Isaías 9:4 - Li Santil hu

⁴ Xban li raylal yo̱queb chixcꞌulbal laj Israel, chanchan cuan jun li yugo saꞌ xbe̱neb ut yo̱queb chi saqꞌuecꞌ riqꞌuin cheꞌ. Abanan xacuisiheb saꞌ raylal. Chanchan xacuisi li yugo ut xatok li cheꞌ. Xasach xcuanquileb li nequeꞌnumta saꞌ xbe̱neb laj Israel. Xasacheb li nequeꞌrahobtesin reheb, joꞌ caba̱nu reheb laj Madián junxil.

Q'eqchi Bible

⁴ Xb'aan naq xawisiheb' chi munil, xakoleb' chiru li tz'uum li narahob'tesink, ut xasach xwankileb' li neke'numtaak sa' xb'eeneb', jo' kab'aanu chaq reheb' laj Madián junxil.

Isaías 9:4 ပူးပေါင်းရင်းမြစ်များ

Isaías 14:25

La̱in tinsach ruheb laj Asiria li cuanqueb saꞌ xnaꞌajeb laj Israel lin tenamit. Tinyekꞌiheb saꞌ cuok aran saꞌ eb lin tzu̱l. Tojoꞌnak tincuisi li a̱lal i̱k li xeꞌxqꞌue saꞌ xbe̱neb laj Israel lin tenamit.

Jeremías 30:8

Saꞌ li cutan aꞌan, chan li Ka̱cuaꞌ, la̱in tincuisi li raylal li cuanqueb cuiꞌ. Chanchan nak tintok li yugo ut tincuisi li cadena li bacꞌbo̱queb cuiꞌ. Incꞌaꞌ chic teꞌqꞌuehekꞌ saꞌ cacuil cꞌanjel xbaneb li jalaneb xtenamit.

Nahum 1:13

Nak cuanquex rubel xcuanquilal eb aꞌan chanchan nak cuan li yugo saꞌ e̱be̱n. Abanan chanchan tintoki li yugo nak texcuisi rubel xcuanquileb aꞌan. Chanchan bacꞌbo̱quex riqꞌuin cadena nak cuanquex xbaneb. Abanan la̱in tintꞌupi li cadena li bacꞌbo̱quex cuiꞌ, chan li Dios reheb laj Israel.

Isaías 54:14

Xban nak ti̱c e̱chꞌo̱l xakxo̱k e̱cuanquil saꞌ xnaꞌaj. Incꞌaꞌ texrahobtesi̱k chi moco texxucuak xbaneb li xicꞌ nequeꞌiloc e̱re.

Isaías 49:26

La̱in tinqꞌueheb chixcamsinquil ribeb chi ribileb rib li queꞌrahobtesin a̱cue. Chanchan nak teꞌcala̱k xban li camsi̱nc xeꞌxba̱nu. Ut chixjunileb li tenamit teꞌxnau nak la̱in li Ka̱cuaꞌ, li nacoloc a̱cue. Teꞌxnau nak la̱in lix Dios laj Jacob ut cau cuib.—

Levítico 26:13

La̱in li Ka̱cuaꞌ le̱ Dios. La̱in quin-isin chak e̱re Egipto re nak incꞌaꞌ chic texcua̱nk chokꞌ rahobtesinbil mo̱s. Chanchan nak cuan li yugo saꞌ e̱cux nak quexcuan rubel xcuanquileb. Abanan la̱in quexcuisi rubel xcuanquileb. Anakcuan naru te̱taksi le̱ riloba̱l nak texbe̱k.

Génesis 27:40

Ut riqꞌuin pletic ta̱col rix la̱ yuꞌam chi junelic. La̱at tatcꞌanjelak chiru la̱ cui̱tzꞌin. Abanan ta̱cuulak xkꞌehil nak la̱at ta̱col a̱cuib chiru ut incꞌaꞌ chic tatcua̱nk rubel xcuanquil. Joꞌcaꞌin ajcuiꞌ teꞌxcꞌul eb la̱ cualal a̱cꞌajol, chan laj Isaac re laj Esaú.

