Jeremías 10:13 - Li Santil hu

¹³ Riqꞌuin li ra̱tin naxqꞌue chi cha̱lc chi cau li hab. Ut naxchꞌutub li haꞌ saꞌ xmaril li ruchichꞌochꞌ ut naxqꞌue chi takecꞌ li chok saꞌ choxa. Naxtakla li hab ut li rakꞌ ca̱k ut narisi li ikꞌ saꞌ li naꞌajej li xocxo cuiꞌ ut naxtakla saꞌ ruchichꞌochꞌ.

Q'eqchi Bible

¹³ Rik'in xyaab' li xkux neke'ch'utlaak li ha' sa' choxa, ut naxwaklesi eb' li choql toj sa' xmaril li ruuchich'och'. A'an nak'ehok chi repok li kaaq naq yo li hab', ut narisiheb' chaq li iq' b'arwi' k'uulanb'ileb' xb'aan.

Jeremías 10:13 ပူးပေါင်းရင်းမြစ်များ

Salmos 135:7

Li Ka̱cuaꞌ naxtakla li chok saꞌ chixjunil li ruchichꞌochꞌ ut naxtakla li ca̱k joꞌ ajcuiꞌ li ikꞌ.

Li xHu LAJ JOB 38:22

¿Ma ac xatcuulac chak saꞌ li naꞌajej li xocxo cuiꞌ li nieve inban? Ut, ¿ma ac xatcuulac chak saꞌ li naꞌajej li xocxo cuiꞌ li sakbach?

Salmos 18:13

Ut qui-abi̱c xya̱b xcux li nimajcual Dios saꞌ choxa. Chanchan nak namok li ca̱k. Ut quitꞌaneꞌ li sakbach ut li ru xam chi lochlo.

Salmos 147:8

Li Ka̱cuaꞌ, aꞌan naqꞌuehoc re li chok chiru li choxa ut aꞌan li naqꞌuehoc re li hab re tixtꞌakresi li chꞌochꞌ ut naxqꞌue chi qꞌui̱c li pim chiru li tzu̱l.

Salmos 135:17

Cuanqueb xxic, aban incꞌaꞌ nequeꞌabin. Incꞌaꞌ nequeꞌmusikꞌac xban nak moco yoꞌyo̱queb ta.

Salmos 68:33

Cheqꞌuehak xlokꞌal li Ka̱cuaꞌ li quicꞌamoc be saꞌ chok chiruheb lix tenamit junxil. Cherabihak li cꞌaꞌru naxye li Ka̱cuaꞌ li quia̱tinac chi cau xya̱b xcux riqꞌuin xnimal xcuanquil.

1 Reyes 18:41

Chirix chic aꞌan laj Elías quixye re li rey Acab: —Ayu chi cuaꞌac chi ucꞌac anakcuan xban nak la̱in ac yo̱quin chirabinquil li xya̱b li hab yo̱ chak chi cha̱lc, chan.

Éxodo 9:23

Tojoꞌnak laj Moisés quixtaksi lix xukꞌ saꞌ choxa ut li Ka̱cuaꞌ Dios quixtakla li ca̱k ut li sakbach. Ni̱nki sakbach quixtakla chak li Ka̱cuaꞌ Dios saꞌ xbe̱n li tenamit.

Zacarías 10:1

Chetzꞌa̱ma̱k re li Ka̱cuaꞌ re nak tixqꞌue li hab li naxqꞌue mokon xban nak aꞌan naqꞌuehoc re li ca̱k ut aꞌan ajcuiꞌ naqꞌuehoc re li hab chi nabal re nak ta̱e̱lk chi cha̱bil li ichaj saꞌ le̱ cꞌaleba̱l.

Génesis 2:5

toj ma̱cꞌaꞌ li acui̱mk ut ma̱cꞌaꞌ li pim xban nak li Ka̱cuaꞌ Dios toj ma̱jiꞌ quixqꞌue li hab saꞌ xbe̱n li ruchichꞌochꞌ. Chi moco cuan ta cui̱nk ta̱trabaji̱nk re li chꞌochꞌ.

Salmos 104:13

La̱at nacatꞌakresi li chꞌochꞌ riqꞌuin li hab li nacatakla chak saꞌ choxa li cuancat cuiꞌ. Nacatꞌakresi li chꞌochꞌ toj retal nacꞌojla xchꞌo̱l li chꞌochꞌ.

Jeremías 51:16

Yal riqꞌuin ra̱tin li Ka̱cuaꞌ naxtakla chak li hab. Ut naxqꞌue li chok saꞌ chixjunil li ruchichꞌochꞌ. Yal riqꞌuin ra̱tin naxqꞌue li ca̱k chi ecꞌa̱nc nak yo̱ li hab. Ut narisi chak li ikꞌ saꞌ li naꞌajej li xocxo cuiꞌ xban.

Amós 4:13

Li Ka̱cuaꞌ, aꞌan li quiyi̱ban re li tzu̱l ut aꞌan li quiyi̱ban re li ikꞌ. Aꞌan nacꞌutuc re chiruheb li cui̱nk cꞌaꞌru naxcꞌoxla xba̱nunquil. Aꞌan nasukꞌisin re li kꞌojyi̱n chokꞌ cutan. Aꞌan nacuan yalak bar saꞌ chixjunil li ruchichꞌochꞌ. Lix cꞌabaꞌ li Ka̱cuaꞌ, aꞌan lix Dioseb li qꞌuila okꞌob chi ángel.

Jeremías 5:24

Incꞌaꞌ nequeꞌxye, “Chikaxucua ru li Ka̱cuaꞌ li kaDios li naqꞌuehoc re li hab saꞌ habalkꞌe joꞌ ajcuiꞌ saꞌ sakꞌehil ut naqꞌuehoc re ru li kacui̱mk saꞌ xkꞌehil li kꞌoloc.”

Jeremías 14:22

¿Ma cuan ta biꞌ junak li yi̱banbil dios saꞌ li xni̱nkal ru tenamit ta̱ru̱k tixtakla chak li hab? ¿Ma naru ta biꞌ ta̱cha̱lk li hab saꞌ choxa yal xjunes? ¿Ma ma̱cuaꞌ ta biꞌ la̱at, at Ka̱cuaꞌ, nacatqꞌuehoc re? Joꞌcan nak caꞌaj cuiꞌ a̱cuiqꞌuin noco-oybenin xban nak la̱at nacatqꞌuehoc re chixjunil li cꞌaꞌak re ru aꞌin, chan laj Jeremías.

Jeremías 19:12

Joꞌcaꞌin tinba̱nu riqꞌuin li tenamit aꞌin joꞌqueb ajcuiꞌ li cristian li cuanqueb arin. Chanchan li naꞌajej Tofet ta̱cana̱k, chan li Ka̱cuaꞌ Dios.