Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jeremías 1:16 - Li Santil hu

16 Aꞌan aꞌin li tojba ma̱c li tinqꞌue saꞌ xbe̱neb lin tenamit xban li ma̱usilal queꞌxba̱nu. Quineꞌxtzꞌekta̱na ut queꞌxcꞌat lix pomeb re xlokꞌoninquileb li jalanil dios ut queꞌxlokꞌoniheb li jalam u̱ch li queꞌxyi̱b riqꞌuin rukꞌeb.

အခန်းကိုကြည့်ပါ။ ကော်ပီ

Q'eqchi Bible

16 Xb'aan li xk'iila maa'usilal tinraqoq aatin sa' xb'een lintenamit xb'aan naq xine'xtz'eqtaana ut a'eb' chik li jalanil yos xe'xloq'oni ru: xe'k'atok pom chiruheb' li xyiib'ahomeb' rik'in ruq'eb'.

အခန်းကိုကြည့်ပါ။ ကော်ပီ




Jeremías 1:16
44 ပူးပေါင်းရင်းမြစ်များ  

Tinba̱nu chi joꞌcan xban nak eb aꞌan xineꞌxtzꞌekta̱na ut xeꞌxsukꞌisi li naꞌajej aꞌin chokꞌ xnaꞌajeb li jalanil dios. Xeꞌxcꞌat li incienso re xlokꞌoninquileb li jalanil dios li ma̱ jun sut queꞌxnau ru eb aꞌan chi moco queꞌxnau ru eb lix xeꞌto̱nil yucuaꞌ, chi moco eb lix reyeb laj Judá. Ut queꞌxcamsiheb nabal li ma̱cꞌaꞌeb xma̱c. Chanchan nak quinujac li naꞌajej riqꞌuin lix quiqꞌueleb.


La̱ex nequex-elkꞌac, nequexcamsin, nequemux ru le̱ sumlajic, nequepatzꞌ xcꞌabaꞌ li Dios chi ma̱cꞌaꞌ rajbal, nequecꞌat li pom chiru li yi̱banbil dios Baal ut nequelokꞌoniheb li yi̱banbil dios li incꞌaꞌ quenau chak ru junxil.


Joꞌcan nak queꞌxyi̱b riqꞌuin oro xjalam u̱ch jun li cuacax ut queꞌmayejac chiru. Cꞌajoꞌ nak queꞌsahoꞌ saꞌ xchꞌo̱leb chirilbal lix dioseb li queꞌxyi̱b riqꞌuin rukꞌeb. Ut queꞌxba̱nu jun li ninkꞌe re xlokꞌoninquil.


Lix tenamit laj Israel numtajenak chi yi̱banbil dios. Li cuanqueb aran nequeꞌxlokꞌoni li jalanil dios, li yal yi̱banbil riqꞌuin ukꞌej. Nequeꞌxcuikꞌib ribeb chiruheb li dios li nequeꞌxyi̱b riqꞌuin rukꞌeb.


Li Ka̱cuaꞌ tixtakla li raylal saꞌ e̱be̱n ut textzꞌekta̱na xban chixjunil li cꞌaꞌru te̱ba̱nu. Sachso e̱chꞌo̱l texcana̱k ut texsachekꞌ chi junpa̱t xban li ma̱usilal te̱ba̱nu nak te̱tzꞌekta̱na li Ka̱cuaꞌ.


La̱in xcuaj raj nak xeꞌchal cuiqꞌuin, abanan nak xinbokeb, kꞌaxal cuiꞌchic xineꞌxtzꞌekta̱na. Chiruheb chic laj Baal nequeꞌmayejac ut chiruheb li yi̱banbil dios nequeꞌxcꞌat lix pomeb.


Aꞌan moco dios ta. Yal yi̱banbil xban jun laj tenol chꞌi̱chꞌ re Israel. Li cuacax oro li nequeꞌxlokꞌoni aran Samaria ta̱puqꞌui̱k.


La̱o takaba̱nu chixjunil li cꞌaꞌru xkaye. Takacꞌat kapom chiru li kanaꞌ po, li nequeꞌxye “Reina del Cielo” re. Takamayeja li kavino chiru joꞌ queꞌxba̱nu li kayucuaꞌ ut eb li karey joꞌ eb ajcuiꞌ li xeꞌtaklan saꞌ kabe̱n saꞌ eb li tenamit li cuanqueb Judá ut aran Jerusalén. Saꞌ eb li cutan aꞌan sa saꞌ kachꞌo̱l ut cuan nabal katzacae̱mk. Ma̱ jun cua xkacꞌul raylal.


