re li ochoch. Caꞌaj chic lix nimal quicana chi incꞌaꞌ quijoreꞌ.

Salmos 115:9

La̱ex aj Israel, cauhak e̱chꞌo̱l riqꞌuin li nimajcual Dios xban nak aꞌan li nacoloc e̱re ut aꞌan li natenkꞌan e̱re.

Isaías 57:12

La̱ex nequecꞌoxla nak us li nequeba̱nu. La̱in tincꞌutbesi chanru le̱ naꞌleb. Riqꞌuin aꞌan ta̱cꞌutu̱nk nak ma̱cꞌaꞌ na-oc cuiꞌ li cꞌaꞌru yo̱quex chixba̱nunquil.

Jeremías 43:12

Tixloch xxamlel li rochocheb lix dioseb laj Egipto. Tixcꞌateb li dioseb malaj ut tixcꞌameb. Tixsabesi li tenamit Egipto joꞌ nak naxsabesi li rakꞌ junak aj ilol xul. Ut chirix aꞌan ta̱e̱lk saꞌ li tenamit aꞌan chi ma̱cꞌaꞌ tixcꞌul.

Jeremías 50:2

Quixye re: —Yehomak resil nak eb laj Babilonia teꞌchapekꞌ. Taksihomak li bandera ut yehomak resilal saꞌ chixjunileb li xni̱nkal ru tenamit. Ma̱cꞌaꞌ te̱muk chiruheb. Te̱ye: “Li naꞌajej Babilonia ta̱chapekꞌ. Li yi̱banbil dios Bel ta̱cꞌutekꞌ xxuta̱n ut li yi̱banbil dios Merodac ta̱jorekꞌ. Chixjunileb li jalam u̱ch li cuanqueb Babilonia telajeꞌsachekꞌ.