Jeremías 1:7 - Li Santil hu

⁷ Ut li Ka̱cuaꞌ Dios quixye cue: —Ma̱ye nak toj sa̱jat. Bar tatintakla la̱at tatxic ut ta̱ye chixjunil li cꞌaꞌru tinye a̱cue.

Q'eqchi Bible

⁷ Ab'an li Qaawa' kixye we: “Maaye naq toj saajat. A' yaal b'ar tatintaqla, laa'at tatxik ut taaye chixjunil li k'aru tatintaqla wi'.

Jeremías 1:7 ပူးပေါင်းရင်းမြစ်များ

Números 22:20

Ut li Dios quixcꞌutbesi rib chiru laj Balaam chiru li kꞌojyi̱n ut quixye re: —Cui eb li cui̱nk aꞌin xeꞌchal cha̱cꞌambal, ayu chirixeb. Abanan ma̱cꞌaꞌ ta̱ba̱nu toj tinye a̱cue la̱in, chan.

San Mateo 28:20

Te̱cꞌut chiruheb xpa̱banquil chixjunil li xinye chak e̱re. Chenauhak nak la̱in cua̱nkin e̱riqꞌuin chixjunil li cutan chalen toj saꞌ rosoꞌjic li ruchichꞌochꞌ.— Joꞌcan taxak.

Ezequiel 3:27

Abanan la̱in tatinqꞌue cuiꞌchic chi a̱tinac nak tinye a̱cue cꞌaꞌru ta̱ye. La̱at ta̱ye reheb: Joꞌcaꞌin xye li Ka̱cuaꞌ Dios. Cui la̱ex nequeraj abi̱nc, chex-abi̱nk. Ut cui incꞌaꞌ nequeraj abi̱nc, mex-abin, xban nak la̱ex jun tenamit kꞌetkꞌetex.

2 Crónicas 18:13

Abanan laj Micaías quixye: —Saꞌ xcꞌabaꞌ li yoꞌyo̱quil Dios, la̱in tinye reheb li cꞌaꞌru tixye cue li Ka̱cuaꞌ lin Dios, chan. Ut co̱ riqꞌuin li rey.

1 Reyes 22:14

Abanan laj Micaías quixye: —Saꞌ xcꞌabaꞌ li yoꞌyo̱quil Dios, la̱in tinye reheb li cꞌaꞌru tixye cue li Ka̱cuaꞌ, chan.

Números 22:38

Quichakꞌoc laj Balaam ut quixye: —Arin cuanquin anakcuan. Abanan incꞌaꞌ naru tina̱tinak yal injunes. Tento nak tinye li cꞌaꞌru naxcꞌut chicuu li Ka̱cuaꞌ, chan.

Hechos 20:27

xban nak ac xinchꞌolob chi tzꞌakal re ru li naꞌleb li taklanbilin cuiꞌ xban li Dios.

1 Reyes 3:7

At Ka̱cuaꞌ, at inDios, la̱at catxakaban cue chokꞌ rey chokꞌ re̱kaj laj David lin yucuaꞌ. Abanan la̱in toj sa̱jin. Toj ma̱cꞌaꞌ innaꞌleb re tincꞌanjelak chokꞌ rey.

Jeremías 7:27

At Jeremías, la̱at ta̱ye chixjunil aꞌin reheb lin tenamit, usta incꞌaꞌ teꞌabi̱nk cha̱cuu. Jap a̱cue chixyebal reheb, usta incꞌaꞌ tateꞌxchakꞌbe.

Ezequiel 2:7

Ta̱ye li cua̱tin reheb, usta teꞌrabi usta incꞌaꞌ, xban nak li tenamit aꞌan aj kꞌetoleb a̱tin.

Amós 7:15

Abanan li Ka̱cuaꞌ qui-isin chak cue saꞌ li cꞌanjel aꞌan, ut quixye cue: —Ayu, toxa̱ye chak li cꞌaꞌru tinye a̱cue. Saꞌ incꞌabaꞌ la̱in toxa̱ye chak li cꞌaꞌru teꞌxcꞌul lin tenamit Israel, chan.

Jeremías 26:2

Quixye re: —Xaklin saꞌ li neba̱l chiru li oqueba̱l re lin templo ut a̱tinan riqꞌuineb chixjunileb li nequeꞌchal chi lokꞌoni̱nc. Ye reheb chixjunil li a̱tin li xinye a̱cue. Ma̱ jun li a̱tin li xinye incꞌaꞌ ta ta̱ye reheb.

Jeremías 43:1

Laj Jeremías quixye reheb laj Judá chixjunil li quiyeheꞌ re xban li Ka̱cuaꞌ lix Dioseb.

Jonás 3:2

—Ayu aran saꞌ li nimla tenamit Nínive ut toxa̱jultica chiruheb li tinye a̱cue.