At Ka̱cuaꞌ, la̱at li kayoꞌon la̱o aj Israel. Eb li nequeꞌtzꞌekta̱nan a̱cue xuta̱nal teꞌe̱lk. Joꞌ nak nasach li cꞌabaꞌej tzꞌi̱banbil saꞌ li poks, joꞌcan ajcuiꞌ nak teꞌsachekꞌ ruheb li nequeꞌtzꞌekta̱nan a̱cue. At Ka̱cuaꞌ, la̱at li nacatqꞌuehoc junelic yuꞌam. Chanchanat li yuꞌam haꞌ li incꞌaꞌ nachakic.


Chanchanak jun li cacuil ikꞌ li nasachoc. Joꞌcan tixba̱nu li Ka̱cuaꞌ nak ta̱rakok a̱tin saꞌ xbe̱neb li tenamit.


Queꞌxcꞌat chixjunileb lix dioseb xban nak moco tzꞌakal dioseb ta. Yal pec ut yal cheꞌ yi̱banbileb xbaneb li cui̱nk. Joꞌcan nak queꞌsacheꞌ.


Xinteneb li raylal aꞌin saꞌ xbe̱neb xban nak xineꞌxtzꞌekta̱na ut xeꞌxcꞌat li incienso chiruheb li jalanil dios. Xeꞌxchikꞌ injoskꞌil nak xeꞌxyi̱b riqꞌuin rukꞌeb li jalanil dios ut xeꞌxlokꞌoni. Yo̱ injoskꞌil saꞌ xbe̱neb laj Jerusalén. Incꞌaꞌ ta̱numekꞌ lin joskꞌil cui incꞌaꞌ tinba̱nu li cꞌaꞌru xinye,” chan li Dios.


Cui la̱ex te̱tzꞌekta̱na li Ka̱cuaꞌ ut te̱lokꞌoni li yi̱banbil dios, li Ka̱cuaꞌ ta̱qꞌuehok e̱re chixtojbal rix le̱ ma̱c ut tixsach e̱ru usta ac xexrosobtesi, chan laj Josué.


Ut li Ka̱cuaꞌ quixye re laj Moisés: —La̱at tatxic chi hila̱nc a̱cuochbeneb la̱ xeꞌto̱nil yucuaꞌ. Chi se̱b li tenamit aꞌin teꞌxtiquib xlokꞌoninquileb li jalanil dios saꞌ li naꞌajej li teꞌxic cuiꞌ. Chanchanakeb chic li ixk li nequeꞌxcꞌayi ribeb. Tineꞌxtzꞌekta̱na ut teꞌxkꞌet li contrato li quinba̱nu riqꞌuineb.


La̱in li Ka̱cuaꞌ xinyehoc re aꞌin. Xcuulac xkꞌehil nak texinqꞌue chixtojbal e̱ma̱c. Incꞌaꞌ tincuy e̱ma̱c ut incꞌaꞌ tincuil xtokꞌoba̱l e̱ru. La̱in incꞌaꞌ tinjal incꞌaꞌux. Ta̱rakekꞌ a̱tin saꞌ e̱be̱n aꞌ yal chanru le̱ yehom e̱ba̱nuhom, chan li nimajcual Dios.


Abanan eb li cui̱nk ma̱cꞌaꞌ nequeꞌoc cuiꞌ ut ma̱cꞌaꞌ xnaꞌlebeb. Chixjunileb li nequeꞌyi̱ban re li yi̱banbil dios xuta̱nal nequeꞌel. Ma̱cꞌaꞌ nequeꞌoc cuiꞌ li jalanil dios li nequeꞌxyi̱b. Moco yoꞌyo̱queb ta.


Ut la̱at ta̱ye reheb, “Li Ka̱cuaꞌ tixba̱nu e̱re chi joꞌcan xban nak eb le̱ xeꞌto̱nil yucuaꞌ queꞌxcanab xlokꞌoninquil li Ka̱cuaꞌ ut queꞌxlokꞌoniheb li jalanil dios ut queꞌcꞌanjelac chiruheb. Queꞌxtzꞌekta̱na li Ka̱cuaꞌ ut incꞌaꞌ queꞌxba̱nu li cꞌaꞌru naxye saꞌ lix chakꞌrab.


La̱ex xine̱canab, chan li Ka̱cuaꞌ. Ut junelic nequeba̱nu li incꞌaꞌ us. Joꞌcan nak la̱in texinqꞌue chixtojbal e̱ma̱c. Incꞌaꞌ chic tincuil xtokꞌoba̱l e̱ru.


La̱in li nimajcual Dios. La̱in quinsicꞌoc ruheb ut la̱in ajcuiꞌ xinyehoc reheb nak teꞌxcꞌul li raylal aꞌin xban nak eb laj Judá ut eb laj Israel xeꞌxchikꞌ injoskꞌil riqꞌuin xcꞌatbal li pom chiru li yi̱banbil dios Baal, chan li Dios.


