Jeremías 1:14 - Li Santil hu

¹⁴ Ut li Ka̱cuaꞌ quixye cue: —Saꞌ li norte ta̱cha̱lk chak li raylal saꞌ xbe̱neb chixjunileb li cuanqueb saꞌ li naꞌajej aꞌin.

Q'eqchi Bible

¹⁴ Toja' naq li Qaawa' kixye we: “Relik chi yaal naq sa' xjayal releb'l iq' taachalq li rahilal sa' xb'een chixjunil li tenamit a'in.

Jeremías 1:14 ပူးပေါင်းရင်းမြစ်များ

Jeremías 10:22

Abihomak. Qꞌuehomak retal li esilal li yo̱ chak chi cha̱lc. Cꞌajoꞌ li choki̱nc saꞌ li nimla tenamit li cuan saꞌ li norte. Teꞌxsach ru chixjunileb li tenamit li cuanqueb Judá. Ta̱cana̱k chi ma̱cꞌaꞌ chic cuan chi saꞌ. Ta̱cana̱k chokꞌ xnaꞌaj laj xoj, chan laj Jeremías.

Jeremías 6:1

La̱ex, li ralal xcꞌajol laj Benjamín, elenkex saꞌ li tenamit Jerusalén re xcolbal e̱rib. Ya̱basihomak le̱ trompeta aran Tecoa. Cꞌu̱bumak junak li xam saꞌ li naꞌajej Bet-haquerem chokꞌ retalil li nimla raylal ut li sachecꞌ li yo̱ chak chi cha̱lc saꞌ li norte.

Jeremías 4:6

Cꞌutumakeb li be li naxic Sión. Tex-e̱lelik chi junpa̱t re te̱col e̱rib xban nak saꞌ li norte ta̱cha̱lk chak li raylal li tixqꞌue li Ka̱cuaꞌ saꞌ e̱be̱n. Ta̱sachekꞌ ru chixjunil.

Isaías 41:25

La̱in xinsicꞌ ru jun saꞌ li este. Aꞌan ta̱cha̱lk saꞌ li norte chi pletic. Aꞌan tixya̱ba lin cꞌabaꞌ ut ta̱numta̱k saꞌ xbe̱neb li cuanqueb xcuanquil. Chanchanakeb li sulul chiru malaj ut joꞌakeb li seb chiru laj pacꞌonel.

Ezequiel 1:4

Quicuil nak yo̱ chak chi cha̱lc saꞌ li norte jun cacuil ikꞌ. Li ikꞌ aꞌan yo̱ chak chixcꞌambal jun li chok sutsu riqꞌuin xam ut nalemtzꞌun. Chanchan yo̱ chi repoc joꞌ nak narepoc li ca̱k. Ut saꞌ li chok nacꞌutun jun li xam ut saꞌ li xam cuan jun li nalemtzꞌun joꞌ li kꞌan chꞌi̱chꞌ bronce.

Jeremías 50:41

Qꞌuehomak retal. Yo̱queb chak chi cha̱lc eb li soldado saꞌ li nimla tenamit li cuan saꞌ li norte. Rochbeneb aꞌan cuanqueb nabaleb li rey li teꞌcha̱lk saꞌ chixjunil li ruchichꞌochꞌ.

Jeremías 50:9

La̱in tinqꞌue saꞌ xchꞌo̱leb li xni̱nkal ru tenamit li cuanqueb saꞌ li norte nak teꞌxjunaji ribeb ut teꞌcha̱lk chi pletic riqꞌuineb laj Babilonia. Saꞌ li norte teꞌcha̱lk li teꞌnumta̱k saꞌ xbe̱neb. Teꞌxnau chi us cutuc riqꞌuin tzimaj ut ti̱cak rukꞌeb.

Jeremías 46:20

Li naꞌajej Egipto chanchan jun li cha̱bil tukꞌ ixk cuacax. Abanan ta̱sachekꞌ ru xbaneb li teꞌcha̱lk saꞌ li norte.

