Jeremías 1:10 - Li Santil hu

¹⁰ Abi li tinye a̱cue. Anakcuan xinqꞌue a̱cuanquil saꞌ xbe̱neb li xni̱nkal ru tenamit ut saꞌ xbe̱neb li cuanqueb xcuanquil. Cua̱nk a̱cuanquil chixpoꞌbaleb li tenamit ut chixsachbaleb, chirisinquileb ut chi numta̱c saꞌ xbe̱neb. Ut cua̱nk ajcuiꞌ a̱cuanquil re xcuaclesinquileb cuiꞌchic ut re xqꞌuebal xcacuilal xchꞌo̱leb, chan li Dios cue.

Q'eqchi Bible

¹⁰ Chalen anaqwan xink'e aawankil sa' xb'eeneb' li tenamit ut eb' li awab'ej, re mich'ok ut juk'uk, re sachok ut t'anok, re waklesink ut xaqab'ank”, chan.

Jeremías 1:10 ပူးပေါင်းရင်းမြစ်များ

Jeremías 31:28

Chanru nak xebinqꞌue saꞌ raylal ut xeꞌcuisi saꞌ lix naꞌajeb, ut xinrahobtesiheb ut xebinsach, joꞌcan ajcuiꞌ nak tebincuaclesi cuiꞌchic ut tintenkꞌaheb chixyi̱banquil lix tenamiteb re nak teꞌcua̱nk aran.

Ezequiel 36:36

Ut chixjunileb li xni̱nkal ru tenamit li cuanqueb chixjun sutam teꞌxqꞌue retal nak la̱in li Ka̱cuaꞌ quinyi̱ban reheb li tenamit li juqꞌuinbil. Quinqꞌue cuiꞌchic chixjunil li cuan chi saꞌ. La̱in li Ka̱cuaꞌ ninyehoc re aꞌin ut la̱in ninba̱nu li cꞌaꞌru ninye.

Jeremías 24:6

La̱in tin-ilok reheb ut tincꞌameb cuiꞌchic chak arin saꞌ lix naꞌajeb. Tintenkꞌaheb ut incꞌaꞌ tinsacheb. Tebinqꞌue cuiꞌchic saꞌ lix naꞌajeb ut incꞌaꞌ chic tincuisiheb.

Amós 9:11

Li Ka̱cuaꞌ naxye: —Ta̱cuulak xkꞌehil nak la̱in tincuaclesi̱k cuiꞌchic lix tenamit laj David, li tꞌanenak anakcuan. Tinyi̱b cuiꞌchic li tzꞌac li sutsu cuiꞌ ut tinyi̱b cuiꞌchic li juqꞌuinbil. Tinyi̱b chi chꞌinaꞌus joꞌ nak quicuan junxil.

Amós 3:7

Li Ka̱cuaꞌ incꞌaꞌ tixqꞌue chak li raylal saꞌ xbe̱neb li tenamit chi incꞌaꞌ ta tixye xbe̱n cua reheb lix profeta re nak teꞌxye resil.

Zacarías 1:6

Abanan li a̱tin li quinye quicꞌulman joꞌ quinye. Quicꞌulman joꞌ quinye reheb lin profeta re teꞌxye reheb li tenamit. Queꞌxcꞌul li raylal le̱ xeꞌto̱nil yucuaꞌ joꞌ quinye. Joꞌcan nak queꞌyotꞌeꞌ xchꞌo̱l ut queꞌxjal xcꞌaꞌuxeb. Queꞌxye, “Xkacꞌul ajcuiꞌ li cꞌaꞌru quixye chak saꞌ kabe̱n li Ka̱cuaꞌ li nimajcual Dios joꞌ kacꞌulub xcꞌulbal xban li kayehom kaba̱nuhom,” chanqueb.—

Ezequiel 32:18

—At ralal cui̱nk, chirahokꞌ a̱chꞌo̱l xban xqꞌuialeb laj Egipto. Taklaheb saꞌ xnaꞌajeb li camenak rochbeneb li ixk li cuanqueb saꞌ eb li xni̱nkal ru tenamit.

Ezequiel 43:3

Li visión aꞌin chanchan li visión li quicuil nak quichal li Dios chixsachbal ru li tenamit Jerusalén. Ut chanchan li visión li quicuil nak cuanquin chire li nimaꞌ Quebar. La̱in quinhupub cuib saꞌ chꞌochꞌ.

1 Reyes 19:17

Chi joꞌcaꞌin li joꞌ qꞌuial incꞌaꞌ teꞌcamsi̱k xban laj Hazael, aꞌan teꞌcamsi̱k xban laj Jehú. Ut eb li incꞌaꞌ teꞌcamsi̱k xban laj Jehú, aꞌan teꞌcamsi̱k xban laj Eliseo.