Eb li tenamit li cuanqueb Judá ut eb li cuanqueb Jerusalén teꞌxic riqꞌuineb li yi̱banbil dios li nequeꞌxcꞌat pom chiru. Teꞌxtzꞌa̱ma xtenkꞌanquil chiruheb, abanan incꞌaꞌ teꞌtenkꞌa̱k xbaneb lix dioseb nak cuanqueb saꞌ raylal.


Ma̱cꞌaꞌ nequeꞌoc cuiꞌ li yi̱banbil dios. Xcꞌulubeb nak teꞌtzꞌekekꞌ. Ta̱cuulak xkꞌehil nak teꞌsachekꞌ ruheb nak li Ka̱cuaꞌ ta̱cha̱lk chi rakoc a̱tin.


¿Ma tincanab ta biꞌ ya̱l chi joꞌcan li ma̱usilal nequeꞌxba̱nu? ¿Ma incꞌaꞌ ta biꞌ tinqꞌueheb chixtojbal xma̱queb?


¿Ma incꞌaꞌ ta biꞌ tinqꞌueheb chixtojbal lix ma̱queb li tenamit aꞌin xban li ma̱usilal li nequeꞌxba̱nu?


Ta̱rahokꞌ xchꞌo̱l li ruchichꞌochꞌ ut ta̱kꞌojyi̱nokꞌ ru li choxa. Li Ka̱cuaꞌ quixye nak ta̱cꞌulma̱nk chi joꞌcan ut aꞌan incꞌaꞌ tixjal xcꞌaꞌux.


La̱in li Ka̱cuaꞌ le̱ Dios li quincꞌamoc chak be che̱ru. ¿Ma ma̱cuaꞌ ta biꞌ xban nak quine̱tzꞌekta̱na nak yo̱quex chixcꞌulbal li raylal aꞌin?


Cuib li ma̱c queꞌxba̱nu lin tenamit. Quineꞌxtzꞌekta̱na la̱in li Dios, li chanchanin li yuꞌam haꞌ li incꞌaꞌ na-osoꞌ xban nak ninqꞌue xyuꞌameb. Chanchan nak queꞌxbec xjulel li haꞌ, li incꞌaꞌ natꞌil haꞌ chi saꞌ, nak queꞌxlokꞌoni li jalanil dios.


Junelic nequeꞌxchikꞌ injoskꞌil. Nequeꞌmayejac saꞌ eb li naꞌajej li nequeꞌxlokꞌoni cuiꞌ li jalanil dios ut nequeꞌxcꞌat li pom saꞌ xbe̱neb li artal yi̱banbil riqꞌuin xan.


Li cui̱nk naxyocꞌ li cheꞌ chokꞌ xsiꞌ ut riqꞌuin aꞌan naxkꞌixna rib. Naxtzꞌab lix xam re tixyi̱b lix caxlan cua. Ut riqꞌuin ajcuiꞌ li cheꞌ aꞌan naxyi̱b lix dios re tixlokꞌoni. Naxyi̱b lix jalam u̱ch ut naxcuikꞌib rib chiru.


Eb aꞌan quineꞌxtzꞌekta̱na nak queꞌxcꞌat xmayejeb chiru li jalanil dios. Queꞌxchikꞌ injoskꞌil riqꞌuin li incꞌaꞌ us queꞌxba̱nu. Incꞌaꞌ tincanabeb chi joꞌcan. Toj tincuisi injoskꞌil saꞌ xbe̱neb li tenamit aꞌin.


Joꞌcan nak laj Azarías qui-el chixcꞌulbal laj Asa ut quixye re: —At rey Asa, chacuabi taxak li cꞌaꞌru tinye a̱cue. Ut cherabihak ajcuiꞌ la̱ex li ralal xcꞌajol laj Judá ut la̱ex li ralal xcꞌajol laj Benjamín. Li Ka̱cuaꞌ ta̱cua̱nk e̱riqꞌuin cui la̱ex cua̱nkex riqꞌuin aꞌan. Cui te̱sicꞌ li Dios, aꞌan tixcꞌutbesi rib che̱ru. Abanan cui te̱tzꞌekta̱na, li Dios textzꞌekta̱na ajcuiꞌ la̱ex.


