Jeremías 1:12 - Li Santil hu

¹² Ut li Ka̱cuaꞌ quixye cue: —Ya̱l nak aꞌan li xacuil. Ut ya̱l ajcuiꞌ nak ta̱uxma̱nk li cꞌaꞌru xinye.—

Q'eqchi Bible

¹² “Yaal li xawil -chan we li Qaawa'-. Xb'aan naq yo'oon wanqin re naq chi'uxq li k'aru xinye”.

Jeremías 1:12 ပူးပေါင်းရင်းမြစ်များ

Ezequiel 12:28

Joꞌcan nak ta̱ye reheb nak la̱in li nimajcual Dios ninye chi joꞌcaꞌin: Incꞌaꞌ tinba̱yk chixba̱nunquil li cꞌaꞌru xinye. Li cꞌaꞌru xinye ta̱cꞌulma̱nk chi junpa̱t, chan li Dios.

Ezequiel 12:25

La̱in li Ka̱cuaꞌ tinye li cꞌaꞌru nacuaj xyebal ut ta̱cꞌulma̱nk chi junpa̱t li cꞌaꞌru ninye. Ut la̱ex li nequekꞌetkꞌeti e̱rib te̱ril nak tinba̱nu li cꞌaꞌru ninye. Toj cua̱nkex ajcuiꞌ la̱ex nak tinba̱nu li cꞌaꞌru ninye. La̱in li Ka̱cuaꞌ ninyehoc re aꞌin.

San Lucas 10:28

Ut li Jesús quixye re: —Ya̱l li xaye. Ba̱nu aꞌin ut ta̱cua̱nk a̱yuꞌam chi junelic, chan.

Amós 8:2

Li Ka̱cuaꞌ quixpatzꞌ cue: —¿Cꞌaꞌru yo̱cat chirilbal, at Amós?— La̱in quinchakꞌoc ut quinye re: —Yo̱quin chirilbal jun chacach quiꞌil kꞌe̱n kꞌan. Ut li Ka̱cuaꞌ quixye cue: —Xcuulac xkꞌehil li rakba a̱tin saꞌ xbe̱neb lin tenamit Israel. Ac nequeꞌxnau xya̱lal. Joꞌcan nak incꞌaꞌ chic tincuyeb xma̱c.

Deuteronomio 5:28

Li Ka̱cuaꞌ quirabi li cꞌaꞌru xeye cue ut quixye cue, “La̱in xcuabi chixjunil li queꞌxye a̱cue eb li tenamit aꞌin. Us li cꞌaꞌru xeꞌxye.

Deuteronomio 32:35

Cuulac re xkꞌehil nak li Ka̱cuaꞌ tixqꞌue re̱kaj reheb li incꞌaꞌ us queꞌxba̱nu ut telajeꞌtꞌanekꞌ. Cuulac re xkꞌehil nak teꞌsachekꞌ ruheb ut teꞌosokꞌ.

Deuteronomio 18:17

Joꞌcan nak li Ka̱cuaꞌ quixye cue, “Us li cꞌaꞌru xeꞌxye.

San Lucas 20:39

Cuanqueb laj tzꞌi̱b queꞌchakꞌoc ut queꞌxye re: —At tzolonel, tzꞌakal re ru li xaye, chanqueb.

Jeremías 31:28

Chanru nak xebinqꞌue saꞌ raylal ut xeꞌcuisi saꞌ lix naꞌajeb, ut xinrahobtesiheb ut xebinsach, joꞌcan ajcuiꞌ nak tebincuaclesi cuiꞌchic ut tintenkꞌaheb chixyi̱banquil lix tenamiteb re nak teꞌcua̱nk aran.

Jeremías 1:13

Ut quixye cuiꞌchic cue li Ka̱cuaꞌ: —Ut anakcuan, ¿cꞌaꞌru li yo̱cat chirilbal?— Ut la̱in quinye re: —Yo̱quin chirilbal jun li ucꞌal saꞌ li norte yo̱ chi cuokxi̱nc ut yo̱ chi salku̱c chak arin.—

Isaías 55:11

Joꞌcan ajcuiꞌ li cua̱tin. Incꞌaꞌ nacana yal chi joꞌcan. Naxba̱nu ban xcꞌanjel joꞌ nacuaj la̱in. Naxba̱nu chi tzꞌakal li cꞌaꞌru nintakla cuiꞌ, chan li Ka̱cuaꞌ.

Jeremías 24:3

Ut li Ka̱cuaꞌ quixye cue: —At Jeremías, ¿cꞌaꞌru li yo̱cat chirilbal? chan. Ut la̱in quinye re: —Yo̱quin rilbal li higos. Li higos cha̱bil, aꞌan kꞌaxal cha̱bil ut li incꞌaꞌ us, incꞌaꞌ naru xtzacanquil xban nak incꞌaꞌ us, chanquin.