1 Reyes 17:1

Quicuan jun li profeta aj Elías xcꞌabaꞌ. Lix tenamit, aꞌan Tisbe li cuan saꞌ xcue̱nt Galaad. Laj Elías quixye re li rey Acab: —Saꞌ xcꞌabaꞌ li Ka̱cuaꞌ, lix Dioseb laj Israel li nincꞌanjelac chiru, la̱in ninye a̱cue nak chiru cuib oxib chihab incꞌaꞌ chic tixqꞌue li hab toj tinye la̱in, chan.

Jeremías 1:5

Nak toj ma̱jiꞌ nacana chi yaj aj ixk la̱ naꞌ, la̱in ac ninnau nak tatyoꞌla̱k. Ut toj ma̱jiꞌ nacatyoꞌla nak xatinsantobresi re tatcꞌanjelak chokꞌ inprofeta saꞌ xya̱nkeb chixjunileb li tenamit, chan li Dios.

Jeremías 25:13

La̱in tinqꞌueheb chixcꞌulbal chixjunil li raylal li xinye. Teꞌxcꞌul chixjunil li raylal li tzꞌi̱banbil saꞌ li hu aꞌin joꞌ quixye li profeta Jeremías chirixeb chixjunileb li tenamit.

Jeremías 31:40

Joꞌ ajcuiꞌ chixjunil li ru takꞌa li nequeꞌmukeꞌ cuiꞌ li camenak ut nequeꞌcuteꞌ cuiꞌ lix chahil, joꞌ eb ajcuiꞌ li cꞌaleba̱l li cuan cuiꞌ li nimaꞌ Cedrón, ut nacuulac ajcuiꞌ toj saꞌ li xuc li cuan cuiꞌ li oqueba̱l li nequeꞌnumeꞌ cuiꞌ li cacua̱y. Chixjunil li naꞌajej aꞌan santobresinbilak chicuu la̱in li Ka̱cuaꞌ. Ut li tenamit incꞌaꞌ chic ta̱sachekꞌ ru chi moco ta̱juqꞌuekꞌ, chan li Dios.

Jeremías 36:2

—Sicꞌ jun botolak li hu ut ta̱tzꞌi̱ba chiru chixjunil li xinye a̱cue chirixeb laj Israel ut chirixeb laj Judá ut tzꞌi̱ba ajcuiꞌ li xinye chirixeb ajcuiꞌ chixjunileb li tenamit jun chꞌol chic. Toj cua̱nk chokꞌ rey laj Josías nak quintiquib a̱tinac a̱cuiqꞌuin ut toj chalen anakcuan.

Jeremías 44:27

La̱in tinba̱nu̱nk re nak incꞌaꞌ us tex-e̱lk. Ta̱sachekꞌ e̱ru. Eb laj judío li cuanqueb Egipto teꞌca̱mk. Teꞌcamsi̱k riqꞌuin chꞌi̱chꞌ saꞌ li ple̱t malaj ut xban cueꞌej.

Jeremías 45:4

Li Ka̱cuaꞌ quixye: —Ye re chi joꞌcaꞌin: La̱in tinjucꞌ li cꞌaꞌru quinxakab ut tincuisiheb li cristian li quinqꞌueheb chi cua̱nc saꞌ chixjunil li naꞌajej aꞌin.

Ezequiel 21:19

—At ralal cui̱nk, ta̱qꞌue retalil cuib li be li teꞌnumekꞌ cuiꞌ lix reyeb laj Babilonia riqꞌuin lix chꞌi̱chꞌ. Li cuib chi be teꞌticla̱k saꞌ jun chi naꞌajej. Ta̱qꞌue retalil saꞌ li xa̱la be cꞌaꞌru tenamitil naxic cuiꞌ li junju̱nk chi be.

Ezequiel 23:36

Ut li Ka̱cuaꞌ quixye cue: —At ralal cui̱nk, tatrakok a̱tin saꞌ xbe̱n lix Ahola ut lix Aholiba. Ta̱ye reheb chixjunil li ma̱usilal li queꞌxba̱nu.

Oseas 6:5

Joꞌcan nak xintaklaheb lin profeta e̱riqꞌuin chixyebal resil li rakba a̱tin cha̱lel saꞌ e̱be̱n xban le̱ ma̱usilal. Ut riqꞌuin li a̱tin x-el chi xtzꞌu̱mal cue, tenebanbil li ca̱mc saꞌ e̱be̱n. Chanchan nak narepoc li ca̱k nak tinrakok a̱tin saꞌ e̱be̱n.

Eclesiastés 3:3

Cuan li ho̱nal re camsi̱nc ut cuan li ho̱nal re banoc. Cuan xcutanquil li sachoc, ut cuan ajcuiꞌ xcutanquil xcuaclesinquil cuiꞌchic li ac tꞌanenak.