Abanan cui la̱ex te̱jal le̱ naꞌleb ut te̱canab xba̱nunquil le̱ taklanquil li yo̱quin chixqꞌuebal e̱re, ut cui te̱canab xba̱nunquil li cꞌaꞌru naxye saꞌ lin chakꞌrab li xinqꞌue e̱re, ut cui la̱ex tex-oc chixlokꞌoninquil jalanil dios ut texcꞌanjelak chiruheb,


Joꞌcan ajcuiꞌ ta̱cꞌulma̱nk nak li Ka̱cuaꞌ ta̱a̱tinak chi cau xya̱b xcux riqꞌuineb lix soldado ut teꞌxba̱nu li cꞌaꞌru tixye. Kꞌaxal cuiꞌchic nabaleb ut cauheb rib. Ut kꞌaxal xiu xiu nak ta̱cuulak li cutan aꞌan nak li Ka̱cuaꞌ ta̱rakok a̱tin. ¿Ani ta biꞌ ta̱ru̱k tixcol rib chiru?


Ut li joꞌ qꞌuial chic li cristian li incꞌaꞌ queꞌcamsi̱c xban li raylal aꞌan incꞌaꞌ ajcuiꞌ queꞌyotꞌeꞌ xchꞌo̱leb ut incꞌaꞌ queꞌxcanab xba̱nunquil li ma̱usilal. Incꞌaꞌ queꞌxcanab xlokꞌoninquil li ma̱us aj musikꞌej chi moco queꞌxcanab xlokꞌoninquileb li jalanil dios yi̱banbil riqꞌuin oro, plata, kꞌan chꞌi̱chꞌ bronce joꞌ ajcuiꞌ riqꞌuin pec ut cheꞌ. Incꞌaꞌ queꞌxcanab xlokꞌoninquileb li yi̱banbil dios aꞌin, li incꞌaꞌ nequeꞌiloc, chi moco nequeꞌabin, chi moco nequeꞌbe̱c.


La̱ex aj Judá, ¿ma incꞌaꞌ ta biꞌ xeyi̱b le̱ dios re textenkꞌa? ¿Ma incꞌaꞌ ta biꞌ ta̱ru̱k te̱tzꞌa̱ma e̱tenkꞌanquil riqꞌuin aꞌan? Cui cuanqueb xcuanquil, chextenkꞌa nak cua̱nkex saꞌ raylal. Kꞌaxal nabaleb le̱ jalanil dios. Chanchan xqꞌuialeb le̱ tenamit.


Ma̱cꞌaꞌ na-oc cuiꞌ li cꞌaynakeb chixba̱nunquil. Nequeꞌxtꞌan jun li cheꞌ saꞌ qꞌuicheꞌ. Ut laj pechꞌ naxtrabaji riqꞌuin lix chꞌi̱chꞌ.


Quixba̱nu ban joꞌ queꞌxba̱nu lix reyeb laj Israel. Ut quixyi̱b lix jalanil dios chꞌi̱chꞌ Baal xcꞌabaꞌ.


Xebok raylal saꞌ e̱be̱n xban li ma̱usilal queba̱nu. Li incꞌaꞌ us li queba̱nu texqꞌue chixtojbal le̱ ma̱c. Anakcuan te̱qꞌue retal li raylal quebok saꞌ e̱be̱n nak quine̱tzꞌekta̱na, ut quecanab xxucuanquil cuu, la̱in li Ka̱cuaꞌ le̱ Dios, chan li Ka̱cuaꞌ li nimajcual Dios.


¿Ma incꞌaꞌ nacacuil cꞌaꞌru yo̱queb saꞌ eb li tenamit li cuanqueb Judá? ¿Ma incꞌaꞌ nacacuil cꞌaꞌru yo̱queb saꞌ eb li be aran Jerusalén?


Eb li cocꞌal nequeꞌxcꞌam chak li siꞌ. Ut eb li cui̱nk nequeꞌxloch li xam. Ut eb li ixk nequeꞌxyi̱b li caxlan cua re xlokꞌoninquil li jalanil dios li nequeꞌxye re “Reina re li choxa”. Nequeꞌxmayeja li vino chiruheb li jalanil dios re xqꞌuebal injoskꞌil.


Li Ka̱cuaꞌ quixye: —Abanan eb lin tenamit xineꞌxtzꞌekta̱na. Incꞌaꞌ chic niquineꞌxlokꞌoni. Aꞌ chic li jalanil dios nequeꞌxlokꞌoni ut nequeꞌxcꞌat li pom chiru. Queꞌxcanab xba̱nunquil li ti̱quilal li queꞌxba̱nu junxil. Junes chic li incꞌaꞌ us nequeꞌxba̱nu.


Ut riqꞌuin la̱ cha̱bil akꞌ li quinqꞌue a̱cue catikibeb la̱ yi̱banbil dios. Ut camayeja ajcuiꞌ lin aceite ut lin incienso chiruheb.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