Jeremías 10:12 - Li Santil hu

¹² Li Ka̱cuaꞌ Dios, aꞌan li quiyi̱ban re li ruchichꞌochꞌ riqꞌuin xnimal xcuanquil. Riqꞌuin lix naꞌleb quixyi̱b li ruchichꞌochꞌ saꞌ xnaꞌaj ut quixyi̱b ajcuiꞌ li choxa.

Q'eqchi Bible

¹² Li Qaawa' kixk'uub' li ruuchich'och' rik'in li xwankil; kixk'ojob' sa' xna'aj li choxach'och' rik'in xseeb'al li xk'a'uxl, ut rik'in li xnimal xnawom kixhel ru li choxa.

Jeremías 10:12 ပူးပေါင်းရင်းမြစ်များ

Li xHu LAJ JOB 9:8

Ma̱ ani quitenkꞌan re nak quixyi̱b li choxa. Ut aꞌan ajcuiꞌ yal re saꞌ xbe̱n li palau.

Génesis 1:1

Saꞌ xticlajic li Dios quixyi̱b chak li choxa ut li ruchichꞌochꞌ.

Proverbios 3:19

Xban nak cuan xnaꞌleb li Ka̱cuaꞌ Dios quixqꞌue li ruchichꞌochꞌ saꞌ xnaꞌaj, ut quixyi̱b ajcuiꞌ li choxa saꞌ xnaꞌaj riqꞌuin lix se̱bal xchꞌo̱l.

Isaías 40:22

Li Dios cuan chak toj saꞌ choxa. Ut eb li cristian saꞌ ruchichꞌochꞌ chanchaneb laj sa̱cꞌ chiru li Dios. Li Dios naxhel ru li choxa. Chanchan jun li muheba̱l nequeꞌcuan cuiꞌ li cristian.

Colosenses 1:16

Saꞌ xcꞌabaꞌ aꞌan, li Dios quixyoꞌobtesi chixjunil li cꞌaꞌak re ru cuan saꞌ choxa, joꞌ ajcuiꞌ li cuan saꞌ ruchichꞌochꞌ. Li Dios quixyoꞌobtesi chixjunil li na-ilman ru, joꞌqueb ajcuiꞌ chixjunileb li musikꞌej, li incꞌaꞌ na-ilman ru. Aꞌ yal chanru lix cꞌanjel li junju̱nk ut lix cuanquileb, li Dios quiyoꞌobtesin reheb saꞌ xcꞌabaꞌ li Jesucristo ut aꞌan laj e̱chal reheb.

San Juan 1:3

Chixjunil li cꞌaꞌru cuan, li Dios quixyi̱b saꞌ xcꞌabaꞌ li Cristo. Ut ma̱cꞌaꞌ cꞌaꞌak re ru cuan chi ma̱cuaꞌ aꞌan ta li quiyi̱ban re.

Salmos 24:2

Re li Ka̱cuaꞌ li ruchichꞌochꞌ xban nak aꞌan quiyi̱ban re. Aꞌan quixakaban re saꞌ xnaꞌaj saꞌ xbe̱n li palau ut saꞌ xbe̱neb li nimaꞌ.

Zacarías 12:1

Li Ka̱cuaꞌ li kꞌaxal nim xcuanquil li quiyi̱ban re li choxa ut quixakaban re li ruchichꞌochꞌ saꞌ xnaꞌaj, li quiqꞌuehoc xmusikꞌ li cui̱nk, aꞌan li xyehoc re aꞌin chirix li tenamit Israel:

Jeremías 32:17

—At Ka̱cuaꞌ, at nimajcual Dios, kꞌaxal nim la̱ cuanquil. La̱at catyi̱ban re li choxa ut li ruchichꞌochꞌ riqꞌuin xnimal a̱cuanquil. Ma̱cꞌaꞌ chꞌaꞌaj cha̱cuu la̱at.

Jeremías 10:13

Riqꞌuin li ra̱tin naxqꞌue chi cha̱lc chi cau li hab. Ut naxchꞌutub li haꞌ saꞌ xmaril li ruchichꞌochꞌ ut naxqꞌue chi takecꞌ li chok saꞌ choxa. Naxtakla li hab ut li rakꞌ ca̱k ut narisi li ikꞌ saꞌ li naꞌajej li xocxo cuiꞌ ut naxtakla saꞌ ruchichꞌochꞌ.