Isaías 10:5

Li Ka̱cuaꞌ quixye: —Eb laj Asiria nequeꞌcꞌanjelac chicuu joꞌ jun li tzꞌu̱m re xqꞌuebaleb chixtojbal xma̱queb li tenamit li yo̱ injoskꞌil saꞌ xbe̱n.

Salmos 125:3

Moco junelic ta cua̱nkeb xcuanquil li incꞌaꞌ useb xnaꞌleb saꞌ xbe̱n lix naꞌajeb lin tenamit. Ma̱re anchal teꞌchꞌina̱nk xchꞌo̱leb li ti̱queb xchꞌo̱l ut teꞌoc xba̱nunquil li ma̱usilal.

Isaías 51:13

¿Cꞌaꞌut nak ninsach saꞌ a̱chꞌo̱l la̱in li Ka̱cuaꞌ li quinyoꞌobtesin a̱cue? La̱in li quinyi̱ban re li choxa ut chixjunil li cuan chiru ut la̱in ajcuiꞌ li quinyi̱ban re li ruchichꞌochꞌ ut quinqꞌue saꞌ xnaꞌaj. ¿Cꞌaꞌut nak junelic yo̱ a̱xiu xbaneb li nequeꞌrahobtesin a̱cue? ¿Cꞌaꞌut nak nacaxucuaheb li nequeꞌraj a̱sachbal? Eb aꞌan ma̱cꞌaꞌ naru teꞌxba̱nu a̱cue.

Isaías 47:6

Nak yo̱ injoskꞌil saꞌ xbe̱n lin tenamit quinkꞌaxtesiheb saꞌ e̱rukꞌ la̱ex. Quinqꞌue lin tenamit chi cꞌutecꞌ xxuta̱n. Ut la̱ex incꞌaꞌ xeril xtokꞌoba̱l ruheb. Usta ac ti̱xeb, xeqꞌueheb chi cꞌanjelac chi cau.

Salmos 81:6

Quicuabi jun xya̱b cux ma̱ jun sut cuabiom. Quixye: —Xexcuisi chak saꞌ li raylal aran Egipto. Chanchan nak xcuisi li i̱k saꞌ e̱be̱n nak xexcuisi chak saꞌ li cacuil trabaj li yo̱quex chixba̱nunquil aran Egipto.

Isaías 9:5

Ta̱cꞌatekꞌ lix xa̱beb li soldados ut ta̱cꞌatekꞌ ajcuiꞌ li rakꞌeb li osoꞌjenak saꞌ quicꞌ.

Isaías 16:4

Choe̱canab chi cua̱nc e̱riqꞌuin. Choe̱col chiruheb li nequeꞌraj kasachbal, chanqueb. Eb aꞌan teꞌsachekꞌ ruheb ut ma̱ anihakeb chic li nequeꞌrahobtesin ke.

Isaías 52:2

Cuaclinkex ut chikꞌomak li poks che̱rix. Cꞌojlankex saꞌ le̱ cꞌojariba̱l la̱ex aj Jerusalén. Isihomakeb li cadena li chapcho̱quex cuiꞌ, la̱ex li cuanquex Sión.

Jeremías 48:17

Ilomak xtokꞌoba̱l ruheb laj Moab, la̱ex li cuanquex chixjun sutam, la̱ex li xenau chanru lix lokꞌal junxil. Yehomak, “Qui-isi̱c xcuanquilal. Xtokeꞌ lix xukꞌ retalil lix cuanquil.”

Isaías 10:16

Joꞌcan nak li nimajcual Dios ta̱risi lix lokꞌal eb li cauheb rib. Tixtakla jun li yajel saꞌ xbe̱neb. Chanchan nak yo̱keb chi cꞌatc xban xam.