Jeremías 1:5 - Li Santil hu

⁵ Nak toj ma̱jiꞌ nacana chi yaj aj ixk la̱ naꞌ, la̱in ac ninnau nak tatyoꞌla̱k. Ut toj ma̱jiꞌ nacatyoꞌla nak xatinsantobresi re tatcꞌanjelak chokꞌ inprofeta saꞌ xya̱nkeb chixjunileb li tenamit, chan li Dios.

Q'eqchi Bible

⁵ “Naq toj maji' nakatsiyaak chaq rik'in laana', laa'in ak xinsik' chaq aawu; naq toj maji' nakatyo'laak, ak santob'resinb'ilat chaq inb'aan ut ak xaqab'anb'ilat cho'q xpropeet eb' li tenamit”, chan li Yos.

Jeremías 1:5 ပူးပေါင်းရင်းမြစ်များ

Salmos 139:16

Chalen nak toj ma̱jiꞌ ninyoꞌla, ac chꞌolchꞌo cha̱cuu chanru lin yuꞌam. Ac tzꞌi̱banbil retalil a̱ban jokꞌe tinyoꞌla̱k ut jokꞌe tinca̱mk.

Isaías 49:1

Abihomak la̱ex li cuanquex saꞌ najtil tenamit. Qꞌuehomak retal li oc cue chixyebal. Nak toj ma̱jiꞌ ninyoꞌla li Ka̱cuaꞌ quixsicꞌ chak cuu chi cꞌanjelac chiru. Nak toj ma̱jiꞌ ninyoꞌla ac naxnau ani incꞌabaꞌ.

Romanos 8:29

Chalen saꞌ xticlajic li Dios quixnau aniheb li teꞌpa̱ba̱nk re. Joꞌcan nak quixsiqꞌueb ru ut quixcꞌuleb chokꞌ ralal xcꞌajol. Quixxakab li Jesucristo li Ralal re nak aꞌanak li xbe̱n alalbej saꞌ xya̱nkeb li ralal xcꞌajol.

Isaías 49:5

Li Ka̱cuaꞌ quiqꞌuehoc cue chi yoꞌla̱c riqꞌuin lin naꞌ re nak tinsukꞌisiheb cuiꞌchic riqꞌuin laj Israel, li ralal xcꞌajol laj Jacob. Chiru li Ka̱cuaꞌ lin Dios la̱in cuan inlokꞌal ut li Ka̱cuaꞌ lin Dios naqꞌuehoc inmetzꞌe̱u.

Isaías 44:2

La̱in li Ka̱cuaꞌ Dios. La̱in quinyoꞌobtesin e̱re. Chalen saꞌ le̱ yoꞌlajic la̱in xintenkꞌan e̱re. Mexxucuac, la̱ex aj cꞌanjel chicuu. La̱ex sicꞌbil e̱ru ut raro̱quex inban.

San Lucas 1:41

Nak quirabi lix sahil xchꞌo̱l lix Elisabet li quiqꞌueheꞌ xban lix María, quirecꞌa nak qui-ecꞌan chak lix cꞌulaꞌal. Ut saꞌ ajcuiꞌ li ho̱nal aꞌan lix Elisabet quinujac chi Santil Musikꞌej.

San Lucas 1:76

At cualal, la̱at xprofeta li nimajcual Dios. La̱at tatxic xbe̱n cua chiru li Ka̱cuaꞌ ut ta̱chꞌolob lix ya̱lal chiruheb li tenamit re nak teꞌxcauresi ribeb chixcꞌulbal li Ka̱cuaꞌ.

Éxodo 33:17

Ut li Ka̱cuaꞌ Dios quixye re laj Moisés: —La̱in tinba̱nu li cꞌaꞌru xatzꞌa̱ma chicuu xban nak la̱at xacꞌam a̱cuib saꞌ usilal cuiqꞌuin ut la̱at sicꞌbil a̱cuu inban, chan.