Isaías 49:8

Joꞌcaꞌin naxye li Ka̱cuaꞌ li nimajcual Dios: —Saꞌ xkꞌehil la̱in tinsume la̱ tij. Saꞌ xkꞌehil li colba-ib la̱in tintenkꞌa̱nk a̱cue. La̱in tin-ilok a̱cue ut tatinqꞌue chixxakabanquil lin contrato riqꞌuineb lin tenamit. Tatinqꞌue cuiꞌchic chi cua̱nc saꞌ la̱ naꞌaj ut ta̱cꞌameb cuiꞌchic lin tenamit saꞌ xnaꞌajeb.

Isaías 48:13

La̱in quinyi̱ban re li ruchichꞌochꞌ ut la̱in ajcuiꞌ quinyi̱ban re li choxa. Yal riqꞌuin li cua̱tin queꞌcana saꞌ xnaꞌajeb chixjunileb.

Isaías 45:18

Li Ka̱cuaꞌ li quiyi̱ban re li choxa, aꞌan li Ka̱cuaꞌ li tzꞌakal Dios. Aꞌan li quixakaban re li ruchichꞌochꞌ saꞌ xnaꞌaj. Aꞌan incꞌaꞌ quixyi̱b li ruchichꞌochꞌ re nak ta̱cua̱nk chi ma̱cꞌaꞌ cua̱nk chi saꞌ. Quixyi̱b ban re nak cua̱nk xnaꞌajeb li cristian. Aꞌan li quiyehoc re: —La̱in li Ka̱cuaꞌ Dios. Ma̱cꞌaꞌ chic junak dios chicuu la̱in.

Isaías 45:12

La̱in quinyi̱ban re li ruchichꞌochꞌ ut la̱in quinyoꞌobtesin reheb li cristian li cuanqueb saꞌ ruchichꞌochꞌ. Riqꞌuin lin cuanquil quinyi̱b li choxa. La̱in yal cue saꞌ xbe̱n li sakꞌe, li po ut eb li chahim.

Isaías 44:24

Aꞌan aꞌin li quixye li Ka̱cuaꞌ: —La̱in li Ka̱cuaꞌ laj Colol e̱re. La̱in quinyoꞌobtesin e̱re nak toj ma̱jiꞌ nequexyoꞌla. La̱in li Ka̱cuaꞌ. La̱in quinyi̱ban re chixjunil li cꞌaꞌru cuan. La̱in quinyi̱b li choxa ut quinhel ru. Ma̱ ani quitenkꞌan cue nak quinyi̱b li ruchichꞌochꞌ.

Isaías 42:5

Li Ka̱cuaꞌ li quiyi̱ban re li choxa ut quixhel ru, li quiyi̱ban re li ruchichꞌochꞌ ut chixjunil li cuan chiru, li quiyoꞌobtesin reheb li tenamit ut quixqꞌue xyuꞌameb naxye chi joꞌcaꞌin re laj cꞌanjel chiru:

Salmos 104:24

At Ka̱cuaꞌ, cꞌajoꞌ xlokꞌal li cꞌanjel li quilaja̱ba̱nu. Chixjunil li cꞌanjel aꞌin quilaja̱ba̱nu riqꞌuin la̱ naꞌleb. Li ruchichꞌochꞌ nujenak riqꞌuin chixjunil li us quilaja̱ba̱nu.

Salmos 33:6

Li choxa ut chixjunil li cꞌaꞌru cuan chiru yal riqꞌuin li ra̱tin quilajxyi̱b li Dios.

Proverbios 30:4

¿Ani li quitakeꞌ toj saꞌ choxa ut quicube cuiꞌchic saꞌ ruchichꞌochꞌ? ¿Ani li quichapoc re li ikꞌ saꞌ rukꞌ? ¿Ani li quilanoc re li haꞌ saꞌ lix tꞌicr? ¿Ani li quixakaban re li ruchichꞌochꞌ saꞌ xnaꞌaj? Cui nacanau ani aꞌan, ye cue. ¿Ani xcꞌabaꞌ ut ani xcꞌabaꞌ li ralal?

Salmos 119:90

La̱ cha̱bilal cuan chi junelic kꞌe cutan joꞌ nak caxakab li ruchichꞌochꞌ saꞌ xnaꞌaj ut chalen anakcuan xakxo ajcuiꞌ saꞌ xnaꞌaj.

Salmos 78:69

Quixyi̱b lix templo chi cha̱bil ut quixqꞌue xlokꞌal. Quixqꞌue saꞌ xnaꞌaj joꞌ nak quixqꞌue li ruchichꞌochꞌ saꞌ xnaꞌaj re nak ta̱cua̱nk aran chi junelic.