Jeremías 31:8

La̱in tincꞌameb chak lin tenamit saꞌ eb li naꞌajej li cuanqueb cuiꞌ saꞌ li norte. Tinchꞌutub ruheb chixjunileb yalak bar cua̱nkeb saꞌ ruchichꞌochꞌ. Eb li mutzꞌ ruheb ut eb li ye̱k rok teꞌcha̱lk rochbeneb, joꞌ eb ajcuiꞌ li yaj aj ixk ut li ac xeꞌqꞌuira. Kꞌaxal nabaleb li qꞌuila tenamit li teꞌcha̱lk.

Jeremías 6:22

Li Ka̱cuaꞌ quixye: —Cuan jun li nimla tenamit cau rib saꞌ li norte ut yo̱ chak chi cauresinquil rib re ta̱cha̱lk chi pletic.

Isaías 14:31

Japomak e̱re chi ya̱bac che̱junilex la̱ex aj filisteo. Nabaleb li soldado xeꞌchal saꞌ li norte chi pletic e̱riqꞌuin. Chanchan li sib. Ut ma̱ jun reheb ta̱e̱lk saꞌ xya̱nkeb lix comon.

Jeremías 11:17

La̱in li nimajcual Dios. La̱in quinsicꞌoc ruheb ut la̱in ajcuiꞌ xinyehoc reheb nak teꞌxcꞌul li raylal aꞌin xban nak eb laj Judá ut eb laj Israel xeꞌxchikꞌ injoskꞌil riqꞌuin xcꞌatbal li pom chiru li yi̱banbil dios Baal, chan li Dios.

Jeremías 47:2

Li Ka̱cuaꞌ quixye: —Qꞌuehomak retal. Yo̱keb chak chi cha̱lc saꞌ li norte eb laj Babilonia chixsachbal ruheb laj filisteo. Chanchan nak nabutꞌin li nimaꞌ nak yo̱keb chi cha̱lc. Chanchan nak li butꞌ ta̱numekꞌ saꞌ eb li naꞌajej ut tixsach chixjunileb li tenamit joꞌ eb ajcuiꞌ li cuanqueb chi saꞌ. Eb li cristian japjo̱keb re chi ya̱bac xban li raylal ta̱cha̱lk saꞌ xbe̱neb.

Ezequiel 24:3

Tat-a̱tinak riqꞌuineb laj Israel laj kꞌetoleb a̱tin. Ta̱ye reheb li jaljo̱quil ru a̱tin aꞌin. Joꞌcaꞌin xye li nimajcual Dios: Qꞌuehomak li ucꞌal saꞌ xam ut qꞌuehomak haꞌ chi saꞌ.

Joel 2:20

La̱in tinyolesiheb laj sa̱cꞌ li queꞌchal saꞌ li norte. Cuan li tebintakla saꞌ li chaki chꞌochꞌ. Cuan li tebintakla saꞌ li palau Mar Muerto ut cuan li tebintakla saꞌ li palau Mediterráneo. Ut telajeꞌca̱mk. Teꞌkꞌa̱k ut teꞌchuhokꞌ. Sachba chꞌo̱lej tinba̱nu nak tincoleb lin tenamit, chan.

Zacarías 6:6

Li carruaje li quelonbil xbaneb li cacua̱y kꞌek rixeb yo̱queb chi xic saꞌ li norte, ut li carruaje li quelonbil xbaneb li cacua̱y sak rixeb yo̱queb chi xic saꞌ li oeste li na-oc cuiꞌ li sakꞌe ut li quelonbil xbaneb li repex rixeb yo̱queb chi xic saꞌ li sur.—

Jeremías 25:9

Joꞌcan nak la̱in tinbokeb chixjunileb li xni̱nkal ru tenamit li cuanqueb saꞌ li norte. Ta̱cha̱lk ajcuiꞌ rochbeneb laj Nabucodonosor lix reyeb laj Babilonia, li ta̱cꞌanjelak chicuu. La̱in tintaklaheb chi numta̱c saꞌ xbe̱neb li cuanqueb saꞌ li naꞌajej aꞌin, joꞌ eb ajcuiꞌ li tenamit li cuanqueb chi xjun sutam re nak tinsach ruheb chi junelic. Xiu xiu rilbal teꞌcana̱k ut teꞌseꞌe̱k.