Jeremías 1:10

Abi li tinye a̱cue. Anakcuan xinqꞌue a̱cuanquil saꞌ xbe̱neb li xni̱nkal ru tenamit ut saꞌ xbe̱neb li cuanqueb xcuanquil. Cua̱nk a̱cuanquil chixpoꞌbaleb li tenamit ut chixsachbaleb, chirisinquileb ut chi numta̱c saꞌ xbe̱neb. Ut cua̱nk ajcuiꞌ a̱cuanquil re xcuaclesinquileb cuiꞌchic ut re xqꞌuebal xcacuilal xchꞌo̱leb, chan li Dios cue.

Éxodo 33:12

Laj Moisés quixye re li Dios: —La̱at xaye cue nak tincꞌamok be chiruheb li cristian, aban incꞌaꞌ xaye cue ani ta̱ochbeni̱nk cue. Ut xaye cue nak sicꞌbil cuu a̱ban. Xaye ajcuiꞌ cue nak xincꞌam cuib saꞌ usilal cha̱cuu.

San Lucas 1:15

La̱ cualal li ta̱yoꞌla̱k ta̱qꞌuehekꞌ xcuanquil xban li Dios. Aꞌan incꞌaꞌ ta̱ucꞌak vino chi moco li haꞌ li nacaltesin. Ut ac cua̱nk chak li Santil Musikꞌej riqꞌuin nak toj ma̱jiꞌak nayoꞌla.

Romanos 1:1

La̱in laj Pablo laj cꞌanjel chiru li Ka̱cuaꞌ Jesucristo. Sicꞌbil chak cuu xban li Dios chokꞌ x-apóstol ut taklanbilin chixyebal resilal li colba-ib.

Jeremías 50:34

Abanan li ani ta̱colok reheb, aꞌan cau rib. “Nimajcual Dios” xcꞌabaꞌ. Relic chi ya̱l aꞌan ta̱oque̱nk chirixeb re nak naru teꞌcua̱nk saꞌ tuktu̱quil usilal saꞌ lix naꞌajeb. Abanan eb laj Babilonia ta̱cha̱lk raylal saꞌ xbe̱neb.

Efesios 1:22

Li Dios quixqꞌue chixjunil rubel xcuanquil li Cristo ut quixqꞌue li Cristo chi jolomi̱nc reheb laj pa̱banel ut aꞌan chic yal re saꞌ xbe̱neb.

San Juan 10:36

Li Acuabej Dios xsicꞌoc cuu ut xinixtakla chak saꞌ ruchichꞌochꞌ. ¿Cꞌaꞌut nak nequeye la̱ex nak yo̱quin chixmajecuanquil li Dios riqꞌuin nak ninye nak la̱in li Ralal?

1 Corintios 8:3

Abanan li ani narahoc re li Dios, li Dios naxnau nak aꞌan li ralal xcꞌajol.

Salmos 139:15

La̱at ac xanau nak cuanquin nak toj cuanquin riqꞌuin lin naꞌ. Moco mukmu̱quin ta cha̱cuu usta toj ma̱jiꞌ ninyoꞌla saꞌ ruchichꞌochꞌ.

Jeremías 1:4

Laj Jeremías quixye: —Nak quia̱tinac li Ka̱cuaꞌ cuiqꞌuin xbe̱n sut joꞌcaꞌin quixye cue:

Jeremías 25:13

La̱in tinqꞌueheb chixcꞌulbal chixjunil li raylal li xinye. Teꞌxcꞌul chixjunil li raylal li tzꞌi̱banbil saꞌ li hu aꞌin joꞌ quixye li profeta Jeremías chirixeb chixjunileb li tenamit.

Jeremías 36:2

—Sicꞌ jun botolak li hu ut ta̱tzꞌi̱ba chiru chixjunil li xinye a̱cue chirixeb laj Israel ut chirixeb laj Judá ut tzꞌi̱ba ajcuiꞌ li xinye chirixeb ajcuiꞌ chixjunileb li tenamit jun chꞌol chic. Toj cua̱nk chokꞌ rey laj Josías nak quintiquib a̱tinac a̱cuiqꞌuin ut toj chalen anakcuan.

Jeremías 20:15

Tzꞌekta̱nanbil taxak li cui̱nk li quixye resilal lin yoꞌlajic re lin yucuaꞌ. Tzꞌekta̱nanbil taxak li cui̱nk li quixqꞌue xsahil xchꞌo̱l nak quixye nak xyoꞌla jun li chꞌina ralal.