Li xHu LAJ JOB 26:7

Li Dios quixyi̱b li choxa saꞌ xnaꞌaj chi ma̱cꞌaꞌ nachapoc re. Joꞌcan ajcuiꞌ li ruchichꞌochꞌ. Quixyi̱b saꞌ xnaꞌaj chi ma̱cꞌaꞌ nacu̱tun re.

Salmos 104:2

Numtajenak la̱ lokꞌal. La̱at li cutan saken. La̱at cayi̱b li choxa chanchan nak cahel jun li tꞌicr.

Salmos 93:1

Li nimajcual Dios, aꞌan li tzꞌakal rey. Cuan xcuanquil saꞌ xbe̱n chixjunil ut cꞌajoꞌ lix lokꞌal. Quixqꞌue saꞌ xnaꞌaj li ruchichꞌochꞌ ut incꞌaꞌ ta̱ecꞌa̱nk saꞌ xnaꞌaj.

Génesis 2:5

toj ma̱cꞌaꞌ li acui̱mk ut ma̱cꞌaꞌ li pim xban nak li Ka̱cuaꞌ Dios toj ma̱jiꞌ quixqꞌue li hab saꞌ xbe̱n li ruchichꞌochꞌ. Chi moco cuan ta cui̱nk ta̱trabaji̱nk re li chꞌochꞌ.

Li xHu LAJ JOB 37:18

¿Ma xatenkꞌa ta biꞌ li Dios chixyi̱banquil li choxa? Ut, ¿ma xatenkꞌa ta biꞌ chixyi̱banquil chi chꞌinaꞌus joꞌ li chꞌi̱chꞌ li nalemtzꞌun?

Isaías 37:16

—At nimajcual Dios, la̱at lix Dioseb laj Israel. Cuancat saꞌ xyiheb li querubines. Caꞌaj cuiꞌ la̱at li tzꞌakal Dios. La̱at cuan a̱cuanquil saꞌ xbe̱neb chixjunileb li cuanqueb xcuanquil saꞌ ruchichꞌochꞌ. La̱at catyi̱ban re li choxa ut li ruchichꞌochꞌ.

Jeremías 10:16

Abanan li Ka̱cuaꞌ lix Dios laj Jacob ma̱cuaꞌ joꞌcan tixcꞌul. Li Ka̱cuaꞌ, aꞌan li quiyi̱ban re chixjunil li cꞌaꞌru cuan. Ut aꞌan quisicꞌoc ruheb laj Israel chokꞌ xtenamit. Li Ka̱cuaꞌ “Nimajcual Dios” xcꞌabaꞌ.

Jeremías 27:5

Riqꞌuin lix nimal lin cuanquil ut lin metzꞌe̱u la̱in quinyi̱b li ruchichꞌochꞌ ut eb li cristian joꞌ eb ajcuiꞌ li xul li cuanqueb saꞌ ruchichꞌochꞌ. Ut la̱in ya̱l cue cꞌaꞌru tinba̱nu riqꞌuin. La̱in ninqꞌue li cꞌaꞌak re ru re li ani nacuaj xqꞌuebal cuiꞌ.

1 Crónicas 16:26

Eb li dios li nequeꞌxlokꞌoni li jalanil tenamit yal yi̱banbileb dios. Abanan li Ka̱cuaꞌ, aꞌan li tzꞌakal Dios. Aꞌan li quiyi̱ban re li choxa.

Salmos 65:7

La̱at nacattukuban ru lix cau ok li palau nak naxcutle rib. Ut la̱at ajcuiꞌ nacattukuban ruheb li tenamit nak nequeꞌchokoknac chixpletinquil ribeb.

Jeremías 14:22

¿Ma cuan ta biꞌ junak li yi̱banbil dios saꞌ li xni̱nkal ru tenamit ta̱ru̱k tixtakla chak li hab? ¿Ma naru ta biꞌ ta̱cha̱lk li hab saꞌ choxa yal xjunes? ¿Ma ma̱cuaꞌ ta biꞌ la̱at, at Ka̱cuaꞌ, nacatqꞌuehoc re? Joꞌcan nak caꞌaj cuiꞌ a̱cuiqꞌuin noco-oybenin xban nak la̱at nacatqꞌuehoc re chixjunil li cꞌaꞌak re ru aꞌin, chan laj Jeremías.