Jeremías 1:11 - Li Santil hu

¹¹ Ut li Ka̱cuaꞌ quia̱tinac cuiꞌchic cuiqꞌuin ut quixye cue: —At Jeremías, ¿cꞌaꞌru li yo̱cat chirilbal?— La̱in quinchakꞌoc ut quinye re: —Yo̱quin chirilbal jun rukꞌ cheꞌ almendro.—

Q'eqchi Bible

¹¹ Moqon chik li Qaawa' kinraatina chi jo'ka'in: “K'aru yookat chi rilb'al, a Jeremías?”. Kinchaq'ok ut kinye: “Yookin chi rilb'al jun ruq' li che' almeendr, a' li «che' re yo'lenk» nayeemank re”.

Jeremías 1:11 ပူးပေါင်းရင်းမြစ်များ

Amós 7:8

Ut li Ka̱cuaꞌ quixye cue: —¿Cꞌaꞌru li yo̱cat chirilbal, at Amós?— Ut la̱in quinye: —Yo̱quin chirilbal jun li plomo cuan saꞌ a̱cuukꞌ. Ut li Ka̱cuaꞌ quixye cue: —Riqꞌuin li bisleb plomo, ta̱cꞌutu̱nk nak eb lin tenamit incꞌaꞌ nequeꞌcuan saꞌ ti̱quilal. Ut la̱in incꞌaꞌ chic tebincuy xma̱c riqꞌuin li ma̱usilal nequeꞌxba̱nu.

Amós 8:2

Li Ka̱cuaꞌ quixpatzꞌ cue: —¿Cꞌaꞌru yo̱cat chirilbal, at Amós?— La̱in quinchakꞌoc ut quinye re: —Yo̱quin chirilbal jun chacach quiꞌil kꞌe̱n kꞌan. Ut li Ka̱cuaꞌ quixye cue: —Xcuulac xkꞌehil li rakba a̱tin saꞌ xbe̱neb lin tenamit Israel. Ac nequeꞌxnau xya̱lal. Joꞌcan nak incꞌaꞌ chic tincuyeb xma̱c.

Zacarías 5:2

Ut li ángel quixye cue: —¿Cꞌaꞌru yo̱cat chirilbal?— La̱in quinchakꞌoc ut quinye re: —Yo̱quin chirilbal jun li botbil hu yo̱ chi xic saꞌ ikꞌ. Laje̱b metro rok ut o̱b metro ru.—

Zacarías 4:2

Ut quixye cue: —¿Cꞌaꞌru yo̱cat chirilbal?— Ut la̱in quinchakꞌoc ut quinye re: —Yo̱quin chirilbal jun li candelero yi̱banbil riqꞌuin oro. Ut saꞌ xbe̱n cuan xnaꞌaj li aceite ut cuan xnaꞌaj cuukub candil ut cuan ajcuiꞌ cuukub li nanumeꞌ cuiꞌ li aceite.

Jeremías 24:3

Ut li Ka̱cuaꞌ quixye cue: —At Jeremías, ¿cꞌaꞌru li yo̱cat chirilbal? chan. Ut la̱in quinye re: —Yo̱quin rilbal li higos. Li higos cha̱bil, aꞌan kꞌaxal cha̱bil ut li incꞌaꞌ us, incꞌaꞌ naru xtzacanquil xban nak incꞌaꞌ us, chanquin.

Números 17:8

Cuulajak chic laj Moisés qui-oc saꞌ li tabernáculo ut quiril nak lix xukꞌ li queꞌxqꞌue saꞌ xcꞌabaꞌ laj Leví ac x-el xtux. Ut qui-atzꞌumac ut quiru̱chin li almendra.

Ezequiel 7:10

Xcuulac xkꞌehil nak tex-osokꞌ. Xcuulac xkꞌehil nak te̱toj rix li ma̱usilal xeba̱nu xban nak le̱ ma̱usilal xnumta yalak bar ut xnumta le̱ kꞌetkꞌetil.

Génesis 30:37

Laj Jacob quixsicꞌ oxib pa̱y ru li cheꞌ, aꞌ li álamo, li avellano ut li castaño xcꞌabaꞌeb. Quixyocꞌ eb li rukꞌ li cheꞌ li toj rax. Quixmichꞌ caꞌchꞌin rixeb li cheꞌ re nak teꞌcꞌutu̱nk chi repex rixeb li rukꞌ cheꞌ.

Isaías 55:11

Joꞌcan ajcuiꞌ li cua̱tin. Incꞌaꞌ nacana yal chi joꞌcan. Naxba̱nu ban xcꞌanjel joꞌ nacuaj la̱in. Naxba̱nu chi tzꞌakal li cꞌaꞌru nintakla cuiꞌ, chan li Ka̱cuaꞌ.

Ezequiel 12:25

La̱in li Ka̱cuaꞌ tinye li cꞌaꞌru nacuaj xyebal ut ta̱cꞌulma̱nk chi junpa̱t li cꞌaꞌru ninye. Ut la̱ex li nequekꞌetkꞌeti e̱rib te̱ril nak tinba̱nu li cꞌaꞌru ninye. Toj cua̱nkex ajcuiꞌ la̱ex nak tinba̱nu li cꞌaꞌru ninye. La̱in li Ka̱cuaꞌ ninyehoc re aꞌin.

Ezequiel 12:28

Joꞌcan nak ta̱ye reheb nak la̱in li nimajcual Dios ninye chi joꞌcaꞌin: Incꞌaꞌ tinba̱yk chixba̱nunquil li cꞌaꞌru xinye. Li cꞌaꞌru xinye ta̱cꞌulma̱nk chi junpa̱t, chan li Dios.